पुणे : मुलांमधील कलागुणांना प्रोत्साहन देणे हे खरे तर पालकांचे कर्तव्य आहे. परंतु आजचे बहुतांश पालक ‌‘मार्क्सवादी‌’ असल्याचे प्रकर्षाने जाणवते. पालकांनी मुलांवर अपेक्षांचे ओझे न लादता मुलांमधील क्षमता, गुण ओळखणे आवश्यक आहे, असे प्रतिपादन अखिल भारतीय मराठी साहित्य महामंडळाचे अध्यक्ष प्रा. मिलिंद जोशी यांनी केले. शिखरावर पोहोचण्याची ओढ असल्याशिवाय ते सर करता येत नाही. प्रतिकुलतेतून अनुकूलता निर्माण करत धैर्या हिने आपले नाव सार्थ ठरविले आहे. बहुआयामी प्रतिभावंत असे तिचे व्यक्तिमत्त्व आहे, असे गौरवोद्गारही त्यांनी काढले.

युरोप खंडातील माऊंट एलबुस हे 18 हजार 510 फूट उंचीचे सर्वोच्च शिखर सर करणाऱ्या सातारच्या 13 वर्षीय धैर्या ज्योती विनोद कुलकर्णी हिचा रंगत-संगत प्रतिष्ठानतर्फे शनिवारी (दि. 13) जिद्द पुरस्काराने गौरव करण्यात आला. पुरस्काराचे वितरण शिखर बँकेचे अध्यक्ष, महाराष्ट्र साहित्य परिषदेचे उपाध्यक्ष विद्याधर अनास्कर यांच्या हस्ते झाले. त्या वेळी प्रा. मिलिंद जोशी अध्यक्षपदावरून बोलत होते.
अखिल भारतीय मराठी साहित्य महामंडळाचे कोषाध्यक्ष विनोद कुलकर्णी यांची विशेष उपस्थिती होती. रंगत-संगत प्रतिष्ठानचे अध्यक्ष ॲड. प्रमोद आडकर, मैथिली आडकर मंचावर होते. सन्मानपत्र व भेटवस्तू असे पुरस्काराचे स्वरूप होते. महाराष्ट्र साहित्य परिषदेच्या माधवराव पटवर्धन सभागृहात कार्यक्रमाचे आयोजन करण्यात आले होते. ज्योती कुलकर्णी यांचाही या वेळी विशेष सन्मान करण्यात आला.

प्रा. मिलिंद जोशी पुढे म्हणाले, धर्या हिच्यामध्ये लहान वयातच प्रगल्भता निर्माण झाली आहे. नैराश्यावर मात करण्याची शक्ती मिळवत कसोटीच्या प्रसंगी सकारात्मकतेचा दीप प्रज्वलीत करून तिने माऊंट एलबुस हे 18 हजार 510 फूट उंचीचे सर्वोच्च शिखर सर करीत नावाला साजेसे कार्य केले आहे.

विद्याधर अनास्कार म्हणाले, धर्याबरोबरच तिच्या आई-वडिलांचेही कौतुक व्हायला हवे कारण त्यांनी अतिशय कठीण परिस्थितीला सामोरे जात मुलीला तिच्या निर्णयाला पाठींबा दर्शविला. हार न मानण्याची वृत्ती आणि जिद्द असेल तरच यशाचे शिखर गाठता येते, हे धैर्या हिने प्रत्यक्ष कृतीतून दाखवून दिले आहे. अनास्कर यांनी धैर्या हिला 21 हजार रुपयांचा धनादेश बक्षीस म्हणून दिला.

सत्काराला उत्तर देताना धर्या कुलकर्णी म्हणाली, आईची शिस्त आणि वडिलांच्या पाठींब्यामुळे मी हे यश मिळवू शकले आहे. लहानपणापासूनच गिर्यारोहणाची आवड होती. सह्याद्रीतील अनेक गडकिल्ल्यांवर भ्रमंती केली आहे. निसर्गाचे जसे आकर्षण आहे तसेच पांढऱ्या डोंगराचेही आहे. प्रतिकुलतेवर मात करत यश गाठले आहे. पुण्यात सत्कार होत आहे, ही अभिमानाची गोष्ट आहे.

विनोद कुलकर्णी म्हणाले, धर्याच्या यशात तिच्या आईचा सिंहाचा वाटा आहे, हे सांगण्यात मला अभिमानच वाटतो. लहान वयात धैर्याला जो मानसन्मान मिळत आहे हा आई-वडिल म्हणून आमच्यासाठी भाग्ययोगच आहे.

प्रास्ताविकात ॲड. प्रमोद आडकर यांनी पुरस्कारामागील भूमिका विशद केली. कार्यक्रमाचे सूत्रसंचालन आणि मानपत्राचे वाचन शिल्पा देशपांडे यांनी केले.

पुणे- पुण्यातील सार्वजनिक वाहतूक सेवेची महामेट्रो जीवन वाहिनी बनत असतानाच कोथरूड विधानसभा मतदारसंघातील विद्यमान आमदार आणि मंत्री चंद्रकांत दादा पाटील यांच्या पुढाकाराने सेवा त्याग समर्पण फाउंडेशनच्या मार्फत कोथरूड विधानसभा मतदारसंघातील मेट्रो मार्गी के पासून दूर अंतरावर असलेल्या कर्वेनगर नवसाह्याद्री डहाणकर कॉलनी भागातील नागरिकांसाठी मोफत शटल बस सेवासुरु करण्यात येणार आहे. पुण्यातील महा मेट्रोचा पहिला प्रयोग म्हणून ज्या कोथरूड मतदारसंघातून शुभारंभ झाला त्या कोथरूड विधानसभा मतदारसंघातील मेट्रो मार्गीकेपासून दूर असलेल्या नागरिकांनाही मेट्रो प्रवास सुकर व्हावा या उदात्त हेतूने संबंधित उपक्रम सुरू करण्यात येणार आहे.या अभिनव उपक्रमाचे उद्घाटन चंद्रकांतदादा पाटील मंत्री, उच्च व तंत्रशिक्षण, संसदीय कार्य महाराष्ट्र राज्य आमदार, कोथरुड विधानसभा मतदार संघ यांच्या हस्ते हस्ते होणार असून कार्यक्रमाचे प्रमुख पाहुणे म्हणून महा मेट्रोचे व्यवस्थापकीय संचालक श्रावण हर्डीकर उपस्थित राहणार असून रविवार दि. १४ सप्टेंबर २०२५ सकाळी ८.०० वा. नळस्टॉप / SNDT मेट्रो स्थानक, कर्वे रोड, येथे पहिल्या मार्गिका क्र. १ वरील सेटल बसला हिरवा झेंडा दाखवण्यात येणार आहे.

कोथरूड भागातील ज्येष्ठ नागरिकांची संख्या प्रचंड असताना केवळ पौड रस्त्यावरून वनाज कंपनी ते एसएनडीटी महाविद्यालय लगतच्याच नागरिकांना अत्यंत महत्त्वाची मेट्रो सेवेचा लाभ घेण्याची संधी मिळत होती. उर्वरित कोथरूड विधानसभा मतदारसंघातील एरंडवणे नवसह्याद्री सोसायटी, मनमोहन सोसायटी, कर्वेनगर, श्रीमान सोसायटी, हिंगणे होम कॉलनी, गोसावी वस्ती, मावळे आळी यासह डहाणूकर कॉलनी, कोथरूड गावठाण, मयूर कॉलनी, करिश्मा सोसायटी या भागातील नागरिकांना मेट्रो ने प्रवास करण्यासाठी पार्किंग आणि रिक्षा या दोन्ही समस्यांना सामोरे जावे लागत असल्याने महा मेट्रोच्या प्रवाशांवरती परिणाम होत होता.कोथरूड विधानसभा मतदारसंघातील आमदार चंद्रकांत दादा पाटील यांच्या लक्षात ही समस्या आल्यानंतर त्यांनी तात्काळ याची दखल घेऊन सेवा त्याग समर्पण फाउंडेशनच्या मार्फत राजाराम पूल– मावळे आळी चौक – विकास चौक – कर्वेनगर चौक- वनदेवी -डहाणूकर चौक – कर्वे पुतळा – करिष्मा चौक – SNDT शी शटल बस सेवा सुरू केली असून सकाळी ८.३० ते १ सकाळच्या सत्रामध्ये सुरू राहणार आहे. त्यानंतर सायं. ४ ते ८ या महत्त्वाच्या काळी सुद्धा सर्वसामान्य नागरिकांना मोफत प्रवास करणे शक्य होणार आहे.

▪️ 17 सप्टेंबर ते 2 ऑक्टोबर दरम्यान राबविले जाणार अभियान

पुणे, दि. १३ :
“स्वस्थ नारी सशक्त परिवार अभियान” संपूर्ण भारतभर तसेच पुणे जिल्ह्यात दि. १७ सप्टेंबर ते दि. २ ऑक्टोबर २०२५ या कालावधीत राबविण्यात येणार आहे. या अभियानाचा उद्देश महिला व बालकांचे आरोग्य तपासणी करून कुटुंबाचे आरोग्य सुदृढ करणे हा आहे. जिल्ह्यातील अधिकाधिक बालक आणि महिलांनी सहभागी होऊन आरोग्य तपासणी करून घ्यावी असे आवाहन जिल्हाधिकारी जितेंद्र डुडी, जिल्हा परिषदेचे मुख्य कार्यकारी अधिकारी गजानन पाटील यांनी केले आहे.

या मोहिमेत जिल्ह्यातील प्राथमिक आरोग्य केंद्र, उपकेंद्र तसेच जिल्हा व उपजिल्हा रुग्णालयांमार्फत विविध आरोग्य शिबिरे आयोजित केली जाणार आहेत. महिलांच्या तपासणीत उच्च रक्तदाब, मधुमेह, कर्करोग तपासणी, क्षयरोग, अॅनिमिया व सिकल सेल स्क्रीनिंग, गरोदर मातांची तपासणी व समुपदेशन, लसीकरण सेवा, मासिक पाळी स्वच्छता मार्गदर्शन, किशोरवयीन मुलींचे समुपदेशन, पूरक आहार व आरोग्यदायी आहार पद्धती याबाबत माहिती देण्यात येईल. याशिवाय रक्तदान शिबिरे, आयुष्यमान भारत-प्रधानमंत्री जनआरोग्य योजना (PMJAY) कार्ड वितरण व निक्षे मित्र स्वयंसेवी नोंदणीही करण्यात येणार आहे.

या शिबिरांसाठी स्त्रीरोगतज्ञ, बालरोगतज्ञ, कान-नाक-घसा तज्ञ, त्वचारोग तज्ञ, मानसिक आरोग्य तज्ञ, कर्करोग तज्ञ आदी तज्ज्ञ डॉक्टरांची सेवा उपलब्ध करून देण्यात येईल. जिल्ह्यात एकूण ३२४ शिबिरे प्राथमिक आरोग्य केंद्रांवर व ३३२४ शिबिरे उपकेंद्रांवर, ८५ शिबिरे ही उप ज़िला रुग्णालय व ग्रामीण रुग्णालय येथे आयोजित करण्यात येणार आहेत.

अभियानाचे जिल्हास्तरीय उद्घाटन दि. १७ सप्टेंबर २०२५ रोजी बारामती येथील स्त्री रुग्णालयात खासदार सुनीत्रा पवार यांच्या हस्ते होणार इतर तालुक्यात खासदार आणि आमदारांच्या हस्ते उद्घाटन करण्यात येणार आहे.

या अभियानाच्या यशस्वी अंमलबजावणीकरिता सर्व वैधकीय आधिक्षक, तालुका आरोग्य अधिकारी, वैद्यकीय अधिकारी, महिला नोडल वैद्यकीय अधिकारी, आरोग्य सहाय्यक, आशा व स्वयंसेवक यांचे प्रशिक्षण पूर्ण झाले आहे. जिल्ह्यातील वैद्यकीय महाविद्यालये, जिल्हा रुग्णालये, इंडियन मेडिकल असोसिएशन, इंडियन अकादमी ऑफ पेडियाट्रिक्स, प्रसूती व स्त्रीरोग संस्था तसेच रोटरी क्लब आदींचा सहभाग सुनिश्चित करण्यात आला आहे.

जिल्हा आरोग्य अधिकारी डॉ. रामचंद्र हंकारे व ज़िल्हा शल्य चिकित्सक, डॉ. नागनाथ यमपल्ले यांनी माहिती दिली की, या अभियानामुळे जिल्ह्यातील महिलांचे व बालकांचे आरोग्य सुधारण्यास मोठी मदत होणार आहे.

७५ गरजू मुलामुलींना सायकल वाटप

पुणे: “शारीरिक स्वास्थ्य, पर्यावरण सरंक्षणासाठी सायकल चालवणे अतिशय उपयुक्त आहे. पंतप्रधान नरेंद्र मोदी यांनी फिट इंडियाचा नारा दिला असून, त्यांनी दिलेल्या पंचसुत्रीवर पुणेकरांनी आपले आरोग्य चांगले राखावे,” असे प्रतिपादन माजी केंद्रीय मंत्री अनुराग ठाकूर यांनी केले. मेधाताईंच्या पुढाकारातून मोदींच्या वाढदिवसानिमित्त पुणेकरांनी दिलेली ही अनोखी भेट असल्याचेही ठाकूर म्हणाले.

पंतप्रधान नरेंद्र मोदी यांच्या ७५ व्या वाढदिवसानिमित्त पुण्यात राज्यसभा खासदार प्रा. डॉ. मेधा कुलकर्णी यांच्या पुढाकाराने आयोजित पुणे ऑन पेडल्स सायकल रॅली व पुणे वॉकेथॉनमध्ये हजारो पुणेकर सहभागी झाले. सायकल रॅलीचा मार्ग कोथरूडमधील छत्रपती शिवाजी महाराज पुतळा ते झाशीची राणी लक्ष्मीबाई पुतळा, बालगंधर्व चौक, तर वॉकेथॉनचा मार्ग एसएनडीटी महाविद्यालयापर्यंत होता. पुणेकरांनी ‘सायकल चालवा’चा नारा देत शारीरिक स्वास्थ्य व पर्यावरण रक्षणाचा संदेश दिला.

माजी केंद्रीय मंत्री अनुराग ठाकूर, राज्यमंत्री माधुरी मिसाळ यांच्या हस्ते रॅलीला हिरवा झेंडा दाखवून सुरुवात झाली. प्रसंगी पुणे महापालिका आयुक्त नवलकिशोर राम, क्रिकेटपटू केदार जाधव, महाराष्ट्र केसरी शिवराज राक्षे यांची प्रमुख उपस्थिती यावेळी होती. विश्राम कुलकर्णी, जयंत भावे यांच्यासह इतर मान्यवर उपस्थित होते. ठाकूर व मिसाळ यांच्या हस्ते ७५ गरजू मुलामुलींना सायकल भेट देण्यात आली. यावेळी दिलेल्या ‘हर हर मोदी, घर घर मोदी’, ‘मोदी है तो, मुमकिन है’ या घोषणांनी परिसर दणाणून गेला.

अनुराग ठाकूर म्हणाले, “पुण्यातील पर्यावरण मित्रांनी (पीएम) देशाच्या प्राईम मिनिस्टरांना (पीएम) दिलेली ही मानवंदना आहे. मेधाताई यांच्याप्रमाणे इतर लोकप्रतिनिधींनीही असे पर्यावरणपूरक उपक्रम राबवून समाजाचे स्वास्थ्य चांगले राहण्यासाठी पुढाकार घ्यावा. देशवासीयांचे आरोग्य सदृढ व्हावे, यासाठी मोदी यांनी योगदिन, फिट इंडिया, खेलो इंडिया असे अनेक उपक्रम सुरु केले आहेत.”

सायकल वापरण्यास प्रोत्साहन देण्याच्या उद्देशाने हा उपक्रम गेल्या सहा वर्षांपासून आयोजित केला जात आहे. सायकलचे शहर अशी पुण्याची ओळख आहे. सायकल वापरणे आरोग्यासाठी लाभदायक आहे. पर्यावरणपूरक उपक्रमांतून पंतप्रधान नरेंद्र मोदी यांचा वाढदिवस साजरा होतोय, याचा आनंद वाटत असल्याचे प्रा. डॉ. मेधा कुलकर्णी यांनी प्रास्ताविकात सांगितले.

नवलकिशोर राम म्हणाले, “सायकलींचे शहर अशी ओळख असलेल्या पुण्यात पुन्हा एकदा सायकल चालविण्याबाबत जागरूकता वाढत आहे. स्वतःचे व पर्यावरणाचे स्वास्थ्य चांगले ठेवण्यासाठी अधिकाधिक पुणेकरांनी सायकल चालवण्यास प्रोत्साहन देणारा हा उपक्रम आहे.”

जवळपास पाच हजार आबालवृद्ध यामध्ये मोठ्या उत्साहाने सहभागी झाले. योगपटू स्वरा केंजळे, ट्रेकर नंदकिशोर मुळीक, आयर्न किड विहान काशीकर, जाॅगलिंग खेळाडू केतन अमोणकर यांचा क्रीडा क्षेत्रातील उल्लेखनीय कामगिरीबद्दल सन्मान करण्यात आला. सर्व सहभागीना प्रमाणपत्र, पदक व टीशर्ट देण्यात आले. जयंत भावे यांनी सूत्रसंचालन केले. विश्राम कुलकर्णी यांनी आभार मानले.

पुणे , दि. १२: सणासुदीच्या काळात खवा व दुग्धजन्य पदार्थाचे अधिकाधिक नमुने तपासणीकरिता घेवून आवश्यकत्या ठिकाणी जप्ती करावी, यामाध्यमातून नागरिकांना शुद्ध पदार्थ मिळेल याबाबत दक्षता घ्यावी, नवीन प्रयोगशाळेच्या बांधकामाची पाहणी करुन हे बांधकाम गतीने पूर्ण करुन प्रयोगशाळा सुरु करावी, असे निर्देश अन्न व औषध प्रशासन मंत्री नरहरी झिरवाळ यांनी दिले.

मोशी येथील अन्न व औषध प्रशासन कार्यालयास भेट देवून विभागाच्यावतीने चालू वर्षातील कामकाजाचा आढावा कामकाजाबाबत समाधान व्यक्त केले. यावेळी सहआयुक्त अन्न गिरीश हुकरे, सहआयुक्त सुरेश अन्नपुरे,अधिकारी व कर्मचारी उपस्थित होते.

यावेळी मंत्री झिरवाळ यांच्या हस्ते विभागाच्या उत्कृष्ट काम करणाऱ्या औषध निरीक्षक श्रुतिका जाधव व विजय नांगरे यांचा पुष्पगुच्छ देऊन सत्कार करण्यात आला. अन्न विभागात नव्याने रुजू झालेल्या अन्न सुरक्षा अधिकारी यांच्यासोबंत संवाद साधून त्यांना पुढील वाटचालीस शुभेच्छा दिल्या.

श्री. झिरवाळ यांच्या हस्ते कार्यालयाच्या परिसरात वृक्षारोपण करण्यात आले.

आढावा बैठकीत औषध विभागात अधिकारी व कर्मचाऱ्यांची सद्यस्थिती, विभागाच्यावतीने करण्यात येणाऱ्या कारवाया आदीबाबत माहिती देण्यात आली.

पुणे- कात्रज,धनकवडी,कोंढवा,वारजे, आंबेगाव पठार , आदी भागात अनधिकृत इमारती बेसुमार आणि अत्यंत वेगाने वाढत असताना PMC चा बांधकाम परवाना नसलेली अनधिकृत बांधकामे नागरिकांनी खरेदी करू नयेत , तसेच रीडेव्हलपमेंट च्या नावाने केलेली विनापरवाना बांधकामे खरेदी करू नयेत अन्यथा एक न एक दिवस महापालिकेच्या कारवाईला सामोरे जावे लागेल असा इशारा देत महापालिकेने आज कोंढव्यात अनधिकृत इमारतींवर कारवाई सुरु केली .

कोंढवा खुर्द परिसरामध्ये अनाधिकृत बांधकाम कारवाई साठी नियुक्त केलेल्या विशेष पथकामार्फत आज दि.12/9/2025 रोजी कोंढवा खुर्द , शिवनेरी नगर गल्ली क्र. 1, मध्ये P+5  व P+4  मजला दोन इमारती सुमारे 15000 चौ. फुट आर सी सी बांधकामावर कारवाई करण्यात आली आहे.
सदर कारवाई साठी 10 बिगारी, 5 पोलीस, 1 jcb , 4 brekar, 2 गॅस cutter,  6 कनिष्ठ अभियंता, 3 उपअभियंता उपस्थित होते.
त्यामुळे सदर अनधिकृत बांधकाम हे कारवाई झाल्यामुळे धोकादायक झालेले आहे.त्याचा वापर करण्यात येऊ नये व सदर इमारतीत सदनिका विकत घेऊ नये.असेही आवाहन पुणे महानगरपालिकेने केले आहे.