स्वातंत्र्यदिनी एकात्मता रॅलीचे आयोजन; शहीदांच्या कुटुंबियांसह जवानांचा विशेष सहभाग
पुणे :शहीद जवानांच्या कुटुंबियांसह देशाच्या रक्षणासाठी सीमेवर जायबंदी झालेल्या जवानांचा विशेष सहभाग असलेल्या एकात्मता रॅलीचे आयोजन स्वातंत्र्यदिनी दि. १५ ऑगस्ट रोजी सकाळी ९ वाजता करण्यात आले आहे.
पुणे शहर जिल्हा काँग्रेसतर्फे माजी उपमहापौर व महाराष्ट्र प्रदेश काँग्रेसचे प्रतिनिधी आबा बागुल यांच्या मार्गदर्शनाखाली शहर काँग्रेसचे सरचिटणीस अमित बागुल आणि मित्रपरिवारातर्फे या एकात्मता रॅलीचे आयोजन करण्यात आले आहे,यंदा हे सातवे वर्ष आहे. सहकारनगर येथील राजीव गांधी ई -लर्निंग स्कुल येथून सकाळी ९ वाजता या रॅलीला प्रारंभ होणार आहे. या रॅलीमध्ये शहीद कर्नल संतोष महाडिक यांच्या मातोश्री कालिंदा महाडिक , शहीद शूरवीर जवान सौरभ फराटे यांची आई मंगल फराटे व वडील नंदकुमार फराटे ,बंधू रोहित फराटे तसेच धुळ्याचे जवान चंदू चव्हाण , साताऱ्याचे अमित घोरपडे यांचा विशेष सहभाग असणार आहे. देशभक्तीपर गीतांमधून शहिदांच्या स्मृती जागविल्या जाणारआहेत. राजीव गांधी ई -लर्निंग स्कुल येथून ही रॅली गजानन महाराज चौक मार्गे शिंदे हायस्कुल, तावरे कॉलनी चौक येथून राजीव गांधी ई -लर्निंग स्कुल येथे दुपारी १ वाजता समारोप होणार आहे. या रॅलीमध्ये नागरिकांनी उत्स्फूर्तपणे सहभाग घ्यावा असे आवाहन माजी उपमहापौर आबा बागुल यांनी केले आहे.