पुणे, – खडकवासला धरणातून नदीपात्रात 22,500 क्सुसेक्स एवढ्या वेगाने मुठा नदीत पाणी सोडण्यात आले यामुळे महानगरपालिका क्षेत्रातील भिडे पूल पाण्याखाली गेला अनेक नदीकाठच्या मोटारी आणि खाद्य् पदार्थ विक्रीची दुकाने या पाण्याखाली बुडाली . पावसाचा जोर असाच वाढत राहिला तर धरणातून अधीक पाणी सोडण्यात येईल अशी माहिती जिल्हा आपत्ती व्यवस्थापन अधिकारी विठ्ठल बनोटे यांनी दिलीत्यानंतर
खडकवासाला धरणातून सायंकाळी चार नंतर 3100 क्युसेकने पाण्याचा विसर्ग करण्यात आला . या पाण्यामुळे नदीच्या पाण्यात कमालीची वाढ झाली असून नदी काठच्या गावांना सतर्कतेचा इशारा देण्यात आला आहे.
खडकवासला धरणातून सोडण्यात येणा-या पाण्यामुळे मुठा नदीच्या पाणी पातळीत वाढ झाली आहे. त्यामुळे डेक्कन जवळील भिडे पूल पाण्याखाली गेला आहे. तसेच नदीपात्रात पार्क केलेल्या काही दुचाकी आणि चार चाकी गाड्या पाण्यात अडकल्या होत्या. त्यापैकी काही गाड्या अग्निशामक दलाच्या जवानांकडून बाहेर काढण्यात आल्याचे समजते. मंगळवारी सकाळपासून शहराला पाणी पुरवठा करणा-या चार ही धरणात पावसाने दमदार हजेरी लावली. यामुळे धरण क्षेत्राच्या पाणीसाठ्यात मोठ्या प्रमाणावर वाढ झाली असून आज दुपारी चार वाजेपर्यंत या चारही धरणात 73.62 टक्के (21.46 टिएमसी ) पाणीसाठा झाला आहे, अशी माहिती देण्यात आली दरम्यान, पावसाचा जोर असाच राहिल्यास पाण्याच्या विसर्गात वाढ करण्यात येण्याची शक्यता आहे.त्यामुळे पुण्यात पूर सदृश्य स्थिती हि निर्माण होवू शकते या पार्श्वभूमीवर जिल्हा प्रशासन, महापालिका आणि पोलीस या सर्वांना दक्षता घ्यावी लागणार आहे .
