पुणे : महावितरणच्या सेंट मेरी उपविभाग अंतर्गत 7709 वीजग्राहकांना ऑगस्ट महिन्याचे शून्य युनिटचे वीजबिल दिल्याप्रकरणी जी नेक्स्ट सोल्यूशन या मीटर रिडींग एजंसीविरुद्ध वानवडी पोलीस स्टेशनमध्ये महावितरणकडून फौजदारी तक्रार करण्यात आली आहे.

दरम्यान, या वीजग्राहकांना ऑगस्टची वीजबिले सप्टेंबरच्या वीजबिलात दुरुस्त करून देण्यात येणार असून त्याचा कोणताही वेगळा आर्थिक भूर्दंड वीजग्राहकांवर पडणार नाही अशी ग्वाही महावितरणकडून देण्यात येत आहे.

याबाबत माहिती अशी की, रास्तापेठ विभाग अंतर्गत लुल्लानगर, नेताजीनगर, साळुंखेविहार रोड परिसरातील वीजग्राहकांच्या मीटरचे रिडींग घेण्याचे काम मेसर्स जी नेक्स्ट टेक सोल्यूशन भोसरी, पुणे या एजंसीला देण्यात आलेले आहे. परंतु ऑगस्ट 2017च्या बिलासाठी मीटर रिडींगच्या कामामध्ये या एजंसीने हेतुपुरस्सर चुका केल्याचे दिसून आले. त्यामुळे लुल्लानगर, नेताजीनगर, साळुंखेविहार रोड, समता कॉलनी, कुबेरा पार्क, सिंध हिंद कॉलनी, केदारी नगर, इथोपिया सोसायटी, गंगा सॅटॅलाईट सोसायटी, ग्रीन व्हॅली आदी परिसरातील 7709 वीजग्राहकांनी ऑगस्ट 2017 चे वीजबील शून्य युनिटचे देण्यात आले आहे. यात महावितरणचे एक कोटी 72 लाख रुपयांचा महसूल ठप्प झाला आहे व संबंधीत वीजग्राहकांना सदर चुकीच्या वीजबिलांमुळे मनस्ताप सहन करावा लागत आहे. महावितरणने याची गंभीर दखल घेऊन मेसर्स जी नेक्स्ट टेक सोल्यूशन या मीटर रिडींग एजंसीविरुद्ध वानवडी पोलीस ठाण्यात फौजदारी तक्रार दाखल केली आहे.

तसेच मीटर रिडींग एजंसीच्या चुकीमुळे ज्या 7709 वीजग्राहकांनी शून्य युनिट वापराचे वीजबिल देण्यात आले त्यांना माहे सप्टेंबरमध्ये योग्य वीजवापराचे वीजबिल देण्यात येणार आहे. या वीजबिलांच्या दुरुस्तीमध्ये संबंधित वीजग्राहकांवर कोणत्याही प्रकारे वेगळा आर्थिक भुर्दंड पडणार नाही याची काळजी घेण्यात येत आहे. त्यामुळे वीजग्राहकांनी सहकार्य करावे, असे आवाहन महावितरणने केले आहे.

पुणे: राजेश वाधवान समूह  यांच्या मालकीच्या इंडियन सुपर लीगमधील टीम असलेल्या एफसी पुणे सिटी संघाने डिएगो कार्लोस याला करारबद्ध करण्यात आले असून त्याच्या समावेशमुळे संघाची ताकद आणखी वाढली आहे. 29वर्षीय डिएगो एफसी पुणे सिटीकडून इंडियन सुपर लीग स्पर्धेत पहिल्यांदाच सहभागी होत आहे.

एफसी पुणे सिटी संघाचे मुख्य कार्यकारी अधिकारी गौरव मोडवेल म्हणाले कि,  डिएगोकडे आक्रमकतेने ताबा मिळविण्याचा हातखंडा आहे. एक आक्रमक मध्यरक्षकशिवाय चेंडूवर उत्तम ताबा मिळविण्याचे कौशल्य त्याच्याकडे असल्यामुळे त्याचा समावेश आमच्या संघासाठी जमेची बाजू ठरणार आहे. मार्सिलीन्हो, जोनातन लुक्का यांच्यासह आणखी एका ब्राझिलीयनचा समावेश संघात झाला आहे.

डिएगो याने आपल्या युवा कारकिर्दीची सुरुवात फ्लामिंगो संघाकडून केली. त्यानंतर तो ब्राझिलियाच्या डुक्यू डी कॅक्सिस व कोरींथियंस अलागोनो या क्लबमध्ये सहभागी झाला. 2011 मध्ये रशिया येथील रशियन राष्ट्रीय लीग स्पर्धेमध्ये निझनी नोवगोरोड संघाकडून खेळताना त्याने 31 सामन्यांमध्ये 10गोल केले. त्यानंतर 2012मध्ये एफसी उफाच्या एफसी लुच एनर्जीया वाल्दीवोस्टोककडून खेळतानाया त्याने 8गोल करून संघाला रशियन प्रिमियर लीगच्या अव्वल श्रेणी विभागात प्रवेश मिळवून देण्यात मोलाची कामगिरी बजावली.

यावेळी डिएगो कार्लोस म्हणाला कि, माझ्या फुटबॉल कारकिर्दीतील हे एक नवीन सुरुवात आहे. या लीग स्पर्धेबरोबरच एफसी पुणे सिटी संघाविषयी चांगल्या गोष्टी ऐकल्या आहेत. माझ्या देशातील सहकारी मार्सिलीन्हो, जोनातन लुक्का यांच्यासह संघाकडून खेळण्यास मी उत्सुक आहे आणि चाहत्यांना विजय साजरे करण्यासाठी मी क्लबकडून खेळताना 100 टक्के योगदान देईन, अशी खात्री देतो

पुणे ता.:- आजच्या धावत्या जगात विद्यार्थ्यांनी अभ्यासासोबतच खेळातही तरबेज व्हायला हवे. खेळांमुळे आयुष्यात सकारात्मक बदल होतात ज्यामुळे चांगले व्यक्तिमत्त्व घडण्यास मदत होते. संघटितपणे काम करण्याची सवय लागते. तसेच परिस्थितीशी जुळवून घेण्याची क्षमताही खेळाच्या माध्यमातून वाढते.  असे मत पालकमंत्री गिरीश बापट यांनी याप्रसंगी व्यक्त केले.

शिक्षक दिनानिमित्त कसबा मतदारसंघातील नूमवी प्रशाला,सेंट हिल्डाज हायस्कूल, गोमतीबेन रघुनाथ बारोट स्कूल या ठिकाणी शिक्षकांना सन्मानित करण्यात आले.शिवाय कसबा मतदार संघाच्या निधीतून नूतन मराठी प्रशालेला संगणक आणि कबड्डी मॅट देण्यात आल्या. यावेळी ते बोलत होते. कसबा मतदारसंघातील ९० शाळांमधील ३८०० शिक्षकांना यावेळी पालकमंत्र्यांच्या हस्ते सन्मानित करण्यात आले. यावेळी महापौर मुक्ताताई टिळक, अजय खेडेकर,अशोक येनपुरे,हेमंत रासने ,संजय देशमुख,निलेश कदम,प्रमोद कोंडरे,सुलोचना कोंडरे,आरती कोंडरे,सम्राट थोरात ,राजू परदेशी, गायत्री खडके तसेच इतर नगरसेवक-नगरसेविका आणि पदाधिकारीही उपस्थित होते.

त्यामुळेच विद्यार्थ्यांसाठी केली जाणारी कामे मदत म्हणून नव्हे तर कर्तव्य म्हणून केली जातात आणि भविष्यातही केली जातील. जीवनामध्ये कधी कोणाला काय दिले यापेक्षा अजून कोणाला काय देता येईल यासाठी प्रयत्न केले.  अशी भावना त्यांनी यावेळी व्यक्त केली.

कार्यक्रमाचे प्रास्ताविक कसबा मतदार संघाचे अध्यक्ष नगरसेवक राजेश येनपुरे यांनी केले.

पुणे –
आर्थिकदृष्ट्या मागासलेल्या विद्यार्थ्यांना परदेशात उच्च शिक्षण घेण्यासाठी जाहीर करण्यात आलेल्या शिष्यवृत्तीवर सामाजिक न्यायमंत्री राजकुमार बडोले यांनीच डल्ला मारल्याची धक्कादायक बाब समोर आली आहे. राजकुमार बडोले यांची कन्या श्रुती राजकुमार बडोले यांना परदेशात पीएडीचे शिक्षण घेण्यासाठी शिष्यवृत्ती देण्यात आली आहे. याबरोबरच काही अधिकाऱ्यांनी देखील आपल्या कुटुंबातील व्यक्तीचा या शिष्यवृत्तीचा फायदा मिळवून दिला आहे .
अशा अधिकाऱ्यांचे ताबडतोब निलंबन करावे व मंत्री राजकुमार बडोले यांचा राजीनामा घ्यावा ह्या मागणीकरीता राष्ट्रवादी युवक कॉंग्रेसच्या वतीने आज पुण्यात आंदोलन करण्यात आले व अतिरीक्त आयुक्त सदानंद पाटील यांना निवेदन देण्यात आले
यावेळेस शहराध्यक्ष राकेश कामठे, नगरसेवक महेंद्र पठारे, भैय्यासाहेब जाधव, कुणाल वेडे पाटील मनोज पाचपुते किशोर कांबळे विक्रम निकम शैलेश राजगुरु फहिम शेख शरद दाभाडे मोरेश्वर चांधारे निखिल बटवाल विक्रम जाधव आदि उपस्थित होते.

पुणे-

डी डेन्ट केअर या संस्थेच्यावतीने दंत चिकित्सा व तोंडाचा कॅन्सरचे मोफत आरोग्य तपासणी शिबीर संपन्न झाले . या शिबिरामध्ये ७००  जणांनी आपली वैद्यकीय तपासणी करून शिबिराचा लाभ घेतला . भवानी पेठमधील दिनशा अपार्टमेंटमधील संस्थेच्या आवारात हे आरोग्य शिबीर संपन्न झाले . या शिबिराचे उदघाटन प्रसिध्द दंत चिकित्सक डॉ. दत्तात्रय दरवडे यांच्याहस्ते करण्यात आले .

या शिबिरात किडलेल्या दातांची तपासणी , दातांच्या संबधित हाडांची तपासणी , तोंडातील दुर्गंधीच्या कारणांची तपासणी , दंतरोपणाविषयी मार्गदर्शन , पडलेल्या दांताविषयी मार्गदर्शन व तबाखुजन्य पदार्थांच्या अतिसेवनामुळे होणाऱ्या तोंडाच्या कॅन्सरची तपासणी करण्यात आली . या कॅन्सरमध्ये मिसरी , गुटखा , मावा व सिगारेट यापासून कॅन्सर रुग्ण आढळले .

या आरोग्य  शिबीरासाठी प्रसिध्द दंत रोग तज्ञ डॉ. आशिष दरवडे , डॉ . प्रज्ञा दरवडे , डॉ. शमा दरवडे , डॉ. रौनक ओसवाल व डॉ. प्रतिक राऊत या वैद्यकीय पथकाने विशेष परिश्रम घेतले 

या कंपन्या कमिन्स कॉलेज ऑफ इंजिनीअरिंग फॉर वुमेन येथे सेंटर ऑफ रिसर्च एण्ड इन्टेलेक्च्युअल

आंत्रप्रेन्युअरशीप उभारणार

पुणे: अनसिस (ANSYS) व कमिन्स इंडिया फाऊंडेशनतर्फे उद्योग-केंद्रित कौशल्य व
संसाधनांना प्रोत्साहन देण्याकरिता सेंटर ऑफ रिसर्च एण्ड इन्टेलेक्च्युअल आंत्रप्रेन्युअरशीप
(सीईआरआयई)च्या माध्यमातून महिला-केंद्रित इंजिनीअरिंग संशोधन व सिम्युलेशनला चालना दिली जात
आहे. सीईआरआयईला कमिन्स व अनसिसचे अर्थसहाय्य लाभले आहे. भारतातील पुण्यामधील कमिन्स कॉलेज
ऑफ इंजिनीअरिंग फॉर वुमेन (सीसीईडब्‍ल्‍यू) येथील सीईआरआयई ही महिला इंजिनीअर्ससाठी संशोधन व
नाविन्यतेला चालना देणार्‍या भारतातील काही सुविधांपैकी एक आहे.
‘इन्टेलेक्च्युअल आंत्रप्रेन्युअरशीप’ हे शिक्षणाचे तत्त्व व दृष्टिकोन असून ते शैक्षणिक संस्थांकडे ‘नवप्रवर्तक’ व
‘बदलाचे स्रोत’ म्हणून पाहते. सीसीईडब्ल्यूमधील विद्यार्थी आणि शिक्षकवृंदामध्ये संशोधन व नाविन्यतेची
संस्कृती जोपासली जावी, हे या केंद्राचे उद्दिष्ट आहे. तसेच, महिला इंजिनीअर्सच्या विकासावर भर देण्यासह या
प्रांतामध्ये इंजिनीअरिंग संशोधन व सिम्युलेशनला चालना देण्यासाठी एक लक्षणीय उत्प्रेरक म्हणून कार्य
करण्याचाही त्यांचा प्रयत्न आहे. शिक्षकांच्या कौशल्यांमध्ये वाढ आणि या क्षेत्रात आवश्यक असणार्‍या तांत्रिक
कौशल्यांचा विकास करत वैविध्यपूर्ण तंत्रज्ञानांच्या जलद विकासाकरिता संबंधित उद्योग व जागतिक योगदान
प्राप्त करणे, अशा कार्यांचा यात समावेश आहे.
‘‘सीईआरआयई उद्योग-शैक्षणिक संस्थांच्या सहयोगाला चालना देण्यासोबतच भारतातील कौशल्य विकास व
प्रतिभांना भेडसावणार्‍या आव्हानांवर लक्ष देईल,’’ असे अनसिसच्या साऊथ एशिया पॅसिफिक व मिडल इस्टचे
कंट्री मॅनेजर, रफिक सोमानी म्हणाले. ‘‘उद्योगकेंद्रीत संसाधनांसह उच्च कौशल्ये असलेल्या महिला
इंजिनीअर्सच्या गटाला सज्ज करण्यात अनसिसला अभिमान वाटतो. आम्ही सीईआरआयई विद्यार्थ्यांकडून
सिम्युलेशनमधील प्रगती आणि नाविन्यता पाहण्यास उत्सुक आहोत.’’
‘‘कामकाजाच्या ठिकाणी महिलांचे सक्षमीकरण करण्यात कमिन्स नेहमीच अग्रस्थानी राहिली आहे. आमच्या
महिला कर्मचार्‍यांनी संशोधन व तंत्रज्ञानामध्ये उत्तम योगदान दिलेले आम्ही पाहिले आहे. म्हणून, आम्हाला
अनसिससोबत सहयोग जोडताना आनंद होत आहे. आम्ही या उपक्रमाच्या माध्यमातून विद्यार्थ्यांसाठी अनेक
संधी निर्माण करण्यास उत्सुक आहोत. यामुळे उच्च-कौशल्यपूर्ण महिला इंजिनीअर्सचा प्रतिभावान समूह व
उद्योग-केंद्रित संसाधनांची निर्मिती होईल,’’ असे कमिन्स इंडिया एबीओ येथील कार्यकारी संचालक आणि
इंजिनीअरिंग एण्ड चीफ टेक्निकल ऑफिसर, मार्क फिर्थ म्हणाले.

‘‘सीईआरआयई पदवीपूर्व व पदव्युत्तर पातळ्यांवरील संशोधनाला चालना देईल आणि दर्जेदार शिक्षण देणारी व
महिला इंजिनीअर्सची निर्मिती करणारी जागतिक दर्जाची संस्था हा आमच्या कॉलेजचा दृष्टिकोन संपादित
करण्यामध्ये आम्हाला सहाय्य करेल. आम्ही सीईआरआयई उभारण्याकरिता कमिन्स इंडिया फाऊंडेशन व
अनसिसचे आभार मानतो,’’ असे पुणे येथील सीसीइडब्‍ल्‍यूच्या संचालिका डॉ. माधुरी खाम्बेते म्हणाल्या.

पुणे : ‘टीजीआय फ्रायडेज’ रेस्टॉरंट्सची पुण्यातील दुसरी शाखा 25th August पासून सुरु झाली असून हे नवे रेस्टॉरंट सेनापती बापट रस्त्यावरील द पॅव्हेलियनमध्ये दुसऱ्या मजल्यावर कार्यान्वित झाले आहे. ‘टीजीआय फ्रायडेज’ रेस्टॉरंट्सचा जगभरातील ६० देशांत विस्तार आहे. प्रत्येक दिवस हा शुक्रवारप्रमाणे विरंगुळ्याचा दिवस मानून आपल्या रेस्टॉरंटमध्ये आवडीचे अमेरिकन खाद्यपदार्थ देण्याच्या ‘टीजीआय फ्रायडेज’च्या प्रसिद्ध परंपरेचा पुणे शहर भाग बनले आहे.

नवे रेस्टॉरंट ‘टीजीआय फ्रायडेज’ या ब्रँडचे पुण्यातील दुसरे, तर भारतातील चौदावे रेस्टॉरंट आहे. कॅज्युअल डायनिंगचा सुखावह अनुभव देणाऱ्या या रेस्टॉरंटमध्ये डायनिंग व बार विभागात एकाचवेळी १४० हून अधिक ग्राहकांना सामावून घेण्याची क्षमता असून त्यांना सस्मित सेवा देण्यासाठी ५० हून अधिक कर्मचारी सज्ज आहेत. रोज दुपारी १२ ते रात्री १२ या वेळेत हे रेस्टॉरंट कार्यरत असेल आणि लंच, डिनर व बार सेवा दररोज उपलब्ध असतील.

‘टीजीआय फ्रायडेज’ रेस्टॉरंट्समध्ये अस्सल अमेरिकन खाद्यपदार्थ आणि उत्कृष्ट पेये चैतन्यमय वातावरणात दिली जातात. शुक्रवार हा प्रत्येक आठवड्यातील अखेरचा दिवस असल्याने त्या दिवशी ग्राहकांचा मूड उल्हसित असतो. ‘टीजीआय फ्रायडेज’मध्ये मात्र आपल्या ग्राहकांना प्रत्येक दिवस शुक्रवारइतकाच उल्हसित वाटेल, याची काळजी घेतली जाते. जगभरात ६० हून अधिक देशांत कार्यरत असलेली ‘टीजीआय फ्रायडेज’ रेस्टॉरंट्स तेथील जाणकार आणि प्रसिद्ध बारटेंडरसाठीही प्रसिद्ध आहेत. ग्राहकांना अपेक्षेपलिकडे सेवा आणि समाधानकारक अनुभव देण्याच्या निरंतर प्रयत्नांमुळे ही रेस्टॉरंट्स वाढदिवस, ऑफिस गेट-टुगेदर, टीम लाँच आणि अन्य विशेष प्रसंगांसाठी अगदी आदर्श ठिकाणे ठरली आहेत.

यासंदर्भात ‘टीजीआय फ्रायडेज’चे मुख्य कार्यकारी अधिकारी रोहन जेटली म्हणाले, “भारतातील ‘टीजीआय फ्रायडेज’ रेस्टॉरंट्सना आपल्या ग्राहकांना हमखास आवडतील असे हाताने बनवलेले ताजे खाद्यपदार्थ व पेये देण्याचा, तसेच आमच्या अमेरिकन बार व ग्रिल परंपरेतून प्रेरणा घेऊन अभिनव खाद्यपदार्थ पुरवण्याचा इतिहास आहे. गेली काही वर्षे आम्ही स्थळ-सुयोग्य आणि ग्राहकांना देवाण-घेवाण करता येतील असे सामाजिक खाद्यपदार्थ विकसित करण्यावर अधिक भर देत आहोत. आमच्या येथील खाद्यपदार्थ हाताने बनवले जातात आणि त्यातून या ब्रँडची अनोखी परंपरा व दर्जाप्रती बांधीलकी दृग्गोचर होते.”

खाद्यपदार्थ आणि पेयांमधील अभिनवतेसाठी प्रसिद्ध असलेल्या ‘टीजीआय फ्रायडेज’ने नव्या खाद्यपदार्थांची विशाल श्रेणी उपलब्ध करुन दिली आहे. ॲपेटायझर्स, सॅलड्स, सँडविच, पास्ता व एंट्रीज अशा विविध प्रकारांत अमेरिकन खाद्यपदार्थांच्या कलेतील काही उत्कृष्ट पाककृतींचा आनंद लोकांना येथे मिळणार आहे.

यामध्ये मेल्टेड चीजयुक्त कुरकुरीत टोस्टाडा चिकन नाचोज, थाई रेड स्पायसेसमध्ये मुरवलेले फायर ग्रिल्ड श्रिंप अँड चिकन स्क्यूअर्स, चिकन विंग्जचे सहा अनोखे जागतिक प्रकार, मोझरेल्ला चीजचे टॉपिंग्ज असलेले टोस्टेड फ्रेंच ओनियन बाइट्स आदी ॲपिटायझर्सचा समावेश आहे. मुख्य भोजनाआधी रसना उद्दिपित करण्यासाठी हे पदार्थ अगदी आदर्श ठरतात.

मेन कोर्समध्ये चिकन व मत्स्यप्रेमींसाठी मेजवानी ठरतील अशा डिश आहेत. त्यात क्रॅब अँड पर्मेसान क्रस्टेड फिश, परिपूर्ण भाजलेले आणि वर चरचरीत मस्टर्ड सॉस लावलेले लॅटिन स्पाईस्ड हाफ चिकन, रेड हॉट क्रॅब क्रस्टेड चिकन यांचा समावेश आहे. इटालियन पदार्थांची आवड असणाऱ्या व विशेषतः शाकाहारींसाठी हर्ब बटर, ताजी ब्रोकोली, रेड कॅबेज, मश्रुम्स, स्पिनाच, चेरी, बॅसिल व पर्मेसान चीजचे टॉपिंग्ज असलेला ब्रोकोली एपिनार्ड पास्ता आहे. त्याखेरीज पिमेंटो टोमॅटो, चीज सॉस, गोट चीज, पर्मेसान चीज व ताजी पार्स्ले यांचे टॉपिंग्ज असलेला क्लासिक चिकन मीटबॉल पास्ताही आहे. गोचुजांग सॉस, पिकल्ड ओनियन्स, चेडार चीज, सिलँत्रो व रोस्टेड जलापिनोजचे टॉपिंग्ज असलेले रसाळ लाव्हा चिकन सँडविच नावाप्रमाणेच झणझणीत चवीचे आहे. सॅलडमध्ये अनेक आरोग्यदायी आणि चविष्ट प्रकार आहेत. त्यात दोन नवे सीजर सॅलडही सादर करण्यात आले आहेत. एक कॅजन स्पाईस्ड साऊथ वेस्ट श्रिंपसह असून सोबत चीज नाचोज मिळतात, तर दुसरे सॅलड साऊथवेस्ट ग्रिल्ड चिकनसह येते.

भारतात ‘टीजीआय फ्रायडेज’चे पहिले रेस्टॉरंट २० वर्षांपूर्वी दिल्लीत सुरु झाले. ‘टीजीआय फ्रायडेज’ हा अमेरिकन कॅज्युअल डायनिंगमधील प्रमुख ब्रँडपैकी मानला जातो. त्यांच्या मेनूमध्ये प्रसिद्ध आणि ट्रेड-सेटर पदार्थांचा समावेश झाला आहे. लोडेड पोटॅटो स्किन्स, एन्ट्री सॅलड्स, पास्ता डिशेस, बर्गर्स व सँडविचेस आणि जॅक डॅनियल्स चिकन, साल्मन आणि खासियत असलेले इम्पोर्टेड पोर्क रिब्ज हे त्यापैकी काही उल्लेखनीय.