पुणे : दि मुस्लीम को-ऑपरेटिव्ह बँक व रिपब्लिकन पार्टी ऑफ इंडिया (आठवले गट) यांच्या संयुक्त विद्यमाने केंद्रीय सामाजिक न्याय राज्यमंत्री रामदास आठवले यांच्या वाढदिवसानिमित्त पाटील इस्टेट आगीतील पीडित कुटुंबीयांना १० लाखांच्या गृहपयोगी साहित्याचे वाटप करण्यात आले. यामध्ये पाण्याचा पिंप, हंडा-काळाशी, पातेले, परात, चमचे असे गृहपयोगी साहित्याचा समावेश होता. एकूण ३०० कुटुंबाना हे साहित्य वाटण्यात आले.

मांगीरबाबा देवस्थान ट्रस्ट, जुना पुणे-मुंबई रस्ता, वाकडेवाडी येथे झालेल्या या कार्यक्रमाला दि मुस्लीम को-ऑपरेटिव्ह बँकेचे अध्यक्ष डॉ. पी. ए. इनामदार, पुण्याचे उपमहापौर डॉ. सिद्धार्थ धेंडे, रिपब्लिकन पक्षाचे प्रदेश सचिव बाळासाहेब जानराव, रिपब्लिकन नेते परशुराम वाडेकर, अल्पसंख्याक आघाडीचे ऍड. अयुबभाई शेख, स्थानिक नगरसेविका सोनाली लांडगे, कामगार आघाडीचे प्रदेशाध्यक्ष महेश शिंदे, रिपब्लिकन पक्षाचे शहराध्यक्ष अशोक कांबळे, संपर्कप्रमुख अशोक शिरोळे, कार्याध्यक्ष संजय सोनवणे, सचिव बाबुराव घाडगे, संजय कदम, माजी नगरसेवक अयाज काझी, संतोष लांडगे, स्थानिक कार्यकर्ते सुशील सर्वगोड, शोभा झेंडे, निखिल कांबळे, अमोल ओव्हाळ, महादेव साळवे यांच्यासह इतर मान्यवर उपस्थित होते.

यावेळी बोलताना डॉ. पी. ए. इनामदार म्हणाले, “सामाजिक जाणिव आणि कर्तव्य भावनेतून बँकेतर्फे हे कार्य होत आहे. गरिबीच्या चक्रातून बाहेर पाडण्यासाठी झोपडपट्टीतल्या मुलांनीही शिकले पाहिजे. व्यसनांपासून दार राहिले पाहिजे. स्वतःची प्रगती साधायची असेल, तर शिक्षणावाचून दुसरा तरणोपाय नाही, हे आपण लक्षात घ्यावे.”

डॉ. सिद्धार्थ धेंडे म्हणाले, “आग दुर्घटनेच्या दिवसापासून विविध स्तरांतून येथील नागरिकांना मदत केली जात आहे. परंतु, त्यांना पक्की घरे मिळायला हवीत. त्यासाठी पाठपुरावा करीत असून, लवकरच झोपडपट्टी पुनर्वसन योजनेंतर्गत सर्वांना हक्काची घरे देण्यासाठी आम्ही प्रयत्नशील आहोत.”

महेश शिंदे, बाळासाहेब जानराव, परशुराम वाडेकर, अशोक कांबळे यांनी पीडितांच्या पाठीशी रिपब्लिकन पक्ष ठामपणे उभा असल्याचे सांगत जळीतग्रस्तांना आधार दिला. त्याचबरोबर मुलांच्या शिक्षणासाठी पक्षाचे पदाधिकारी कोणतीही मदत कमी पडू देणार नाहीत, असे आश्वासनही दिली. याच भागातील नगरसेविका सोनाली लांडगे यांनीही आपण सदैव सोबत असल्याचे सांगितले. मदत मिळालेल्या नागरिकांनी दोन्ही संस्थांविषयी कृतज्ञता व्यक्त केली.

पुणे-गुरुनानक फाऊंडेशनच्यावतीने ३४ वा  महान कीर्तन दरबार विविध धार्मिक कार्यकमानी तीन दिवस उत्साहात संपन्न झाला . रास्ता पेठमधील टिळक आयुर्वेद महाविद्यालयाच्या मैदानावर गुर तेग बहादूर नगर मध्ये हा महान कीर्तन दरबार संपन्न झाला . श्री गुरु ग्रंथ साहेबांचा अखंड पाठाने सुरुवात झाली . कथा कीर्तन , गुरबानी विचार मांडण्यात आले. पहिल्या दिवशी गणेश पेठ येथील गुरुद्वारा श्री गुरु सिंग सभा येथून दारूवाला पूल  , अपोलो सिनेमा , के इ एम हॉस्पिटल ,समर्थ पोलीस ठाणे , क्वार्टर गेट , सायकल सोसायटी यामार्गे प्रभात फेरी काढण्यात आली .हि प्रभात फेरी टिळक आयुर्वेद महाविद्यालयाच्या मैदानावर गुर तेग बहादूर नगर मध्ये समाप्त झाली . पहिल्या दिवशी लहान मुलांचा कीर्तन दरबार झाला .यामध्ये ३०० मुले सहभागी झाले होते . यावेळी लहान मुलावर संस्कार , कविता , विविध स्पर्धा घेण्यात आल्या . यामधील विजेत्या मुलांना पारितोषिक वितरण झाले .

या महान कीर्तन दरबारमध्ये तीन दिवस  हरमीत सिंग , जगतार सिंग , जुजार सिंग , महिन्दर सिंग आदींनी कीर्तनातून गुरु ग्रंथ साहेबांचे संदेश देण्यात आला . त्यानंतर आरदास म्हणन्यात आली . भारतीय सेनेतर्फे  अशोक चक्र प्रधान प्राप्त व सीमेवर लढताना अभूतपूर्व कामगिरी केल्याबद्दल व शीख धर्माच्या सेवेसाठी गुरुनानक फाऊंडेशनच्यावतीने यंदाच्या वर्षी निवृत्त लेफ्टनंट कर्नल सरदार मनजितसिंग कोहली यांना ” श्री गुरुनानकदेवजी पुरस्कार ” देउन सन्मानित करण्यात आले . निवृत्त लेफ्टनंट कर्नल सरदार मनजितसिंग कोहली हे भारताचे माजी पंतप्रधान डॉ मनमोहन सिंग कोहली यांचे धाकटे बंधू आहेत . तसेच , सरदार परविंदरसिंग भाटिया यांनी सन  २००८ मध्ये नांदेड येथे झालेल्या   ” ३०० साल गुरु दे नाल ”  याकरिता विशेष सेवा केल्याबद्दल त्यांना  ” समाजसेवक पुरस्कार  ” देण्यात आला . भारतभर त्यांनी २८८ शहरात फिरून जागृती यात्रा काढून पूर्ण नानक नाम सेवा संगत याना एकत्रित केले . त्यामुळे त्यांचा विशेष सन्मान करण्यात आला . तसेच, विशेष सामाजिक कार्याबद्दल मनजितसिंग विरदी यांचा  ” विशेष सामाजिक कार्यकर्ता  ” म्हणून सन्मानित करण्यात आले .

या महान कीर्तन दरबारचे आयोजन  गुरुनानक फाऊंडेशनचे अध्यक्ष सुरजितसिंग राजपाल , परमजितसिंग राजपाल , संतोकसिंग राजपाल , भोलासिंग अरोरा , रणजितसिंग अरोरा , गुरुविंदरसिंग राजपाल , बॉबी सहानी , रणजितसिंग कालडा व अन्य पदाधिकाऱ्यानी विशेष परिश्रम घेतले .   या महानकीर्तन दरबारमध्ये  माजी आमदार मोहन जोशी ,  नगरसेवक रविंद्र धंगेकर , रोहित पवार  आदी मान्यवर उपस्थित होते . 

पुणे-कल्याणी स्कूलचा  ‘मॅड अबाउट’ सीरिज हा सिग्नेचर इव्हेंट येथे संपन्न झाला . अगोदर ‘मॅड अबाउट सायन्स’ असे नाव असणारा हा कार्यक्रम 2015 मध्ये केवळ थोडेसे विद्यार्थी व शिक्षक यांच्यापासून सुरू झाला. तेव्हापासून, या कार्यक्रमाने मोठी पसंती मिळवली आहे आणि अधिकाधिक लोकप्रियता मिळवली आहे. या वर्षी, कल्याणी स्कूलच्या विद्यार्थ्यांनी ‘मॅड अबाउट द वर्ल्ड’चे आयोजन केले.

या कार्यक्रमाचा भाग म्हणून, शाळा दरवर्षी एक विशिष्ट विषय निवडते आणि ज्युनिअर के. जी. ते ग्रेड IX पर्यंतचा प्रत्येक विद्यार्थी व शिक्षक त्या विषयावर आधारित प्रकल्प, संशोधन, वादविवाद, चर्चा व काम करतो. त्यानुसार, वर्षभर ते याची तयारी करतात व हिवाळी सुटीसाठी शाळा बंद होण्यापूर्वी शेवटच्या दिवशी साजरीकरण करतात.

संचालिका दीक्षा कल्याणी व संपूर्ण कल्याणी कुटुंबाकडून सातत्याने पाठिंबा; आणि प्राचार्या निर्मल वद्दन यांचे उत्कृष्ट नेतृत्व यामुळे विद्यार्थ्यांचा शिक्षणाच्या काही महत्त्वाच्या पैलूंचा परिचय झाला आहे. ‘मॅड अबाउट’ सीरिज त्यातीलच एक आहे.

मॅड अबाउट द वर्ल्ड हा उपक्रम म्हणजे पालक, विद्यार्थी व शिक्षक यांनी जागरुकता वाढवण्यासाठी केलेला एकत्रित प्रयत्न आहे. या उपक्रमाद्वारे, जगातील विविध देशांचा आढावा घेण्यात आला आहे – या देशांतील सण, अन्नपदार्थ, संगीत, फॅशन व जगण्याची एकंदर पद्धत.

कल्याणी स्कूलमधील विद्यार्थ्यांची तयारी व वर्षभरातील परिश्रम यांचे प्रतिक आहे – सर्जनशील व परफॉर्मिंग आर्ट स्वरूपामध्ये कौशल्यांचे सादरीकरण. हे एकजुटीचे आणि संपूर्ण जगातील एकपणाचे साजरीकरण होते. हे प्रयत्न प्रत्येकाच्या मनापर्यंत पोहोचतील आणि चांगुलपणा निर्माण करतील, अशी अपेक्षा आहे.

पुणे –
बचत गटांनी उत्पादित केलेल्या विविध वस्तूंच्या विक्रीसाठी हक्काची बाजारपेठ असावी, बचत गटातील महिलांना आत्मनिर्भर होता यावे, उद्योग क्षेत्रात पाऊल टाकण्यासाठी महिलांमध्ये आत्मविश्वास वृद्धिंगत व्हावा, असा उदात्त हेतू असणार्या भीमथडीने १३व्या वर्षात पदार्पण केले आहे. विविध संंकल्पनांनी नटलेल्या अनोख्या स्टॉल्सला यावर्षी देखील पुणेकरांकडून प्रचंड प्रेम मिळाले,  यातील २ अनोख्या  स्टॉल्सने यावेळी पुणेकरांचे विशेष लक्ष आकर्षित केले.

१७ जुन २०१९ पासुन कार्यरत असणार्या क्षितिज दिव्यांग विरंगुळा पुनर्वसन केंद्राने गेल्या तीन वर्षांपासून अंधजनांना रोजगार मिळावा आणि संस्था स्वयंपूर्ण होउन शिक्षण घेणार्या विद्यार्थ्यांना आर्थिक सहकार्य करता यावे या उद्येशाने संस्थेची स्थापना केली आहे. वेस्ट मधून बेस्ट उपक्रमाअंतर्गत अंध-अपंग लोकांद्वारे बनविल्या वस्तू विकणारा हा स्टॉल भीमथडी सिलेक्ट मधे पहावयास मिळेल. मजुश्री कुलकर्णी यांना १२ वर्षापुर्वीया संस्थेची सुरुवात केली होती. चॉकलेट, हॅन्डमेड, ज्वेलरी, गुहसजावटीच्या वस्तू, बॅग्ज पिशव्या, खास विदर्भातील चटण्या आणि वेस्ट मधून बेस्ट प्रोडक्ट आदि सर्व या स्टॉलवरती पहावयास मिळेल.भीमथडीमध्ये लोकांकडून त्यांना मोठ्या प्रमाणावर प्रतिसाद मिळत आहे.

दूसरा स्टॉल म्हणजे मदर क्विल्ट्स,  एचआयव्ही पॉझिटिव्ह   व गरजू महिलांना आर्थिक लाभ मिळावा ह्या उद्येश्याने मदर क्विल्ट्सची सुरुवात झाली, इरकल गोधडी, बाळाची दूपटी हॅडलूम आणि रिसायकल संकल्पना असणारे विविध वस्त्रप्रकार या  स्टॉलवर पहावयास मिळाले, संस्थेचे संस्थापक निरज बोराटे आणि तुषार पाखरे यांनी २०१४ मध्ये मदर क्विल्ट्सची सुरुवात केली होती निरज बोराटे म्हणतात कि, आज ९ वेगवेगळ्या देशामध्ये आणि भारतात देखील खुप मोठ्या प्रमाणात आमच्या वस्तूंना मागणी आहे. आम्ही एचआईव्ही पॉजीटिव्ह आणि गरजू महिलांना प्रोत्साहित करतो, कारण आपल्या समाजाच्या मानसीकतेमुळे आजही त्यांना कुठेच काम मिळत नाही. लोक त्यांना अत्यंत अपमानास्पद वागणूक देतात. भीमथडीमधून आम्हाला एक चांगले व्यासपीठ मिळाले आहे मागिल दोन वर्षांपासून आम्ही भीमथडीशी जोडले गेलो आहोत. आणि मागिल वर्षिच्या तुलनेत यावर्षी आम्हाला पुणेकरांकडून अत्यंत चांगला प्रतिसाद मिळाला आहे, आमच्या या अनोख्या पुढाकारास भीमथडीमुळे प्रोत्साहन मिळत आहे.

पुणे- शहर दहीहंडी व गणेशोत्सव समन्वय समितीच्या वतीने ऍड .राहुल म्हस्के,गिरीश गुरनानी यांनी महाराष्ट्र राज्याचे सांस्कृतिक कार्यमंत्री मा. विनोद तावडे साहेब यांना ता. मुळशी येथे पार पडणाऱ्या सनबर्न फेस्टिवल रदद् करण्याबाबत निवेदन दिले यावेळी  मंत्री तावडे  यांनी सनबर्न फेस्टिवल ला सांकृतिक खात्या तर्फे कुठल्याही प्रकारची परवानगी दिली जाणार नाही याचे आश्वासन दिले.

सनबर्न फेस्टिव्हल रद्द करा, पुण्यात होणाऱ्या  सनबर्न फेस्टिव्हलला पुणे शहर दहीहंडी व गणेशोत्सव समन्वय समितीचा विरोध आहे ,
‘सनबर्न फेस्टिव्हल’ हा दारूड्या संस्कृतीचा व मली पदार्थांचा खुला बाजार आहे. हा  समाजविघातक सनबर्न फेस्टिव्हल दि. 29 ते 31 डिसेंबर 2018 रोजी बावधान, पुणे येथे होणार आहे. आम्ही तो खपवून घेणार नाही.सनबर्न फेस्टिव्हलला वेळेची मर्यादा नसते. मात्र शिवजयंती, दहिहंडी, गणपती उत्सव, नवरात्रोत्सव काळात कायद्याचा बडगा दाखवून रात्री 10 वा. बंद केले जातात. मात्र सनबर्न फेस्टिव्हलला आर्थिक गणिते बघून रात्रभर चालवण्यास परवानगी दिली जाते.. यामुळे तरूण पिढीवर प्रचंड वाईट परिणाम होतात. या वाईट संस्कृतीमुळे गुन्ह्यांचे प्रमाण वाढते आहे. रात्रभर तरूण मुले मुली दारू पिऊन व आमली पदार्थाचे सेवन करून दररोज धिंगाना करत फिरतात.पुणे हे सांस्कृतिक शहर आहे. समता, समानता व बंधूता प्रस्थापित करणारे व महाराष्ट्राला चांगली दिशा देणारे शहर आहे. पुणे जिजाऊ – शिवरायांचे, महात्मा फुले व जेधे -जवळकरांचे आणि 12 मावळा प्रांत असे पुरोगामी शहर आहे. शिक्षणाचे ‘हब’ असून सर्व धर्मांची संस्कृती जपणारे शहर आहे. याच पुण्यात हा धर्मद्रोही उत्सव चालणार नाही.कोर्टाने दिलेल्या आदेशाचे तंतोतंत पालन करून चार स्पिकर लावून, वेळेची मर्यादा पाळून आदेश पाळले जातात. मात्र सनबर्न फेस्टिव्हलवर कोणतेही नियम व अटी पाळले जात नाहीत. असे या निवेदनात म्हटलेले असल्याचे गिरीश गुरनानी यांनी प्रसिद्धीस दिलेल्या पत्रकात म्हटले आहे.