आपल्या प्रत्येकाच्या आयुष्यात एक असा माणूस असतो, ज्याच्यामुळे आपण स्वतःच्या आयुष्यात काहीतरी बनतो, या माणसाचे आपल्या आयुष्यातील स्थान एवढे महत्त्वाचे असते, की ज्यामुळे त्या माणसाबद्दलचा अभिमान उल्लेखनीय असतो. पण आपल्याला ते कोणाला कधीही सांगता येत नाही. त्यामुळेच अभिनेता सुयश टिळक याने #baapmanus हा हॅशटॅग वापरून प्रत्येकाच्या मनाला हात घालणारी एक चेन सोशल मीडिया वर काही दिवसांपूर्वी सुरु केली. यात त्याने आपल्या आयुष्यातील बापमाणूस सांगण्याबद्दल सोशल मीडियावर आवाहन केले आणि बघता बघता सुयशचे हे आवाहन लोकांच्या मनाला एवढं भिडलं की केवळ मराठी सृष्टीतील मोठमोठे सेलिब्रिटीजच नव्हे तर सुयश च्या असंख्य चाहत्यांनी आणि त्याशिवायही इतर अनेक लोकांनी त्यांच्या आयुष्यातील बापमाणसाबद्दल सोशल मीडियावर अतिशय अभिमानाने फोटो अपलोड केले आणि मित्रपरिवारासमोर त्यांच्या आयुष्यातील बापमाणसाला एक मानाचा मुजरा ही दिला. ही मोहीम खरं तर सुरु झालेली सुयश टिळक च्या, झी युवा वर येणाऱ्या ‘बापमाणूस ‘या नव्या मालिकेसाठीच.

दिवस रात्र न थकता, वादळ वाऱ्याची पर्वा न करता, प्रत्येक क्षणी आपल्या पाठीशी उभा असणारा , आपल्या कुटुंबाचा रक्षणकर्ता , चंदनासारखा झिजून आपल्या कुटुंबावर मायेची पाखर धरणारा , कुटुंबाला एकत्र बांधून ठेवताना प्रसंगी ओठी कठोर पण पोटी अमाप माया असणाऱ्या, प्रत्येक कुटुंबातील ‘बापमाणसाची ‘ही गोष्ट आपली आवडती वाहिनी झी युवा रोज सोमवार ते शनिवार रात्री ८:३० वाजता प्रेक्षकांसाठी घेऊन येत आहे . या मालिकेत बापमाणसाची मुख्य भूमिका साकारत आहेत आपल्या सर्वांचे आवडते आणि दिग्गज अभिनेते रवींद्र मंकणी. बापमाणूस या मालिकेद्वारे झी युवा कलाकारांची एक तगडी फौज घेऊन प्रेक्षकांचे मनोरंजन करणार आहे. या मालिकेत रवींद्र मंकणी, सुयश टिळक यांच्या सोबत पूजा पवार, पल्लवी पाटील , संग्राम समेळ , संजय कुलकर्णी ,शिवराज वाळवेकर ,नम्रता आवटे अशी जबरदस्त स्टारकास्ट आणि त्याच्याबरोबरच अभिजित श्वेतचंद्र , ऐश्वर्या तुपे , अभिलाषा पाटील , आनंद प्रभू , श्रुती अत्रे, ज्योती पाटील, , अमोल देशमुख आणि बालकलाकार मैथिली पटवर्धन प्रेक्षकांना या मालिकेत पाहायला मिळणार आहे. त्याचबरोबर झी युवाच्या अतिशय गाजलेल्या ‘रुद्रम” या मालिकेचे दिग्दर्शक भीमराव मुडे यांनी या मालिकेच्या दिगदर्शनाची जबाबदारी उचलली आहे. त्यामुळे ही मालिका सुद्धा उत्कृष्ट दर्जाचीच असेल यात शंकाच नाही.

बापमाणूस या मालिकेची कथा कोल्हापूरच्या रांगड्या मातीत घडताना दिसणार आहे. या कथेत कोल्हापुरातील एका अशा साध्या माणसाचा प्रवास दाखवला आहे , जो त्याच्या कर्तृत्व आणि तत्त्वांमुळे त्याच्या कुटुंबाचाच नाही तर, त्याच्या आयुष्यात येणाऱ्या प्रत्येक व्यक्तीचा बापमाणूस बनतो. कोल्हापुरातील त्याच्या स्थानाला मिळणारं महत्व आणि आदर त्याचबरोबर त्याची संपत्ती मिळवण्यासाठी त्याच्याच कुटुंबातील वाद आणि मतभेद यावर आधारित बापमाणूस ही मालिका आहे आणि ती प्रेक्षकांना नक्कीच आवडेल.

झी युवा आणि झी टॉकीज चे बिझिनेस हेड बवेश जानवलेकर यांनी सांगितले की, “प्रेक्षकांसाठी नवीन आणि उत्तमोत्तम विषय सादर करण्यासाठी झी युवा ही वाहिनी नेहमीच प्रयत्नशील आहे. बापमाणूस या मालिकेची निर्मिती करताना एक गोष्ट प्रामुख्याने लक्षात आली ती म्हणजे तुमच्या आमच्या प्रत्येकाच्या घरामध्ये एक बापमाणूस असतो जो आपल्या कुटुंबावर मायेची पाखर धरून असतो , कुटुंबाला एकसंध ठेवण्यासाठी जीवाचं रान करत असतो. त्यामुळे ही मालिका जरी कोल्हापुरी बोलीभाषेतील असली तरीही त्यातील गोष्ट मात्र प्रत्येकाला अतिशय जवळची वाटेल. बापमाणूस या मालिकेची ही उत्कृष्ट गोष्ट, तेवढ्याच दिग्गज कलाकारांच्या अभिनयाने प्रेक्षकांचे पुरेपूर मनोरंजन करेल अशी मी आशा करतो.”

 वेल्थ प्लॅनेट (यु.के.) कडून मराठी रसिकांसाठी दुहेरी मनोरंजनाची मोफत पर्वणी..!

 १४ डिसेंबर रोजी बालगंधर्व येथे रात्री प्रयोग..!

 पुणे – मानाच्या पुरूषोत्तम एकांकिका करंडकासह विविध एकांकिका स्पर्धा गाजवलेल्या आणि रोटरी क्लब करंडक विजेती ‘भूमिका’ या एकांकिकेचे आता रंगमंचावर व्यावसायिक प्रयोग सादर होणार आहेत. प्रत्येक प्रयोगाच्या उत्तरार्धात मान्यवर दिग्दर्शक, तंत्रज्ञ, लेखक, अभिनेते यांची प्रकट मुलाखत, स.प.महाविद्यालयाचे विद्यार्थी घेणार आहेत.या आगळ्या वेगळ्या उपक्रमांतर्गत ‘भूमिका’चे प्रयोग रसिकांना विनाशुल्क पहाण्याची संधी मिळणार आहे. अशी माहिती प्रसिद्ध लेखक, दिग्दर्शक, गीतकार आणि या उपक्रमाचे सादरकर्ते प्रणित कुलकर्णी यांनी पत्रकार परिषदेत दिली.

 ‘भूमिका’ नाटकाची कार्यकारी निर्मिती संस्था ‘फोर्थ वॉल एंटरटेनमेंट’ असून ‘वेल्थ प्लॅनेट’ने या प्रयोगांना विशेष आर्थिक सहकार्य देऊन व्यावसायिक रंगमंच उपलब्ध करून दिला आहे. या बद्दल अधिक माहिती देताना प्रणित कुलकर्णी म्हणाले, स. प. महाविद्यालय, पुणे कला मंडळातील महाविद्यालयीन युवकांचा सहभाग असलेल्या या एकांकिकेने अनेक स्पर्धेत पारितोषिके पटकावली आहेत. ज्येष्ठ साहित्यिक रत्नाकर मतकरी यांच्या ‘भूमिका’ कथेवर आधारीत या एकांकीकेचे लेखन आणि दिग्दर्शन चिन्मय पटवर्धन, गौरव बर्वे यांनी केले आहे. या विशेष उपक्रमाचा पहिला पयोग १४ डिसेंबर रोजी पुण्यातील बालगंधर्व रंगमंदिर येथे रात्री ९.३० वा. पार पडणार आहे.

 या प्रसंगी नाटकाच्या उत्तरार्धात नुकत्याच गाजलेल्या ‘रुद्रम’ या मालिकेचे दिग्दर्शक भीमराव मुडे यांची मुलाखत होणार आहे.

 मराठी रंगभूमीवरील अभिनेत्याच्या जीवनातील  प्रत्यक्ष घालमेल,मानसिक स्थित्यंतरे या नाटकात रोमहर्षक पध्दतीने मांडण्यात आली आहेत. नाटकाचे नेपथ्य मुग्धा भालेराव, प्रकाश योजना शर्व सरज्योतिषी, पार्श्वसंगीत अमोघ इनामदार यांचे आहे. गौरव बर्वे, चिन्मय पटवर्धन, नाथ पुरंदरे, अभिषेक रानडे, शार्दूल गानू, आदित्य बीडकर आणि इतर कलाकारांच्या भूमिका  आहेत.

 मराठी भाषेतील उत्कृष्ठ कलाकृती आणि प्रतिभावंत कलाकारांना सादर करणारा हा ‘भूमिका-उपक्रमाचा’ शुभारंभाचा प्रयोग व इतर पुणे-मुंबईतील प्रयोग रसिक प्रेक्षकांसाठी विनामूल्य होणार आहेत अशी माहिती वेल्थ-प्लॅनेट (यु.के.) चे सी.ई.ओ. आणि गुंतवणूक सल्लागार अभिजीत कुलकर्णी यांनी दिली.

झी युवावर सोमवार ते शनिवार रोज रात्री ८:३० वाजता येणाऱ्या लव्ह लग्न लोचा या मालिकेला वर्ष होऊन गेले तरीही या मालिकेचा गोडवा काही संपत नाही आहे . प्रेक्षकांच्या दृष्टीने लव्ह लग्न लोचा ही एक मस्त जमून आलेली मालिका आहे . प्रेक्षकांच्या मानसिकतेचा बारकाईने विचार करून गुंफलेली पटकथा आणि प्रत्येक कलाकाराचा (प्रचंड)अवाका अोळखून रचलेले प्रसंग , आणि कलाकारांनी त्यावर केलेली मेहनत पाहून लेखक,दिगर्शकालाही चेव येणं साहजीकच आहे . या मालिकेतील प्रत्येक कलाकार हा आता अनेकांच्या घरातील एक सदस्य झालेला आहे . यातील राघव , विनय , अभिमान , शाल्मली , काव्या , आकांशा , श्रीकांत आणि आता नवीन आलेले पण या लव्ह लग्न लोचा च्या कुटुंबात पूर्णपणे मुरलेले ऋता आणि राजा या सर्वांच्याच अभिनयाला प्रेक्षक मनापासून दाद देतात  यात घडणारे सगळेच लोचे आता सर्वांनाच स्वतःचे आपले वाटतात. मग राघवच नक्की प्रेम कोणावर ? काव्य आणि ऋता चा वाद संपणार का  , गावावरून आलेला राजा या कुटुंबात एकरूप होईल का ?  अभिमानान शाल्मली च बाळ नक्की कोणावर जाणार , श्रीकांत खरंच चांगलं वागतोय कि नाटक करतोय आणि सर्वात महत्वाचा यक्ष प्रश्न म्हणजे विनय आणि आकांशा यांचे लग्न होणार कि नाही ??  … या सर्व प्रश्नांची उत्तरे हि मालिका पाहता पाहता प्रेक्षकांना टीव्ही समोर खिळूवून ठेवत आहेतच पण आता यातील  विनय आणि आकांक्षांच्या लग्नाचा प्रश्न मात्र छानप्रकारे सुटला आहे . सध्या मालिकेत सगळी मंडळी विनय आणि आकांशाच्या लग्नाची तयारी करत आहेत .  त्यात आता बॅचलर पार्टी होणार आहे