पुणे : शाकाहार, व्यसनमुक्तीची सामूहिक शपथ घेतल्याची नोंद ‘गोल्डन बुक ऑफ वर्ल्ड रेकॉर्ड’मध्ये करण्यात आली आहे. पुण्यातील शाकाहार, व्यसनमुक्ती आणि जीवदया यासाठी काम करीत असलेल्या डॉ. कल्याण गंगवाल यांना नुकतेच याबाबतचे प्रमाणपत्र सुपूर्त करण्यात आले.

गुरुपौर्णिमेचे औचित्य साधत कोपरगाव-शिर्डी जवळील कोकमठाण येथील जंगली महाराज आश्रमात बाबा ॐ गुरुदेव आत्मामालिक जंगली महाराज यांच्या उपस्थितीत डॉ. कल्याण गंगवाल यांनी ९३,५५० लोकांना शाकाहाराची शपथ दिली होती. एकाचवेळी जवळपास लाख लोकांनी शाकाहाराचा संकल्प करण्याच्या या घटनेची नोंद गोल्डन बुक ऑफ वर्ल्ड रेकॉर्ड यांनी घेतली आहे. सादर कार्यक्रमाला जगभरातील २०० पेक्षा अधिक संत उपस्थित होते.

डॉ. कल्याण गंगवाल म्हणाले, “शाकाहारासाठी केलेल्या या संकल्पाची नोंद जागतिक स्तरावर झाल्यामुळे आनंद वाटतो. सुखी जीवनासाठी शाकाहार आणि व्यसनमुक्ती अतिशय गरजेची आहे. धार्मिक उत्सवात आपण व्यसनमुक्ती व शाकाहाराचे पालन करतो. विज्ञानानेही शाकाहार हाच आरोग्यपूर्ण आहार असल्याचे सिद्ध केले आहे. पर्यावरणाच्या रक्षणासाठी, ग्लोबल वॉर्मिंग कमी करण्यासाठी शाकाहाराला पर्याय नाही. यापुढेही हे कार्य असेच चालू राहील.”

पुणे : ऑक्टोबर सेवा सप्ताहानिमित्त तर्पण आय क्लिनिक व आरोग्यवर्धिनी चिकित्सालय यांच्या पुढाकारातून लायन्स क्लब ऑफ पुणे सेंट्रलतर्फे वाहतूक पोलीस आणि सामान्यांसाठी मोफत नेत्रतर्पण व नेत्रतपासणी शिबिर घेण्यात आले. रास्ता पेठेतील शेठ ताराचंद रामचंद धर्मार्थ आयुर्वेदिक रुग्णालयात झालेल्या या शिबिरात जवळपास २०० जणांनी नेत्रतर्पण केले. ३५ डॉक्‍टर्सच्या टीमने यामध्ये सहभाग घेतला.

पुणे : समस्त नाट्य वर्तुळाचे लक्ष लागलेल्या अखिल भारतीय मराठी नाट्य परिषदेच्या पुणे शाखेच्या पंचवार्षिक निवडणुकीत चित्रपट महामंडळाचे अध्यक्ष मेघराज भोसले यांच्या नटराज पॅनेलने विजयावर आपली एकहाती मोहोर उमटवली.  पॅनेलचे सर्व 19 उमेदवार निवडून आले. रंगधर्मी , नटराज आणि लोकमान्य अशी तीन पॅनेल निवडणुकीच्या रिंगणात उतरली होती, परंतु खरी लढत डॉ. सतीश देसाई ,शुभांगी दामले ,निकिता मोघे,मोहन कुलकर्णी,नंदकुमार काकिर्डे   यांच्या रंगधर्मी आणि नटराज या पॅनेल मध्ये होईल असे दिसत होते . मात्र नटराज पॅनेलने बाजी मारली.रंगधर्मी पॅनेलच्या दिग्गजांना हार पत्करावी लागली.मेघराज  भोसले, विद्यमान अध्यक्ष सुरेश देशमुख, प्रमुख कार्यवाह दीपक रेगे, प्रकाश पायगुडे, जयमाला इनामदार, रजनी भट, वृषाली कुलकर्णी असे नटराज पॅनेलचे सर्वच 19 उमेदवार निवडून आले. जयमाला इनामदार यांना अधिक मते पडली.

टिळक स्मारक मंदिर येथे रविवारी बारापर्यंत मतमोजणी सुरू होती. पुणे शाखेच्या 19 जागांसाठी 53 उमेदवार निवडणूक रिंगणात उतरले होते.  सकाळी ते दुपारी चारपर्यंत एकूण 811 इतके मतदान झाले. त्यानंतर मतमोजणीस सुरूवात झाली. मतमोजणीसाठी दहा टेबल मांडण्यात आली होती. तरीही निकाल लागण्यास रात्रीचे साडे बारा वाजून गेले.  माजी अध्यक्ष सतीश देसाई यांच्या रंगधर्मी आणि प्रदीपकुमार कांबळे यांच्या ‘ लोकमान्य’ पॅनेलला हार पत्करावी लागली.

नव्याने समाविष्ट ११ गावांसाठी प्रारूप प्रभाग रचना जाहीर; दोन्हीही सदस्य सर्वसाधारण प्रवर्गासाठी खुले
पुणे-नव्याने समाविष्ट ११ गावांसाठी प्रारूप प्रभाग रचना जाहीर करण्यात आली आहे. दोन्हीही सदस्य सर्वसाधारण प्रवर्गासाठी खुले राहणार असून महिलांसाठी एक जागा राखीव असेल. लोहगाव व मुंढवा, हडपसर, फुरसुंगीची मतदारसंख्या सर्वाधिक असल्याने लोहगाव व मुंढवा, हडपसर, फुरसुंगीच्या मतदारांचे प्रभागावर वर्चस्व राहणार आहे. फुरसुंगी-लोहगाव या या विचित्र प्रभाग रचनेवर १२ ऑक्टोबर पर्यंत हरकती/सूचना मागवण्यात येणार असून १७ ऑक्टोबरला सुनावणी घेण्यात येणार आहे तर अंतिम प्रभाग रचना 20 ऑक्टोबर २०१८ रोजी प्रसिद्ध करण्यात येणार आहे. प्रसिद्ध करण्यात आलेल्या प्रारूप रचनेनुसार या प्रभागाची लोकसंख्या २,३९,४८३ असून अनुसूचित जातींची संख्या ३१,४७५ आहे तर अनुसूचित जमातींची संख्या ३५०१ नमूद केलेली आहे.
“फुरसुंगी-लोहगाव” पुणे महापालिकेचा ४२ वा प्रभाग असणार आहे दोन सदस्यांचा हा प्रभागातून एक महीला प्रतिनिधित्व करू शकणार आहे. दोन्हीही सदस्य सर्वसाधारण प्रवर्गासाठी खुले आहे. महापालिकेत नव्याने समाविष्ट झालेल्या अकरा गावांमधील समाविष्ट भागाप्रमाणे चतुर्सिमा दर्शविण्यात आल्या आहेत. महापालिकेत नव्याने समाविष्ट करण्यात आलेल्या अकरा गावांमधून निवडून आलेला लोकप्रतिनिधी नाही. दरम्यान, या वाढीव हद्दवाढीसाठी प्रभाग रचना तयार करणे गरजेचे असल्याने पालिका प्रशासनाने त्यासाठी निवडणूक आयोगाकडे पत्रव्यवहार केला होता. हापालिकेने केलेल्या पत्रव्यवहारानुसार निवडणूक आयोगाने या समाविष्ट परिसरासाठी दोन सदस्यांना परवानगी दिली आहे. या दोन सदस्यांचा एक प्रभाग तयार करण्यात यावा, असेही आयोगाने स्पष्ट केल्याने प्रभाग रचना करण्यात आली आहे. गेल्यावर्षी सप्टेंबर महिन्यांत ही गावे पालिकेत समाविष्ट करण्यात आले आहेत.

विचित्र प्रभाग रचनेस विरोध;सर्व गावांचा समावेश केल्यावरच निवडणुका घेण्याची मागणी
समाविष्ट 34 गावांच्या निवडणुका एकत्रितपणे घ्याव्यात अशी मागणी हवेली तालुका कृती समितीने केली आहे. फक्त ११ गावामध्ये निवडणुका घेतल्यास न्यायालयात दाद मागण्यात येणार असल्याचे धायरी येथील समितीच्या बैठकीत ठरविण्यात आले आहे. समाविष्ट ११ गावांच्या प्रभाग रचनेनुसार धायरी व इतर लगतच्या भागातून अल्प मतांमुळे लोकप्रतिनिधीत्व निवडून येऊ शकणार नाही. नव्या प्रभाग क्र ४२ मध्ये लोहगाव व मुंढवा,हडपसर, फुरसुंगी भागाचे वर्चस्व राहणार असून समावेश झालेला भागातील लोकप्रतिनिधीना राजकीय लाभ मिळणार नसल्याचे प्रभाग रचनेवरून स्पष्ट होत आहे.
दरम्यान महापालिका हद्दीत चौतीस गावांचा समावेश करण्याची प्रक्रिया गेल्या काही वर्षांपासून रखडली होती. या पार्श्वभूमीवर या गावांच्या समावेशाबाबत ठोस निर्णय घ्यावा, अशी मागणी करत काँग्रेसचे ज्येष्ठ कार्यकर्ते श्रीरंग चव्हाण यांनी मुंबई उच्च न्यायालयात याचिका दाखल केली होती. त्यावेळी अकरा गावे महापालिका हद्दीत घेणार असल्याचे प्रतिज्ञापत्र राज्य शासनाने न्यायालयात सादर केले होते. ‘उरुळी देवाची आणि फुरसुंगी ही गावे पूर्णत: महापालिका हद्दीत घेण्यात आली आहेत. लोहगांव, साडेसतरा नळी, केशवनगर, धायरी, आंबेगाव, बावधन, शिवणे, उत्तमनगर, उंड्री ही गावे महापालिका हद्दीमध्ये अंशत: समाविष्ट करण्यात आली होती.उर्वरित तेवीस गावांचा समावेश करताना पिण्याच्या पाण्याची उपलब्धता, घनकचरा व्यवस्थापन, प्रस्तावित वर्तुळाकार मार्ग आणि अन्य पायाभूत सुविधांचा विचार करण्यात येईल आणि तीन वर्षांत त्याबाबत टप्प्याटप्प्याने निर्णय घेण्यात येईल,’ असे राज्य शासनाने प्रतिज्ञापत्रात नमूद केले होते.उरुळी देवाची, फुरसुंगी, लोहगांव (उर्वरित), शिवणे (उत्तमनगर), मुंढवा (उर्वरित केशवनगर), हडपसर (साडेसतरानळी), शिवणे, आंबेगांव (खुर्द), आंबेगाव (बुद्रुक), उंड्री आणि धायरी या गावांचा समावेश करण्यात आला होता. तर अजून तेवीस गावांच्या समावेशाची प्रतीक्षा आहे. महापालिका हद्दीत गावांचा समावेश करावा यासाठी भारतीय जनता पक्षाचे आमदार भीमराव तापकीर, योगेश टिळेकर आणि जगदीश मुळीक आग्रही होते. पालकमंत्री गिरीश बापट यांचा मात्र गावांच्या समावेशाला विरोध होता. त्यामुळे ही गावे टप्याटप्प्याने घेण्याचा निर्णय घेण्यात आला होता. त्यातील काही गावे या आमदारांच्या मतदारसंघात असल्यामुळे त्यांची आग्रही भूमिका होती. मुख्यमंत्री देवेंद्र फडणवीस यांनीही गावांच्या समावेशाला तत्त्वत: मंजुरी दिली होती. या संदर्भातील प्रतिज्ञापत्र राज्य शासनाने सादर केल्यामुळे अकरा गावे महापालिका हद्दीत समावेश करण्याची अधिसूचना काढण्यात आली. मात्र उर्वरित तेवीस गावांच्या समावेशासाठी किमान तीन वर्षे प्रतीक्षा करावी लागणार आहे. उर्वरित तेवीस गावांच्या समावेश केल्यानंतर पुन्हा सुधारीत प्रभाग रचना करावी लागणार आहे. त्यामुळे पुणे महापालिका प्रभाग संख्येत वाढ होऊन नगरसेवकांची संख्या देखील १० ते 15 ने वाढ होईल. महापालिकेचे क्षेत्रफळाच्या आकारात मोठ्या प्रमाणत वाढ होऊन महापालिकेचे देखील विभाजन सरकारच्या विचारात आहे. आगामी काळात या बदलाचा परिणाम राजकारणावर निश्चितच होईल.

तातडीची मदत म्हणून एक लाखाची मदत-

डॉ. उषा काकडेंकडून होर्डिंग कोसळून मृत्युमुखी पडलेल्या शिवाजी परदेशींच्या कुटुंबियांचे सांत्वन-

पुणे: होर्डिंग कोसळून मृत्यूमुखी पडलेल्या रिक्षाचालक शिवाजी परदेशी यांची बारावी विज्ञान शाखेत शिकणारी समृद्धी व चार वर्षांचा समर्थ आई-वडिलांचे छत्र हरविल्याने अक्षरश: पोरकी झालेत. दु:खाचा डोंगर कोसळलेला असतानाच भविष्यातील वाटचालीची गंभीर समस्या त्यांच्यासमोर उभी राहिली असतानाच युएसके फाउंडेशनच्या संस्थापक अध्यक्षा डॉ. उषा काकडे यांनी पोरक्या झालेल्या या दोन्ही मुलांना मोठा आधार दिला आहे. तातडीची मदत म्हणून एक लाख रुपयांचा धनादेश समृद्धी व तिच्या आजीकडे सुपूर्त करतानाच या दोन्ही मुलांच्या शिक्षणाची संपूर्ण जबाबदारी घेत असल्याचे डॉ. उषा काकडे यांनी यावेळी सांगितले.

आईच्या अस्थि विसर्जन करून येत असलेल्या वडिलांवर गेल्या शुक्रवारी होर्डिंग कोसळून काळाने घाला घातला, वडील शिवाजी परदेशी यांचा यामध्ये मृत्यू झाला आणि क्षणार्धात होत्याचं नव्हतं झालं. समृद्धी बारावी विज्ञान शाखेत शिकत असून तिचा भाऊ समर्थ हा अवघा चार वर्षांचा आहे. आई-वडिलांचे छत्र हरवलेल्या समृद्धी व समर्थच्या घरात वयस्कर आजी आहे. मणक्यात अंतर पडल्याने त्यादेखील काम करु शकत नाहीत अशी परिस्थिती आहे. अशा बिकट परिस्थितीत आलेल्या समृद्धी, समर्थ व तिच्या आजीची युएसके फाउंडेशनच्या संस्थापक अध्यक्षा डॉ. उषा काकडे यांनी आज त्यांच्या घरी जाऊन भेट घेऊन तातडीची मदत म्हणून एक लाख रुपयांचा धनादेश देत समृद्धी व समर्थच्या पुढील संपूर्ण शिक्षणाचा खर्च आपण करु असे सांगून त्यांना धीर दिला.

लहानग्या समर्थला आपल्या आई-वडिलांचे नेमके काय झाले आहे हे समजत नाही. तो वारंवार आई-वडील कोठे गेलेत? ते घरी कधी येणार आहेत? असे प्रश्न करीत असतो. डॉ. उषा काकडे यांच्या भेटीवेळी देखील त्याच्या चेहऱ्यावरील भाव उपस्थितांच्या डोळ्यात पाणी आणणारेच होते. डॉ. उषा काकडे यांनी त्याला कडेवर घेत त्याला धीर दिला. तसेच, यापुढे कोणत्याही प्रकारची अडचण आली तर, माझ्याशी संपर्क साधा असेही डॉ. उषा काकडे यांनी समृद्धी व तिची आजी रुख्मिणी यांना सांगितले. भाजपचे माजी नगरसेवक मनीष साळुंके यांनी या भेटीचे नियोजन केले होते.

पुणे- सुदेश शेलार मेमोरियल फाऊंडेशन व डेक्कन जिमखाना यांच्या संलग्नतेने व टेबल टेनिस फेडरेशन ऑफ इंडिया, महाराष्ट्र राज्य टेबल टेनिस संघटना यांच्या मान्यतेखाली होत असलेल्या 6व्या सुदेश शेलार मेमोरियल करंडक-11स्पोर्ट्स राष्ट्रीय मानांकन टेबल टेनिस स्पर्धेत महिला गटात मनिका बात्रा, पूजा सहस्त्रबुद्धे-कोपरकर, सुतीर्था मुखर्जी या खेळाडूंनी आपापल्या प्रतिस्परध्यांचा पराभव करून आगेकूच केली.

श्री शिवछत्रपती क्रीडा संकुल, म्हाळुंगे बालेवाडी येथील वेटलिफ्टिंग हॉलमध्ये सुरू असलेल्या या स्पर्धेत पुरूष गटात पहिल्या फेरीत ठाण्याच्या दिपित पाटीलने छत्तीसगडच्या तनिमय दास चौधरीचा 3-0(11-6, 11-9, 11-6)असा एकतर्फी पराभव करून दुसरी फेरी गाठली. मुंबईच्या रेगन अलबुकरने उत्तर प्रदेशच्या अभिनव बेलवालचा 3-1(8-11, 13-11, 13-11, 11-6)असा पराभव करून आगेकूच केली. मंदार हार्डीकरने कडवी झुंज देत  पीएसपीबीच्या अनुक्रम जैनचा 3-2(8-11, 10-12, 11-5, 11-4, 11-6)असा संघर्षपूर्ण पराभव करून दुसऱ्या फेरीत धडक मारली. उत्तरप्रदेशच्या सार्थक सेठने कर्नाटकच्या श्रेयस कुलकर्णीचे आव्हान 3-1(9-11, 11-5, 11-7, 11-9)असे मोडीत काढले.

महिला गटात दुसऱ्या मानांकित पीएसपीबीच्या
मनिका बात्रा हिने आपल्या लौकिकाला साजेशी खेळी करत दिल्लीच्या वंशिका भार्गवाचा 4-0(11-9, 11-6, 11-4, 12-10)असा पराभव करून दुसऱ्या फेरीत धडक मारली. अतितटीच्या झालेल्या लढतीत अव्वल मानांकित हरियाणाच्या सुतीर्था मुखर्जीने देना बँकेच्या ममता प्रभूचा 4-3(13-11, 6-11, 11-7, 4-11, 9-11, 12-10, 11-8)असा संघर्षपूर्ण पराभव करून स्पर्धेतील आपले आव्हान कायम राखले. पीएसपीबीच्या तिसऱ्या मानांकित पूजा सहस्त्रबुद्धे कोपरकरने तामिळनाडूच्या शानमती सत्यमूर्तीचा 4-0(11-5, 11-2, 11-8, 11-7)असा पराभव केला.

स्पर्धेचा सविस्तर निकाल: पहिली फेरी: पुरुष गट: 
मंदार हार्डीकर(महाराष्ट्र ब) वि.वि अनुक्रम जैन(पीएसपीबी)3-2(8-11, 10-12, 11-5, 11-4, 11-6)
भावेश आपटे(महाराष्ट्र ब) वि.वि जयदिप दास(आयए ऑड एडी) 3-0(11-9, 11-9, 11-8)
चिन्मय सोमय्या (महाराष्ट्र ब) वि.वि संतोष अरास्विली(छत्तीसगड) 3-2(7-11, 11-8, 8-11, 11-4, 11-9)
मार्तंड बिनिवाले(महाराष्ट्र अ) वि.वि रोहन जोशी(मध्य प्रदेश) 3-0(13-11, 11-7, 11-9)
रेगन अलबुकर(महाराष्ट्र ब) वि.वि अभिनव बेलवाल(उत्तर प्रदेश) 3-1(8-11, 13-11, 13-11, 11-6)
दिपित पाटील(महाराष्ट्र अ) वि.वि तनिमय दास चौधरी(छत्तीसगड) 3-0(11-6, 11-9, 11-6)
असिफ हक(आरबीआय) वि.वि शुभम अंब्रे(महाराष्ट्र अ) 3-1(13-11, 10-12, 5-11, 11-6)
सुरजीत दास(ईएसआयसी) वि.वि रवी जोशी(एलआयसी) 3-1(11-8, 11-8, 4-11, 11-5)
सौरव साहा(हरयाणा) वि.वि सनत बोकील(महाराष्ट्र ब) 3-0(11-5, 11-3, 11-4)
जिग्नेश जैस्वाल(गुजरात) वि.वि बालकृष्णन भारत कृष्णन(आरबीआय) 3-2(11-3, 11-3, 8-11, 10-12, 11-5)
सार्थक सेठ(उत्तर प्रदेश) वि.वि श्रेयस कुलकर्णी(कर्नाटक) 3-1(9-11, 11-5, 11-7, 11-9)
सौवीक कर(आरएसपीबी) वि.वि राजेश रामनाथन(एलआयसी) 3-2(14-16, 7-11, 11-5, 11-4, 11-4)
सोहम भट्टाचार्य(सीबी) वि.वि शाश्वत सलाम(आयए ऑड एडी) 3-1(11-6, 11-9, 9-11, 11-5)
तोशीफ हक(ईएसआयसी) वि.वि केवल मकवाना(गुजरात) 3-0(11-4, 11-6, 11-7)
श्रेयाल तेलंग(कर्नाटक) वि.वि तन्मय राणे(महाराष्ट्र ब) 3-0(11-4, 11-5, 11-6)
सुभाष मानी(आयए अँड एडी) वि.वि झुबीन तारापोरेवाला(महाराष्ट्र अ) 3-1(11-8, 7-11, 11-2, 11-2)

पहिली फेरी: महिला गट: 
मनिका बात्रा(पीएसपीबी)वि.वि.वंशिका भार्गवा(दिल्ली) 4-0(11-9, 11-6, 11-4, 12-10);
सुतीर्था मुखर्जी(हरियाणा)वि.वि.ममता प्रभू(देना बँक) 4-3(13-11, 6-11, 11-7, 4-11, 9-11, 12-10, 11-8);
पूजा सहस्त्रबुद्धे कोपरकर(पीएसपीबी)वि.वि.शानमती सत्यमूर्ती(तामिळनाडू) 4-0(11-5, 11-2, 11-8, 11-7);
मधुरिका पाटकर(पीएसपीबी)वि.वि.प्रणिता गर्लपट्टी(तेलंगणा) 4-0(11-6, 12-10, 11-6, 11-3);
शैलू नुर्बाशा(आंधरप्रदेश)वि.वि.स्वस्तिका घोष(महाराष्ट्र ब) 4-2(9-11, 6-11, 11-4, 11-9, 13-11, 11-6)

पुणे-जय आनंद ग्रुप व महावीर फूड बँक आयोजित युवाचार्य महेंद्रऋषीजी  व उपाध्यय प्रवर.प्रविणऋषीजी  . यांच्या जन्मदिवसानिमित्त ६० विविध सामाजिक संस्थांना १८०० ० किलो मोफत धान्य वाटप सौ. प्रमिला नौपतलाल सांकला  चॅरिटेबल ट्रॅस्टच्या अध्यक्षा समाजभूषण प्रमिलाबाई नौपतलाल सांकला यांच्याहस्ते  करण्यात आले . महर्षीनगरमधील महावीर प्रतिष्ठानच्या सभागृहात हे मोफत धान्य वाटप कार्यक्रम संपन्न झाला . यावेळी आगमवेता साध्वी श्री वैभवश्रीजी. यांनी आशीर्वचन दिले . व सामाजिक करणाऱ्या संस्थांबद्दल गौरवद्गार काढले . अशा सामाजिक  सेवा करणाऱ्या संस्था खऱ्या अर्थाने ईश्वर सेवा करीत आहे . समाजाने देखील यात पुढाकार घेऊन मदतीचा हात दिला पाहिजे . असे आगमवेता साध्वी श्री वैभवश्रीजी यांनी सांगितले .

या कार्यक्रमाच्या अध्यक्षस्थानी समाजभूषण विजयकांत कोठारी , बी. जे. भंडारी ट्रस्टच्या ट्रस्टी सुश्राविका विमलबाई बंडूलालजी भंडारी , सुश्राविका संगिताबाई प्रमोदजी छाजेड  , महावीर फूड बँकेचे  संस्थापक प्रा. अशोक पगारिया , पुणे शाखा अध्यक्ष विजयकुमार मर्लेचा , जय आनंद ग्रुपचे अध्यक्ष शांतीलाल नवलाखा , कार्याध्यक्ष विजय पारेख , खजिनदार संजय कटारिया , सेक्रेटरी प्रमोद छाजेड पदाधिकारी व सदस्य उपस्थित होते .

यामध्ये ग्रामीण व आदिवासी भागातील सामाजिक  ,कर्ण बधीर ,  अंध , अपंग , वृध्दाश्रम , कर्करोग काम करणाऱ्या अशा  ६०  सामाजिक संस्था मोफत धान्य वाटप करण्यात आले . यामध्ये १०० किलो गहू , १०० किलो तांदूळ , ४० किलो पोहे , १० किलो रवा ,२० किलो  साखर , चहा ५ किलो , १० किलो तूरडाळ, ५ किलो मुगडाळ , ५ किलो तेल , ५ किलो गूळ आदी वाटप करण्यात आले .

समाजात अनेक सामाजिक संस्था काम करतात परंतु या सामाजिक संस्थांमधील मुलांची भूक भागविण्याचे काम जय आनंद ग्रुप व महावीर फूड बँक हे मोफत धान्य वाटप करीत असतात वर्षातून दोनदा हे धान्य वाटप केले जाते . यासाठी जय आनंद ग्रुप व महावीर फूड बँकचे सर्व सदस्य मनापासून या सामाजिक उपक्रमासाठी विशेष परिश्रम घेतात .  गेली १५ वर्षापासून हा सामाजिक उपक्रम राबविला जातो . अशी माहिती महावीर फूड बँकेचे पुणे शाखा अध्यक्ष विजयकुमार मर्लेचा यांनी दिली . 

पुणे- ओम दळवी मेमोरिअल ट्रस्ट यांच्या तर्फे आयोजित  व एमएसएलटीएच्या मान्यतेखाली पीसीआय/एपीआय ओम दळवी मेमोरिअल 10 वर्षाखालील करंडक टेनिस स्पर्धेत मुलींच्या गटात अरमानी नलावडे हिने, तर मुलांच्या गटात अभय नागराजन या खेळाडूंनी आपापल्या प्रतिस्परध्यांचा पराभव करून विजेतेपद संपादन केले.

महाराष्ट्र पोलिस मोटर ट्रान्सपोर्ट डिव्हिजन टेनिस जिमखाना, परिहार चौक, औंध येथे पार पडलेल्या या स्पर्धेत अंतिम फेरीत 10 वर्षाखालील मुलींच्या गटात मुंबईच्या चौथ्या मानांकित अरमानी नलावडेने अव्वल मानांकित पुण्याच्या देवांश्री प्रभुदेसाईचा 3-5, 4-2, 4-1असा पराभव करून विजेतेपद पटकावले.

मुलांच्या गटात अंतिम फेरीत अव्वल मानांकित अभय नागराजनने सहाव्या मानांकित अर्चित धुतचा 4-2, 4-0असा पराभव करून विजेतेपद मिळवले. अभय हा जीआयएस केम्बरीज स्कुलमध्ये पाचवी इयत्तेत शिकत असून पोलीस रिसर्च सेंटर येथे प्रशिक्षक सोमनाथ पवार यांच्या मार्गदर्शनाखाली सराव करतो. त्याचे हे या वर्षातील गटातील तिसरे विजेतेपद आहे.

स्पर्धेतील विजेत्या खेळाडूंना करंडक व प्रशस्तीपत्रक अशी पारितोषिक देण्यात आली. स्पर्धेचे पारितोषिक वितरण पीसीआय/एपीआयचे संचालक भगवानदास अगरवाल यांच्या हस्ते करण्यात आले. यावेळी स्पर्धा संचालक मारुती राऊत आणि सुपरवायझर प्रवीण झिटे आदी मान्यवर उपस्थित होते.

स्पर्धेचा सविस्तर निकाल: 10वर्षाखालील मुले: उपांत्य फेरी:
अभय नागराजन(1)वि.वि.देव तुराकिया(5)6-0;
अर्चित धुत(6) वि.वि. शार्दुल खवळे 6-5(7-3);
अंतिम फेरी: अभय नागराजन(1)वि.वि.अर्चित धुत(6) 4-2, 4-0;

10 वर्षाखालील मुली: उपांत्य फेरी:
देवांश्री प्रभुदेसाई(1)वि.वि.पार्थसारथी मुंडे(3) 6-4;
अरमानी नलावडे(4)वि.वि.भक्ती मैन्दरकर 6-2;
अंतिम फेरी: अरमानी नलावडे(4)वि.वि. देवांश्री प्रभुदेसाई(1)3-5, 4-2, 4-1.

अनधिकृत बांधकाम प्रतिबंध, नियंत्रण निष्कासन व प्रधानमंत्री आवास योजना , बांधकाम परवानगी कार्यशाळा  
पुणे– पुणे महानगर प्रदेश विकास प्राधिकरण (पीएमआरडए) आयोजित अनधिकृत बांधकाम प्रतिबंध, नियंत्रण निष्कासन व प्रधानमंत्री आवास योजना व बांधकाम परवानगीच्यावतीने आयोजित कार्यशाळेत रीतसर बांधकाम परवानगी, अनधिकृत बांधकाम निष्कासन कारवाई व आर्थिक दुर्बल घटकातील लाभार्थ्यांद्वारे वैयक्तिक स्वरूपातील घरे बांधण्यास अनुदान (बीएलसी) स्वरूपातील सर्वेक्षण व माहिती उपस्थित कार्यशाळेच्या माध्यमातून वेल्हा तालुक्यातील ग्रामस्थांना देण्यात आली.

हि  कार्यशाळा आज वेल्हेतील कोंढावळे येथील लक्ष्मी गार्डन मंगल कार्यालय येथे पार पडली. यावेळी आमदार संग्राम थोपटे, पंचायत समिती सभापती संगीता जेधे, उपसभापती दिनकर सरपाले, पोलीस अधीक्षक सारंग आवाड, अपर जिल्हाधिकारी मिलिंद पाठक, उपजिल्हाधिकारी सुहास मापारी, पोलीस निरीक्षक राजकुमार शेरे, गटविकास अधिकारी मनोज यादव, तहसीलदार प्रदीप उबाळे, माजी पंचायत समिती सभापती सीमा राऊत, सरपंच, उपसरपंच तसेच जिल्हा परिषद सदस्य व पंचायत समिती सदस्य उपस्थित होते.

आमदार संग्राम थोपटे यांनी कार्यशाळेत  मार्गदर्शन करताना सांगितले की, ‘पीएमआरडीए विकासाच्या दृष्टिकोनातून नेमके काय करते याची माहिती नागरिकांना असणे गरजेचे आहे. या कार्यशाळेच्या माध्यमातून तळागाळाच्या जनतेपर्यंत विकासकामे पोहचत आहेत. शहरी आणि ग्रामीण भाग जोडण्यासाठी ग्रामीण भागाचा विकास होणे गरजेचे आहे. पीएमआरडीए हे नियोजन करणारे प्राधिकरण आहे.
पंतप्रधान आवास योजना उत्कृष्ट आहे, त्यासाठी वेल्हे तालुक्यात होणाऱ्या घरकुलांसाठी एक कार्यशाळा राबविण्यात यावी. त्याचप्रमाणे गायरान जागा विकासासाठी शासनाने उपलब्ध करून दयाव्यात. वेल्हे जोड़ रस्त्यांची कामे पीएमआरडीएच्या माध्यमातून राबविली जावीत असे आमदार थोपटे यांनी सांगितले.

यावेळी अपर जिल्हाधिकारी मिलिंद पाठक म्हणाले की, ‘वेल्हा तालुक्यात रहिवासी नसलेले नागरिक विनापरवानगी सदनिका बांधण्याचे काम करीत आहेत. अनधिकृत बांधकामांना आळा बसायला हवा. नागरिकांनी बांधकाम परवानगी घेऊन घरे बांधणे गरजेचे आहे. अनधिकृत बांधकामांची माहिती तहसीलदार, ग्रामसेवक, व पोलीस पाटलांनी वेळोवेळी पीएमआरडीएला द्यावी. ‘

जिल्हाधिकारी सुहास मापारी यांनी कार्यशाळा सादरीकरणाच्या माध्यमातून पीएमआरडीए बांधकाम परवानगी कशा प्रकारे देते तसेच अनधिकृत बांधकाम नागरिकांनी केल्यास नेमके कोणत्या निकषांनुसार कारवाई केली जाणार आहे याविषयी माहिती दिली. वेल्हा हा झपाट्याने नागरीकरण व विकसित होणारा भाग असल्याने येथील गावठाण हद्द व झोन बदलाची माहिती नागरिकांना हवी. नागरिकांच्या सोयीसाठी नसरापूर येथे लवकरच पीएमआरडीएचे कार्यालय होणार आहे.

प्रधानमंत्री आवास योजना हि आर्थिक दुर्बल घटकांसाठी फायदेशीर व परवडणारी आहे. त्यासाठी अनुदान कशा स्वरूपात उपलब्ध होणार आहे याविषयीची माहिती नागरिकांना देण्यात आली. प्रश्नोत्तरांच्या माध्यमातून वेल्हा ग्रामस्थांच्या  शंकांचे निरसन करण्यात आले.