पुणे-पवित्र रमजान महिन्यानिमित्त पर्यावरण दिवसानिमित्त कोंढवा खुर्दमधील कौसर बागमधील आर सी किचनच्यावतीने संत गाडगे महाराज शाळेमधील विद्यार्थ्यांना महापौर प्रशांत जगताप यांच्याहस्ते मोफत रोपे वाटप करण्यात आले . या आर सी किचनचे संचालक अब्दुल रहेमान शेख , नासीर शेख , अशफाक सय्यद आदी कार्यक्रमाचे आयोजन केले होते. यावेळी साईनाथ बाबर , परवेझ खान , अब्दुल रशीद इनामदार , ताहेरा पटेल , संजय सारोळकर आदी मान्यवर उपस्थित होते . यावेळी संत गाडगे महाराज शाळेच्या शिक्षिका उपस्थित होते .
यावेळी महापौर प्रशांत जगताप यांनी सांगितले की , वृक्षारोपण करणे ही काळाची गरज असून आपण सर्व विद्यार्थी मोठ्या उत्साहाने या सामाजिक कामात सहभागी झालात याचा मला विशेष आनंद होत आहे , आपणास दिलेले रोप आपण वृक्षारोपण करून त्याची देखभाल करा . आर सी किचनच्यातर्फे रोपे मोफत वाटपाचा उपक्रम कौतुकास्पद आहे , व्यावसायिक कामाबरोबर आपण पर्यावरणाचे रक्षण करण्याचे सामाजिक बंधन जपले आहे .
यावेळी महापौर प्रशांत जगताप यांचे शाल , श्रीफळ व पुष्पगुछ देउन आर सी किचनचे संचालक नासीर शेख यांच्याहस्ते स्वागत करण्यात आले . आर सी किचनने नुकत्याच आपल्या व्यवसायास प्रारंभ केला असून त्यांनी सामाजिक कामातही काम करणार असल्याचे यावेळी सांगितले .
