पुणे – शिवसेनाप्रमुख बाळासाहेब ठाकरे, आर के लक्ष्मण, शि. द. फडणीस, वसंत सरवटे यांच्यासह महाराष्ट्रातील अनेक
गाजलेल्या व्यंगचित्रकारांनी रेखाटलेल्या व्यंगचित्र व हास्यचित्रांचे प्रदर्शनातून जुन्या राजकीय घडामोडींना “हस-या
मैफली”ने आज उजाळा दिला. पुणे फेस्टिव्हलमध्ये या दिग्गज व्यंगचित्रकारांच्या हास्य व व्यंगचित्रांची बालगंधर्व
रंगमंदीरच्या कलादालनात भरलेली ही मैफल केंद्रीय रस्ते वाहतूक व जहाजमंत्री नितीन गडकरी आणि सिक्कीमचे
राज्यपाल श्रीनिवास पाटील यांनी आज दीपव्रज्वलन करून रसिकांसाठी खुली करताच व्यंगचित्र व हास्यचित्रांचाही
मनमुराद आनंद घेतला. ही हासरी मैफल पुढील दोन दिवस (सोमवार आणि मंगळवारी) सकाळी ११ ते रात्री ८
वाजेपर्यंत सर्वांसाठी विनामूल्य खुली रहाणार आहे. यावेळी पुण्यातील अनेक नामवंत हास्य व व्यंगचित्रकार, आणि
नागरीक मोठ्या संख्येने उपस्थित होते.
कार्यक्रमाच्या अध्यक्षस्थानी अ. भा. मराठी साहित्य संमेलनाचे माजी अध्यक्ष डॉ. श्रीपाल सबनीस होते. यावेळी पुणे
फेस्टिव्हलचे मुख्य संयोजक कृष्णकांत कुदळे, सासवड माळेगाव शुगर फॅक्टरीचे व्यवस्थापकीय संचालक रंजन गिरमे,
कोहिनूर ग्रूपचे कृष्णकुमार गोयल उपस्थित होते. साहित्य वेध प्रतिष्ठानचे अध्यक्ष कैलास भिंगारे यांनी अशा
महाराष्ट्रातील नामवंत व्यंगचित्रकारांची सुमारे १२०० व्यंगचित्र व हास्यचित्रांचे हे प्रदर्शन आयोजित केले आहे.
सोमवारी आर. के. लक्ष्मण यांच्या मालगुडी डेज आणि यू सेड इट या मालिकेतील चित्रे बघण्याची संधी मिळणार आहे.
व्यंगचित्रकार शिवसेनाप्रमुख बाळासाहेब ठाकरे यांचे कौतुक करताना कार्यक्रमाचे अध्यक्ष डॉ.सबनीस म्हणाले,
बाळासाहेब मोठे व्यंग व हास्यचित्रकार होतेच. पण पुढे जाऊन त्यांनी राजकीय पक्ष स्थापन करून तो कधी सत्तेत तर
कधी विरोधी पक्ष करण्यापर्यंत नेला. ही किमया देशात फक्त त्यांनाच साधता आली कारण ते व्यंगचित्रकार होते.
देशातील राजकीय व्यवस्था दुरूस्त करण्यासाठी, सांस्कृतिक विकृतीवर मात करण्यासाठी व्यंगचित्रकार व हास्य
चित्रकरांनीच आता पुढे येण्याची गरज आहे. या हस-या मैफलीत सुमारे ४०० व्यंगचित्र व हास्यचित्र लावण्यात आलेली
असून ती रोज बदलती रहाणार आहेत.
त्यात राजकारणाबरोबरच समाजकारण आणि सामाजिक समस्यांवरील व्यंग व हास्यचित्रांचा समावेश केला जाणार
आहे. त्यामुळे रसिकांना रोज नविन चित्रे बघून जुन्या आठवणींना उजाळा देतानाच विरंगुळाही अनुभवता येईल. हास-
यामैफलीत आर. के. लक्ष्मण, बाळासाहेब ठाकरे, वसंत सरवटे, शि. द. फडणीस, मनोहर सप्रे, विकास सबनीस अशा
दिग्गज व्यंग – हास्य चित्रकारांसह नव्या दमाच्या संजय मिस्त्री, प्रभाकर झळके, संजय मोरे, सतीश उपाध्ये, उमेश
पाटोळे, उमेश वाघ व्यंग – हास्य चित्रकांच्या चित्रांचा समावेश आहे.

पुणे – पुणे शहरातील सार्वजनिक गणेशोत्सवाबरोबरच पुणे फेस्टिव्हलच्या कार्यक्रमांचीही धूम सुरू झाली आहे. या
कार्यक्रमांचा दुसरा दिवस गाजवला तो अंध कलाकारांनी डोळसपणे सादर केलेल्या “अपूर्व मेघदूत “ या नाट्यविष्काराने.
महाकवी कालिदासाच्या मेघदूत या संस्कृत काव्यावरील या नाट्यविष्कारात संवाद होते, नृत्ये होती, मोठी स्वगत
होती…..पण कुठेही न बुजता किंवा दडपण न घेता अगदी सराईत व्यवसाय़िक नाटकातील नटांप्रमाणे हलचाली, संवाद
म्हणत सर्वच कलाकारांनी नाट्यरसिकांची मन जिंकली आणि ज्येष्ठ अभिनेते डॉ. श्रीराम लागू आणि दीपा श्रीराम
यांच्याकडून कौतुकाची थाप मिळवली.
पुणे फेस्टिव्हमध्ये आज संध्याकाळी बालगंधर्व रंगमंदीरात १९ अंध कलाकारांनी अपूर्व मेघदूत या दोन अंकी नाटकांचा
प्रयोग सादर केला. पहिला अंक संपल्यानंतर या कलाकारांचा गौरव गायत्रीदेवी पटवर्धन यांनी केला तसेच डॉ लागू
यांचाही पुणे फेस्टिव्हलच्या वतीने सत्कार केला. या नाटकाची संहिता आणि मेघदूत काव्यातून नाट्य रूपांतर आणि गीत
गणेश दिघे यांनी लिहिली आहेत, तर दिग्दर्शन स्वागत थोरात यांनी केले आहे. असा मेघदूत काव्यावरील नाटयप्रयोग
करण्याचे आव्हान आर्लिन संस्थेच्या रेश्मा पांढरे आणि वीणा ढोले व त्यांच्या टीमने सर्वप्रथम स्वीकारले. त्यांनी संच उभा
केला आणि नाटकाचे प्रयोग सुरू केले. या नाटकाचा याच कलाकारांच्या संचाने आज १४ वा प्रयोग सादर करून त्यांनी
१४ विद्यांची देवता असलेल्या श्री गणेशाच्या चरणी कलेची सेवा रूजू केली. या सर्व कलाकारांची संवाद फेक, त्यांचा
रंगमंचावरचा सहज व सराईत वावर, सहकालाकारांना प्रतिसाद देण्याची पद्धती, नृत्यातील लयबद्ध पदन्यास बघून हे
कलाकार दृष्टीहीन नसून कोणी मुरब्बी व्यावसायिक कलाकार काम करत आहेत असे जाणवत होते.
या नाटकातील सर्व म्हणजे १९ कलाकार हे १८ ते ३० वयोगटातील असून काहीजण पदवी, पदव्योत्तर अभ्यासक्रमाचे
शिक्षण घेत आहेत तर काही जण नोकरी करत आहेत. यातील कालिदासाची भूमिका करणारा अव्दैत मराठे सह पाच
कलाकारांना उशिराने अंधत्व आलेले असल्याने त्यांना ब्रेल लिपी येत नाही. त्यानी ऑडिओ कॅसेट ऐकून संवाद पाठ केले
आहेत. या नाटकाची सुरूवातच अव्दैतच्या सुमारे दहा मिनिटांच्या स्वगताने होते. यक्षाची भूमिका करणारा घायले हा
सी. ए.ची फायनल परिक्षा देत असून कॉर्पोरेशन बँकेत सहाय्यक व्यवस्थापक पदावर कामही करत आहे तर दामिनीची
भूमिका करणारी तेजस्वीनीला चारच वर्षापूर्वी अंधत्व आले असून ती एम कॉम असून बँकेची परिक्षा देत आहे.
सावी फाउंडेशन हा व्यवसायिक महिलांचा ग्रूप या सर्वांना सहाय्य करण्याची भूमिका गेली तीन वर्षे बजावत आहे. ब्रेल
लिपीत पुस्तके तयार करणे, ऑडिओ कॅसेट तयार करणे, त्यांच्यासाठी सेमिनार आयोजित करणे, बँके किंवा कुठेही
देण्यासाठी या सर्वांची इंटव्ह्यूची तयारी करून घेणे अशी कामे करत आहे. या सर्व दृष्टीहीन कलाकारांना घेऊन नेहमी
गायन, वादनाचे कार्यक्रम सोडून त्यांच्यासाठी संगीत नृत्य नाटिका बसवण्याचे आव्हान त्यांनी पेलले आहे. अपूर्व मेघदूत
या नाटकाच्या प्रयोगाचा उपयोग काही स्वयंसेवी संस्थांनी निधी उभारण्यासाठीही केलेला आहे.

पुणे-लुल्लानगर चौक कोंढवा खुर्द येथील प्रस्तावित उड्डाणपुलाच्या कममधील एच एम ( सी टी सी) प्रवेश ते न्यू कमांड हॉस्पिटल या ठिकाणी अंडरपास बांधण्यासाठी खासदार स्थानिक विकास निधि अंतर्गत १ कोटी रुपयाचा निधी पुणे महानगर पालिकेला उपलब्ध करून दिला असल्याची माहिती खासदार अनिल शिरोळे ह्यांनी दिली आहे. उड्डाणपुलाच्या कामास एकूण ४ कोटी ४८ लाख खर्च येणार असून त्यापैकि सुरवातीचा १ कोटी रुपयाचा निधी महानगर पालिकेने दिला आहे. तत्कालीन संरक्षण मंत्री मनोहर पर्रिकर ह्यांच्या समवेत झालेल्या बैठकीतील निर्णयानुसार उर्वरित रकमची तरतूद ही खासदार व आमदार ह्यांच्या स्थानिक विकास निधीतून उभी करावयाची असल्याने त्यानुसार हा निधी उपलब्ध करून दिल्याचे शिरोळे म्हणाले. त्याचबरोबर ह्या पुलाचे बांधकाम लवकरात लवकर पूर्ण होऊन तो नागरिकांच्या सेवेत उपलब्ध व्हावा अशी अपेक्षा देखील शिरोळे ह्यांनी व्यक्त केली आहे.

पुणे-

हरियाणा , आंध्रप्रदेश , गुजरात , बिहार , राजस्थान , तामिळनाडू , उत्तरप्रदेश तसेच महाराष्ट्रसह देशभरात दलितांवर अमानवी हल्ले होत आहेत , पुण्यातील युवक मोहसीन शेख पासून अखलाक आणि जुनेद पर्यंत २३ मुस्लिम युवकांची संपूर्ण देशात गोरक्षण आणि धर्म रक्षणाच्या नावाखाली हत्या झाल्या आहेत . गोमांस बाळगल्याच्या संशयावरून ५३ घटनेत मुस्लिम समाजावर अत्याचार करण्यात आले .

याचाच अर्थ मोदी सरकारच्या राज्यात दलित मुस्लिम सुरक्षित नाहीत .या निषेधार्थ केंद्र सरकारचा भीम आर्मी पुणे शहर शाखेच्या वतीने तीव्र निदर्शने करून निषेध करण्यात आला .पुणे स्टेशनजवळील डॉ. बाबासाहेब आंबेडकर पूर्णाकृती पुतळ्यासमोर झालेल्या या आंदोलनाचे नेर्तृत्व भीम आर्मी संघटनेचे पुणे जिल्हा प्रमुख दत्ता पोळ यांनी केले .

देशाचे प्रधानमंत्री अच्छे दिन झाल्याची चर्चा करतात , परंतु देशात दलित मुस्लिम सुरक्षित आहेत का ? याकडे त्यांचे पूर्णपणे दुर्लक्ष आहे . इथले धर्मवादी लोक धर्मरक्षण व गोरक्षणाच्या आहेत आणि सरकार त्यावर कठोर निर्णय होऊ शकत नाही . ही भारतीय लोकशाहीची शोकांतिका असून केंद्र सरकार आपली घटनात्मक जबाबदारी पार पाडित नसल्याचा आरोप भीम आर्मी संघटनेचे पुणे जिल्हा प्रमुख दत्ता पोळ यांनी केला आहे .यावेळी पुणे जिल्हाधिकारी यांना निवेदन देण्यात आले .

त्याचप्रमाणे भीम आर्मी संघटनेचे नेते चंद्रशेखर आझाद हे उत्तर प्रदेशमध्ये दलित अत्याचारांवर संविधानिक मार्गाने आपला लढा लढत असताना व दलितांवर अत्याचाराच्या विरोधात संघर्ष करताना त्यांना नियोजनबध्द व जाणीवपूर्वक अटक केली . त्याचा देखील निषेध व्यक्त करण्यात आला .

दलित मुस्लिम समाजाला संरक्षण द्यावे तसेच भीम आर्मीचे नेते चंद्रशेखर आझाद यांची सुटका व्हावी अशी मागणी जिल्हाधिकारी यांना दिलेल्या निवेदनात करण्यात आली .

यावेळी शहराच्या विविध भागातून कार्यकर्ते पदाधिकारी उपस्थित होते . यामध्ये प्रदीप कांबळे , सुनिल बेंगळे , राहुल शिंदे , विवेक सावंत , चंद्रकांत भोसले , पावलंस सावंत , विठ्ठल देवकुळे , राकेश साबळे , दत्ता गरुड , बाळू गायकवाड , श्रीकांत शेंडगे , सदा देवनावर , मामा वाघमारे , विक्की जावळे ,  निखिल गायकवाड , अरिफ तांबोळी , हुसेन भोलावले , शरद अरुण आदी पदाधिकारी आणि मोठ्या संख्येने सहभागी झाले होते .

पुणे –

श्रीमंत दगडूशेठ हलवाई गणपती मंडळाच्या रोषणाईचे उद्‌घाटन मुख्यमंत्र्यांच्या हस्ते झाले. ग्रामदैवत आणि मानाचा पहिला कसबा गणपती आणि मानाचा दुसरा गणपती तांबडी जोगेश्‍वरी मंडळास भेट देऊन त्यांनी दर्शन घेतले. मुख्यमंत्र्यांच्या हस्ते श्रींची आरती करण्यात आली. या वेळी पालकमंत्री गिरीश बापट, महापौर मुक्ता टिळक, खासदार अनिल शिरोळे, समाजकल्याण राज्यमंत्री दिलीप कांबळे, आमदार माधुरी मिसाळ, स्थायी समितीचे अध्यक्ष मुरली मोहोळ, सभागृह नेते श्रीनाथ भिमाले, नगरसेवक हेमंत रासने, मंडळाचे अशोक गोडसे, उल्हास भट आदी उपस्थित होते.