पुणे- स्वर्गवासी झालेल्या आमदार लक्ष्मण जगताप यांच्या कुटुंबाला न्याय दिलात , परंपरा तिथे पाळूनच त्यांच्या अश्विनी लक्षमण जगताप यांना उमेदवारी भाजपने दिली मात्र तोच न्याय आणि परंपरा कसब्याच्या बाबतीत का पाळला गेला नाही असा सवाल भाजपच्या नेतृत्वाला विचारला जातो आहे .आधी मेधा कुलकर्णींना डावलले , नंतर देवेंद्र फडणवीस यांचे मुख्यमंत्री पद टाळले आणि आत्ता टिळक कुटुंबीय यांना संधी नाकारणे म्हणजे कुठेतरी बोचत राहतंय अशी प्रतिक्रिया ब्राम्हण समाजाच्या संघटनेतील काही नेत्यांनी दिली आहे.
भाजप ला काही जातींची केवळ मते हवी असतात.. त्या जाती नकोच असतात,पक्षाचे काम करण हे जेव्हा हेटाळणी च असायचे, लोक चिडवायचे तेव्हा ज्यांनी पक्ष वाढवला आज त्यांनाच खड्यात ढकलल जात आहे,खुल्या प्रवर्गाचा आवाज दाबण्याचा आज पुन्हा प्रयत्न झाला आहे,सर्वच जातींना योग्य प्रतिनिधित्व मिळालं पाहिजे याच भावनेतूनआम्ही हिंदु महासंघ परिस्थितीवर लक्ष ठेवून आहोत.कसबा मतदार संघ निवडणूक लढवण्या बाबत लवकरच निर्णय घेऊ असेही त्यांनी म्हटले आहे.
जगताप कुटुंबाला न्याय अन टिळकांवर मात्र अन्याय ..हे कसले तत्व ?हिंदु महासंघ देणार रासनेंना आव्हान ?
About the author
