पुणे-लुल्लानगर चौक कोंढवा खुर्द येथील प्रस्तावित उड्डाणपुलाच्या कममधील एच एम ( सी टी सी) प्रवेश ते न्यू कमांड हॉस्पिटल या ठिकाणी अंडरपास बांधण्यासाठी खासदार स्थानिक विकास निधि अंतर्गत १ कोटी रुपयाचा निधी पुणे महानगर पालिकेला उपलब्ध करून दिला असल्याची माहिती खासदार अनिल शिरोळे ह्यांनी दिली आहे. उड्डाणपुलाच्या कामास एकूण ४ कोटी ४८ लाख खर्च येणार असून त्यापैकि सुरवातीचा १ कोटी रुपयाचा निधी महानगर पालिकेने दिला आहे. तत्कालीन संरक्षण मंत्री मनोहर पर्रिकर ह्यांच्या समवेत झालेल्या बैठकीतील निर्णयानुसार उर्वरित रकमची तरतूद ही खासदार व आमदार ह्यांच्या स्थानिक विकास निधीतून उभी करावयाची असल्याने त्यानुसार हा निधी उपलब्ध करून दिल्याचे शिरोळे म्हणाले. त्याचबरोबर ह्या पुलाचे बांधकाम लवकरात लवकर पूर्ण होऊन तो नागरिकांच्या सेवेत उपलब्ध व्हावा अशी अपेक्षा देखील शिरोळे ह्यांनी व्यक्त केली आहे.