प्रति,

१)मा.श्री.कुणाल कुमार

आयुक्त, पुणे महानगरपालिका, पुणे

२) मा.श्री. ओमप्रकाश बकोरिया

अतिरिक्त आयुक्त (विशेष), पुणे महानगरपालिका, पुणे

३)मा.श्री.राजेंद्र जगताप

अतिरिक्त आयुक्त (जनरल्), पुणे महानगरपालिका, पुणे

४)मा.श्री .प्रशांत वाघमारे

नगर अभियंता , पुणे महानगरपालिका

विषय – बेकायदा कामांना पाठिशी घालणा-यांवर कारवाई करणेबाबत

महोदय,

सध्या पुणे महापालिकेत बेकायदा गोष्टींना पाठिशी घालण्यासाठी पुणे पालिकेचे अधिकारी वाट्टेल त्या थराला जाउ लागले आहेत.आपली दुष्क़ृत्ये लपवण्यासाठी ते आता माहिती अधिकाराचीही हेळसांड करू लागले आहेत.

पुण्यातील कोथरूड येथील सर्वे क्र.१५२ येथे सी. एन.जी पंपासाठी नकाशे मंजूर करताना अनेक गैरप्रकार झाल्याची चर्चा गेली अनेक महिने सुरू आहे. संबधितांनी आजुबाजूच्या जागांवर अतिक्रमण केल्याचे आणि पालिकेच्या अधिका-यांशी संगनमताने सदर पंपाचे नकाशे मंजूर केल्याचे बोलले जात होते.तसेच या प्रकरणात पालिकेच्या कर्मचारी आणि अधिका-यांनी मोठ्या प्रमाणात हात ओले करून घेतल्याचीही चर्चा होती.आतापर्यंत केवळ चर्चा असलेल्या या गैरप्रकारामध्ये तथ्य असल्याचा पुरावा आता समोर आला आहे.

सदर पंपासंदर्भात एक नागरिक श्री. माळी गेली अनेक वर्षे माहिती अधिकाराच्या माध्यमातून माहिती मागण्याचा प्रयत्न करीत आहेत. मात्र पालिकेचे अधिकारी दिशाभूल करणारी माहिती देउन प्रकरण टाळण्याचा प्रयत्न करीत आहेत.आता त्या नागरिकाने माहिती अधिकारात जी माहिती मागीतली होती त्यामध्ये १) सदर पंपाच्या नकाशांना जनहिताच्या दृष्टीकोनातून परवानगी देताना नागरिकांच्या हरकती सूचना मागवल्या असल्यास त्याच्या अहवालाची प्रत ( सदर पंपाला जनहिताच्या दृष्टीकोनातून विशेष बाब म्हणून काही नियम व अटींअध्ये सवलत देण्यात आली आहे) तसेच २)सदर पंपाला विकास नियंत्रण नियमावलीतून सवलत देण्यासाठी महापालिकेच्या सर्वसाधारण सभेत मंजूर करण्यात आलेल्या ठरावाची प्रत या दोन बाबींचा समावेश होता.

वास्तविक पहाता या दोन बाबी अगदी साध्या आणि सरळ उत्तर देण्याजोग्या आहेत. मात्र पालिकेच्या अधिका-यांनी त्यांना ही साधी सोपी माहिती दिली नाहीच.परंतु त्या अल्पशिक्षीत नागरिकाला माहिती देत असल्याचे भासवून विनाकारण अव्वाच्या सव्वा पैसे भरायला लावून दिशाभूल करणारी माहिती दिली. ( असे आत्तापर्यंत अनेकवेळा घडले आहे)

यासंदर्भात दोन बाबी लक्षात घेणे आवश्यक आहे महापालिकेच्या दक्षता विभागाकडे अनअ/जा/ज/१५४८ दि – २१/३/२०१३ अन्वये अतिरिक्त अभियंत्यांनी ’सदरचा प्रस्ताव सार्वजनिक आणि कल्याणकारी वर्ग़ात येत असल्याने विकास नियंत्रण नियमावलीतील ६.६.२.१ (v) नुसार अटी शिथील करून प्रस्ताव मान्य करण्याची प्रवानगी मागीतली होती’ त्यावर दक्षता विभागाने ’ ६.६.२.१ (v) अंतर्गत सार्वजनिक उपक्रमाच्या ऑपरेशनल कन्स्ट्रक़्शनकरता मा . मुख्य सभेच्या मान्यतेनंतर परवानगी देण्याचे अधिकार मा. महापालिका आयुक्त यांना आहेत. तथापी या प्रकाराच्या बांधकाम प्रकारांची डि.सी. नियम ५.१.१ अंतर्गत यादी पहाता या यादीत प्रस्तुत बांधकामाचा अंतर्भाव नाही‘ असा अहवाल दिला होता. ५.१.१ ची तरतुद अशी आहे.

5.1.1 The following operational construction of the Government, whether temporary or permanent, which is necessary for the operation, maintenance, development or execution of any of the following services may be exempted from the purview of the rules. (i) Railways:(ii) National Highways:(iii) National Waterways:(iv) Deleted(v) Airways and Aerodromes:(vi) Posts and Telegraphs, telephones, wireless, broadcasting and other like forms of communications: (vii) Regional grid for electricity;

या यादीमध्ये भर घालण्याचा अधिकार महापालिकेस नाही. त्यासाठी ५.१.१ (viii) मधील तरतुद अशी आहे.

(viii) Any other service which the State Government may, if it is of opinion that the operation, maintenance, development or execution of such service is essential to the life of the community by notification, declare to be a service for the purpose of this clause.

याचाच अर्थ या तरतुदीप्रमाणे जर विशेष परवानगी द्यायची असेल तर ती ५.१.१ मधील यादीतील बाबींसाठीच देता येते. अन्य बाबींसाठी नाही आणि या यादीत राज्य शासनाने भर घातली तरी अशी परवानगी देताना सर्वसाधारण सभेची पूर्व मान्यता घ्यावीच लागते.त्यामूळे सदर सी.एन.जी पंपास मान्यता देणे सर्वस्वी चूकीचे होते, दक्षता विभागाचा अभिप्राय स्पष्ट असतानाही त्याचा गैरअर्थ लावून ६.६.२.१ (v) नुसारच्या परवानगीची गरजच नाही असे भासवण्यात आले.सदर कागदपत्रांमधील खाडाखोडही बरेच काही सांगून जाते.

सदर प्रकरणी माहिती अधिकारात मागीतलेल्या माहितीच्या अर्जाला उत्तर देताना पालिकेच्या अधिका-यांनी सर्वसाधारण सभेत मंजूर झालेल्या ठरावाची प्रत देणे, तसा ठराव मंजूर झाला नसल्यास तसे स्पष्टपणे आपल्या उत्तरात नमूद करणे आवश्यक होते किंवा ज्या कलमान्वये सदर पंपास विशेष परवानगी देण्यात आली ते नमूद करणे आवश्यक होते.ज्याअर्थी अधिका-यांनी त्या ठरावाची प्रत दिली नाही किंवा त्याबाबतीत पूर्णपणे मौन बाळगले आहे त्यावरून सदर पंपाला सर्वसाधारण सभेची मान्यता न घेता परस्पर सवलत देउन मान्यता दिल्याचे सिद्ध होते. अर्थात पालिकेच्या अधिका-यांनी तसे करण्याचा पुरेपूर मोबदला वसूल केला असणार हे उघड आहे.

त्याच प्रमाणे माहितीच्या अधिकारात उत्तर देताना जन माहिती अधिका-याने स्वत:चे नांव व उत्तराने समाधान झाले नसल्यास ज्याच्याकडे अपील करावयाचे असते त्या प्राधिका-याचे नांव , किती दिवसात अपील करता येते त्याची माहिती व त्याचा पत्ता देणे अपेक्षित होते. परंतु पुणे पालिकेत कर्मचारी नव्हे तर केवळ ठोकळे काम करत असल्याने त्यांना कदाचित स्वत:चीही नांवे माहिती नसावित. त्यामूळे ती जाहिर करायला ते लाजत असावेत. अर्थात त्यांच्या अशा लाजण्याची पुरेपूर किंमत ते वसूल करत असल्याने त्यांना काही वाटत नसले तरी पुण्याची मान मात्र शरमेने खाली जात आहे.

या प्रकरणात संबधित नागरिक यथावकाश अपीले वगैरे करतीलच . परंतु ही बाब पुणे पालिकेला मान खाली घालायला लावणारी असल्याने आपणही संबधितांवर सेवा नियमावलीतील तरतुदींप्रमाणे कारवाई करावी, सदर प्रकरणात सकृतदर्शनी गैरव्यवहार झाल्याचे दिसून येत असल्याने त्याबाबत लाचलूचपत प्रतिबंधक विभागाकडे तक्रार करावी व सदर सी एन जी पंपाला मज़ूरी देताना झालेल्या गैरव्यवहारांची चौकशी करून संबधितांवर कडक कारवाई करावी हि विनंती.
Regards,
Vijay Kumbhar
(Surajya Sangharsh Samiti)
www.surajya.org
vijaykumbhar.blogspot.in
09923299199

पुणे :
‘राष्ट्रीय समाज पक्ष राज्यात सत्ताधाऱ्या मित्र पक्षाबरोबर असला तरी उपेक्षित ,वंचित ,गरीब ,शेतकरी आणि बेरोजगारांचे प्रश्न हाती घेवून ठामपणे कार्यरत राहील . या उपेक्षितांची प्रश्न सोडवणुकीसाठी पक्षयंत्रणा कार्यरत राहील ‘ असा निर्वाळा राष्ट्रीय समाज पक्षाचे संस्थापक महादेव जानकर यांनी आज दिला
राष्ट्रीय समाज पक्षाच्या वतीने पुण्यात आयोजित करियर महोत्सव आणि बेरोजगार मेळाव्यात उद्घाटन करताना ते बोलत होते . अध्यक्ष स्थानी प्रदेशाध्यक्ष बाळासाहेब नाहटा होते ,
प्रमुख पाहुणे म्हणून डॉ राजीव नगरकर उपस्थित होते . रविवारी ओसवाल बंधू कार्यालयात हा महोत्सव आयोजित करण्यात आला होता .
जानकर म्हणाले ,’ गुणवान आणि गरजू युवक -युवतींना पक्ष तज्ञांच्या मदतीने चांगल्या नोकऱ्या आणि रोजगार मिळवून देण्यासाठी प्रयत्न करेल . त्यासाठी हा राज्यातील पक्षाचा करियर महोत्सव उपयुक्त ठरेल पण युवकांनी नोकऱ्यांवर समाधानी न राहता उद्योजक होण्याची स्वप्ने पहावीत . स्पर्धेचे युग आहे तरी नकारात्मक दृष्टीकोन न बाळगता भवितव्य घडवावे. राष्ट्रीय समाज पक्ष स्पर्धा परीक्षा मार्गदर्शन केंद्रही आगामी काळात सुरु करणार आहे ‘
प्रदेश उपाध्यक्ष दशरथ राउत ,प्रवक्ते दीपक बिडकर ,पश्चिम महाराष्ट्र महिला आघाडी प्रमुख डॉ उज्वला हाके ,मराठवाडा महिला आघाडी प्रमुख रोहिणी कसबे ,पुणे शहराध्यक्ष देवेंद्र धायगुडे ,पुणे जिल्हाधाय्क्ष संदीप चोपडे ,उपाधाय्क्ष बापूराव सोनवलकर ,हरीश खोमणे ,दीपक मासळ ,रोहित बोरकर ,सचिन शेंडगे ,जय कसबे उपस्थित होते
सुरज खोमणे यांनी प्रास्ताविक केले . सोनाली गावडे . यांनी सूत्रसंचालन केले

पुणे कॅंटोन्मेंट बोर्डाच्या निवडणुकामधील वार्ड क्र. तीन मधील उमेदवारांनी एकत्रित सवांद साधला. निमित होते पुणे कॅम्प मधील बज्मे रहेबर कमिटीच्यावतीने वार्ड क्र. तीन मधील उमेदवारांसाठी स्नेह मिलन कार्यक्रम ठेवण्यात आला होता . या कार्यक्रमास बज्मे रहेबर कमिटीचे अध्यक्ष अक्रम शेख , उपाध्यक्ष जाकीर सय्यद , सचिव इरफान मुल्ला , खजिनदार अमित चव्हाण , उपखजिनदार फैय्याज शेख यांनी कार्यक्रमाचे आयोजन केले होते .

या स्नेहमिलन कार्यक्रमामध्ये भारतीय जनता पक्षाचे उमेदवार दिलीप गिरमकर , शिवसेनेचे उमेदवार मनीष सोनिग्रा , कॉंग्रेसचे उमेदवार अझीम गुडा कुवाला , अपक्ष उमेदवार प्रसाद केदारी , शैलेश उग्राल , सरफराज कुरेशी , सिकंदर पटेल आदी उमेदवार सहभागी झाले होते . यावेळी सर्व उमेदवारांनी आपला परिचय करून दिला . तसेच आपल्या सामाजिक कार्याची माहिती दिली . पुणे कॅंटोन्मेंट विकासासाठी आम्ही सर्व जण प्रयत्न करू . निवडणूक खेळी मेळीने लढविण्याचे सर्वांनी आश्वाशन दिले . प्रसाद केदारी यांनी वार्ड क्र. तीन मधील प्रमुख अनुभवी व्यक्तींची कमिटी बनवावी , जेणेकरून अनुचित प्रकार लक्ष ठेवण्याचे काम हि कमिटी करेल . तसेच निवडणुकीच्या दिवशी बूथ होणारी गर्दी कमी ठेवण्याचा प्रयत्न करावा जेणे करून वाद निर्माण होणार नाहीत .

दिलीप गिरमकर यांनी जास्तीत जास्त मतदान कसे होईल याचा प्रयत्न सर्वांनी करावा , निवडणूक दहा दिवसाची आहे परंतु आपल्या सर्वांचा मैत्री तसाच राहणार आहे . त्यासाठी निवडणूक यशस्वी पार पाडण्यासाठी सर्वांनी प्रयत्न करावा .

या कार्यक्रमामध्ये सर्व उमेदवाराना बज्मे रहेबर कमिटीच्यावतीने गुलाबपुष्प देऊन शुभेछा देण्यात आल्या . तसेच सर्वांनी कार्यक्रमाच्या शेवटी अल्पोपहाराचा आस्वाद घेतला . या कार्यक्रमास संदीप भोसले , दिनानाथ सल्ले , मोहसीन शेख , कुमार शिंदे , माणिक खंडे , इस्माईल शेख , अतिश कुराडे , विशाल ओव्हाळ , संदीप कांबळे , नितीन आडसुळे , अनिल जगताप , निलेश कणसे , बाबा कुरेशी , जितेंद्र राशिनकर , छबुआक्का जाधव , तौफिक शेख , टिपू शेख , अमजद शेख , जमीर शेख , अन्वर शेख आदी उपस्थित होते .

कार्यक्रमात उपस्थितांचे स्वागत बज्मे रहेबर कमिटीचे अध्यक्ष अक्रम शेख यांनी केले तर सूत्रसंचालन अमित चव्हाण यांनी केले .

खडकी व पुणे केंटोन्मेंट निवडणुकांसंदर्भातील व्युहरचने ची बैठक आज पार पडली.सदर बैठकीस प्रदेश संघटन मंत्री सुनिलजी कर्जतकर,शहर अध्यक्ष खा.अनिलराव शिरोळे,समाजकल्याण राज्यमंत्री दिलीप कांबळे,पुणे शहर संघटन मंत्री रवी अनासपुरे,खडकी केंटोन्मेंट निवडणुकीचे प्रभारी संदीप खर्डेकर,धीरज घाटे,तसेच सुनिल कांबळे उपस्थित होते.या वेळी खडकी व पुणे केंटोन्मेंट च्या आत्तापर्यंतच्या प्रचाराचा आढावा घेण्यात आला.तसेच पुढील प्रचाराचे नियोजन व व्युहरचना निश्चित करण्यात आली.
सर्व आठ जागा जिंकण्यासाठी सर्वतोपरी प्रयत्न करावेत व त्यासाठी शहर पदाधिकारी व नगरसेवकाना दोनही केंटोन्मेंट मधील प्रचारात जबाबदारया द्याव्यात,प्रदेश व केंद्रातील अनेक नेते येत्या आठवडयात प्रचारात सहभागी होतील असे सुनिलराव कर्जतकर यानी सांगितले.शहर अध्यक्ष अनिल शिरोळे व राज्यमंत्री दिलीप कांबळे हे प्रचाराच्या नियोजनावर लक्ष ठेवुन असतील.
दरमयान रुपेश सोरटे यांच्या संगमवाडी येथील निवडणुक कचेरीचे उद्घाटन खडकी चे प्रभारी संदीप खर्डेकर,धीरज घाटे तसेच रवीजी अनासपुरे यांच्या हस्ते करण्यात आले.या वेळी नागरीक मोठया संख्येने उपस्थित होते.या वार्ड क्रमांक आठ मधील प्रचाराची पहिली फेरी पूर्ण झाली असुन मतदारांचा मोठा प्रतिसाद मिळत असल्याचे श्री.सोरटे यानी स्पष्ट केले.

पुणे – एकीकडे डीझेल चे दर कमी होत असताना पीएमपी ची दरवाढ करण्यात येत असल्याने -आणि महापालिकांचा कारभार राष्ट्रवादींच्या पदाधिकार्यांच्या हाती असल्याने
पीएमपी तिकीट दरवाढीने राष्ट्रवादी अधिक बदनाम होत आहे मात्र याकडे लक्ष द्यायला कोणीही उत्सुक नसल्याचे दिसत आहे यामुळेच पुण्यातील दुचाकी वाहने मोठ्या संख्येने रस्त्यावर येत आहेत हि वस्तुस्थिती आहे

खिळखिळ्या पीएमपीचा आर्थिक डोलारा सावरण्यासाठी पुणेकर प्रवाशांवरच सहा ते पंचवीस रुपयांच्या तिकीट दरवाढीचा बोजा पडणार आहे. पीएमपीने सादर केलेल्या दरवाढीच्या प्रस्तावाला प्रादेशिक परिवहन प्राधिकरणाने (आरटीए) गुरुवारी मान्यता दिली असून, उद्यापासून (शनिवार) ही दरवाढ लागू होणार आहे. दैनंदिन व मासिक पासच्या दरात वाढ करण्यास मात्र प्राधिकरणाने नकार दिला आहे.

पहिल्या सहा किलोमीटरच्या प्रवासाचे दर कायम ठेवण्यात आले असून, सहा किलोमीटरनंतरच्या प्रवासाच्या तिकीटदरात सहा ते पंचवीस रुपयांनी वाढ होणार असल्याचे प्राधिकरणाचे अध्यक्ष जिल्हाधिकारी सौरव राव आणि प्रादेशिक परिवहन अधिकारी जितेंद्र पाटील यांनी सांगितले. ते म्हणाले, ‘ग्रामीण भागातील मार्गांवरील तिकीटदरांमध्ये तुलनेने अधिक वाढ करण्यात आली आहे. त्या भागात एसटीच्या दरांमध्ये समानता आणण्याच्या उद्देशाने हे धोरण स्वीकारण्यात आले आहे. मात्र, दैनिक पास, मासिक पास, विद्यार्थी-ज्येष्ठ नागरिकांचे सवलतीचे पास व ‘पुणे दर्शन’च्या पासमध्ये कोणतीही वाढ करण्यात आलेली नाही.’

तिकीट दरवाढ अपरिहार्य असल्याचे दोन दिवसांच्या चर्चेअंती लक्षात आल्यानंतर त्याला मान्यता दिल्याचे राव यांनी सांगितले. या दरवाढीतून पीएमपीला दरमहा १०८ कोटी रुपयांचे अतिरिक्त उत्पन्न मिळणार आहे. यापूर्वी जानेवारी २०१३ मध्ये पीएमपीच्या तिकीटदरात वाढ करण्यात आली होती, तर ऑगस्ट २०१३ मध्ये या दरांचे सुसूत्रीकरण (रॅशनलायझेशन) करण्यात आले होते. जानेवारीनंतर डिझेल आणि सीएनजीच्या दरात मोठी वाढ झाली आहे. सध्या पीएमपीला दरमहा सुमारे १६ कोटी रुपयांची तूट येत असून, त्याचा

परिणाम बससेवेवर होत आहे, असे पीएमपीने म्हटले आहे.

पुणे :

“महाराष्ट्र कॉस्मॉपॉलिटन एज्युकेशन सोसायटी’च्या “अँग्लो उर्दू गर्ल्स हायस्कूल’च्या वतीने पाकिस्तानमधील पेशावर येथे झालेल्या दहशतवादी हल्ल्यात मृत्युमुखी पडलेल्या 141 विद्यार्थी आणि शिक्षकांना श्रद्धांजली वाहण्यात आली.

“अँग्लो उर्दू गर्ल्स हायस्कूल’ च्या विद्यार्थीं आणि शिक्षकांनी 16 डिसेंबर रोजी घडलेल्या हल्ल्यातील मृतांच्या आत्म्यास शांती मिळावी तसेच याप्रकारचे क्रूर कृत्य पुन्हा घडू नये यासाठी शाळेच्या मुख्याध्यापिका आयेशा ए. शेख यांच्या मार्गदर्शनाखाली प्रार्थना केली. यावेळी शाळेतील विद्यार्थीनी, शिक्षक व शिक्षकेतर कर्मचारी यंानी दोन मिनिटे स्तब्ध उभेराहून निष्पाप बळी पडलेल्यांना श्रद्धांजली वाहिली.

राज्यात पुणे , ठाणे , अंधेरी , वडाळा या मोठ्या शहरातील प्रादेशिक परिवहन कार्यालयात परवाना काढण्यासाठीचा ओघ पाहता लर्निंग लायसन्स साठी ऑन लाईन पध्दत कायम ठेवावी , मात्र परीक्षेसाठी स्टोल ऐवजी ओरियन्ट प्रणाली सुरु करावी , ग्रामीण भागात महाराष्ट्र राज्याचे भौगोलिक परिस्थिती लक्षात घेऊन राज्यात होणारे बारा ते पंधरा तासाचे भार नियमन लक्षात घेता अशा भागातील अस्तित्वात असलेल्या परिवहन कार्यालयामध्ये शिकाऊ परवाना आणि पक्के परवाना साठी ऑन लाईन पध्दत रद्द करावी अशी मागणी महाराष्ट्र राज्य मोटार ड्रायव्हिंग स्कूल असोसिएशनने मुख्यमंत्री देवेंद्र फडणवीस यांच्याकडे निवेदन देयून केली आहे . महाराष्ट्र राज्य मोटार ड्रायव्हिंग स्कूल असोसिएशच्या शिष्टमंडळाने मुख्यमंत्री देवेंद्र फडणवीस यांची भेट घेतली . प्रादेशिक परिवहन कार्यालयातील शिकाऊ परवाना आणि पक्के परवाना साठी ऑन लाईन पध्दत हि नागरिकांच्या हिताची नसून यामध्ये नागरिकांचा वेळ वाचण्याऐवजी नागरिकांचा वेळेचा अपव्यय होत आहे . म्हणून या ऑन लाईन प्रणाली बाबत रद्द करावी .

जुलै २०१४ पासून ज्या उमेदवारांनी लर्निंग लायसन्स काढले आहे त्यांच्या लायसन्स ची मुदत संपत आलेली आहे अशा उमेदवारांना ऑन लाईन प्रणाली भेटीची वेळ न मिळाल्याने महाराष्ट्रमधून हजारो वाहन चालक वंचित राहणारा आहेत त्याबाबत वेगळा विचार परिवहन विभागाने करावा अशी मागणी करण्यात आली आहे . सरकार मान्य मोटार ड्रायव्हिंग स्कूलला युझर आय डी पासवर्ड देण्यात यावा , ड्रायव्हिंग स्कूल साठी वेगळे मोटार वाहन निरीक्षक व वेगळे वार व दिवस नेमून दिलेले असतात , ड्रायव्हिंग स्कूल साठी स्वंतत्र कोटा देण्यात यावा , व पुणे शहरात पक्क्या लायसन्स ओघ लक्षात घेता कोटा वाढवून मिळावा परिवहन कार्यालयातील अधिकारी आणि कर्मचारीची संख्या वाढवण्यात यावी , परिवहन कार्यालयामध्ये महिलासाठी स्वछता गृहांची संख्या वाढवावी . उपाहार गृह आणि पिण्याच्या पाण्याची व्यवस्था करण्यात यावी . राज्यात रिजनल ड्रायव्हिंग स्कूल सेंटर साठी जागा उपलब्ध करून देण्यात यावी , अवजड वाहनाची परीक्षा पूर्वी प्रमाणे परिवहन कार्यालयात व्हावी अशा मागण्याचे निवेदन मुख्यमंत्री , परिवहन मंत्री , संसदीय कार्य मंत्री , परिवहन राज्य मंत्री यांना महाराष्ट्र राज्य मोटार ड्रायव्हिंग स्कूल असोसिएशनच्या वतीने देण्यात आली .

वाहन चालविण्याच्या लायसन्ससाठी नागरिकांचा जादा ओघ असलेल्या शहरातील प्रादेशिक परिवहन कार्यालयाच्या कार्यालयात ओरियन्ट प्रणाली सुरु करण्याबाबत सकारात्मक पावले उचलणार व राज्यातील मोटार ड्रायव्हिंग स्कूलच्या प्रश्नाबाबत मंत्रालयात मुख्यमंत्री यांच्या उपस्थितीत बैठक लावणार असे आश्वासन दिवाकर रावते यांनी दिले आहे .

यावेळी राजू घाटोळे , यशवंत कुंभार , ज्ञानेश्वर वाघोले , बाप्पू भावे , निलेश गांगुर्डे , निखिल बोराडे , विवेक माळवदे , नानासाहेब शिंदे , मिलिंद बैसाणे , सुनील चौधरी , स्वप्नील पवार, मनोज नाईक आदी पदाधिकारी उपस्थित होते .