पुणे- कोथरूड येथील सर्वे नंबर ८७ पार्ट येथील रुग्णालयाचे आरक्षण उठविण्याची कार्यवाही बेकायदा असल्याचे माजी विरोधी पक्षनेते उज्वल केसकर यांनी म्हटले आहे. त्यांनी या संदर्भात माध्यमांना सांगितले कि,’महानगरपालिकेच्या मुख्य सभेमध्ये झालेल्या ठरावाच्या अनुषंगाने जर निर्णय करायचा झाला तर पुणे शहरातील विकास आराखड्यातील बहुतांशी आरक्षण ही उठवावी लागतील.मुळात या प्रस्तावाला प्रशासनाचा अभिप्राय नाही.शहर सुधारणा समितीमध्ये मंजूर झालेल्या ठराव क्रमांक 271 दिनांक 11/ 2/ 2022 या ठरावाला सूचक अनुमोदक नाही त्यामुळे मुळात हा ठराव आणि त्याच्या पुढची कार्यवाही ही बेकायदेशीर आहे त्यामुळे या ठरावाच्या अनुषंगाने झालेले सर्व कार्यवाही रद्द करून पूर्ववत आरक्षण ठेवावे.