पुणे – येथील परिमंडला ३ चे पोलीस उप-आयुक्त, सुहेल शर्मा यांची केंद्रीय गुन्हे अन्वेषण विभाग (CBI) येथे बदली झाल्याने त्यांच्या कार्याचा यथोचित सन्मान करत त्यांचा निरोप समारंभ आज पुणे पोलीस आयुक्तालयात संपन्न झाला .१५ नोव्हेंबर २०२२ रोजी शर्मा यांची पुण्यात उपायुक्तपदावर नियुक्ती झाली होती. २५ डिसेंबर २३ रोजी त्यांची सीबीआय कडे बदली झाली .
यावेळी पोलीस आयुक्त, रितेश कुमार यांचे हस्ते सुहेल शर्मा यांचा सत्कार करण्यात आला. निरोप समारंभास अपर पोलीस आयुक्त, प्रशासन, अरविंद चावरिया, अपर पोलीस आयुक्त, (गुन्हे) व पोलिस सह आयुक्त अतिरिक्त कार्यभार, रामनाथ पोकळे, अपर पोलीस आयुक्त, पश्चिम प्रादेशिक विभाग, प्रविणकुमार पाटील, पोलीस उप-आयुक्त, (गुन्हे), अमोल झेंडे, पोलीस उप-आयुक्त, परि-०२, पुणे, श्रीमती स्मार्तना पाटील, पोलीस उप-आयुक्त, वाहतुक, पुणे, विजय मगर, पोलीस उप-आयुक्त, मुख्यालय, रोहीदास पवार, नवनियुक्त मा. पोलीस उप-आयुक्त, परिमंडळ – ३ श्री. संभाजी कदम तसेच इतर अधिकारी / अमंलदार उपस्थित होते.
सुहेल शर्मा हे भारतीय पोलीस सेवा (आय.पी.एस.) म्हणुन २०१२ रोजी रूजु झाले. त्यांनी चंद्रपुर या जिल्हयातुन आपल्या पोलीस कारकिर्दीला सुरूवात केली. त्यानंतर त्यांनी बुलढाणा, कोल्हापुर, सांगली, मुंबई आणि पुणे शहर येथे उत्कृष्टरित्या कर्तव्य बजावले आहे. २०१६ मध्ये उत्तर (चीन) चे बाजुने जगातील सर्वात उंच शिखर माऊंट एव्हरेस्ट यशस्वीरित्या चढाई करणारे ते पहिले (आय.पी.एस.) अधिकारी देखील आहेत. या साहसा बरोबरच त्यांनी ऑक्सफर्ड या विद्यापीठातुन कायदा व धोरणे यामध्ये पदव्युत्तर पदवी देखील मिळविली आहे.
पुणे शहर पोलीस आयुक्तालया मध्ये दि.१५/११/२०२२ रोजी त्यांनी पोलीस उप-आयुक्त परिमंडळ-०३, म्हणून कार्यभार स्वीकारला. पोलीस उप-आयुक्त म्हणुन कर्तव्य बजावित असताना, त्यांनी परिमंडळ-०३ मधील संवेदनशील व महत्वाचे गुन्हयाचा तपास उत्कृष्ठपणे करुन, सदर गुन्हे उघडकीस आणणेकामी अधिपत्याखालील अधिकारी यांना योग्य मार्गदर्शन केले आहे. त्यांना दि.२५/१२/२०२३ रोजी पोलीस आयुक्तालयाचे आस्थापनेवरून केंद्रीय गुन्हे अन्वेषण विभाग याठिकाणी झालेल्या बदलीवर मोकळीक करण्यात आलेली आहे.