पुणे : महावितरणच्या मंचर विभागातील पाच ग्रामपंचायतींमध्ये गुरुवारी (दि. 10) एकाच दिवशी वीजयंत्रणेची दुरुस्ती, नवीन वीजजोडण्या व वीजमीटर व देयकांसंबंधी 1172 कामे एकाच दिवशी पूर्ण करण्यात आली. उल्लेखनीय म्हणजे जुन्नर उपविभागातील केवाडी, उंडेखडक व कुसुर या गावात एकाच दिवशी 145 नवीन वीजजोडण्या देण्यात आल्या आहेत.

दरम्यान, राजगुरुनगर विभागातील टाकवे (वडगाव), कडूस (राजगुरुनगर) व कोयाळी (चाकण) या तीन ग्रामपंचायतींमध्ये 353 कामे पूर्ण करण्यात आली आहे. यात नवीन वीजजोडणीचे 51 एवन फॉर्म महावितरणला प्राप्त झाले आहेत. तसेच वीजयंत्रणेच्या दुरुस्तीचे 222 कामे व वीजदेयके व वीजमीटरसंदर्भात विविध तक्रारी निवारणाचे 80 कामे करण्यात आली आहेत.

मंचर विभागात गावडेवाडी (मंचर), गंगापूर व पिंपळगाव (घोडेगाव), खिरेश्वर (आळेफाटा), कुसुर (जुन्नर) व निमगाव सावा (नारायणगाव उपविभाग) या ग्रामपंचायतींमध्ये महावितरणकडून मागेल त्यांना वीजजोडणीमध्ये 176 वीजजोडण्या देण्यात आल्या. यात 167 घरगुती व 9 कृषीपंपांचा समावेश आहे. जुन्नर तालुक्यातील कुसुर, केवाडी, उंडेखडक या गावांत एकाच दिवशी 145 वीजजोडण्या देण्यात आल्या आहेत. यातील 90 पेक्षा अधिक वीजजोडण्या कार्यान्वित करण्यात आल्या असून उर्वरित जोडण्याचे काम पूर्णत्वाकडे आहे.

यासोबतच वीजदेयकांबाबत तक्रारी निवारण, सदोष व नादुरुस्त मीटर बदलणे, मीटरचे रिंडींग घेणे आदी प्रकारचे 472 कामे करण्यात आली तर वीजयंत्रणेमधील वाकलेले वीजखांब सरळ करणे, डिस्ट्रीब्यूशन बॉक्स व किटकॅट बदलणे, तारांमधील झोल काढणे, वीजखांबाला रंगकाम, स्पेसर्स बसविणे, वीजपुरवठ्याला अडथळे ठरणार्‍या झाडाच्या फांद्या तोडणे आदी प्रकारचे 472 कामे पूर्ण करण्यात आली. पुणे परिमंडलाचे मुख्य अभियंता श्री. रामराव मुंडे यांच्या मार्गदर्शनात पुणे ग्रामीण मंडलचे अधीक्षक अभियंता श्री. सुनील पावडे, मंचर विभागाचे कार्यकारी अभियंता श्री. प्रकाश खांडेकर, अतिरिक्त कार्यकारी अभियंता श्री. सोमनाथ मठपती, उपकार्यकारी अभियंता सर्वश्री रमेश कावळे, अविनाश चौगुले, संतोष तळपे, विवेक सुर्यवंशी, जयंत गेटमे यांच्यासह 24 अभियंते व 185 कर्मचारी सहभागी झाले होते.

पुणे : महावितरणच्या मुळशी विभागातील पाच ग्रामपंचायतींमध्ये एकाच दिवशी वीजयंत्रणा व वीजसेवेविषयक तब्बल 1664 कामे पूर्ण करण्यात आली. यात वाघोली येथील 115 घरांसह पाच ग्रामपंचायतींमध्ये एकूण 194 ठिकाणी नवीन वीजजोडण्या देण्यात आल्या आहेत.

वाघोली (हडपसर ग्रामीण), कदमवाक वस्ती (उरळीकांचन), कोंढावळे व पिंरगुट (मुळशी), केळवडे (नसरापूर) या ग्रामपंचायतींमध्ये गुरुवारी (दि. 10) वीजयंत्रणेची दुरुस्ती, नवीन वीजजोडण्या व वीजमीटर व देयकांसंबंधी कामे करण्यात आली. उल्लेखनीय म्हणजे वाघोली ग्रामपंचायतीमध्ये एकाच दिवशी 115 नवीन वीजजोडण्या देण्यात आल्या आहेत.

नवीन वीजजोडण्यांमध्ये 159 सिंगल फेज तर 35 वीजजोडण्या तीन फेजच्या आहेत. त्या कार्यान्वित करण्यात येत आहेत. याशिवाय वीजयंत्रणेमधील वाकलेले वीजखांब सरळ करणे, डिस्ट्रीब्यूशन बॉक्स व किटकॅट बदलणे, तारांमधील झोल काढणे, वीजखांबाला रंगकाम, स्पेसर्स बसविणे, वीजपुरवठ्याला अडथळे ठरणार्‍या झाडाच्या फांद्या तोडणे आदी प्रकारचे 842 कामे पूर्ण करण्यात आली. तर वीजदेयकांबाबत तक्रारी निवारण, सदोष व नादुरुस्त मीटर बदलणे, मीटरचे रिंडींग घेणे आदी प्रकारचे 628 कामे करण्यात आली आहेत. पुणे परिमंडलाचे मुख्य अभियंता श्री. रामराव मुंडे यांच्या मार्गदर्शनात पुणे ग्रामीण मंडलचे अधीक्षक अभियंता श्री. सुनील पावडे, कार्यकारी अभियंता श्री. राजेंद्ग पवार, उपकार्यकारी अभियंता सर्वश्री किरण सरोदे, कल्याण गिरी, राहुल डेरे, राजेंद्ग भुजबळ आदींसह अभियंता, जनमित्रांनी त्रिसुत्री कार्यक्रमाची अंमलबजावणी केली.

पुणे : महावितरणच्या भोसरी विभागअंतर्गत निगडी व रावेत परिसरात वीजमीटरच्या विशेष तपासणी मोहिमेत 23 ठिकाणी 11 लाख 24 हजार रुपयांची वीजचोरी आढळून आली. वीजचोरीच्या यातील 4 प्रकरणांत चार जणांविरुद्ध गुन्हा दाखल करण्यात आला आहे.

भोसरी विभागाकडून नुकत्याच झालेल्या निगडी व रावेत परिसरातील वीजमीटर तपासणीच्या विशेष मोहिमेत 22 ठिकाणी घरगुती व एका ठिकाणी औद्योगिक वीजवापरासाठी चोरी होत असल्याचे आढळून आले. यात रावेत येथील तीन घरगुती व एका औद्योगिक वर्गवारीतील वीजचोरीत 95,000 युनिटची वीजचोरी आढळून आली. याप्रकरणी चार जणांविरुद्ध रास्तापेठ (पुणे) येथील महावितरण पोलीस ठाण्यात भारतीय विद्युत कायदा 2003 नुसार कलम 135 अन्वये गुन्हा दाखल झाला आहे. तर उर्वरित 19 वीजचोरीच्या प्रकरणांत कलम 135 अन्वये कारवाई करण्यात येत आहे.

पुणे परिमंडलाचे मुख्य अभियंता श्री. रामराव मुंडे यांच्या मार्गदर्शनात अधीक्षक अभियंता श्री. महेंद्ग दिवाकर, कार्यकारी अभियंता श्री. धर्मराज पेठकर, अतिरिक्त कार्यकारी अभियंता श्री. राजेश गुजर, सहाय्यक अभियंता कल्याण जाधव, सुरेश पवार, कविता ढाके, तेजश्री म्हात्रे तसेच जनमित्रांनी ही विशेष मोहिम राबविली.

पुणे :- वैशिष्ट्यपूर्ण गृहप्रकल्पांद्वारे ग्राहकांचा विश्वास संपादन केलेल्या डी. एस. कुलकर्णी डेव्हलपर्सतर्फे सादर झालेल्या ‘डीएसके मास्टर प्लॅन‘ या योजनेला केवळ पुण्यातूनच नव्हे, तर राज्यभरातून तसेच परदेशातूनही उदंड प्रतिसाद मिळत आहे.

मंगळवारपासून सुरू झालेल्या प्रदर्शनाला राज्यातील औरंगाबाद, लातूर, जळगाव, नाशिकपासून अगदी नागपूरमधील तसेच परराज्यातील ग्राहकांनी आवर्जून भेट देत आपल्या स्वप्नातील घराचे बुकींग केले. विशेष म्हणजे ऑनलाइन योजनेला जपान, जर्मनी, दक्षिण आफ्रिका आणि अमेरिकेतूनही भरभरून प्रतिसाद मिळत आहे. खासगी कंपन्या, सरकारी कार्यालयांमधील कर्मचारी आणि अधिका-य़ांनी या वेळी भेट दिली.

अशाच योजनांमार्फत उत्तमोत्तम गृहप्रकल्प लोकांपर्यंत पोचवण्यासाठी आम्ही नेहमीच कटिबद्ध राहू. ग्राहकांनी दिलेल्या या भरघोस प्रतिसादाबद्दल डी. एस. कुलकर्णी डेव्हलपर्सच्या अध्यक्षा हेमंती कुलकर्णी यांनी ग्राहकांचे आभार मानले.

माझी नोकरी मुंबईत झाली. मात्र, शिक्षणाच्या निमित्ताने पुण्यात होतो. येथेच स्थायिक व्हायचे हे नक्की होते. त्यातही डीएसकेंकडे घर घ्यायचे हे ठरविले होते. त्यानुसार येथे घर बुक केल्याचे माजी सरकारी अधिकारी कुमारसाहेब साळुंके यांनी सांगितले. तर डीएसके डेव्हलपर्सच्या व्यवहारातील पारदर्शकता आणि त्यात हि उत्कृष्ट योजना यामुळे आम्ही येथे फ्लॅट्स घेण्याचे नक्की केले. निसर्ग सौंदर्य, प्रदूषणविरहित वातावरण व वाढत्या शहरीकरणाचा विचार करून त्यांनी या प्रकल्पाची केलेली रचना खूप आवडली, असे संकेत पारेकर यांनी सांगितले.

लोकप्रतिनिधींना लोकभावना समजत नाहीत काय ?

पुणे- स्मार्ट सिटी च्या नावाने ३००० कोटीचा प्रकल्प नागरिकांसाठी असणार आहे कि मुठभर कंपन्या आणि ठेकेदारांसाठी असणार आहे ? असा सवाल मनसे चे युवा नेते रवी सहाने यांनी  केला आहे . त्यांनी स्मार्ट सिटी साठी जोरदार आग्रह करणाऱ्या माध्यमांवर  कडाडून टीका केली . यांनी काय  ” स्मार्ट सिटी प्रकल्पाची  ” ची एजन्सी घेतलीय का – संपूर्ण देशात प्रथम राज ठाकरे यांनी  यांनी स्मार्ट सिटी ची पोल खोलली आणि नंतर पुणे मनपात मनसे च्या धाडसी नगरसेवकांनी मुख्य सभेत हा विषय हाणुन पाडला यावर काही माध्यमांनी  राज ठाकरे  व मनसे वर टिका करण्यास सुरुवात केली .म्हणे हे दूतोंडी आहेत एकीकडे विरोध आणि नाशिक मधे बाजु घेतल्याचा आरोप करीत आहे .मुळात संबधित माध्यमांना  या प्रकल्पामध्ये मधे इतका रस का आहे ?… काय या अंतर्गत येणाऱ्या कामाचे ठेके मिळणार आहेत का ..?असा सवाल करून श्री सहाने म्हणाले ,तूटपूंजी रक्कम देवून घटनेने महापालिकेला दिलेला अधिकार केंद्र सरकार काढून घेत आहे हे त्यांना नाही दिसत का?आणि लोकांनीच निवडून दिलेल्या लोकप्रतिनिधींना लोकभावना समजत नाहीत काय  , लोकभावना जर समजते तर ‘बस डे’ आणि ‘सायकल चालवा’ अभियानाचे काय झाले हे त्यांनी सांगावे .लोकभावना हि आहे कि स्वस्तात,  कमी वेळेत सुलभतेने  कामावर आणि घरी पोहोचत यावे  . तुमच्या ‘बस डे’ ने ते शक्य झाले नाही आणि सायकल चालवा अभियानाने हि झाले नाही . म्हणून पुण्यात दुचाक्या ना प्राधान्य दिले जाते . पुणेकरांची लोकभावना हि त्यांच्या रोजच्या जीवनाशी निगडीत आहे त्यांना केवळ  नित्यनियमाने पाणी , स्वच्छता ,सुरळीत वाहतूक हवी  आहे .मुलभूत कामे जी महापालिकेने करायला हवीत त्यासाठी वृत्तपत्रांचाही अंकुश बोथट झाला कि काय ? असा सवाल हि त्यांनी केला आहे

पुणे-सोनिया गांधी आणि राहुल गांधी यांच्या घराण्याला इतिहास आहे देशासाठी त्यागाचे , बलिदानाची पार्श्वभूमी असलेले हे घराणे आहे देश त्यांच्या पाठीशी सदैव दृश्य- अदृश्य स्वरूपात राहीलच असा विश्वास येथे महापालिका शिक्षण मंडळाच्या माजी अध्यक्षा  संगीता तिवारी यांनी व्यक्त केला . शहर कॉंग्रेसचे अध्यक्ष अभय छाजेड यांच्या उपस्थितीत सौ. तिवारी यांनी काँग्रेस भवन येथे सोनिया गांधी यांचा वाढदिवस साजरा केला यावेळी तीन रंगातले केक कापण्यात आले .

जनता पक्षाची बहुमताने सत्ता आल्यावर त्यांनी ही इंदिराजींना त्रास दिला होता . त्याच जनता पक्षाची पुढे २ शकले झाली आणि भाजप चा जन्म झाला . सध्याचे भाजपा सरकारही त्याच  दिशेने जाते आहे . पण त्याग बलिदान  यांची परमप्र आणि स्वातंत्र्य चळवळीतले  योगदान कधी विसरले जाणार नाही आणि निस्वार्थी देशप्रेमी गांधी घराण्याच्याच पाठीशी देश उभा राहील असे यावेळी सौ. तिवारी म्हणाल्या .