उदित राज च्या वक्तव्याचा जाहिर निषेध
पुणे:-
देशातील बहुजनांचा विरोध करण्याचे कार्य कॉंग्रेस सुरूवातीपासून करीत आली आहे. कॉंग्रेस मध्ये गेलेला प्रत्येक व्यक्ती त्यामुळे बहुजनविरोधी मानसिकतेने ग्रासलेला आहे. उदित राज सारख्या व्यक्तीने उत्तर प्रदेशच्या चार वेळा मुख्यमंत्री राहीलेल्या, बहुजनांचा आधारस्तंभ, देशाच्या आयरन लेडी सुश्री बहन मायावती जीं बद्दल केलेले वक्तव्य कॉंग्रेसची बहुजनांविरोधी मानसिकता दाखवणारी असल्याचे मत बहुजन समाज पक्षाचे प्रदेश महासचिव आणि पश्चिम महाराष्ट्र मुख्य प्रभारी डॉ.हुलगेश चलवादी यांनी आज,मंगळवारी (दि.१८) व्यक्त केले.बहुजन विरोधी कॉंग्रेस नेतृत्वाला आता वैचारिक आंदोलनातून धडा शिकवण्याची वेळ आली असल्याचे आवाहन यानिमित्ताने डॉ.चलवादी यांनी केले. त्यांनी उदित राज यांच्या वक्तव्याचा जाहिर निषेध करीत त्यांच्याविरोधात गुन्हा दाखल करण्याची मागणी केली आहे.
भारतरत्न डॉ.बाबासाहेब आंबेडकर जिवंत असताना तसेच त्यांच्या मृत्यूनंतर कोट्यवधी शोषित-पीडित, दलित, बहुजनांचा आत्मसन्मान आणि स्वाभिमानाच्या मानवतावादी संषर्घाचा इतर पक्षासह विशेषत: कॉंग्रेसने प्रत्येक स्तरावर तिरस्कार केला आहे. कॉंग्रेस कधीही बहुजनांच्या विचाराधारेवर आणि ध्येयधोरणावर खरी उतरू शकणार नाही, असे मत डॉ.चलवादी यांनी व्यक्त केले.राजकीय पोळी भाजून घेण्यासाठी आणि निवडणुकीच्या राजकारणासाठी कॉंग्रेसने ‘जय बापू, जय भीम, जय मंडल, जय संविधान’ अशा नावावर कितीही कार्यक्रम केले तरी डॉ.बाबासाहेबांचे अनुयायी त्यांच्या मोहात पडणार नाही, असे मत सुश्री बहन मायावती जी यांनी व्यक्त केले असल्याचे डॉ.चलवादी म्हणाले.
आंबेडकरी जनता जागरूक तसेच सतर्क असून ते स्वत:च्या पायावर उभे राहयासाठी संघर्षरत आहेत.पंरतु, काही पक्षबदलू, संधीसाधू आणि स्वार्थी दलित लोक त्यांच्या ‘आकां’ना खुश करण्यासाठी काहीही वक्तव्य करीत आहेत. त्यांच्यापासून बहुजन समाजाला सतर्क राहण्याची गरज आहे. असे वक्तव्य आणि लोकांना गांर्भियाने घेण्याची आवश्यकता नाही. ही मंडळी सामाजिक परिर्वतनाच्या आंदोलनापासून अनभिज्ञ आहेत, असे मत व्यक्त करीत मायावती जी यांनी त्यांच्या विरोधातील वक्तव्याचा समाचार घेतल्याचे डॉ.चलवादी म्हणाले.
