‘किंगमेकर्स’कार्यक्रमाला भरभरून प्रतिसाद.

पुणे : जुन्या काळातील दिग्गज दिग्दर्शकांनी त्यांच्या चित्रपटांमधून संबंधित कलाकारांकडून,
त्यांनी साकारलेल्या व्यक्तिरेखांना योग्य न्याय मिळेल असे काम करवून घेतले, ते कलाकार पुढे
रसिकांच्या मनावर अधिराज्य गाजविणारे ‘किंग’ बनले अशा दिग्दर्शकांची ओळख हिंदी गाण्यांच्या
‘किंगमेकर्स’ ऑर्केस्ट्रातून रसिकांना करुन देण्यात आली.
पुणे नवरात्रौ महोत्सवाची तिसरी’माळ’ऑर्केस्ट्रातील बहारदार हिंदी गाण्यांनी गुंफण्यात आली.
गणेश कला क्रीडा रंगमंच येथे सूर-पालवी प्रस्तुत, संजय हिवराळे आणि पल्लवी पत्की-ढोले
निर्मित कार्यक्रमात एस.यू.सनी, के.असिफ, बिमल रॉय, सुबोध मुखर्जी, बासू भट्टाचार्य, राजकपूर,
गुरुदत्त, विजय आनंद, ज्योती स्वरुप, ऋषिकेश मुखर्जी, नासिर हुसेन, लेख टंडन, शक्ती सामंता,
फिरोज खान, प्रकाश मेहरा, बी.आर.चोप्रा, जे.ओमप्रकाश, राज खोसला, रमेश सिप्पी, जे.पी.दत्ता या
दिग्दर्शकांनी दिग्दर्शित केलेल्या चित्रपटांमधील गाणी पल्लवी, अभिषेक, संतोष, इरफान या
गायकांनी सादर केली. अवीट गोडीच्या या गाण्यांना प्रेक्षकांमधून वन्समोअरची दाद वारंवार
मिळत होती. जुन्या पिढीतील श्रोत्यांना त्यांच्या तरुणपणातील हळुवार आठवणींना त्या
गाण्यांद्वारे उजाळा मिळाला. ‘मुकद्दर का सिकंदर’ या गाजलेल्या सिनेमातील ‘सलामे इश्क मेरी
जान’ हे गाणे पल्लवी आणि संतोष यांनी सादर केले. त्या गाण्याला वन्समोअर मिळाले., तेव्हा या
गाण्याला पुणे नवरात्र महोत्सवाचे संयोजक अध्यक्ष ,नगरसेवक व माजी उपमहापौर आबा बागुल
साथ करणार असतील तर वन्समोअर घेण्याची तयारी पल्लवी या गायिकेने दाखविली. तिच्या
आवाहनाला दाद देत आबा बागुल यांनी तिच्याबरोबर गाणे सादर केले. रसिकांकडून आबा
बागुलांच्या या कलाविष्काराला जोरदार दाद मिळाली. सर्वच उपस्थितांना आबा बागुलांमधील ही
गायनी कला पाहून कौतुक वाटले. या कार्यक्रमात आबा बागुल यांचे बंधू राजेंद्र बागुल यांनी
मुसाफिर हूँ यारों हे गीत सादर केले.
सध्या गाजत असलेल्या कुंकू, टिकली, टॅटू मालिकेतील टॅटूची भूमिका साकारत असलेली कलाकार
भाग्यश्री न्हावले ही आजच्या कार्यक्रमाला उपस्थित होती. तिचा सत्कार ज्येष्ठ नेते उल्हास पवार
आणि नवरात्रौ महिला महोत्सवच्या अध्यक्षा जयश्री बागुल यांच्या हस्ते करण्यात आला. त्यावेळी

व्यासपीठावर नवरात्रौ महोत्सवाचे अध्यक्ष आबा बागुल, सामाजिक कार्यकर्ते जगन्नाथ लडकत,
हर्षदा बागुल उपस्थित होते.
गायकांना मिहीर भडकमकर, अमृता केदार, रोहित साने, अंकुश बोर्डे, विनोद सोनावणे, शाम, सचिन
वाघमारे, विजू मूर्ती, महेश रिसोडकर या वादक कलाकारांनी साथ दिली. निलम, चैत्राली, रिया यांनी
कोरसची साथ केली.
निकोप सहकार्याची जागा अजून द्वेषपूर्ण स्पर्धेने घेतली नव्हती. सर्वच कलाकार एकमेकांना मदत
करायला कायमच तयार असायचे त्या काळातील हे दिग्दर्शक. त्यांची वैशिष्ट्ये सांगत, खुमासदार
किस्से सांगत महेश अचिंतलवार यांनी कार्यक्रमाचे सूत्रसंचालन केले. घनश्याम सावंत यांनी
संयोजन समितीच्यावतीने आभार मानले. यावेळी नंदकुमार बानगुडे, अमित बागुल, नंदकुमार
कोंढाळकर, रमेश भंडारे, हेमंत बागुल उपस्थित होते

पुणे-सोमवार पेठमधील नरपतगीर चौकात राष्ट्रवादी युवक कॉंग्रेस पुणे कॅंटोन्मेंट विधानसभा मतदार संघाच्यावतीने ” मतदार नाव  नोंदणी व दुरुस्ती अभियान”  सुरू करण्यात आले. या अभियानाचे उद्घाटन राष्ट्रवादी काँग्रेस पक्षाचे  पुणे  शहराध्यक्ष चेतन तुपे पाटील यांच्या हस्ते करण्यात आले यावेळी नगरसेवक प्रदीप गायकवाड , राष्ट्रवादी युवक कॉंग्रेस पुणे कॅंटोन्मेण्ट विधानसभा मतदार संघाचे  अध्यक्ष विशाल नाटेकर  , राष्ट्रवादी कॉंग्रेस पुणे कॅंटोन्मेंट विधानसभा मतदार संघाचे कार्याध्यक्ष फहिम शेख, अध्यक्ष भोलासिंग अरोरा , राहुल तांबे, विशाल मोरे आदी पदाधिकारी व कार्यकर्ते उपस्थित होते . या  अभियानाचे आयोजन राष्ट्रवादी युवक कॉंग्रेस पुणे कॅंटोन्मेण्ट विधानसभा मतदार संघाचे  अध्यक्ष विशाल नाटेकर यांनी केले होते .या अभियानासाठी ललिता जगदाळे , सुषमा आंग्रे , गोपी कुरवर यांनी परिश्रम घेतले . 

पुणे. निसर्गातील पारंपरिक जलस्रोत नष्ट होऊ लागले आहे. याच जलस्रोतांना जपण्यासाठी “भवताल” या दिवाळी अंकातून एक चळवळ उभी करण्याचा मानस आहे. जेणे करून या पारंपरिक जलस्रोतांची जपणूक व्हावी. याचा जलस्रोतांचा आढावा घेणाऱ्या भवताल या दिवाळी अंकाचा प्रकाशन सोहळा निसर्गाच्या सानिध्यात म्हणजे किल्ल्ले सिहंगडावर खासदार छत्रपती संभाजी राजे , सावित्रीबाई फुले पुणे विद्यापीठाचे कुलगुरू डॉ.दिपक करमळकर यांच्या उपस्थितीत  पार पडला. अशी माहिती भवतालचे संपादक अभिजीत घोरपडे यांनी दिली. यावेळी देवटाक्यांपासून अमृतेशवर मंदिरापर्यत कलशपूजनही करण्यात आले.

यावेळी खासदार छत्रपती संभाजी राजे, सावित्रीबाई फुले पुणे विद्यापीठाचे कुलगुरू डॉ. दीपक करमळकर , पर्यावरण अभ्यासक अरुणचंद्र पाठक, भवतालचे संपादक अभिजित घोरपडे यांसह आदि मान्यवर उपस्थित होते.

यावेळी कुलगुरू करमळकर  म्हणाले, आज पर्यावरण जागृतीची गरज निर्माण झाली असून भवतालसारख्या अंकातून हे पारंपरिक स्रोत जपण्यासाठी जी चळवळ उभी रहात आहे ती अभिनंदनीय आहे. याशिवाय ती तरुण पिढीसाठी मार्गदर्शक आहे.गड, किल्ल्यांची जपणूक होणे ही काळाची गरज आहे. या चळवळीत सर्वानी सहभागी होणे गरजेचे आहे.

खासदार छत्रपती संभाजी राजे यांनी सांगितले, आज नैसर्गिक जलस्रोत नष्ट होत असून त्याची जपणूक होणे गरजेचे आहे. तसेच या गड, किल्ल्यांच्या संवर्धनासाठी  शासनाने ६०० कोटींचा निधी मंजूर केला आहे. त्यानुसार त्याचे संवर्धन केले जाणार आहे. याशिवाय पर्यावरणाविषयी आस्था असणाऱ्या निसर्ग प्रेमींना प्रोत्साहन देणे गरजेचे आहे.

पोलिसलाईनमधील पाणी प्रश्न कायमचा सोडविण्यासाठी पुण्यात येताच संबंधितांची भेट घेणार – खासदार संजय काकडे

पुणे-पुणेकरांचे संरक्षण करणाऱ्या पोलिसांवर व त्यांच्या कुटुंबियांवर पाण्यासाठी वणवण भटकायची वेळ आलीय, हे दुर्दैवी आहे.खासदार संजय काकडे यांच्याकडून जोपर्यंत पोलीस लाईनमधील पाण्याचा प्रश्न सुटत नाही तोपर्यंत दररोज पाण्याचे 10 टँकर पाठविले जाणार आहेत. आता 10 टँकर पाठविले आहेत. तसेच, पोलिसलाईन मधील पाण्याचा प्रश्न कायमस्वरुपी सोडविण्यासाठी संबंधितांची लवकरच भेट घेणार असल्याचे खासदार संजय काकडे यांनी सांगितले.

खासदार संजय काकडे पुण्यात नाहीत. त्यांना पाोलिसलाईनमधील पाणी टंचाईची माहिती मिळताच खासदार काकडे यांनी त्यांच्या कार्यकर्त्यांना सांगून पाण्याचे 10 टँकर पोलिसलाईन मध्ये पाठविण्याची व्यवस्था केली. पोलिसलाईनमधील पाणी प्रश्न कायमचा सोडविण्यासाठी पुण्यात येताच खासदार संजय काकडे संबंधितांची भेट घेणार आहेत.

पुणे-पुणे तिथे काय उणे ..म्हणतात ..पण पाण्याचं ऐतिहासिक सौख्य लाभलेल्या पुण्यनगरीत ऑक्टोबर मध्येच पाण्याच्या टंचाईला सामोरे जाण्याची ऐतिहासिक वेळ येवून ठेपली आहे .शिवाजीनगर येथील पोलीस वसाहतीत गेल्या ३ ते ४ दिवसांपासून पाणी येत नसल्याने संतप्त झालेल्या पोलिसांच्या नातेवाईकांनी रविवारी सकाळी पालकमंत्री गिरीश बापट यांच्या घरावर मोर्चा नेला. तसेच वसाहतीबाहेर रास्ता रोको आंदोलन केले आहे. बापट यांनी सायंकाळपर्यंत टँकरने पाणी पुरवठा करण्याचे आश्वासन दिले आहे.

खडकवासला कालवा फुटीनंतर शहराच्या अनेक भागात पाणीपुरवठा विस्कळीत झाला आहे. त्यामुळे शहरातील हजारो नागरिक त्रस्त झाले आहेत. शहरातील पूर्व भागातील पाणी पुरवठा तर यापूर्वीपासूनच विस्कळीत आहे. शिवाजीनगर पोलीस लाईनमध्ये अगोदरपासून अपुरा पाणीपुरवठा होत होता. त्यात गेल्या तीन दिवसांपासून जलसंपदा विभागाने पालिकेचे पंप बंद केल्याने एसएनडीटी टाकीतून अपुरा पाणीपुरवठा होत असल्याने जंगली महाराज रोड, शिवाजीनगर गावठाण, जनवाडी, गोखलेनगर, मॉडेल कॉलनी या परिसरात अत्यंत कमी दाबाने पाणीपुरवठा होत आहे.

शिवाजीनगर पोलीस लाईनमध्ये तर अत्यंत कमी दाबाने गेल्या ४ दिवसांपासून पाणी येत आहे. अनेक इमारतीमध्ये तर पाणीच आले नाही. त्यामुळे संतप्त झालेल्या पोलीस कुटुंब रविवारी सकाळी रस्त्यावर आले. महिलांनी पुढाकार घेऊन वसाहतीबाहेरील रस्त्यावर बादल्या, हंड्यांसह ठाण मांडले आहे.

दुसरीकडे काही महिला व पुरुष यांनी पालकमंत्री गिरीश बापट यांच्या घरी मोर्चा नेला. त्यांनी आपल्याला होत असलेल्या त्रासाबद्दल संतप्त प्रतिक्रिया व्यक्त केल्या. त्यानंतर गिरीश बापट यांनी सायंकाळपर्यंत टँकरने पाणी पुरविले जाईल असे आश्वासन दिले.

पुणे-शनिवार दिनांक १३/१०/२०१८ रोजी डेक्कन एज्युकेशन सोसायटीच्या नवीन मराठी शाळेत  माता पालक संघाच्या वतीने  शारदीय नवरात्रौत्सवातील ललिता पंचमीचे औचित्य साधून कन्या पुजन व भोंडल्याचे आयोजन करण्यात आले .शाळेच्या माननीय मुख्याध्यापिका सौ कल्पना वाघ यांच्या हस्ते इयत्ता पहिली ते चौथी मधील सर्व विद्यार्थिनींचे कन्या पूजन करण्यासाठी औक्षण करण्यात आले .यावेळी शाळेतील सर्व माता पालक व शाळेतील शिक्षिका यांनीही विद्यार्थिनींचे कन्या पूजन केले. माता पालक संघाच्या वतीने सर्व विद्यार्थिनींना छानशी भेटवस्तू देण्यात आली.

यावेळी पारंपारिक भोंडल्याचेही  आयोजन करण्यात आले.  इयत्तेनुसार हत्ती सजावट करून त्याभोवती विद्यार्थिनी, शिक्षिका व माता पालक यांनी गोल फेर धरला .शाळेच्या शालाप्रमुख सौ कल्पना वाघ व माता पालक संघाच्या उपाध्यक्षा सौ अंतरा शेठ यांच्या हस्ते हत्तींचे पूजन करण्यात आले.ऐलमा पैलमा.. , शिवाजी आमुचा राणा, एक लिंबू झेलू बाई दोन लिंबू झेलू, यांसारख्या पारंपरिक भोंडला गीतांबरोबरच आम्ही हो देशाचे भक्त, परडीत गोळ्या चॉकलेट ग, एक थेंब झेलू बाई दोन थेंब झेलू, स्वदेशी चा वापर  यांसारख्या आधुनिक भोंडला गीतांवर फेर धरून गाणी म्हणण्यात आली. यानंतर विद्यार्थ्यांनी खिरापतीला काय गं.. या गाण्यातील प्रश्नांचे उत्तर देत शाळेतून मिळणारी  खारी पॅटीस ,केळी, राजगिरा वडी ही खिरापत ओळखली.ही खिरापत सर्वांना देण्यात आली.

या कार्यक्रमासाठी शालासमिती अध्यक्ष  डॉक्टर  सुनिल भंडगे यांचे मार्गदर्शन लाभले.  ज्येष्ठ शिक्षिका सौ तनुजा तिकोने ,धनंजय तळपे शाळेतील विद्यार्थ्यांच्या माता पालक कार्यक्रमासाठी उपस्थित होते.

पुणे-‘ऐलमा पैलमा गणेश देवा’, ‘एक लिंबू झेलू बाई’, ‘कारल्याचा वेल लाव गं सुने’, ‘असं कसं झालं माझ्या नशिबी आलं’, ‘अक्कल माती चिकन माती’, ‘आडबाई आडोनी’ अशी भोंडल्यची गाणी हस्त नक्षत्रावर नवरात्रीच्या दिवसांत ऐकायला मिळतात. नवविवाहिता आणि माहेरवाशीण या माहेरचे गोडवे गात हत्तीच्या प्रतिमेभोवती फेर आजीबाईंनी धरला असेल तर काय गंम्मत..! निवारा वृद्धाश्रमातील आजीबाईंनी असा फेर धरुन चतुःश्रृंगी मंदिरातील आवारात भोंडला साजरा केला.
‘सुयोग मित्र मंडळ’ आणि ‘चतृःश्रृंगी मंदीरक्ष ट्रस्ट’ यात्रेत आजीबाईंच्या भोंडल्याचे आयोजन केले होते. यावेळी या ज्येष्ठ महिलांनी आपल्या बालपणीच्या, नवविवाहिता असताना, सासुरवाशीण असतानाच्या आठवणी जागवल्या.
भोंडल्याची गाणी गात फेर धरून, झिम्मा खेळून त्यांनी भोंडल्याचा आनंद लुटला. यानंतर खिरापत ओळखणे आणि वाटपाचा कार्यक्रम झाला. त्यानंतर त्यांच्या देवीदर्शनाची विशेष व्यवस्थाही करण्यात आली.
भोंडला हा पश्‍चिम महाराष्ट्र आणि कोकणात प्रचलित असलेला महिलांचा सामुदायिक खेळाचा प्रकार आहे. नवरात्रीचे नऊ दिवसांत हस्त नक्षत्राचे प्रतिक नऊ दिवसांत हस्त नक्षत्राचे प्रतिक असलेल्या हत्तीची प्रतिमा काढून तिच्या भोवती महिला आणि मुली फेर धरतात. पृथ्वीच्या सुलभीकरणाचा हा उत्सव आहे, असे प्रतिपादन चतुःश्रृंगी मंदीर ट्रस्टचे अध्यक्ष प्राचार्य सुहास अनगळ यांनी केले.
निवारा वृद्धाश्रमातील महिलांना गतस्मृतींना उजाळा देता यावा आणि आनंद मिळाज्ञवा यासाठी गेली सात वर्षे सुयोग मित्र मंडळाच्या सहकार्याने या उपक‘माचे आयोजन करण्यात येते.
नंदा माने, सुवर्णा कानिटकर, प‘वी शर्मा, दीपा सुपेकर, मनिषा सुपेकर, विद्या खामकर, मिना नांगरे, आरती ढवळे, सुनिता मांडवकर यांनी या भोंडल्याचे संयोजन केले.

झारखंड सरकारची भेट घेण्याचे आश्वासन

पुणे, दि. 13 : झारखंड राज्यातील समेध शिखरजी या जैन धर्मियांच्या पवित्र तीर्थस्थळाच्या संरक्षणार्थ येथील जैन समाजातील महिला भाजपच्या पुणे शहर कार्यालयावर मूक मोर्चा काढण्यात आला होता.  देशात पहिल्यांदाच जैन महिला रस्त्यावर आंदोलनासाठी उतरल्या होत्या, अशी माहिती मूकमोर्चाच्या संयोजिका शर्मिला ओसवाल यांनी दिली.

झारखंड सरकारने समेध शिखरजी येथे पर्यटन सुरु करण्याचा निर्णय घेतल्याने त्याठिकाणी मांस, मटन दारु, रेस्टॉरंट सुरु होण्याच्या संभावना आहेत. तसेच जर त्याठिकाणी जे हेलिपॅड बनविण्यात आले आहे. ते जर व्यावसायिकतेसाठी असेल तर त्याला आमचा विरोध असेल आणि जर ते नॅशनल  सिक्युरिटीसाठी असेल तर त्याला आमचा विरोध नाही. असेही महिलांच्या वतीने सांगण्यात आले. समेध शिखरजी येथे जैन धर्माच्या 24 तीर्थकरांपैकी 20 तीर्थंकरांचे निर्वाण झाले आहे. त्यामुळे पर्यटनाच्या निर्णयामुळे या पवित्र स्थानाचे पावित्र्य धोक्यात आल्याने जैन समाजात तीव्र असंतोष निर्माण झाला आहे.

 झारखंड सरकारच्या निर्णयाला विरोध म्हणून शनिवारी सकाळी 10 वाजता पुण्यातील संभाजी गार्डन ते भाजप कार्यालयावर मुकमोर्चा काढण्यात आला होता.या मोर्च्यात जैन समाजातील जेष्ठ महिलांसह तरुण महिलांनी देखील मोठ्या संख्येने सहभाग घेतला होता.  यावेळी भाजपचे शहराध्यक्ष व पदाधिकारी योगेश गोगावले यांना  निवेदन देण्यात आले. आचार्य युगभूषण महाराज, व सर्व साध्वीजी, मुख्य आयोजक शर्मिला ओसवाल, रिटा गांधी, सुलभा भंडारी, कविता शहा, स्वाती मेहता, प्रिती गंगवाल यांच्या उपस्थितीत मोर्च्याचे आयोजन करण्यात आले होते.

यावेळी पुणे भाजपचे शहराध्यक्ष योगेश गोगावले यांनी जैन समाजातील महिलांच्या हस्ते निवेदन स्वीकारून त्यांना समेध शिखरवर पर्यटन स्थळ होऊ देणार नाही.असे आश्वासन यावेळी दिले. तसेच पुण्यातील भाजप पदाधिकाऱ्यांकडून व  या मूकमोर्चाच्या माध्यमातून झारखंड राज्यातील भाजपचे सरकार व पंतप्रधान नरेंद्र मोदी यांच्यापर्यत या भावना पोहचवल्या जातील असेही ओसवाल यांनी सांगितले.