आपल्या राजकीय नेतृत्वाने आणि कर्तृत्वाने जनमाणसांवर आपली छाप सोडणारे आणि राज्यातच नाही तर देशभरात वेगळी ओळख निर्माण केलेले नेते म्हणजे नारायण राणे, रामदास आठवले आणि नितीन सरदेसाई. तीन वेगवेगळ्या राजकीय पक्षांचे हे नेते आपल्या रोखठोक भूमिकेमुळे कायम चर्चेत राहतात. असे हे तीन दिग्गज नेते प्रथमच एखाद्या मनोरंजक कार्यक्रमात एकाच मंचावर एकत्र येणार आहेत. झी मराठीवरील लोकप्रिय असलेला आणि महाराष्ट्राच्या घऱाघरात पोहचलेल्या ‘चला हवा येऊ द्या’ या कार्यक्रमात हे नेते सहभागी होणार आहेत. येत्या सोमवारी आणि मंगळवारी म्हणजेच २३ आणि २४ नोव्हेंबरला रात्री ९.३० वा झी मराठीवरून हे विशेष भाग प्रसारित होणार आहेत.

प्रेक्षकांना भरभरून हसविणारा आणि काही वेळा डोळ्यांच्या कडाही ओला करणारा कार्यक्रम म्हणजे ‘चला हवा येऊ द्या’. थुकरटवाडी गावातील अतरंगी पात्र या कार्यक्रमातून प्रेक्षकांना भेटतात आणि त्यांचं मनोरंजन करत निखळ आनंद देतात. ‘चला हवा येऊ द्या’च्या या मंचावरून या पात्रांना घेऊन आजवर विविध चित्रपट आणि नाटकांची प्रसिद्धी करण्यात आली. ज्यात प्रामुख्याने त्या चित्रपटाच्या किंवा नाटकाच्या कलाकारांचा आणि तंत्रज्ञांचाही समावेश असायचा. याशिवाय काही विशेष भागांमधून अनेक कलाकारांचे, अभिनेत्यांचे अभिनेत्रींचे वेगळे पैलू, अंतरंगही जाणून घेता आले. आजवर सिनेक्षेत्राशी संबंधित व्यक्तिंना भेटण्याची त्यांना जाणून घेण्याची संधी या कार्यक्रमातून प्रेक्षकांना मिळाली पण आता प्रथमच या कार्यक्रमात सहभागी होणार आहेत राजकीय पटलावरील काही मान्यवर व्यक्तिमत्व. येत्या सोमवारी आणि मंगळवारी प्रसारित होणा-या भागात नारायण राणे, रामदास आठवले आणि नितीन सरदेसाई या राजकीय नेत्यांचे काही नवे पैलू ‘चला हवा येऊ द्या’ मधून बघायला मिळणार आहेत.

महाराष्ट्राचं मुख्यमंत्रीपद भूषविलेले नेते म्हणजे नारायण राणे. कोकणभूमीचे सुपुत्र असलेले राणे राज्यात ओळखले जातात ते त्यांच्या बेधडक वक्तव्य आणि निडर वृत्तीमुळे. मुख्यमंत्री असताना अनेक लोककल्याणाचे आणि विकासाचे निर्णय त्यांनी असेच बेधडकपणे घेतले. त्यांच्या याच कार्याच्या आठवणी जाग्या करणारं एक (काल्पनिक) पत्र या भागात ऐकायला मिळणार आहे जे लिहिलंय मुख्यमंत्र्यांचं सरकारी निवासस्थान असलेल्या वर्षा बंगल्यांनं. थुकरटवाडीतील पोस्टमन काका हे पत्र वाचत असताना स्वतः राणेही भावूक झाले होते. यावेळी रंगलेल्या गप्पांमधून राणे यांनी राजकीय जीवनातील संघर्षाच्या आठवणीसोबतच शिवसेनाप्रमुख बाळासाहेब ठाकरे यांच्यासोबतच्या अनेक आठवणीही सांगितल्या.

कार्यक्रमात धम्माल आणली ती रामदास आठवले यांनी सादर केलेल्या कविता आणि अभिनयाने. खुमासदार राजकीय वक्तव्यांसोबतच आपल्या खुसखुशीत आणि उत्स्फुर्त राजकीय कवितांसाठी प्रसिद्ध असलेल्या आठवले यांनी शोलेतील गब्बरच्या भूमिकेचं एक प्रहसन रंगवलं शिवाय काही कविताही सादर केल्या.

आजच मी पाहिलेलं आहे तुमचं गाव

मीच जिंकणार आहे आजचा डाव

आपल्या दुश्मनावर घालणार आहे मी घाव

कारण आठवले आहे माझं नाव

अशी कविता सादर करताच उपस्थित प्रेक्षकांनी टाळ्यांचा प्रचंड कडकडाट केला.

मराठी अस्मितेचा लढा पुकारणा-या महाराष्ट्र नवनिर्माण सेना या पक्षाचे नेते नितीन सरदेसाई यांच्यासाठी थुकरटवाडीच्या बॅंडने ‘पळते भैय्ये पाहूया मामाच्या गावाला जाऊया’ हे गाणं सादर करत धम्माल उडवून दिली. याशिवाय अनेक गमती जमती या कार्यक्रमात घडल्या आहेत. येत्या २३ आणि २४ नोव्हेंबरला रात्री ९.३० वा. ‘चला हवा येऊ द्या’ चे हे विशेष भाग प्रेक्षकांना बघायला मिळतील.

सोशल नेटवर्किंग साईट्सच्या माध्यमातून महाराष्ट्राला वेड लावणारा ‘भो भो’, दिल्ली

आंतरराष्ट्रीय चित्रपट महोत्सवात जाऊन पोहोचलाय. 5 ते 10 डिसेंबर 2015 दरम्यान

रंगणाऱ्या या महोत्सवात भो भो ही स्पर्धा करणार आहे. सुमुखेश फिल्म्स प्रस्तुत

आणि भरत गायकवाड निर्मित भो भो नव्या वर्षात आपल्या भेटीला येणार असला तरी

फेसबुक, व्हॉट्स ऍपच्या माध्यमातून भो भो घराघरात पोहोचलाय. भो भो आणि

भोंडेंमधले विनोदी संवाद अवघ्या महाराष्ट्राच्या चेहऱ्यावर हास्य खुलवण्यात यशस्वी

होत आहेत. आणि यामुळेचं या चित्रपटाविषयी प्रेक्षकांच्या मनात कुतूहल निर्माण झाले

भो भो आणि भोंडे यांची मुख्य भूमिका असलेला आगामी ‘भो भो’ हा सस्पेन्स थ्रिलर

असला तरी विनोदी शैलीने मांडण्यात आला असल्याने तो नक्कीच प्रेक्षकांना खिळवून

ठेवेल अशी आशा, चित्रपटाचे दिग्दर्शक भरत गायकवाड यांनी व्यक्त केली आहे.

लोकप्रिय हिंदी मालिकांच्या दिग्दर्शनाबरोबरचं धावा धाव या मराठी चित्रपट

दिग्दर्शनानंतर भरत गायकवाड भो भोच्या निमित्ताने एक वेगळा विषय प्रेक्षकांसमोर

घेऊन येत आहेत.

भोंडे या खासगी गुप्तहेराच्या भूमिकेत प्रशांत दामलेंना आपण पाहू शकणार आहोत.

यानिमित्ताने प्रशांत दामले मोठ्या पडद्यावर पदार्पण करत आहेत. त्याशिवाय सुबोध

भावे, शरद पोंक्षे, अश्विनी एकबोटे, सौरभ गोखले, संजय मोने, किशोर चौगुले आणि

अनुजा साठे अशी नावाजलेली कलाकार मंडळी आपल्याला महत्त्वाच्या भूमिकांमध्ये

दिसणार आहे.

रणबीर और दीपिका की आने वाली फिल्म तमाशा रिलीज़ के करीब है, और इस जोड़ी की केमिस्ट्री की चर्चा लोग हमेशा ही करते है| रणबीर और दीपिका की ऑन-स्क्रीन और ऑफ-स्क्रीन केमिस्ट्री के वजह से दर्शकों को इनके जोड़ी  से काफी उम्मीदे रहती है|

ट्रेलर लांच से लेकर गाने रिलीज़ तक, फैन्स ने इस जोड़ी  को साथ देखने की इच्छा लगातार ज़ाहिर की है, लेकिन अफ़सोस इस बात का है कि उनके फैन्स उन्हें असल ज़िन्दगी में साथ नहीं देख सकते इसीलिए उनकी ये ख्वाइश सिल्वर स्क्रीन पर उन्हें साथ देखकर ही पूरी होगी|

हमने ऐसे कई पेअर्स को ऑफ़ स्क्रीन और ऑन स्क्रीन साथ में देखा है और उनके बारे में कई अफवाए सुनने मिली है| शाहरुख खान और काजोल एक ऐसे ही गोल्डन जोड़ी  का सबसे बड़ा उदाहरण है, इन के बाद अब रणबीर और दीपिका को गोल्डन जोड़ी  माना जाता है| ये अब आज के जनरेशन की फेवरेट जोड़ी बन गयी है|

तमाशा के लिए लोगो में बहुत ही उत्सुकता बनी हुई है| दर्शाकों की सबसे प्यारी जोड़ी रणबीर कपूर और दीपिका पादुकोण इस फिल्म के साथ फिर से एक बार ऑन स्क्रीन नजर आयेंगे| युटीवी मोशन पिक्चर्स और नाडियाडवाला ग्रैंड सन एंटरटेनमेंट की इस फिल्म का निर्देशन इम्तियाज़ अली ने किया है| फिल्म २७ नवम्बर को रिलीज होगी|

• ज्येष्ठ साहित्यिक पद्मश्री  मधु मंगेश कर्णिक यांचे हृदय स्पर्शी संवाद !
• कोकणातील दशावतारी लोककलेचा खुमासदार वापर !
• चाहत्यांना अभिजात संगीताची मेजवानी  :- रुपकुमार राठोड, आरती अंकलीकर –टीकेकर , बेला शेंडे यांनी गायली गाणी !
• गुरु ठाकूर, मकरंद सावंत यांच्या अर्थपूर्ण शब्दरचनांना संगीतकार विजय नारायण, नंदू घाणेकर यांच्या कर्णमधुर संगीताची सुरेल साथ!

सिनेसृष्टीच्या उगमापासून जे आज पावेतो दमदार कथानक आणि पोषक वातावरणाची जोड  मराठी सिनेमाचा आत्मा राहिला आहे. बॉलीवूड पासून ते हॉलीवूडपर्यंत सार्यांनीच मान्य केले आहे. शाली हा आगामी सिनेमा याच पठडीतील ठरणार आहे.दिग्दर्शक अतुल साटम यांच्या ‘शाली’ सिनेमात रसिकांना दमदार कथानकासोबतच कोकणातील नयनरम्य वातावरण, चालीरीती, परंपरा, लोककला आणि मानवी व्यक्तिरेखांचे दर्शन घडणार आहे. हा चित्रपट येत्या २७ नोव्हेंबरला सर्वत्र प्रदर्शित होणार आहे.
कनक एन्टरटेन्मेंट बॅनरखाली निर्माते जयसिंग साटम यांनी ‘शाली’ चित्रपटाची निर्मिती केली आहे. कै. शंकर पाटील यांच्या ‘शारी’ या कथेने  प्रेरित होऊन अतुल साटम यांनी लिहिलेल्या पटकथेवर ज्येष्ठ साहित्यिक पद्मश्री मधु मंगेश कर्णिक यांनी संवाद लेखन केले असून, विख्यात नेत्रशल्यविशारद पद्मश्री डॉ. तात्याराव लहाने आणि लोकप्रिय अभिनेत्री अलका कुबल यांच्या विशेष भूमिका आहेत.
‘शाली’चे लेखक दिग्दर्शक अतुल साटम हे गेली २५ वर्षे हौशी, प्रायोगिक, व्यवसायिक रंगभूमि आणि चित्रपट क्षेत्रात कार्यरत आहेत. त्यांनी यापूर्वी ब-याच शॉर्टफिल्म्स्, डॉक्युमेंट्रीचं दिग्दर्शन केलेले आहे. काही चित्रपट दिग्दर्शकांसोबत सहदिग्दर्शकाचं काम केलं आहे. या खेरीज विविध सामाजिक संस्थांसोबतही ते कार्यरत आहेत.  कोकणसारख्या निसर्गसंपन्न लोकेशन्सवर शालीचे सौदर्य अधिक खुलविण्याचा त्यांनी प्रयत्न केला आहे.
`शाली’ हा मराठी चित्रपट आशयघन कथानकासोबतच कर्णमधुर संगीतामुळेही सिनेरसिकांच्या स्मरणात रहाणार  आहे. रुपकुमार  राठोड, आरती  अंकलीकर – टिकेकर,  बेला शेंडे  या दिग्गज गायकांच्या आवाजातील गाणी  रसिकांच्या मनाचा ठाव घेणारी आहेत. या चित्रपटातील दोन गाण्यांसाठी दोन निष्णात संगीतकारांची निवड केली गेली आहे. विजय नारायण आणि नंदकुमार घाणेकर या संगीतकारांनी या चित्रपटाला सुमधुर संगीताचा साज चढवला आहे. लोकप्रिय गायक रुपकुमार राठोड यांनी `नाही सांगणे काही अनंता, सर्व तुला ठावे…’ हे भजन गायलं आहे. तर फीमेल व्हर्जनमधील हे भजन आघाडीची गायिका बेला शेंडे यांच्या आवाजात अधिकच रसाळ झाले आहे. गुरु ठाकूर यांच्या समृध्द लेखणीतून उमटलेल्या या भजनगीताला संगीतकार विजय नारायण यांनी संगीतसाज चढवला आहे.

तर `पापण्याच्या भोवताली,   सावल्यांची साद आली…’ ही गीतकार मकरंद सावंत यांच्या लेखणीतून आकाराला आलेली गीतरचना आरती अंकलीकर-टिकेकर यांनी गायली आहे. संगीतकार नंदू घाणेकर यांनी संगीतबध्द केली आहे. `शाली’ सिनेमाचा आत्मा असलेलं हे गीत अत्यंत सुरेख असून शब्द आणि संगीताची जुगलबंदी रंगल्याचे रसिकांना नक्कीच जाणवेल.
कनक एन्टरटेन्मेंत बॅनरखाली निर्माते जयसिंग साटम यांनी ‘शाली’ चित्रपटाची निर्मिती केली असून कथा विस्तार, पटकथा आणि दिग्दर्शन अतुल साटम यांचे आहे. पंचविशीतल्या एका सुशील, शालीन, बुध्दिवान तसेच कर्तव्यनिष्ठ मुलीभोवती शालीची कथा फिरते. तिचे भावविश्व पडद्यावर रेखाटताना आजूबाजूला घडणा-या घटनांचा वेधही या सिनेमात घेण्यात आला आहे. या सिनेमातील कालखंड १९७०-८०च्या दशकातील असून कथेला कोकणची पार्श्वभूमी लाभली आहे. त्या अनुषंगाने कोकणामध्ये मनोरंजनासोबतच पौराणिक कथा सादर करण्याचा वसा जपणा-या दशावतारी नाट्याचा अविष्कार दादा कोणस्कर-राणे या प्रसिध्द दशावतारी कलावांताने `शाली’ तून घडविला आहे. त्यामुळे आजच्या आधुनिक युगात पडद्याआड गेलेला दशावतारी थाट `शाली’च्या निमित्ताने रसिकांना पुन्हा एकदा अनुभवायला मिळणार आहे.

या चित्रपटात मुख्य भूमिकेमध्ये चेतना भट, विजय गोखले, संजीवनी जाधव, दिगंबर नाईक, जयवंत वाडकर, शिवकांता सुतार, गनेश माने, अभय खडपकर व बालकलाकार साहिल गावकर तसेच दशावतारी कलावंत दादा राणे ऊर्फ दादा कोणस्कर इत्यादी कलावंताच्या प्रमुख भुमिका आहेत. शालीचं छायाचित्रण सुरेंद्र सिंग यांनी केले आहे तर कलादिग्दर्शन अल्हाद साटम यांचे असून कार्यकारी निर्मिती शंकर धुरी यांची आहे.