पुणे-पुण्याचं दक्षिण प्रवेशद्वार ..कात्रज ..निसर्गसमृद्धी नं नटलेलं हे प्रवेश द्वार हळू हळू काँक्रीटीकरणानं लोप पावतंय कि काय ? अशी भीती असताना आता चक्क ..पेशवेकालीन ,ऐतिहासिक कात्रजचे रूपवान तळे च जणू नाहीसं झालं आहे ,जणू हरवलं आहे … होय पूर्वीच ते तळं.. आता दुर्गंधीनं आणि जलपर्णीनं माखलं आहे . आज ड्रोन कॅमेरा लावून या तळ्याचा शोध घेण्याची वेळ मनसेच्या नगरसेवकावर आली ..त्याची हि हकीकत ….
गेल्या सुमारे दीडवर्षापासून कात्रज तलावाकडे महापालिका प्रशासनाने दुर्लक्ष केल्याने आता कात्रजचा वरचा तलाव जलपर्णी आणि दुर्गंधीने वेढला आहे . आज या तलावाचे ड्रोन कॅमेरा वापरून मनसे चे स्थानिक नगरसेवक वसंत मोरे यांनी फोटो काढून ते प्रसिद्धीसाठी पाठवले आहेत . येथील भाजपच्या नगरसेवकाने प्रशासनावर दबाव टाकून कात्रजच्या लगतची पण महापालिका हद्दीच्या बाहेरच्या गावांमधील ड्रेनेज च्या कामासाठी महापालिकेच्या तिजोरीतून म्हणजे पुणेकरांच्या पैशातून १० कोटी रुपये मंजूर करवून घेतले होते . यावेळी यातील 2 कोटी रुपये कात्रजच्या तलावाच्या स्वच्छतेसाठी वापरावेत अशी उपसूचना देखील वसंत मोरे यांनी दिली होती . मात्र भाजपच्या या नगरसेवकाच्या हट्टापायी ती नाकारली गेली . महापालिकेत नसलेल्या गावांमधील ड्रेनेजचे काम झाले किंवा कसे याची माहिती मिळू शकली नाही पण कात्रजच्या तलावाची मात्र मोठी दुरवस्था झाली आहे . यासाठी निवडणुकीपूर्वी दिसणारा कात्रजचा तलाव आणि आता निवडणुकीनंतर म्हणजे पावसाळ्यानंतर कात्रजच्या तलावाची झालेली दुरवस्था याकडे वसंत मोरे यांनी नागरिकांचे लक्ष वेधले आहे
सध्या असे जलपर्णी ने कात्रजच्या तळ्याला वेधले आहे ..दुर्गंधी आणि जलपर्णी ने कात्रज च्या तलावाची दुरवस्था झाली आहे
आणि हे पहा कात्रजच्या तलावाचे गेल्या वर्षीचे फोटो ..ना जलपर्णी ,ना दुर्गंधी …आपण येथे महापालिकेकडून कामे करवून घेऊन या तलावाची निगा राखली होती .असे मनसे नगरसेवक वसंत मोरे यांनी सांगितले
