मुंबई : महाराष्ट्र राज्य पोलीस गृहनिर्माण महामंडळास विकसक म्हणून नेमून पोलीस गृहनिर्माणास गती द्यावी, अशी सूचना आमदार सिद्धार्थ शिरोळे यांनी विधानसभेत बोलताना केली.

महाराष्ट्रात सर्वत्रच पोलीस वसाहतींची अवस्था चांगली राहिलेली नाही. त्या जुन्या झाल्याने दुरूस्त्यांची कामे खूप करावी लागणार आहेत. काही ठिकाणी नवीन वसाहती बांधाव्या लागणार आहेत. ही समस्या आमदार शिरोळे यांनी सोमवारी विधानसभेत मांडली. ते म्हणाले, महाराष्ट्र राज्य पोलीस गृहनिर्माण महामंडळास सर्व महाराष्ट्रासाठी जर विकसक म्हणून नेमले तर, पोलीस हौसिंग ला मोठी गती मिळेल.

गृह विभागाच्या संदर्भात छत्रपती शिवाजीनगर मतदार संघातील गणेशखिंड रोडवरील विशेष पोलीस महानिरीक्षक मोटर परिवहन विभाग पुणे महानगरपालिकेस हस्तांतरित करणे बाकी आहे,तो करारनामा झाल्यास ट्राफिक चा प्रश्न सुटेल,गृहमंत्र्यांनी हस्तांतरित करण्याचे निर्देश द्यावेत,अशी विनंती आमदार सिद्धार्थ शिरोळे यांनी केली.

पुणे-शहरात वाहतुकीची कोंडी होणार नाही आणि सुरळीत वाहतूक असेल हि जबाबदारी महापालिकेची असून त्या दृष्टीने महापालिकेचे अधिकारी आता गतीने काम करतील दरमहा यावर आढावा घेतला जाईल कात्रज कोंढवा रस्ता,सातारा-मुंबई रस्ता व पुणे-हडपसर -सोलापूर रस्ता रुंदीकरणासाठी उर्वरित भूसंपादन दीड महिन्यात केले जाईल असे महापालिका प्रश्नाच्या वतीने आज येथे सांगण्यात आले आहे.

शहरातील वाहतुक कोंडी कमी करण्याच्या उद्देशाने आज मंगळवार दिनांक ८/७/२०२५ रोजी मा. महापालिका आयुक्त नवल किशोर राम यांच्या अध्यक्षतेखाली आणि जिल्हाधिकारीजितेंद्र डुडी यांच्या उपस्थितीत पुणे महानगरपालिकेच्या सक्तीच्या सर्व भूसंपादनाच्या प्रस्तावांचा आढावा घेण्यात आला. सक्तीच्या भूसंपादना संदर्भात पुणे महानगरपालिकेमार्फत पाठविलेल्या विविध विभागांच्या एकूण ४२ प्रस्तावांचे सादरीकरण करण्यात आले. यात मुख्यत्वे सर्वाधिक ३४ प्रस्ताव पथ विभागाशी संबंधित असून उर्वरीत ८ प्रस्ताव इतर खाती, उदा. पी.एम.पी.एम.एल., एस.टी., इत्यादी विभागांशी संबंधित होते. प्रत्येक प्रस्तावाच्या सद्यस्थितीवर चर्चा झाली व सखोल आढावा घेण्यात आला.
कात्रज कोंढवा रस्ता , सातारा – मुंबई रस्ता व पुणे – हडपसर -सोलापूर रस्ता जोडणाऱ्या शहरातील बहुतांश जड वाहतुक असणाऱ्या रस्त्याच्या तीन टप्प्यात सादर केलेल्या भूसंपादनाची कार्यवाही तातडीने ऑगस्ट २०२५ पर्यंत पूर्ण करण्याचे निर्देश देण्यात आले. यापैकी मिसींग लिंक मधील रस्त्यांचे भूसंपादनासाठी संयुक्त मोजणी १५ जुलै ते २५ जुलै २०२५ या कालावधीत मिशन मोडमध्ये पूर्ण करण्याचे निर्देश भूमी अभिलेख विभागाला देण्यात आले. सनसिटी येथून कर्वेनगर रस्त्याकडे जाणाऱ्या बांधण्यात येणाऱ्या पूलाच्या ॲप्रोच रोडचे भूसंपादनसाठी देखिल तातडीने अधिसूचना निर्गमितकरण्याचे निर्देश देण्यात आले.
यापुढे वाहतुक कोंडी सोडविण्याच्या दृष्टीने सर्व भूसंपादन प्रकरणे फास्ट ट्रॅक पध्दतीने पूर्ण करण्यासाठी महसूल, म.न.पा. व नगर रचना विभागाच्या अधिकाऱ्यांच्या Task Force गठीत करण्याचे निर्देश देण्यात येवून या टास्क फोर्सद्वारे एकत्रित आठवड्यातून एकदा बैठक घेवून विभागांशी समन्वय ठेवून भूसंपादन प्रकरणे विनाविलंब करण्यासाठी आवश्यक कार्यवाही करण्याचे निर्देश देण्यात आले. त्यासोबत – महात्मा फुले वाडा व क्रांतीज्योती सावित्रीबाई फुले स्मारक व एकत्रीकरण व विस्तारीकरण साठीचे भूसंपादन देखिल फास्ट ट्रॅक पध्दतीने पूर्ण करण्याचे निर्देश देण्यात आले.
महिन्यातून एकदा अशी आढावा बैठक आयोजित करण्यात येणार असून निश्चित केलेल्या तारखांनुसार प्रगती होते किंवा नाही याची खातरजमा करण्यात येणार आहे. शहरातील वाहतुक सुधारणा करण्याच्या दृष्टीने महत्वाची सर्व भूसंपादन प्रकरणे सर्व संबंधित अधिकारी यांनी प्राधान्य देवून भूसंपादन करावे. यासाठी लागणाऱ्या निधीबाबत योग्य नियोजन करून म.न.पा. द्वारे तसेच शासन अनुदानाद्वारे पुरेसा निधी उपलब्ध करून देण्यात येईल असे महापालिका आयुक्त यांनी स्पष्ट केले. अशाप्रकारची बैठक ही पहिल्यांदाच आयोजित करण्यात आली आहे.
सदर बैठकीला अतिरिक्त महापालिका आयुक्त ( विशेष ) ओमप्रकाश दिवटे, पथ विभागाचे मुख्य अभियंता अनिरूध्द पावसकर, उप आयुक्त ( भूसंपादन व मालमत्ता व्यवस्थापन ) श्रीमती शकुंतला बारवे, तसेच महसूल विभागाकडील Superintendent of Land records (SLR), Deputy SLR, Special Land acquisition Officer क्रमांक १५ व १६ तसेच पुणे महानगरपालिकेचे व महसूल विभागाचे इतर अधिकारी उपस्थित होते.

पुणे- पुणे जिल्हा ग्रंथालय संघाचे कार्याध्यक्ष आणि पीएमपीएमएल चे माजी अध्यक्ष चंद्रशेखर कपोते यांनी मुंख्यामंत्री, उपमुख्यमंत्री यांच्या कडे, ‘पं. दिनदयाल उपाध्याय यांचे १९ खंड सार्वजनिक ग्रंथालयांना मोफत दिले त्याप्रमाणे छत्रपती शिवाजी महाराज व छत्रपती संभाजी  महाराज यांची चरीत्रे मोफत उपलब्ध करून द्या अशी मागणी केली आहे. ते म्हणाले,” महाराष्ट्र शासनातर्फे प्रकाशित होणाऱ्या विविध प्रकाशनाचे महाराष्ट्राचे आराध्य दैवत छत्रपती शिवाजी महाराज व छत्रपती संभाजी महाराज ह्या थोर व्यक्तीमत्वाबद्दल गौरवग्रंथ ,जीवन चरीत्र किंवा कुठल्याही प्रकारचे साहित्या उपलब्ध नसणे ही महाराष्ट्र राज्याच्या दृष्टीने आश्चर्यकारक व लाजिरवाणी गोष्ट आहे “

महाराष्ट्र शासनाची विविध प्रकाशने पुणे ,मुंबई ,नागपूर कोल्हापूर या ठिकाणी छपाई होऊन विक्रीसाठी उपलब्ध असतात. फोटो झिंको ,पुणे येथील कार्यालयामध्ये उपलब्ध आहेत,महाराष्ट्र राज्य साहित्य आणि संस्कृतीमंडळ ,जनगणना कार्यालय ,भाषा संचालनालय , महाराष्ट्र राज्य मराठी विश्वकोष निर्मिती मंडळ ,सामान्य प्रशासन‌विभाग ,महाराष्ट्र विधान मंडळ ,सचिवालय  तसेच इतर अनेक शासकिय प्रकाशनाने  छत्रपती शिवाजी महाराज व छत्रपती संभाजी महाराज  या जागतिक दर्जाच्या व्यक्तिमत्वाबद्दल गौरवग्रंथ ,चरीत्रग्रंथ असे कुठलेही साहीत्य उपलब्ध नाही,तरी कृपया शासनाने ज्याप्रमाणे भारतरत्न‌ डॉ. बाबासाहेब आंबेडकर चरीत्र साधने खंड ५२ , महात्मा ज्योतिबा फुले चरीत्र साधने प्रकाशन समिती ,महाराज सयाजीराव‌ गायकवाड चरीत्र साधने प्रकाशन‌ समितिद्वारे अनेक दर्जेदार ग्रंथ प्रकाशित होत असतात.त्याप्रमाणे  छत्रपती शिवाजी महाराज चरीत्र साधने समिती व छत्रपती संभाजी महाराज चरीत्र साधने समितीची निर्मिती करून गौरवग्रंथ ,चरीत्र तसेच वेगवेगळ्या राज्यांमधे व परदेशातील विविध संग्रहालयात असलेल्या छत्रपती शिवाजी महाराज व‌ छत्रपती संभाजी महाराज यांच्याबद्दलचे अहीनेक दस्ताऐवज  तसेच त्या काळातील‌ महाराष्ट्रात आलेल्या परदेशी आधिकारी व जगप्रसिध्द प्रवाश्यांची अनेक रोचक वर्णने ,आठवणी  असे साहीत्य इतर भाषामधे उपलब्ध आहे, त्यांचे मराठी भाषांतर करून ते अनमोल साहीत्य मराठी वाचकांना नाममात्र किंमतीत उपलब्ध करुन‌ द्यावे व वाचकांना छत्रपती शिवाजी महाराज व छत्रपती संभाजी महाराज यांच्या विविध पैलूंचे वाचकांना दर्शन घडवावे ,सध्या बाजारात प्रकाशनांची किंमत खूपच जास्त असल्याने सामान्य जनता ती खरेदी करू शकत नाहीत ,शासनाकडे प्र. न. देशपांडे यांचे छत्रपती शिवाजी महाराज व अर्जुन केळुसकरांचे छत्रपती शिवाजी महाराज अशी दोन‌ लहान पुस्तके उपलब्ध‌ होती. डॉ. बाबासाहेब आंबेडकर ५२  खंड , महाराजा सयाजीराव गायकवाड ६३  खंड , पं. दिनदयाल उपाध्याय १९ खंड या मानाने दोन‌ लहान पुस्तके ही संख्या कमी आहे पं. दिनदयाल उपाध्याय यांचे १९ खंड ज्याप्रमाणे सार्वजनिक ग्रंथालयांना मोफत दिले त्याप्रमाणे शासकीय ग्रंथालयांना छत्रपती शिवाजी महाराज व छत्रपती संभाजी  महाराज यांची चरीत्रे मोफत उपलब्ध करून द्यवीत .विशेष म्हणजे भारत सरकारचे प्रकाशन असलेले  साहीत्य अकादमी या प्रकाशन संस्थेचे छत्रपती शिवाजी महाराज याचे लेखक सेतू माधवराव पगडी यांचे एक लहान चरीत्र उपलब्ध आहे  तरी कृपया महाराष्ट्र शासनाने त्वरीत छत्रपती शिवाजी महाराज चरीत्र साधने समिती व छत्रपती संभाजी महाराज चरीत्र साधने समिती निर्मिती करावी  या निवेदनाचा योग्य विचार करून कार्यवाही व्हावी असेही कपोते यांनी मुख्यमंत्री, उपमुख्यमंत्री यांना पाठविलेल्या निवेदनात म्हटले आहे.

मुंबई, दि. ८ जुलै २०२५: महावितरणच्या २३ पैकी ६ कर्मचारी संघटनांनी बुधवारी (दि. ९) एका दिवसाचा संप पुकारला आहे. या संपकाळात वीजपुरवठा सुरळीत ठेवण्यासाठी महावितरणकडून आपत्कालिन नियोजन पूर्ण झाले राज्यभरातील यंत्रणा सज्ज ठेवण्यात आली आहे.

नागरिकांनी वीजपुरवठ्याबाबत कोणत्याही नकारात्मक व चुकीच्या संदेशावर विश्वास ठेवू नये. वीजपुरवठा सुरळीत ठेवण्यासाठी पर्यायी यंत्रणा २४ तास युद्धपातळीवर सज्ज राहणार आहे. वीजपुरवठ्याबाबत काही तक्रारी किंवा शंका असल्यास २४ तास सुरु असलेल्या टोल फ्री क्रमांकावर संपर्क साधावा व संपाच्या कालावधीत सहकार्य करावे असे आवाहन महावितरणकडून करण्यात आले आहे.

राज्यातील वीज कर्मचाऱ्यांच्या सहा संघटनांच्या संयुक्त कृती समितीने राज्यपातळीवरील विविध मागण्यांसाठी बुधवारी (दि. ९) २४ तासांचा संप जाहीर केला होता. हा संप होऊ नये यासाठी कृती समितीमधील संघटनांच्या प्रमुख पदाधिकाऱ्यांसोबत दोन वेळा बैठक झाली. महावितरणचे अध्यक्ष व व्यवस्थापकीय संचालक श्री. लोकेश चंद्र व संचालक (मानव संसाधन) श्री. राजेंद्र पवार यांनी प्रमुख मागण्यांबाबत बैठकीत सकारात्मक प्रतिसाद दिला. वीज ग्राहकांची गैरसोय होऊ नये यासाठी संप टाळण्याचे आवाहन केले.

आपत्कालिन नियोजन व पर्यायी मनुष्यबळ उपलब्ध- या २४ तासांच्या संप काळासाठी महावितरणकडून आपत्कालीन व्यवस्था उभारण्यात आली आहे. यामध्ये मुख्यालय व क्षेत्रीय परिमंडल कार्यालयांमध्ये स्वतंत्र नियंत्रण कक्ष सुरू करण्यात आले आहेत. दर तासाला राज्यातील वीजपुरवठ्याची स्थिती वरिष्ठ अधिकारी व मुख्यालयास कळविण्यात येणार आहे.

संपकाळात प्राधान्याने सुरळीत वीजपुरवठ्यासाठी पर्यायी मनुष्यबळ उपलब्ध करण्यात येत असून संपात सहभागी नसलेले महावितरणचे कर्मचारी, बाह्य स्त्रोत कर्मचारी, महावितरणच्या निवड सूचीवरील कंत्राटदार व कर्मचारी यांची सुरळीत वीजपुरवठ्यासाठी स्थानिक कार्यालय, उपकेंद्र आदी ठिकाणी तात्पुरत्या नियुक्ती करण्यात आली आहे. आवश्यकतेनुसार बाह्यस्त्रोत कर्मचाऱ्यांच्या कंत्राटदारांना अतिरिक्त मनुष्यबळाची मागणी करण्यात आली आहे. या सर्वांसाठी वाहन व्यवस्था व इतर सुविधा उपलब्ध करून देण्यात येत आहे. याबाबतच्या लेखी सूचना क्षेत्रीय कार्यालयांना देण्यात आल्या आहेत.

रोहीत्र, वीजवाहिन्यांसह इतर साधनसामुग्री उपलब्ध- संपकाळामध्ये सुरळीत वीजपुरवठ्यासाठी सर्व क्षेत्रीय विभाग कार्यालयांच्या निवडसूचीवर असलेल्या सर्व कंत्राटदारांना आवश्यक साधनसामुग्री, मनुष्यबळ व वाहनांसह संबधीत कार्यालयांमध्ये उपलब्ध राहण्याच्या सूचना देण्यात आल्या आहेत. सोबतच महावितरणकडून वितरण रोहीत्र, ऑईल, वीजतारा, केबल्स, वीजखांब, फिडर पिलर्स, डिस्ट्रीब्यूशन बॉक्सेस, वाहतुकीसाठी वाहने आदी आवश्यक साधनसामुग्री महावितरणच्या विविध कार्यालयांमध्ये उपलब्ध ठेवण्यात आली आहे. यासह गंभीर कारणास्तव घेतलेल्या रजा वगळून इतर अभियंते, अधिकारी व कर्मचाऱ्यांच्या बुधवारच्या (दि. ९) रजा रद्द करण्यात आल्या आहेत.

घरगुतीसह अत्यावश्यक क्षेत्रात वीजपुरवठ्याची खबरदारी- संपकाळात प्रामुख्याने घरगुती ग्राहकांसह पाणी पुरवठा योजना, रुग्णालये, मोबाईल टॉवर्स, शासकीय कार्यालये आदींचा वीजपुरवठा सुरळीत ठेवण्याची विशेष खबरदारी घेण्यात येत आहे. ज्या ठिकाणी वीजपुरवठा खंडित झाला त्या ठिकाणी सर्वप्रथम पर्यायी व्यवस्थेतून (बॅकफिड) वीजपुरवठा सुरू करण्यात येईल.

येथे साधा कधीही संपर्क- संपकाळात वीजसेवा देणारे अभियंते व कर्मचाऱ्यांना सहकार्य करावे असे आवाहन महावितरणकडून करण्यात आले आहे. वीजपुरवठा संदर्भात काही तक्रारी असल्यास शहरी व ग्रामीण भागातील वीजग्राहकांसाठी मध्यवर्ती ग्राहक सेवा केंद्राचे १९१२ किंवा १८००-२१२-३४३५ किंवा १८००-२३३-३४३५ हे टोल फ्री क्रमांक २४ तास उपलब्ध आहेत.

हडपसर रेल्वे स्थानक परिसरात पीएमपीएमएल च्या प्रस्तावित बसस्थानकजागेसाठी अध्यक्ष व व्यवस्थापकीय संचालक दिपा मुधोळ यांनी आज येथे पाहणी केली .

पुणे- सार्वजनिक वाहतुकीचा अनुभव अधिक सुलभ आणि सुसंगत बनविण्याच्या दिशेने एक महत्त्वपूर्ण पाऊलउचलत, पुणे महानगर परिवहन महामंडळ लि. कडून हडपसर रेल्वे स्थानक येथे होणाऱ्या टर्मिनल वरून शहरातील महत्वाच्याठिकाणांना जोडणारी पीएमपीएमएल बससेवा सुरू करण्याच्या दृष्टीने पीएमपीएमएल बसस्थानक व पार्किंगसाठी आज दिनांक ८जुलै २०२५ रोजी पीएमपीएमएल च्या अध्यक्ष व व्यवस्थापकीय संचालक दिपा मुधोळ-मुंडे यांनी प्रत्यक्ष भेट देऊन जागेची पाहणी केली.
भविष्यात हडपसर रेल्वे स्टेशन येथे रेल्वे प्रशासनाकडून टर्मिनल विकसित करण्यात येणार असून या टर्मिनल अंतर्गत
पीएमपीएमएल बसस्थानक व पार्किंगसाठी रेल्वे प्रशासनाकडे पीएमपीएमएल कडून अधिकृत मागणी करण्यात आली आहे. या
टर्मिनलमध्ये पीएमपीएमएल चे बसस्थानक तसेच पार्किंगसाठी आवश्यक पायाभूत सुविधा निर्माण करण्याचे उद्दिष्ट असून यामुळे
रेल्वे प्रवाशांना पीएमपीएमएल बससेवेच्या माध्यमातून शहरातील विविध भागांशी सहज आणि जलद कनेक्टिव्हिटी मिळणार आहे.
सध्या बसमार्ग क्र. १५६ हडपसर गाडीतळ ते हडपसर रेल्वे स्टेशन अशी शटल बससेवा सुरू आहे. तसेच बसमार्ग क्र. १६०,
१६८ व १६९ च्या बसेसना हडपसर रेल्वे स्थानकाजवळ थांबा देण्यात आलेला असून या थांब्यापासून प्रवाशी काही मिनिटांत
हडपसर रेल्वे स्थानकात पोहोचू शकतात.
तथापि, सध्या सुरू असलेल्या शटल बससेवेला अरुंद रस्त्यांमुळे अडचणी निर्माण होत असून रेल्वे प्रशासनाशी समन्वय
साधून सदर समस्येचे निराकरण करण्याचे प्रयत्न सुरू आहेत.
या पाहणी वेळी पीएमपीएमएल चे चिफ ट्रान्सपोर्ट मॅनेजर (ऑपरेशन) सतिश गव्हाणे, हडपसर डेपो मॅनेजर समीर
आतार, रेल्वे प्रशासनाचे चिफ प्रोजेक्ट मॅनेजर संजय लोहात्रे, वरिष्ठ अधिकारी सक्सेना, चिफ बुकिंग ऑफिसर सोनटक्के हे अधिकारी उपस्थित होते.

“रेल्वे प्रवाशांसाठी अधिक सुविधा उपलब्ध करून देणे व पीएमपीएमएल ची बससेवा अधिक प्रभावी बनवणे हा आमचा
मुख्य उद्देश आहे. हडपसर रेल्वे स्थानक येथे प्रस्तावित टर्मिनलमध्ये जागा मिळाल्यानंतर पुणे शहरातील प्रमुख भागांपर्यंत
पीएमपीएमएल तर्फे थेट बससेवा उपलब्ध करून देण्यात येणार आहे. त्यामुळे रेल्वे आणि बससेवा यांचा परस्पर समन्वय
साधून प्रवाशांचा प्रवास अधिक सुलभ होण्यास मदत होईल.”

–दिपा मुधोळ-मुंडे, अध्यक्ष व व्यवस्थापकीय संचालक, पीएमपीएमएल