त्या दिवसांत विद्यार्थीनीनी वैयक्तिक स्वच्छतेची काळजी घ्यावी…..मंजुश्री खर्डेकर
पुणे-विद्यार्थीनींनी आता आपल्या मासिक पाळी बद्दल व त्यांच्या त्या दिवसांतील समस्यांवर नि:संकोचपणे बोलले पाहिजे व त्या दिवसांना वर्ज्य न मानता स्वतःच्या स्वच्छतेबाबत जागरुक राहिले पाहिजे असे मत नगरसेविका मंजुश्री खर्डेकर यांनी व्यक्त केले.मासिकपाळी म्हणजे निसर्गाने स्त्रीवर नवनिर्मितीची मोठी जबाबदारी टाकली आहे. त्यामुळे त्याचा संकोच न बाळगता स्रीला त्याचा अभिमान वाटला पाहिजे असे ही त्या म्हणाल्या.या काळात त्यांच्यात होणाऱ्या शारीरिक व मानसिक बदलाबाबत घरी आईने तर शाळेत वर्गशिक्षिकेने त्यांना माहिती देणे गरजेचे असून त्याकाळात मुलींनी घाबरून जाण्याचे कारण नाही असेही मंजुश्री खर्डेकर म्हणाल्या .
लायन्स क्लब ऑफ पुणे कोथरूड ने ऑक्टोबर सेवा सप्ताहांतर्गत आयोजित केलेल्या सॅनेटरी नॅपकीन वाटप कार्यक्रमात त्या बोलत होत्या.एरंडवण्यातील पं दीनदयाळ उपाध्याय शाळेतील १५० विद्यार्थीनींना सॅनेटरी नॅपकीन किट तसेच त्याच्या विल्हेवाटी साठी वेगळ्या डब्यांचे वाटप करण्यात आले.क्लबचे अध्यक्ष गजेंद्र दांगट म्हणाले ” सेवा सप्ताह साजरा करताना समाजातील वंचितांना विविध प्रकारच्या आरोग्य सुविधा मिळाव्यात यासाठी आम्ही प्रयत्नशील असून ताथवडे उद्यानात रक्तातील साखरेची तपासणी,सहकार उद्यानात रक्तदान शिबिर यासह विविध कार्यक्रमाचे आयोजन करुन लायन्स क्लब ने सामाजिक बांधिलकी जपतानाच आरोग्यविषयक कार्यक्रमातून निरोगी व सुदृढ समाज निर्माण करण्याचा संकल्प केला आहे.यावेळी लायन अभय शास्त्री,लायन गणेश बरके,गिरीश गणात्रा,सुनीता चिटणीस,दीनदयाळ शाळेच्या मुख्याध्यापिका एलिझाबेथ काकडे व इतर मान्यवर उपस्थित होते.यावेळी डॉ मनाली कुलकर्णी यांनी वैयक्तिक स्वच्छतेबाबत विद्यार्थीनींना मार्गदर्शन केले.त्या काळात शारीरिक स्वच्छता कशी ठेवायची,पॅड चा वापर कसा करायचा? त्याची विल्हेवाट कशी करायची ह्याची माहिती त्यांनी दिली.
शक्य झाल्यास दिवसातून दोनदा स्नान करावे.तसेच काही त्रास झाल्यास घरातील महिलेस त्याची माहिती द्यावी असे ही त्या म्हणाल्या. यावेळी लायन अभय शास्त्री व नगरसेविका मंजुश्री खर्डेकर यांच्या हस्ते शाळेस किट व नॅपकीन संकलनासाठी वेगळे डबे भेट देण्यात आले.
गजेंद्र दांगट यांनी प्रास्ताविक केले तर एलिझाबेथ काकडे यांनी स्वागत व आभार प्रदर्शन केले.