पुणे-सिमेवर शत्रूंच्या गोळ्यांचा सामना करण्यासाठी सज्ज असताना अपंगत्व आलेल्या सैनिकांना नृत्यवंदनेतून सलाम करत   चाकाच्या खुर्चीवर कायमचे बसून आयुष्याची दुसरी लढाई लढणा-या ‘या’भावांना प्रेमाने औक्षण करण्यासोबतच लाडूचा घास भरवित साईनाथ मंडळ ट्रस्ट आणि सैनिक मित्र परिवाराने भाऊबीज साजरी केली.
 खडकी येथील अपंग सैनिक पुर्नवसन केंद्रांतील सैनिकांसाठी  कलाकारांसोबत भाऊबीज या कार्यक्रमाचे आयोजन करण्यात आले होते .. यावेळी ज्येष्ठ भरतनाटयम नृत्यांगना स्वाती दैठणकर, नुपूर दैठणकर यांनी सैनिकांना औक्षण करुन त्यांच्याशी संवाद साधला. केंद्राचे प्रमुख पी.आर.मुखर्जी, कर्नल बी.एल.भार्गव, ट्रस्टचे अध्यक्ष पीयुष शहा, सैनिक मित्र परिवाराचे आनंद सराफ, शंकर निंबाळकर, साहिल केळकर, प्रसाद भडसावळे, सुवर्णा गोडबोले, संगीता मावळे, प्रशांत पंडित स्वाती रजपूत, संकेत निंबाळकर, नरेंद्र व्यास, नंदा पंडित, गंधाली शहा, कल्याणी सराफ, अनिल दिवाणजी, समृद्धी पाटेकर, पूर्वा देशपांडे उपस्थित होते. दोन्ही कलाकारांनी भरतनाटयम् नृत्यातून सैनिकांना मानवंदना दिली.  उपक्रमाचे यंदा ४ थे वर्ष आहे.
स्वाती दैठणकर म्हणाल्या, देशाच्या सिमेवर लढणा-या जवानांमुळेच आम्ही सुखाचे दोन घास खाऊ शकतो, याची आम्हाला जाण आहे. युवकांच्या मनात देशाविषयी आणि सैन्याविषयी आपुलकीची भावना जागृत करण्याकरीता आम्ही नृत्यातून नेहमीच प्रयत्न करतो, असेही त्यांनी सांगितले. नुपूर दैठणकर म्हणाल्या, समाजातील सर्व घटकांपेक्षा सैनिकांचे कार्य मोठे आहे. त्यांचा आदर्श आपण प्रत्येकाने घ्यायला हवा.
पी.आर.मुखर्जी म्हणाले, अपंगत्व आल्यानंतर सैनिकांचे पुढील आयुष्य अवघड असते. त्यामुळे सैनिकांसमवेत सण उत्सव साजरे केल्याने त्यांचे मनोेबल वाढते. अपंगत्व आले तरीही प्रत्येक सैनिकामधील सकारात्मकता मोठी असते. कोणत्याही संकटाला ते धैर्याने सामोरे जातात. केवळ सैनिकच देशसेवा करतात असे नाही. तर देशातील प्रत्येकजण आपापल्यापरीने आपल्या क्षेत्रात योगदान देऊन देशसेवाच करीत असतो.
अपंग सैनिक भोपालसिंग चौधरी म्हणाले, आज भाऊबीज साजरी करताना आमच्या कुटुंबियांसमवेत भाऊबीज साजरी केल्याचा आनंद मिळाला. त्यामुळे आजचा दिवस अत्यंत आनंदाचा आहे. अपंगत्व आले असले तरी आमचे मनोबल खचले नाही, असे त्यांनी सांगितले. आनंद सराफ यांनी सूत्रसंचालन केले. पीयुष शहा यांनी प्रास्ताविक केले.

पुणे-तुतारीची ललकारी… सनई चौघड्याचा मंगलमय सूर आणि श्री शिवछत्रपतींचा प्रचंड जयघोष… अशा शिवमय झालेल्या वातावरणात तिमिरातून तेजाकडे नेणा-या अष्टसहस्त्र पणत्यांच्या लखलखाटात छत्रपती शिवाजी महाराजांना मानवंदना देण्यात आली. श्री शिवछत्रपतींच्या ऐतिहासिक पुतळ्यासोबतच सरदार कान्होजी जेधे, नरवीर तानाजी मालुसरे यांच्या पुतळ्यांना अभिवादन करण्यासोबतच सरसेनापती वीरबाजी पासलकर, मानाचे पहिले पान सरदार कान्हेजी नाईक जेधे, सरदार कृष्णाजी नाईक बांदल, सरनोबत सरसेनापती येसाजी कंक, सुभेदार नरवीर तानाजी मालुसरे या घराण्यांच्या प्रतिनिधींचा स्वराज्य रथ सोहळ्यामध्ये ५ वर्षे पूर्ण केल्याबद्दल  जिरेटोप देऊन गौरव करण्यात आला.

शिवजयंती महोत्सव समितीच्या वतीने आयोजित श्री शिवछत्रपती पुतळा, एसएसपीएमएस शाळा येथे आयोजित दीपोत्सवाचे उद्घाटन पुणेमहापालिकेतील सभागृहनेते श्रीनाथ भिमाले, स्थायी समिती अध्यक्ष मुरलीधर मोहोळ, मंगोलीया येथे शरीरसौष्ठव स्पर्धेत मीस्टर वर्ल्ड किताब विजेते महेंद्र चव्हाण यांच्या उपस्थितीत झाले. शिवरायांचरणी ८ हजार पारंपरिक पणत्यांची मानवंदना देण्यात आली. यंदा शिवजन्मोत्सव स्वराज्यरथ सोहळ्यात प्रथमच सहभागी झालेल्या गरुड, घारे, काटे, निंबाळकर, संत तुकाराम महाराज भक्तीशक्ती, महाडीक आणि कोंढाळकर या स्वराज्यघराण्यांचा सन्मान करण्यात आला. श्रीनाथ भिमाले म्हणाले की, पुण्यात साज-या होणा-या दीपोत्सवाचा शिरोमणी म्हणून हा दीपोत्सव पुणेकरांच्या ह्रदयात विराजमान झाला आहे. छत्रपती शिवाजी महाराजांना मानवंदना देण्यासाठी शिवजन्मोत्सव स्वराज्यरथ सोहळ्यासारखा दिमाखदार उत्सव साजरा होतो. हा सोहळा भव्यदिव्य साजरा करण्यासाठी आम्ही सहकार्य करू, असे आश्वासन त्यांनी दिले. या ऐतिहासिक पुतळ्याने ९० व्या वर्षात पदार्पण केले आहे. पुतळयाचे वजन ८ हजार किलो आहे. त्यामुळे सलग सहाव्या वर्षी प्रत्येक किलोमागे एक पणती अशा ८ हजार पारंपरिक पणत्यांची मानवंदना देण्यात आली  . कार्यक्रमाचे नियोजन रवींद्र कंक, सचिन पायगुडे, गिरीश गायकवाड, दिग्विजय जेधे, महेश मालुसरे, निलेश जेधे, अनिल पवार, किरण देसाई, राजाभाऊ ढमढेरे, गोपी पवार, मयुरेश दळवी, किरण कंक, निलेश जगताप, युवराज शिंदे, सुशांत साबळे, सुभाष सरपाले आदींनी  केले.

पुणे : महापालिकेच्या स्थायी समितीने शहरातील करदात्या कुटुंबप्रमुखांचा अवघ्या ७० रुपयांमध्ये ५ लाख रुपयांचा विमा उतरवण्याचा निर्णय घेतला आहे. ‘श्यामाप्रसाद मुखर्जी विमा योजना’ असे या योजनेचे नामकरण करण्यात आले आहे. करदाता कुटुंबप्रमुख दुर्दैैवाने एखाद्या अपघातात सापडला तर त्याच्या कुटुंबाला या विमा योजनेचा फायदा होणार आहे. अंदाजपत्रकात या योजनेसाठी १० कोटी रुपयांची तरतूद करण्यात आली आहे.
मोहोळ यांनी सांगितले कि, महापालिका यात प्रत्येक करदात्या कुटुंबाचा ७० रुपयांचा विमा उतरवणार आहे. त्याचे प्रमाणपत्र त्याला दिले जाईल. कराप्रमाणेच हा विमाही वार्षिक असेल. त्या वर्षात त्याला दुर्दैैवाने अपघात वगैरे झाला तर  विम्याचे पैसे तत्काळ मिळतील. याचीही रचना करण्यात आली आहे. थोडा जखमी असेल तर २५ हजार, जास्त जखमी असेल तर ५० हजार, एखादा अवयव निकामी झाला असेल तर १ लाख, त्यापेक्षा जास्त काही झाले असेल तर २ ते ४ लाख व दुर्दैैवाने मुत्युमुखी पडल्यास ५ लाख रुपये दिले जातील.
यात फक्त संबंधित करदात्याने पूर्ण कर जमा केलेला असावा, त्याच्या नावे थकबाकी नको इतकीच अट ठेवण्यात आली आहे. दरवर्षी त्याने कर जमा केला की लगेचच त्याच्या नावाचा विमा उतरवला जाईल. यासाठीचा सर्व खर्च महापालिका करणार आहे व महापालिकेच्या एकूण अंदाजपत्रकाच्या तुलनेत तो अत्यंत कमी असाच आहे असे मोहोळ म्हणाले. या योजनेमुळे महापालिकेच्या मिळकर कर भरण्यात चांगली वाढ होईल, असा विश्वासही मोहोळ यांनी व्यक्त केला .महापालिकेचे एकूण ८ लाख २५ हजार करदाते आहेत. त्याशिवाय झोपडपट्टीतील रहिवाशांकडून महापालिका सेवाशुल्क घेत असते. त्यांची संख्या साधारण २ लाखांच्या आसपास आहे. यातील कर जमा करणाऱ्याच्या कुटुंबप्रमुखाला एखादा अपघात झाला व त्यात दुर्दैवाने त्याचे काही बरेवाईट झाले तर त्या कुटुंबाला उदरनिर्वाहाचा काही मार्ग शोधावाच लागतो. त्यात बराच वेळ जातो. त्या दरम्यानच्या काळात जगण्यासाठी म्हणून त्यांच्याकडे काहीच राहात नाही. अशा वेळी ही योजना उपयोगी पडेल असेही ते म्हणाले .

पुणे-मध्य रेल्वे तर्फे पुणे ते (तेलंगणा मधील) काजीपेट ह्या अतिजलद रेल्वे गाडीची सुरवात करण्यात आली असून पुण्याचे खासदार अनिल शिरोळे ह्यांनी शुक्रवार २० ऑक्टोबर रोजी संध्याकाळी ९.४५ वा पुणे रेल्वे स्थानकवरून ह्या गाडीला मार्गस्थ केले. ही गाडी (क्र. २२१५१) प्रत्येक शुक्रवारी पुण्यावरून संध्याकाळी ९.४५ निघून दौंड, अहमदनगर, कोपरगाव, मनमाड भुसावळ, शेगाव, अकोला, बडनेर, धामणगाव, पुलगाव, वर्धा, वरोरा, चंद्रपुर, बालरशाह, सिरपुर, रामगुंडम आणि पेडपल्ली ह्या स्टेशनवर थांबून शनिवारी संध्याकाळी ६.३५ ला काजीपेट येथे पोचेल. तसेच रविवार काजीपेट येथून ही गाडी (क्र. २२१५२) दुपारी १.३५ ला निघून सोमवारी सकाळी ११.०५ मिनिटांनी पुणे येथे पोचेल. ह्या गाडी मध्ये एसी – २ टियर व ३ टियर चे प्रत्येकी एक, स्लीपर व द्वितीय श्रेणीचे प्रत्येकी चार डबे व सामान्य श्रेणीचे दोन डबे असतील.

पुणे-बंगाली गोल्डस्मिथ कल्चरल असोसिएशनच्यावतीने श्री श्री श्यामा कालीपूजा महोत्सव विविध धार्मिक कार्यक्रमांनी उत्साहात साजरा करण्यात आला . पुणे कॅम्प भागातील डॉ. बाबासाहेब आंबेडकर सांस्कृतिक भवनमध्ये हा उत्सव साजरा करण्यात आला . यंदाच्या उत्सवाचे बाविसावे वर्ष होते . यावेळी देवीची महापूजा , महाआरती करण्यात येऊन प्रसादाचा भोग लावण्यात आला . त्यांनतर सांस्कृतिक कार्यक्रम संपन्न झाले . यावेळी महाप्रसादाचा लाभ सर्वानी घेतला . दुसऱ्या दिवशी विसर्जन मिरवणूक काढण्यात आली . या उत्सवात बंगाली बांधव मोठया संख्येने सहभागी झाले होते .

 यावेळी बंगाली गोल्डस्मिथ कल्चरल असोसिएशनचे अध्यक्ष सुशांतो दास ,  उपाध्यक्ष तपन मंडल , बिस्वनाथ आदक , दिलीप समंतो , खोकोन पाखीरा , नीताई भट्टाचार्य , सचिव गोविंदो हालदार , हिरु मोंडोल , मिथुन राणा , प्रशांतो घोष , शामसुंदर कोलाय , गोविंदो माल , खजिनदार गौतम मन्ना , सहखजिनदार मिंटू गोलू , बिस्वनाथ मंडल , देबा परमाणिक , काली दुवारी , शामसुंदर बेरा ,हिशोबतपासणीस पनालाल पोलाय , सह हिशोबतपासणीस राजकुमार दास , अभिजित बेरा , सुशील सना , नंदो पंडित , श्यामल मंडल , तरुण दत्ता आदी मान्यवर उपस्थित होते . 

पुणे -लष्कर भागातील सोलापूर रोडवरील बंगला नंबर एकमधील हजरत सय्यद मोहम्मद साहब पाचपीर दर्गाहवर सर्व धर्मीय बांधवानी एकत्रित येऊन पणत्या प्रज्वलित करून दीपोत्सव साजरा करण्यात आला . या दीपोत्सव कार्यक्रमात पुणे लष्कर भागातील हिंदू – मुस्लिम – ख्रिचन बांधवानी एकत्रित येऊन  हा दीपोत्सव साजरा केला . दर्गाहमध्ये स्वस्तिक आणि ओम आकारामध्ये पणत्या ठेवण्यात आल्या होत्या . यावेळी सर्व बांधवाना दर्गाहचे खादिम जयकुमार राघवाचारी यांच्याहस्ते मिठाईवाटप करण्यात आली .

या दीपोत्सव कार्यक्रमामध्ये राजा बडसल , ज्योती राघवाचारी , मधू राजा बडसल , गीता राघवाचारी ,   युगंधर बडसल ,  तन्वीर सय्यद व सुरज राघवाचारी आदींनी विशेष परिश्रम घेतले .

यावेळी दर्गाहचे खादिम जयकुमार राघवाचारी यांनी सांगितले कि , पुणे लष्कर परिसरात   सर्व धर्मीय बांधव गुण्या गोविंदाने राहतात , त्यासाठी यंदाची दिवाळी आम्ही सर्वानी एकत्रित येऊन दर्गाहमध्ये दीपोत्सव साजरा केला . यावेळी आम्ही मिठाई वाटप करून दिवाळी आनंदाने साजरी केली .