श्री तुळशीबाग मंडळाचा शतकोत्तर रौप्य महोत्सवी वर्षानिमित्त उपक्रम…..
पुणे-गणेश उत्सव कार्यकर्त्यांवर होणारी टीका चुकीची असून त्यांच्यामधील विधायक आणि रचनात्मक कार्याच्या पाठीमागे समाजाने उभे उभारण्याची गरज आहे. या कार्यकर्त्यांच्या सामाजिक उपक्रमांची दखल घेऊन इतरांनी सुद्धा त्यांच्यात सक्रिय सहभाग घेणे आवश्यक आहे. समाजाच्या वंचित आणि दुर्लक्षित घटकातील विद्यार्थ्यांचे अश्रू पुसण्यासाठी मानाचा चौथा गणपती तुळशीबाग गणेशोत्सव मंडळ यांनी इतरांसमोर स्तुत्य आदर्श निर्माण केला आहे. त्यांच्या या उपक्रमांच्या पाठीशी शासन नेहमी खंबीरपणे उभे राहील असे प्रतिपादन उच्च व तंत्रशिक्षण मंत्री नामदार चंद्रकांतदादा पाटील यांनी व्यक्त केले.
मानाचा चौथा गणपती श्री तुळशीबाग मंडळाच्या शतकोत्तर रौप्य महोत्सवी वर्षानिमित्त भोई प्रतिष्ठानच्या पुण्यजागर प्रकल्पांतर्गत नांदेड जिल्ह्यातील आत्महत्याग्रस्त शेतकऱ्यांच्या मुलांच्या शिक्षणाच्या शुल्काचा धनादेश मा. चंद्रकांत पाटील यांच्या हस्ते प्रदान करण्यात आला ,त्याप्रसंगी ते बोलत होते.
याप्रसंगी मंडळाचे अध्यक्ष विकास पवार , उपाध्यक्ष विनायक कदम,कोषाध्यक्षनितीन पंडित, गीतांजली देगावकर, पल्लवी वाघ दिनेश शहा
आदी मान्यवर उपस्थित होते.
आपल्या बळीराजावर आत्महत्येची वेळ येते ही पुरोगामी समजल्या जाणाऱ्या महाराष्ट्रासाठी दुर्दैवी गोष्ट असून या मुलांच्या शिक्षणासाठी महागणपतीचा सदैव आशीर्वाद राहील असे मत मंडळाचे कोषाध्यक्ष नितीन पंडित यांनी व्यक्त केले.
ना.चंद्रकांतदादा पाटील यांच्या निवासस्थानी झालेल्या कार्यक्रमा च्या आयोजनात मंडळाचे विश्वस्त साईनाथ डोंगरे, चकोर सुबंध
प्रतीक इप्ते, गणेश रामलिंग ,अभिजीत वाळके, सौरभ कदम यांनी पुढाकार घेतला

“मुकुलमाधव फाउंडेशन आणि क्रिएटिव्ह फाउंडेशन च्या वतीने शेतकरी बांधवांना रेनकोट वाटप” – सचिन कुलकर्णी.

“उपक्रमातील सातत्या मुळेच यश – सौ. मंजुश्री खर्डेकर.

पुणे: “शेतकरी हा समाजाचा आत्मा असून जीवन साखळीतील महत्वाचा घटक आहे असे मत क्रिएटिव्ह फाउंडेशन चे अध्यक्ष संदीप खर्डेकर यांनी व्यक्त केले. शेतकऱ्यांनी जर पीक काढणे बंद केले तर काय अवस्था होईल याची आपण कल्पना देखील करू शकत नाही कारण मांसाहार करणाऱ्यांना देखील गहू, तांदूळ, कांदा, मिर्ची, लिंबू,मसाला लागतोच ना असेही संदीप खर्डेकर म्हणाले. म्हणूनच ह्या गुरुपौर्णिमेच्या निमित्ताने विंग्रो शेतकरी आठवडी बाजारातील 40 शेतकरी बांधवांना रेनकोट भेट देऊन त्यांचा सन्मान करण्यात आला असल्याचे ही खर्डेकर म्हणाले.
यावेळी मुकुलमाधव फाउंडेशन चे सचिन कुलकर्णी,आठवडे बाजाराच्या प्रवर्तक व मा.नगरसेविका मंजुश्री खर्डेकर,किरण देखणे,सुमित दिकोंडा,जगदीश डिंगरे,विंग्रो मार्केट चे सुजाता संदीप घगे,विकास पवार,संदीप भोसले,गणेश भाले,आतिश टेमकर,ओमकार फरगडे,शाम वाघमारे
इ मान्यवर उपस्थित होते.
शेतकऱ्यांविना आपण जगण्याची कल्पना करू शकत नाही म्हणून आज त्यांना वंदन करून आम्ही कृतज्ञता व्यक्त करत आहोत असे मुकुलमाधव फाउंडेशन चे सचिन कुलकर्णी म्हणाले.आम्ही समाजात वेगळं कार्य करणाऱ्या व आपला ठसा उमटविणाऱ्यांच्या पाठीशी कायम उभं राहतो आणि त्यालाच अनुसरून गरजुंना मदत करून कर्तव्यपूर्तीचे समाधान लाभते असेही ते म्हणाले.
मला मिळालेले यश हे उपक्रमातील सातत्यामुळे असून आठ वर्षांपूर्वी नगरसेविका म्हणून निवडून आल्यावर जे उपक्रम सुरु केले ते आजही तसेच सुरु आहेत आणि नागरिकांच्या पसंतीस उतरले आहेत असेही सौ. खर्डेकर म्हणाल्या. शेतकरी आठवडे बाजाराच्या माध्यमातून शेतातून थेट सर्व प्रकारच्या ताज्या भाज्या, पालेभाज्या, फळं इ रास्त दरात उपलब्ध होतं म्हणून प्रभागातील नागरिक बाजाराची वाट बघतात असेही मंजुश्री खर्डेकर म्हणाल्या. वटपौर्णिमेनिमत्त बाजारातील महिलांना साडया भेट दिल्या आता रेनकोट भेट देऊन शेतकऱ्यांना सन्मानित करत आहोत याचा आनंद वाटतो असेही त्या म्हणाल्या.
यापुढे देखील शेतकऱ्यांची आरोग्य तपासणी व इतर उपक्रम राबविण्यात येतील असे क्रिएटिव्ह फाउंडेशन चे अध्यक्ष संदीप खर्डेकर व मुकुलमाधव फाउंडेशन चे सचिन कुलकर्णी यांनी स्पष्ट केले.

कोथरुडमधील रजपूत वीटभट्टी परिसरातील मिसिंग लिंकचा प्रश्न मार्गी

पुणे:कोथरुड मतदारसंघातील वाहतूक कोंडी सोडविण्यासाठी ना. चंद्रकांतदादा पाटील यांच्या पाठपुराव्याला यश मिळताना दिसत असून, कोथरुडमधील एरंडवणे येथून नदीपात्रातील रस्त्या मार्गे शहरात जाणाऱ्या रस्त्याचे रुंदीकरण पूर्ण झाले आहे. त्यामुळे पहिल्या टप्प्यातील रजपूत वीटभट्टी परसरातील रस्ता प्रशस्त झाला आहे. त्यामुळे सदर भागातील वाहतूककोंडीचा प्रश्न मार्गी लागण्यास मदत झाली आहे.

कोथरुड विधानसभा मतदारसंघातील वाहतूक कोंडीची समस्या मार्गी लावण्यासाठी राज्याचे उच्च व तंत्रशिक्षण मंत्री चंद्रकांतदादा पाटील यांनी आग्रहाची भूमिका घेतली होती. मतदारसंघतील मिसिंग लिंकचा प्रश्न सोडविण्यासाठी महापालिका आयुक्तांसोबत सातत्याने बैठका घेऊन मार्ग काढण्याच्या सूचना केल्या होत्या.

त्यामुळे गतीमान झालेल्या महापालिकेने मिसिंग लिंकमधील अडथळे दूर करण्यास सुरुवात केली. यामध्ये पहिल्या टप्प्यात रजपूत वीटभट्टी परिसरातील रस्त्याच्या रुंदीकरणासाठी स्थानिक नागरिकांशी संवाद साधून सहकार्याची भूमिका घेण्याचे आवाहन केले होते. त्याला नागरिकांकडूनही सकारात्मक प्रतिसाद मिळाला होता. त्यामुळे भागातील ८ मीटर रस्त्याच्या रुंदीकरणासाठी जमीन हस्तांतरण होऊन रस्याचे रुंदीकरण नुकतेच पूर्ण झाले आहे.

त्यामुळे ८ मीटरच्या रस्ता १२ मीटर झाला असून, सदर रस्ता वाहतुकीसाठी अतिशय प्रशस्त झाला आहे. त्यामुळे कोथरुडकरांची मोठी सोय झाली आहे.

हा प्रलंबित प्रश्न सोडविण्यामध्ये महापालिका प्रशासन, स्थानिक नागरिक, माजी नगरसेवक यांची मोलाची साथ मिळाल्याबद्दल नामदार चंद्रकांतदादा पाटील यांनी सर्वांचे आभार मानले आहेत. तसेच, उर्वरित टप्प्यातील रस्त्याचे रूंदीकरण लवकर होईल, अशी अपेक्षा व्यक्त केली आहे.

महावितरण व महापारेषण कर्मचाऱ्यांच्या अथक परिश्रमाला यश

पुणे, दि. ९ जुलै, २०२५ – महापारेषण कंपनीच्या २२० केव्ही इन्फोसिस ते पेगासस अतिउच्चदाब वाहिनीत रविवारी (दि. ६) झालेला बिघाड बुधवारी (दि.९) दुपारी १२.४० वाजता दुरुस्त करण्यात यश आले असून, हिंजवडीसह परिसरातील सर्व उद्योगांचा वीजपुरवठा पूर्वपदावर आला आहे. दरम्यान महापारेषणचा बिघाड दुरुस्त होईपर्यंत महावितरणने युद्धपातळीवर अहोरात्र मेहनत घेत सर्व नागरीभागांचा व बहुतांश उद्योगांचा वीजपुरवठा पर्यायी मार्गाने सुरु केल्याने दिलासा मिळाला होता. आता एकुणच सर्व परिस्थिती पूर्वपदावर आल्याने उद्योगांसह पुणेकरांचा व महावितरणचाही ताण कमी होण्यास मदत मिळाली आहे.

हिंजवडी व पेगासस २२० केव्ही अतिउच्चदाब उपकेंद्रातील देखभाल व दुरुस्तीच्या कामासाठी महापारेषण कंपनीने रविवारी सकाळी ११ वाजता संबंधित उपकेंद्रांतर्गत वीजपुरवठा बंद केला होता. दुरुस्तीचे काम आटोपल्यानंतर रविवारी दुपारी २.१० वाजता इन्फोसिस ते पेगासस उपकेंद्राला येणाऱ्या अतिउच्च्दाब वाहिनीत हिंजवडी मेट्रो स्थानकाजवळ बिघाड झाला आणि विजेची आपत्कालिन परिस्थिती उद्भवली. या दोन मोठ्या उपकेंद्रांमुळे येथून निघणाऱ्या २५ उच्चदाब वाहिन्यांवरील ५२ हजार लघुदाब ग्राहक, इन्फोसिस व नेक्सट्रा हे दोन अतिउच्चदाब ग्राहकांसह ९१ उच्चदाब ग्राहकांचा वीजपुरवठा खंडित झाला होता.

महापारेषणच्या बिघाड दुरुस्तीसाठी लागणारा कालावधी मोठा असल्याने महावितरणने पर्यायी मार्गाने वीजपुरवठा पूर्ववत करण्यावर भर दिला. सोमवारी पहाटे ४ पर्यंत सर्व ५२ हजार लघुदाब ग्राहक सुरु केले. सोमवारी सायंकाळपर्यंत केवळ ३५ उच्चदाब ग्राहक शिल्लक होते. मंगळवारी त्यातील २६ सुरु केले. तर १० मोठ्या उद्योगांना चक्राकार पद्धतीने ५ तास वीजपुरवठा केला. जवळपास ६३ मेगावॅटचा भार इतरत्र वळविण्यात यश आले. अपवाद फक्त नेक्सट्रा कंपनीचे दोन ग्राहक राहिले. या दोन ग्राहकांना जवळपास २५ मेगावॅटची गरज होती. सरते शेवटी बुधवारी दुपारी १२.४० वाजता नेक्ट्रासह सर्वच ग्राहकांचा वीजपुरवठा सुरळित झाला आहे.

महापारेषणचे संचालक (संचालन) सतीश चव्हाण यांनी देखील मुंबईहून पुण्यात तळ ठोकला होता. तर महावितरणचे मुख्य अभियंता सुनील काकडे, महापारेषणचे मुख्य अभियंता अनिल कोलप, महावितरणचे अधीक्षक अभियंते सिंहाजीराव गायकवाड, युवराज जरग, महापारेषणचे विठ्ठल भुजबळ यांचेसह वरिष्ठ अधिकाऱ्यांनी सर्व यंत्रणा, एजन्सीस, अतिरिक्त मनुष्यबळ कामी लावून वीजपुरवठा पर्यायी मार्गाने सुरु करणे सोबतच बिघाड दुरुस्त करण्यावर भर दिला. परिणामी मोठ्या संकटावर मात करणे वीज यंत्रणेला शक्य झाले.

वीज कर्मचाऱ्यांच्या अथक परिश्रमामुळे वीज संकटावर मात

महापारेषणचा बिघाड मोठ्या स्वरुपाचा होता. बाधित उपकेंद्रातील विजेची मागणी पाहता इतर उपकेंद्रातून वीजपुरवठा पर्यायी मार्गाने वळविणे हे मोठे अवघड काम होते. परंतु, महावितरणच्या व एजन्सीजच्या कर्मचाऱ्यांच्या अथक परिश्रमाच्या जोरावर आम्ही संकटावर मात केली. दरम्यानच्या काळात सर्व वीजग्राहकांनी संयम दाखवत महावितरणला सहकार्य केले.

सुनील काकडे, 

मुख्य अभियंता, महावितरण, पुणे परिमंडल

घटनाक्रम

·         रविवार दि. ६ रोजी सकाळी ११ ते दुपारी १ – महापारेषणने नियोजित देखभाल दुरुस्तीसाठी वीजपुरवठा बंद केला.

·         रविवारी दुपारी २.१० वाजता – महापारेषणच्या २२० केव्ही इन्फोसिस ते पेगासस अतिउच्चदाब वाहिनीत बिघाड

·         रविवारी संध्याकाळी १० ते सोमवारी पहाटे ४ पर्यंत – ५२ हजार लघुदाब ग्राहकांचा व काही उद्योगांचा वीजपुरवठा पर्यायी मार्गाने सुरु करण्यात यश

·         सोमवारी दुपारीपर्यंत- ९१ बंद ग्राहकांपैकी ७६ ग्राहकांचा वीजपुरवठा सुरु

·         सोमवारपासून – १० मोठ्या उच्चदाब ग्राहकांना ५ तास चक्राकार वीजपुरवठ्याचे नियोजन

·         मंगळवार दिवसभर – ९ उच्चदाब व २ अतिउच्चदाब (नेक्सट्रा१ व २) वगळता उर्वरित सर्व सुरु

·         बुधवारी दु. १२.४० – मूळ बिघाड दुरुस्त करण्यात यश, सर्व वीजपुरवठा सुरळीत.

पुणे-भाजपचे आमदार गोपीचंद पडळकर यांनी ख्रिश्चन धर्मगुरूंच्या विरोधात वादग्रस्त वक्तव्य केल्याने महाराष्ट्र मुस्लिम कॉन्फरन्स च्या वतीने जाहीर निषेध करण्यात आला .

गोपीचंद पडळकर यांच्या विरोधात ख्रिश्चन समाजाचा तीव्र आंदोलन भाजपाचे आमदार गोपीचंद पडळकर यांनी ख्रिश्चन धर्मगुरूंच्या विरोधात केलेल्या वादग्रस्त वक्तव्यांचे पडसाद महाराष्ट्रभर उमटले ख्रिश्चन समाजाच्या वतीने आमदार पडळकर यांच्या विरोधात पुणे जिल्हाधिकारी कार्यालयावर तीव्र आंदोलन करण्यात आले होते या आंदोलनामध्ये ख्रिश्चन समुदायांना मार्गदर्शन करताना महाराष्ट्र मुस्लिम कॉन्फरन्सचे संस्थापक अध्यक्ष जुबेर मेमन यांनी पडळकर यांच्या वक्तव्याचे जाहीर निषेध केला यावेळी जुबेर मेमन यांनी सांगितले कुठलाही समाज आणि धर्माच्या विरोधात कोणीही राजकीय नेता अशा वक्तृत्व केले तर आम्ही त्याचा तीव्र विरोध करणार व त्यांना कठोर शासन व्हावे याकडे आम्ही पाठपुरावा करणार असे यावेळी सांगितले यावेळी या आंदोलनामध्ये पुणे शहर जिल्ह्यातून ख्रिश्चन समाजातील बांधव मोठ्या संख्येने उपस्थित होते

पुणे-भाजप आमदार गोपीचंद पडळकर गेल्या काही दिवसांपासून धर्मांतराच्या विषयावर आक्रमक झाल्याचे पाहायला मिळत आहे. मंगळवारी सकल हिंदू समाजाच्या वतीने धर्मांतर विरोधात पुण्यात मोर्चा काढण्यात आला.यावेळी पडळकर यांनी उपस्थिती लावली. तसेच आगामी काळामध्ये या धर्मांतर विरोधात आपण नवीन मोहीम होती घेणार असल्याचे संकेत दिले. माध्यमांशी बोलताना पडळकर म्हणाले, आज पुण्यामध्ये सकल हिंदू समाजाच्या वतीने निषेध मोर्चा काढण्यात आला. सांगलीमधील ऋतुजा नावाच्या हिंदू कुटुंबातील मुलीचं फसवून धर्मांतर झालेल्या ख्रिश्चन समाजातील मुलाशी लग्न लावण्यात आलं. त्यानंतर तिच्यावर धर्मांतर करण्यासाठी दबाव टाकण्यात आला. तसेच तिच्या पोटातील मुलावर देखील ख्रिश्चन पद्धतीने गर्भसंस्कार व्हावेत असा दबाव टाकल्यानंतर तिने गर्भातील सात महिन्याच्या मुलासहित आत्महत्या केली.
त्यामुळे तिच्या आत्महत्येस जबाबदार असलेल्या सगळ्यांना कठोर शिक्षा व्हावी तसेच आणखी असे धर्मांतराचे प्रकार घडू नये म्हणून कठोर असा धर्मांतर बंदी आणि लव जिहाद या बाबतचा कायदा महाराष्ट्र सरकारने आणावा अशी आमची मागणी आहे. गोपीचंद पडळकर पुढे म्हणाले, सुप्रीम कोर्टाने दिलेल्या निर्णयानुसार जर एखाद्या हिंदू कुटुंबातील व्यक्तीने आपल्या जातीच्या दाखल्याच्या आधारे नोकरी मिळवली असेल आणि त्यानंतर त्याने धर्मांतर केला असेल तर त्याला बडतर्फ करण्यात यावं असा निर्णय देण्यात आला आहे.
त्यामुळे ज्यांनी ख्रिश्चन धर्म स्वीकारला आहे. त्यांनी आपल्या दाखल्यावरील हिंदू आणि त्याच्या पुढील पोट जात फोडून टाकावी. एकीकडे आरक्षणाचा लाभ घेऊन दुसरीकडे आम्ही ख्रिश्चन आहोत हे सांगत असाल तर ते अत्यंत चुकीचा आहे. राज्यामध्ये अनेक ठिकाणी माझ्या विरोधात मोर्चे निघाले त्या मोर्चामध्ये उपस्थित असलेल्यांची यादी आता तयार करायला घेतली आहे. त्यातील किती अधिकारी आहेत हे तपासणार असून किती जणांनी आरक्षणाचा लाभ घेऊन नोकरी मिळवली आहे आणि त्यानंतर त्यांनी धर्म बदलला आहे. त्याबाबतचे पुरावे गोळा करण्याची मोहीम आता हाती घेणार असल्याचं गोपीचंद पडळकर यांनी सांगितला.
तसेच जे मोर्चे ख्रिश्चन धर्मियांकडून काढण्यात आले. त्या मोर्चामध्ये डॉक्टर बाबासाहेब आंबेडकर यांच्या फोटोचा वापर करण्यात आला. मात्र डॉक्टर बाबासाहेब आंबेडकर यांचा स्पष्ट मत होतं की मिशनरी आणि मुस्लिम भारतात धर्मांतर करू पाहत आहेत. या धर्मांतराला त्यांचा विरोध होता. त्यामुळेच त्यांनी ख्रिश्चन धर्म न स्वीकारता बौद्ध धर्म स्वीकारला. त्यामुळे जे बाबासाहेब आंबेडकर यांचे फोटो घेऊन या मोर्चामध्ये जात आहेत त्यांना बाबासाहेब आंबेडकर समजलेच नाहीत. त्यामुळे आधी त्यांनी बाबासाहेब आंबेडकर यांना समजून घ्यावं, असं पडळकर म्हणाले.

पुणे-काही वर्षांपूर्वी रस्त्यावर अंगठ्या आणि खडे विकणाऱ्या छांगूर बाबाकडे आजच्या घडीला १०० कोटी रुपयांची संपत्ती आहे. छांगूर बाबा आणि त्याच्याशी संबंधित संस्थांच्या बँक खात्यांमधून १०० कोटी रुपयांहून अधिकचे व्यवहार झाल्याची माहिती एटीएसच्या तपासातून समोर आली आहे.अवैध धर्मांतर प्रकरणात अटक करण्यात आलेला जमालुद्दीन उर्फ छांगूर बाबाचे कारनामे उघड होऊ लागले आहेत. १०० कोटींची मालमत्ता असलेल्या छांगूर बाबाची चौकशी आता सक्तवसुली संचलनालयाकडून (ईडी) केली जाणार आहे.छांगूर बाबाची कोट्यवधी रुपयांची संपत्ती असल्याची माहिती समोर आलेली आहे. पुण्याच्या लोणावळ्यात त्यानं एक मालमत्ता खरेदी केली. आपल्या निकटच्या व्यक्ती आणि बलरामपूर सीजेएम कोर्टात लिपिक असलेल्या राजेश उपाध्यायची पत्नी संगीता देवीच्या नावे ही संपत्ती नोंदवण्यात आलेली आहे. एसटीएफ आणि एटीएसच्या तपासातून ही माहिती समोर आलेली आहे.

उत्तर प्रदेशच्या बलरामपूरमध्ये अवैध धर्मांतरणाच्या मोठ्या रॅकेटचा पदार्फाश झालेला आहे. छांगूर बाबा या संपूर्ण रॅकेटचा प्रमुख आहे. त्याला एटीएसनं अटक केली आहे. त्याची सहकारी नीत रोहरा उर्फ नसरीनला उत्तर प्रदेश एटीएसनं बेड्या ठोकल्या आहेत. तरुणींना फूस लावून छांगूर बाबा त्यांचं धर्मांतर घडवून आणायचा. या नेटवर्कसाठी परदेशांमधून १०० कोटी रुपयांची मदत मिळाल्याची माहिती उघडकीस आलेली आहे. बलरामपूरच्या उटरौलामध्ये बऱ्याच कालावधीपासून धर्मांतराचं रॅकेट चालवलं जात होतं.

पोलिसांच्या माहितीनुसार, या टोळीनं हिंदू तरुणींच्या धर्मांतरासाठी ठराविक रक्कम निश्चित केली होती. ब्राह्मण, ठाकूर आणि शीख तरुणींच्या धर्मांतरासाठी १५ ते १६ लाख रुपये मिळायचे. ओबीसी तरुणींच्या धर्मांतरासाठी १० ते १२ लाख रुपये दिले जायचे. तर अन्य जातींसाठी ८ ते १० लाख रुपये मिळायचे. छांगूर बाबा उर्फ जमालुद्दीन बाबा स्वत:ची ओळख हाजी पीर जलालुद्दीन अशी सांगायचा. एजंट्सच्या माध्यमातून तो तरुण मुलींचं धर्मांतर करायचा.

राजस्थान, लखनऊ, बलरामपूर आणि पुण्यापर्यंत धर्मांतर नेटवर्कचं कनेक्शन आहे. छांगूर बाबा गेल्या अनेक वर्षांपासून सिंडिकेट चालवत होता. धर्मांतरासाठी त्याला आखाती देशांमधून कोट्यवधी रुपये मिळायचे. छांबूर बाबानं लोणावळ्यात १६ कोटी रुपयांची मालमत्ता खरेदी केली. ही मालमत्ता मोहम्मद अहमद खान, नवीन रोहरा उर्फ जमालुद्दीन आणि बलरामपूरच्या न्यायालयात लिपिक असलेल्या राजेश उपाध्यायची पत्नी संगीता देवीच्या नावे आहे.