पुणे-राष्ट्रीय छात्र सेना पुणे मुख्यालयाच्यावतीने सेंट व्हिन्सेंट शाळेमधील विद्यार्थी अमिन झाकीर कुरेशी यांना विशेष नैपुण्य व प्रामाणिकपणाबद्दल ” बेस्ट कॅडेटस ” ने सन्मानित करण्यात आले . राष्ट्रीय छात्र सेना पुणे मुख्यालयाचे ग्रुप कमांडर ब्रिगेडीयर सुनिल बोधे यांच्याहस्ते प्रमाणपत्र देउन सन्मानित करण्यात आले .

सेनापती बापट रोडवरील  सिम्बायोसीसजवळील राष्ट्रीय छात्र सेना पुणे मुख्यालयात हा सन्मान सोहळा पार पडला . अमिन झाकीर कुरेशी हा सेंट व्हिन्सेंट शाळेमध्ये नववीमध्ये शिकत आहे . त्याला खेळाची देखील आवड असून तो फुटबॉल खेळाडू देखील आहे . अमिनला देशसेवेसाठी काम करायचे असून त्याला स्पर्धा परीक्षेच्या माध्यमातून आय. ए. एस. ऑफिसर्स म्हणून काम करायचे आहे .

अमिन झाकीर कुरेशी यांना सेंट व्हिन्सेंट शाळेचे प्रिन्सिपल फादर पाटेकर व राष्ट्रीय छात्र सेनाचे अधिकारी व ट व्हिन्सेंट शाळेचे क्रीडा शिक्षक अविनाश देवणे आदी मान्यवर उपस्थित होते . सामाजिक कार्यकर्ते झाकीर कुरेशी यांचा तो मुलगा आहे .

मला गर्व आहे कि मला आज  ” बेस्ट कॅडेटस ” ने सन्मानित करण्यात आले . हे सर्व आई वडिल व शिक्षकांचे श्रेय आहे . पुढे एन. सी सी. साठी काम करणार आहे .भारत देशाच्या विकासासाठी आपण कार्य करणार असल्याचे  अमिन झाकीर कुरेशी यांनी सांगितले .

पुणे : वीजबिलांच्या थकबाकीदारांविरोधात महावितरणने सुरु केलेल्या धडक मोहिमेत गेल्या महिन्याभरात पुणे, पिंपरी चिंचवड शहरांसह मुळशी, जुन्नर, आंबेगाव, मावळ, खेड तालुक्यातील 1 लाख 14 हजार घरगुती, वाणिज्यिक व औद्योगिक वीजग्राहकांचा 69 कोटी 20 लाख रुपयांच्या थकबाकीमुळे वीजपुरवठा खंडित करण्यात आला.

थकबाकीदार वीजग्राहकांविरुद्ध सुरु असलेली ‘शून्य थकबाकी’ मोहीम या महिन्यातही सुरुच राहणार असून येत्या 10 दिवसांत आणखी तीव्रपणे राबविण्यात येणार आहे. वारंवार आवाहन करूनही तसेच दिलेल्या मुदतीत वीजबिलांचा भरणा न केल्याने नोव्हेंबरमध्ये घरगुती, वाणिज्यिक व औद्योगिक थकबाकीदारांविरोधात ‘शून्य थकबाकी’ मोहीम सुरु करण्यात आली आहे. यामध्ये गेल्या महिन्याभरात पुणे शहरातील 66098 घरगुती, वाणिज्यिक व औद्योगिक थकबाकीदारांचा 28 कोटी 34 लाख रुपयांच्या थकबाकीमुळे वीजपुरवठा खंडित करण्यात आला. तर पिंपरी चिंचवड शहरातील 16,882 थकबाकीदारांचा 14 कोटी 15 लाख तसेच मुळशी, जुन्नर, आंबेगाव, मावळ, खेड तालुक्यातील 31,879 ग्राहकांचा 26 कोटी 71 लाख रुपयांच्या थकबाकीमुळे वीजपुरवठा खंडित करण्यात आला.

वीजपुरवठा खंडित झाल्यानंतर थकीत वीजबिलांचा भरणा करणे, संबंधित कार्यालयात पावती दाखवून, रिकनेक्शन चार्जेस भरून थकबाकीदारांना वीजपुरवठा सुरु करून घ्यावा लागत आहे. त्यामुळे वीजपुरवठा खंडित होण्यापूर्वींच थकीत बिलांचा भरणा करावा, असे आवाहन करण्यात आले आहे. थकबाकीमुळे तात्पुरता किंवा कायमस्वरुपी वीजपुरवठा खंडित केल्यानंतरही थकबाकीदार अनधिकृतपणे विजेचा वापर करीत असेल तर त्यांच्याविरुद्ध फौजदारी कारवाई करण्याच्या सूचना देण्यात आल्या आहेत.

वीजग्राहकांकडे किती रक्कम थकीत आहे हे न पाहता वीजपुरवठा खंडित करण्यात येत आहे. चालू व थकीत वीजबिलांचा भरणा करण्यासाठी अधिकृत वीजबील भरणा केंद्रांसह www.mahadiscom.in ही वेबसाईट तसेच मोबाईल अ‍ॅपद्वारे घरबसल्या वीजबिल भरण्याची ‘ऑनलाईन’ सोय उपलब्ध आहे. ग्राहकांनी संभाव्य गैरसोय टाळण्यासाठी चालू देयकांचा मुदतीत व मागील महिन्यांतील थकबाकीचा त्वरीत भरणा करावा व वीजपुरवठा खंडित करण्याची नामुष्की टाळावी, असे आवाहन महावितरणने केले आहे.

पुणे-जमेतुल कुरेश पुणे शहरच्यावतीने कुरेशी समाजाचा राज्यस्तरीय मोफत सामुदायिक विवाह सोहळा संपन्न झाला . पुणे कॅम्प भागातील सेंटर स्ट्रीटवरील कुरेशी नगरमध्ये हा १६ वा  सामुदायिक विवाह सोहळा झाला . मौलाना हाफिज गुलाम अहमद , हाफिज मुबरशीर कुरेशी , हाफिज इद्रिस , हाफिज इत्तेशाह , मौलाना नियाज अहमद आदींनी हा सामुदायिक विवाह सोहळा लावला .

यावेळी पुणे कॅन्टोन्मेंट बोर्डाचे मुख्य कार्यकारी अधिकारी डॉ. डी. एन. यादव , महाराष्ट्र राज्याचे सामाजिक न्याय राज्यमंत्री दिलीप कांबळे , पुणे कॅन्टोन्मेंट बोर्डाचे उपाध्यक्ष अतुल गायकवाड , पुणे शहर काँग्रेस अध्यक्ष रमेश बागवे, माजी आमदार बाळासाहेब शिवरकर , नगरसेवक दिलीप गिरमकर , नगरसेवक विनोद मथुरावाला , माजी आमदार मिलिंद कांबळे आदी मान्यवर उपस्थित होते .

या सामुदायिक विवाह सोहळ्याचे आयोजन ऑल इंडिया जमेतुल कुरेशी महाराष्ट्र प्रदेश अध्यक्ष सादिक इसाक कुरेशी , पुणे शहराध्यक्ष अनिस अहमद कुरेशी , पुणे कॅम्प अध्यक्ष  अबरार कुरेशी , एजाज कुरेशी , ऍड . शकील कुरेशी , खजिनदार अरिफ बशीर कुरेशी , सरफराज कुरेशी , मोहम्मदअली अब्बास कुरेशी , मोहम्मदसाहब मुश्ताक कुरेशी , अजीम गुडाकूवाला , हसन अब्बास कुरेशी , अबू अब्बास कुरेशी , रफिक अब्बास कुरेशी , हाजी युसूफ कुरेशी आदींनी केले होते .

पुणे – -जातीभेदाची दरी संपुष्टात आणून आपण सामाजिक प्रगती केली पाहिजे . यासाठी आपण सर्वानी एकत्र येऊन लढा देण्याची गरज असल्याचे मत पुण्याचे उपमहापौर डॉक्टर सिद्धार्थ धेंडे यांनी एका मेळाव्यात केले .
वडार समाज संघ , महाराष्ट्र यांच्या वतीने रविवारी मालधक्का चौकातील डॉक्टर आंबेडकर भवनात आयोजित केलेल्या राज्यस्तरीय वधु -वर व पालक परिचय मेळाव्यात ते बोलत होते. या मेळाव्याचे उदघाटन डॉक्टर धेंडे यांच्या हस्ते झाले. याप्रसंगी सभागृह नेते श्रीनाथ भीमाले, माजी उपमहापौर मुकारी अलगुडे , वडार समाज संघ महाराष्ट्रचे प्रदेशाध्यक्ष राकेश विटकर , खडकी कॅन्टोन्मेंट बोर्डाचे माजी उपाध्यक्ष मनीष आनंद, माजी नगरसेविका शारदा ओरसे , संघाचे कार्याध्यक्ष भाऊलाल पवार ,जेष्ठ उपाध्यक्ष जगन्नाथ फुलारे , महादेव कुसाळकर , सिताराम शिंदे , सरचिटणीस दिलीप गुंजाळ , अशोक कुलाल , माजी अध्यक्ष डॉक्टर श्रावण रॅपनवाड, लक्ष्मण बामणे , रमेश जेठे, आदी मान्यवर उपस्थित होते. या मेळाव्यात राज्यभरातून ६०० हुन अधिक उपस्थित होते,
डॉक्टर धेंडे म्हणाले कि, भारत महासत्तेच्या दिशेने वाटचाल करीत आहे . पुणे स्मार्ट सिटी होत चालले आहे. पुण्यात पंचतारांकित विद्यापीठे झाली आहेत. एकीकडे हि प्रगती होत असताना या प्रगती मध्ये वडार समाजाचे स्थान कुठे आहे. याबद्दल अभ्यास होण्याची गरज आहे. . हा समाज चांगलाच प्रगतीच्या दिशेने वाटचाल करतोय याची सर्वानी दखल घेण्याची गरज आहे .आज भारतात जातीभेद दूर होण्याबद्दल सर्वचजण बोलतात . यासाठी सर्वानी एकत्र येण्याची गरज आहे.
सभागृह नेते श्रीनाथ भिमाले म्हणाले कि , वडार समाजाने देशांच्या जडणघडणीत मोठा वाटा उचलला आहे .
प्रदेशाध्यक्ष राकेश विटकर म्हणाले की , जाती -पोटजातीच्या जोखडातून सर्वानी बाहेर पडण्याची गरज आहे. तरच आपली सामाजिक प्रगती होईल .

पुणे-वाल्मिकी समाज महाराष्ट्र राज्याच्यावतीने जगत गुरु महर्षी वाल्मिकी स्वामी जयंतीनिमित्त  वाल्मिकी समाज बांधवांचा भव्य मेळावा संपन्न झाला . टिम्बर मार्केटजवळील ज्ञानज्योती सावित्रीबाई फुले सभागृहात या मेळाव्याचे आयोजन करण्यात आले होते . या कार्यक्रमाची सुरुवात जगत गुरु महर्षी वाल्मिकी स्वामी  व डॉ. बाबासाहेब आंबेडकर यांच्या प्रतिमेस पुष्पहार अर्पण करून करण्यात आली . या मेळाव्यास वाल्मिकी समाज महाराष्ट्र राज्याचे संस्थापक अध्यक्ष मन्नू कागडा , पुणे शहराध्यक्ष पप्पू उज्जेनवाल , नगरसेविका मनिषा लडकत , तुषार पाटील , नरोत्तम चव्हाण , भिकाचंद मेमजादे , मोतीलाल निनारिया , मिलिंद अहिरे , कविराज संघेलिया , मेघराज पवार , गणपत दगडे , विनोद निनारिया आदी मान्यवर उपस्थित होते .

या मेळाव्यामध्ये  वाल्मिकी समाज महाराष्ट्र राज्याचे संस्थापक अध्यक्ष मन्नू कागडा यांनी आपल्या भाषणात सांगितले कि , महर्षी वाल्मिक आर्थिक विकास महामंडळाची स्थापना करण्याची मागणी वाल्मिकी समाज बांधवांच्यावतीने करण्यात आली . तसेच जातीचा दाखला काढताना पन्नास वर्षांपूर्वीचा पुरावा देण्याची अट रद्द करण्याची मागणी करण्यात आली . भगवान वीर गोगादेव उत्सवामध्ये रात्री बारा वाजेपर्यंत वाद्य वाजविण्यास परवानगी देण्याची मागणी करण्यात आली .

यावेळी समाजातील उल्लेखनीय कार्य करणाऱ्या व्यक्तींना समाजगौरव पुरस्कार देउन सन्मानित करण्यात आले . या मेळाव्याचे संयोजन अशोक चौधरी , नरेश वाल्मिकी , विशाल पिवाल , रामेर कागडा , बलवान डूमडा , भरत भुबक , शक्ती चावेरिया , ब्रिजपाल वाल्मिकी , महेश पारचा यांनी केले होते .

पुणे : महावितरणच्या वीजबिलांचा ‘ऑनलाईन’ भरणा करण्यासाठी वीजग्राहकांचा मोठा प्रतिसाद मिळत आहे. पुणे परिमंडलात गेल्या तीन महिन्यांत ‘ऑनलाईन’ वीजबिल भरणारे 60 हजार 607 वीजग्राहक वाढले असून नोव्हेंबरमध्ये एकूण 7 लाख 23 हजार 409 वीजग्राहकांनी मोबाईल अ‍ॅप व वेबसाईटच्या माध्यमातून 129 कोटी 44 लाख रुपयांचा घरबसल्या वीजबिल भरणा केला आहे.

वीजबील भरणा केंद्राच्या रांगेत उभे राहणे टाळून घरबसल्या कोणत्याही वेळेत ‘ऑनलाईन’ वीजबिल भरण्याची सोय वीजग्राहकांना उपलब्ध झाली आहे. महावितरणच्या www.mahadiscom.in या वेबसाईट व मोबाईल अ‍ॅपद्वारे वीजबिल भरण्यास वीजग्राहकांची पसंती वाढत असल्याची स्थिती आहे. महावितरणकडून ‘ऑनलाईन’ वीजबिल भरण्यासाठी विविध उपक्रमांतून ग्राहकांना सातत्याने माहिती देण्यात येत आहे. पुणे परिमंडलात एप्रिल ते ऑगस्ट 2017 पर्यंत ‘ऑनलाईन’ वीजबिल भरणार्‍या ग्राहकांची संख्या सुमारे 38 हजारांनी वाढली होती. ऑगस्टमध्ये एकूण 6 लाख 62 हजार वीजग्राहकांनी ‘ऑनलाईन’ वीजबिल भरणा केला होता. त्यानंतर गेल्या तीन महिन्यांत नोव्हेंबरपर्यंत या संख्येत 60,607 वीजग्राहकांची भर पडली आहे.

पुणे परिमंडलातील पुणे व पिंपरी चिंचवड शहरासह हवेली, मुळशी, आंबेगाव, जुन्नर, खेड, मावळ तालुक्यात गेल्या नोव्हेंबर महिन्यात तब्बल 7 लाख 23 हजार वीजग्राहकांनी 129 कोटी 44 लाख रुपयांचा ‘ऑनलाईन’ वीजबिल भरणा केला आहे. यात पुणे शहरातील 4 लाख 43 हजार वीजग्राहकांनी 76 कोटी 69 लाख तर पिंपरी चिंचवड शहरातील 2 लाख 2 हजार ग्राहकांनी 35 कोटी 97 लाख रुपयांचा ‘ऑनलाईन’ वीजबिल भरणा केला आहे. तसेच खेड, मावळ, जुन्नर, आंबेगाव व मुळशी तालुक्यातील 78 हजार ग्राहकांनी 16 कोटी 76 लाख रुपयांचा ‘ऑनलाईन’ भरणा केलेला आहे.

महावितरणने लघुदाब वीजग्राहकांसाठी ‘ऑनलाईन’ बिल भरण्यासाठी www.mahadiscom.in या वेबसाईटद्वारे सोय उपलब्ध करून दिलेली आहे. जून 2016 मध्ये वीजग्राहकांसाठी मोबाईल अ‍ॅपची निर्मिती करण्यात आली. या अ‍ॅपद्वारे चालू व मागील वीजबिल पाहणे आणि त्याचा ऑनलाईन भरणा करण्यासाठी नेटबॅकींग, क्रेडीट/डेबीट कार्डासह मोबाईल वॅलेट व कॅश कार्ड्‌सचा पर्याय उपलब्ध आहे तर भरलेल्या पावतीचा तपशीलही मिळत आहे. ग्राहकांना त्यांच्या एकाच खात्यातून स्वतःच्या अनेक वीजजोडण्यांबाबतही सेवा उपलब्ध आहे. त्यामुळे रांगेत उभे राहण्याऐवजी महावितरणच्या वेबसाईट व मोबाईल अ‍ॅपवरून वीजबिलांचा भरणा करावा, असे आवाहन महावितरणे केले आहे.