पुणे: आपले पुणे शहर हे देशांतील सर्वात आरोग्यपूर्ण आणि तंदरुस्त शहर बनावे, अशा तीव्र इच्छेने एकत्र आलेल्या 2016 मध्ये मधुकर तळवळकर, रोहन पुसाळकर, अभिमन्यू साबळे आणि स्मिता शितोळे यांनी स्थापन केलेल्या युनायटेड हेल्थ अँड फिटनेस फोरम(युएचएफएफ) व ग्रोफिटर यांच्या संयुक्त विद्यमाने मेक पुणे द फिटेस्ट सिटी इन इंडिया या नव्या मोहिमेचे आयोजन करण्यात आले आहे.

पत्रकारपरिषदेत अधिक माहिती देताना युनायटेड हेल्थ अँड फिटनेस फोरम(युएचएफएफ)या संस्थेचे संचालक मधुकर तळवळकर, रोहन पुसाळकर, अभिमन्यू साबळे, स्मिता शितोळे आणि ग्रोफिटरचे संचालक सन्मती पांडे यांनी सांगितले कि,  मेक पुणे द फिटेस्ट सिटी इन इंडिया या नव्या मोहिमेअंतर्गत युएचएचएफशी संबंधित सर्व जिमच्या माध्यमातून एक व्यायामाबाबत सल्ला व मार्गदर्शन, आहाराशी संबंधितमाहिती, समुपदेशन, बीएमआय व इनबॉडी अॅनालिसिस याबाबत मार्गदर्शन मिळणार आहे. या मोहिमेत सहभागी होणाऱ्या स्पर्धकांना आठवड्यातून किमान 3दिवस कोणताही एक खेळ खेळणे, धावणे, पोहणे,ट्रेकिंग, जॉगिंग, सायकलिंग किंवा व्यायामशाळेत व्यायाम करण्यास सांगितले जाणार आहे. तसेच ठराविक मुदतींनंतर सर्व सहभागी सदस्य, कॉर्पोरेट, कॉलेज, हौसिंग कम्युनिटी यांचे सर्वेक्षण केले जाणार आहे.यात सर्वोत्कृष्ट प्रदर्शन करणाऱ्या स्पर्धकांना विजेते घोषित केले जाणार असून विजेत्यांना आकर्षक पारितोषिके देण्यात येणार आहे.

युएचएफएफ हि ‘ना नफा ना तोटा’ तत्वावर चालणारी एक स्वयंसेवी संघटना असून देशातील अशाप्रकारचा हा पहिलाच उपक्रम आहे. तंदरुस्ती, आरोग्य आणि स्वास्थ्य यासाठी सर्व नागरिकांना प्रेरणा देण्याचेलक्ष ठेवून हि संस्था कार्य करते. या मोहिमेच्या माध्यमातून फिटनेस हे लक्ष नसून ती आपली जीवनशैली असावी, असे आम्ही सर्वांच्या मनात ठसविण्याचा प्रयत्न करीत असल्याचे  (युएचएफएफ)चे संचालक मधुकर तळवळकर यांनी सांगितले.

युएचएफएफचे रोहन पुसाळकर म्हणाले कि, सर्व नागरिक, जिम, फिटनेसप्रेमी आणि फिटनेससाठी काम करणाऱ्या संस्थांचे सर्व सदस्य यांच्याशी संपर्क साधून त्यांना तंदरुस्ती आणि उत्तम आरोग्यासाठीशिक्षित करणे हे साधेसुधे लक्ष या संस्थेने ठेवले आहे. हे लक्ष साध्य करण्याकरिता आम्ही चार मार्गांनी प्रयत्न करत असून यामध्ये एक म्हणजे सदस्य, नागरिक आणि विविध संघटना व समाज यांना एकाप्रक्रियेतून जाण्यासाठी प्रवृत्त करणे, दुसरे म्हणजे आरोग्य व फिटनेस इंडस्ट्रीला आधार देणे, तिसरे म्हणजे आरोग्यपूर्ण जीवनशैली असण्याची इच्छा असणाऱ्या सर्व नागरिकांना एकमेकांशी संपर्क, प्रशिक्षणमाहिती, ज्ञान व प्रेरणा देणे, चौथे म्हणजे फिटनेस बाबत जागरूक असणाऱ्या नागरिकांचे प्रतिनिधित्व करणे यांचा समावेश आहे.

अभिमन्यू साबळे आणि स्मिता शितोळे यांनी सांगितले कि,अनावश्यक खर्च, व्यायामाची कमतरता, आहार आणि विहाराच्या चुकीच्या सवयी आणि तंत्रज्ञानावर अवलंबून राहण्याच्या सवयी, यामुळे मानवी आरोग्याला मानसिक आणि शारीरिक दृष्ट्या धोका निर्माण झाला आहे. या सर्व सवयींना जीवनशैलीशी संबंधित आजार असे म्हटले जाते. यासंबंधीच्या जागतिक आरोग्य अहवाल 2014 नुसार 58लाख लोकांचाया आजारांमुळे मृत्यू झाला आहे. भारतातील एकूण मृत्यूंपैकी 60टक्के मृत्यू या आजारांमुळे होतात. यातील महत्वाचे आजार म्हणजे डायबिटीस(टाईप 2)भारतांतील 4कोटी नागरिकांना मधुमेह असून त्यात बालकांचाही समावेश आहे. नॉन इन्सुलिन प्रकारचा मधुमेह असून खाण्याच्या चुकीच्या सवई, व्यायामाची कमतरता आणि चुकीच्या जीवनशैलीमुळे हा मधुमेह होतो.स्थूलपणा 2005 ते 2015 या काळातभारतातील स्थूल नागरिकांची संख्या दुप्पट झाली आहे. राष्ट्रीय कुटुंब आरोग्य सर्व्हेनुसार 10कोटी लठ्ठ नागरिकांची संख्या असून त्याची संख्या दरवर्षी 33 ते 51टक्क्यांनी वाढत आहे. भारतात 10कोटी लोकांना उच्च रक्तदाबाचा आजार आहे. ताणतणाव, लठ्ठपणा खाण्याच्या चुकीच्या सवयी यामुळे हा आजार होतो. भारतात हृदयविकाराने  होणाऱ्या एकूण मृत्यूंपैकी 30 ते 40टक्के मृत्यू 34 ते 64 वयोगटातील असतात.तसेच 5कोटी हुन अशोक लोकांना हृदयविकाराशी संबंधित आजार आहेत.  आरोग्यपूर्ण आणि तंदरुस्त जीवनशैली, समतोल आहार आणि नियमित व कसून व्यायाम हे या आजारांवरील सोपे उपायआहेत.त्यामुळे आपण महागड्या वैद्यकीय उपचार प्रक्रिया, विमा यावर खर्च होणारे हजारो रुपये वाचवू शकतो.

पाश्चात्य देशात नियमित व खडतर फिटनेस व्यायामप्रकारात सहभागी असणाऱ्या नागरिकांची संख्या 15-18टक्यांपर्यँत आहे. भारतात हि संख्या 1टक्क्यांपेक्षाही कमी आहे. ही  परिस्थिती सुधारण्याचेआव्हान युएचएफएफने स्वीकारले आहे. त्यामुळे पुण्यातील देशातील सर्वात तंदरुस्त बनविणे हे ध्येय युएचएफएफने  फिटनेस प्लेज(तंदरुस्ती प्रतिज्ञा) हा नवीन उपक्रम सुरु केले आहे.किमान 50हजारनागरिकांना आरोग्यपूर्ण आणि तंदरुस्त जीवनशैलीची देण्याचे आमचे लक्ष आहे. या मोहिमेतील सहभाग पूर्णपणे विनामुल्य असून नावनोंदणीसाठी आणि माहितीसाठी www.uhff.fit/ www.uhff.fit/ipledge यावेबसाईटवर संपर्क साधण्याचे आव्हान आयोजकांतर्फे करण्यात आले असल्याचे त्यांनी नमूद केले आहे.

पुणे-रशियन सुरक्षा यंत्रणा आणि त्यांच्या संरक्षण खात्यातीलअद्ययावत टेक्नॉलॉजीचा अभ्यास करण्यासाठी भारतातून २५
युवकांच्या शिष्टमंळाची निवड करण्यात आली आहे. यात पुण्याच्यासर्वेश सुभाष नावंदे या युवकाची निवड करण्यात आली आहे..देशातील एन. सी. सी. च्या 14 लाख कॅडेट मधून राष्ट्रीयस्तरावरएअर विंग मध्ये सर्वोत्तम कॅडेट म्हणून यापूर्वी सर्वेश ची निवड झालीहोती. या अभ्यास दौऱ्यासाठी महाराष्ट्रातून निवड झालेला सर्वेश हाएकमेव युवक आहे.18 ऑगस्ट ते 1 सप्टेंबर पर्यत हा दौरा रशिया या देशातअसणार आहे. सर्वेश १९ वर्षाचा असून तो मॉडर्न कॉलेज, गणेश खिंड,पुणे येथे बी.एस.सी तृतीय वर्षाचे शिक्षण घेत आहे. त्याचे 1 ली ते12 पर्यंतचे शालेय शिक्षण विखे पाटील मेमोरियल स्कुल पुणे येथेझाले आहे, सर्वेश चे आई वडील हे दोघे हि क्रीडा खात्यातउच्चपदावर कार्यरत आहेत वडील सुभाष नावंदे हे तालुका क्रीडाअधिकारी – आंबेगाव – पुणे येथे तर सौं कविता नावंदे – निंबाळकरया क्रीडा मंत्री विनोद तावडे यांचे कडे मंत्रालय मुंबई येथेक्रीडा विभागाचे विंशेष कार्य अधिकारी म्हणून कार्यरत आहेत . मोठाभाऊ समाज कार्यकर्ता आहे. या दोन्ही भावंडयांना घरातूनच देश सेवा
व सामाजिक बांधिलकीचे लहान पणापासूनच बाळकडू / धडे दिलेगेले आहेत.
प्रजासत्ताक दिनाच्या संचलनाच्या निमित्ताने पंतप्रधान रॅलीमध्येपुण्याच्या सर्वेश सुभाष नावंदे 26 जानेवारी 2018 रोजी सहभागीझाला होता. यास भारतातून एअरफोर्स विंग मध्ये बेस्ट कॅडेट सुवर्णपदक पंतप्रधान नरेंद्र मोदी यांच्या हस्ते प्रदान करण्यात आले होते. त्या गुणवत्तेवरून आज त्याचे भारत व रशिया या दोनदेशातील युवकांचे युथ एक्सचेंज प्रोग्राम साठी निवड झाली आहे.

भारत रशिया युवक आदान प्रदान कार्यक्रमाविषयी अधिक माहिती

भारत आणि रशियाचे आंतरराष्ट्रीय संबंध जुने आहेत, तेआणखी दृढ करण्यासाठी हा कार्यक्रम एक महत्वाची भूमिका
बजावतो. या कार्यक्रमातून दोन्ही देशांच्या तंत्रज्ञानाचे आदान प्रदानकरण्यासाठी . मा. पंतप्रधान नरेंद्र मोदी यांच्या पुढाकाराने हाअभ्यास दौरा आयोजित करण्यात आला आहे. संरक्षण क्षेत्रातीलरशियन तंत्रज्ञान अद्ययावत आणि सक्षम आहे. या तंत्रज्ञानाचाअभ्यास करून त्याची भारतीय संरक्षण यंत्रणेत उपयोग करता येऊशकतो का याचा अभ्यास करण्यासाठी या तरुणांना या अभ्यासदौऱ्यासाठी भारताच्या वतीने पाठवले जाते. या प्रोग्रॅमसाठी भारतातून 25 युवकांची निवड झाली त्यात
महाराष्ट्रातुन सर्वेश एकमेव युवक आहे. सध्या या बाबत सर्वेश पूर्व प्रशिक्षणसाठी करिअप्पा परेड ग्राउंडदिल्ली येथे सराव करीत आहे ,दि 18 ऑगस्ट रोजी पूर्ण 25 जणांचासंघ रशिया येथे रवाना होणार आहे त्यासाठी राज्याचे क्रीडा व युवक
कल्याण मंत्री विनोद तावडे , क्रीडा आयुक्त सुनील केंद्रेकर, राज्याचे राष्ट्रीय छात्र सेना चे प्रमुख ऍडीशनल
डायरेक्टर जनरल युद्ध सेवा मेडल व विशेष सेवा मेडल असलेले गजेंद्र प्रसाद, राज्याचे एन.सी.सी चे संचालक कमोडोर श्री
बालकृष्णन, निवृत्त ब्रिगेडियर मा.श्री.बोधे., मॉडर्न गणेशखिंडमहाविद्यालयाचे संस्था चालक श्री एकबोटे, प्राचार्य डॉ खरात राष्ट्रीयसेवा योजना प्रमुख श्री सपकाळ, नेहरू युवा केंद्राचे समन्वयक श्रीमानखेडकर, राष्ट्रीय युवा पुरस्कारार्थी डॉ मिलिंद भोई, श्री शंतनूजगदाळे, श्री प्रवीण निकम, श्रीमती तपस्वी गोंधळी , व राज्यपुरस्कारथी श्री विनीत मालपुरे, श्रीम. खुशबू चोपडे, पूनम ढगे स्नेहलशिंदे , काजल भुसारी या सर्वांनी सर्वेशला शुभेच्छा दिल्या

परभणी- धनगर समाजाच्या आरक्षण आंदोलनाच्या बैठकीची तयारी सुरू असतानाच तालुक्यातील गोेमेवाकडी येथील एका युवकाने गळफास घेऊन आत्महत्या केल्याची घटना घडली.  या युवकाने  १२ आॅगस्ट रोजी १ वाजेच्या सुमारास आत्महत्या केल्याची घटना उघडकीस आली.
धनगर समाजाचा एसटी प्रवर्गामध्ये समावेश करावा, या मागणीसाठी १३ आॅगस्टपासून समाजबांधवांनी आंदोलनाचे हत्यार उपसले आहे. त्यातच गोमेवाकडी येथील योगेश राधाकिशन कारके (२०) या युवकाने राहत्या घरी गळफास घेऊन आत्महत्या केली. गोमेवाकडी येथील कार्यकर्ते रविवारी सेलू येथे आरक्षणाच्या बैठक घेण्याची तयारी करीत असतानाच योगेश याने आरक्षणाच्या मागणीसाठी गळफास घेऊन आत्महत्या केली, अशी माहिती ग्रामस्थांनी दिली. दरम्यान, पोलीस अधिकारी घटनास्थळी पोहचले असून, पंचनामा सुरू केला आहे. योगेश याने आत्महत्या करण्यापूर्वी आपल्या मोबाईलवरून बी. शिंदे यांच्या मोबाईल क्रमांकावर टेक्स मॅसेज लिहिला होता. त्यात धनगर आरक्षणासाठी मी जीव देत आहे, असे म्हटले आहे. मात्र रेंजच्या कारणावरून हा मॅसेज सेंट झाला नसावा, अशी माहिती बीट जमादार चवरे यांनी दिली.