पुणे-संगीताला एक अनोखी अशी परंपरा लाभली आहे. कीर्तनाचे २ संप्रदाय आहेत त्या पैकी नारदीय कीर्तन नुकतेच औंध येथील अक्षरबनहॉल येथे जेष्ठ कीर्तनकार कीर्तन विशारद ह भ प निवेदिता नचिकेत मेहेंदळे यांचे सुश्राव्य आणि संस्कृतने परिपूर्ण अभ्यासपूर्ण कीर्तनसादर झाले.
प्रथम उत्तररंगात ‘आर्त भूता द्यावे दान खरे पुण्य त्या नावे ‘या मधून दानाचे महत्व त्यांनी निरुपणातून मांडले. यात रक्तदान ,नेत्रदान,अन्नदान ,अर्थदान असे दानाचे प्रकार आणि महत्व सामाजिक दृष्ट्या दाखले देऊन स्पष्ट केले.त्या नंतर उत्तररंगात श्रीकृष्ण दान हेआख्यान अत्यंत रंगतदार सादरीकरण करून रसिकांची वाहवा मिळवली.
अंती माणसाने माणसाशी माणसासम वागणे हा संदेश या माध्यमातून सर्व श्रोत्यांना देण्यात आला.यावेळी निवेदिता यांना दमदारतबलासाथ तन्मयी मेहेंदळे यांची लाभली तर हार्मोनियमची सुरेल साथ माणिक दामले यांची लाभली. या संपूर्ण मैफलीचे आयोजनशैलजा दामले आणि सहकारी यांनी केले.या कार्यक्रमास श्रोत्यांनी मोठी गर्दी केली होती .

पुणे-
‘भारतमाता की जय’,’वंदे मातरम्’; अशा घोषणा देत प्रजासत्ताक दिनानिमित्त सुमारे ५०० हून अधिक युवकांनी काढलेल्या ‘तिरंगासन्मान मोटर सायकल रॅली’मुळे सारा कोथरूड ,बाणेर , बालेवाडी पाषाण परिसर दुमदुमून गेला. तारका फौंडेशनचे अध्यक्ष युवा नेतेआशिष कांटे यांच्या पुढाकाराने आणि नेतृत्वाखाली झालेल्या या रॅलीची सुरुवात कोथरूड येथे छत्रपती श्री शिवाजी महाराजांच्या पुतळ्यासपुष्पहार अर्पण करून झाली.सकाळी ११ ते सायंकाळी ५ अशा सलग सहा तास चाललेल्या या रॅली मध्ये आग्र भागी असणाऱ्या जीप मध्ये भारताचामोठा तिरंगा ध्वज फडकत होता.
वाहतुकीला अडथला न येऊन देता ३-३च्या रांगेत मोटर सायकलवरून चाललेल्या या युवकांनी हातात तिरंगी झेंडे आणि विविध घोष वाक्यांचेफलक घेतले होते.;आपला परिसर स्वच्छ ठेवा,;पर्यावरणाचे रक्षण करा,बेटी बचाव -बेटी पढाव,मुलगा होवो अथवा मुलगी पेढेच वाटा -अशाप्रकारचे विविध सामाजिक संदेश देणारे फलक नागरिकांचे लक्ष वेधून घेत होते.
अतिशय शिस्तबद्ध रीतीने कोथरूड ,कर्वेनगर ,पौडरस्ता, चांदणी चौक ,पाषाण ,सुतारवाडी ,सोमेश्वरवाडी ,बाणेर आणि बालेवाडी अशीमार्गक्रमणा करीत पाषाण येथील श्री शिव छत्रपतींच्या पुतळ्यापाशी या विराट रॅलीचं समारोप झाला. या प्रसंगी देशाने आणि समाजानेमाझ्यासाठी काय केले या ऐवजी मी देशासाठी आणि समाजासाठी काय केले हा विचार प्रत्येक तरुणाने केला पाहिजेअसे सांगून या विराट रॅलीचेसंयोजक आशिष कांटे यांनी तरुणांनी संघटीत व्हावे .आणि त्यातून निर्माण झालेल्या उर्जेतून समाजातील प्रश्न आणि मतदार संघातील विकासाचे प्रश्नसोडवण्यासाठी प्रयत्न करावेत असे आवाहन केले.
या प्रसंगी माजी नगर सेविका सौ सुषमा प्रमोद निम्हण , अशोक दळवी, निलेश सुतार , मयूर सुतार , समीर उत्तरकर ,अमित खाणेकर,संदीप कुंबरे , किशोर मारणे, तुकाराम जाधव , अमर भगत ,कुमार खळदकर ,अजिंक्य सुतार ,कुमार पाषाणकर आदि मान्यवर उपस्थित होते .

पुणे-महाराष्ट्र जोशी समाज संघटनेचा राज्यस्तरीय स्नेह मेळावा  संपन्न झाला . या स्नेहमेळाव्याचे उदघाटन महाराष्ट्र शासनाचे आरोग्य विभागाचे निवृत्त महासंचालक डॉ सुभाष साळुंके यांच्याहस्ते करण्यात आले . तर महाराष्ट्र जोशी समाज संघटनेच्या नामफलकाचे अनावरण पिंपरी चिंचवड महापालिकेचे विरोधी पक्षनेते  दत्ता साने यांच्याहस्ते करण्यात आले .

या स्नेहमेळाव्यास महाराष्ट्र जोशी समाज संघटनेचे अध्यक्ष कैलासराव  हेंद्रे , उपाध्यक्ष निलेश प्रकाश निकम , खजिनदार तानाजी सुर्वे , हवेली पुणेचे नायब तहसीलदार संजय भोसले ,राज्य महावितरणचे अभियंता शिवाजी वायफळकर , कामगार उपायुक्त अंकुशराव मोरे , माजी नगरसेविका सुरेखा निकम , गीतांजली सारगे, जयश्री हेंद्रे आदी मान्यवर उपस्थित होते .

यावेळी महाराष्ट्र शासनाचे आरोग्य विभागाचे निवृत्त महासंचालक डॉ सुभाष साळुंके यांनी सांगितले कि , डॉ. बाबासाहेब आंबेडकर यांनी लिहलेल्या संविधानामुळे आपण आज शासनामध्ये उच्च पदावर काम करू शकलो . शासकीय सेवेतून समाजकारण करता येते . समाजातून स्पर्धा परीक्षांमधून अधिकारी निर्माण केले पाहिजेत . त्यासाठी तरुणांना मार्गदर्शन आपण करू असे आश्वासन दिले .

यावेळी महाराष्ट्र जोशी समाज संघटनेचे अध्यक्ष कैलासराव  हेंद्रे यांनी सांगितले कि , समाज विकासासाठी समाजातील अधिकाऱ्यांनी एकत्रित येऊन मार्गदर्शन करावे . तसेच , समाजहिताच्या दृष्टीने वधू वर सूचक विनामूल्य सेवा सुरु केली . समाजासाठी समाजहिताच्या दृष्टीने जोशी समाज धर्म शाळा विनामूल्य देण्यात येईल . समाजातील अडीअडचणी  समाजातील कार्यकर्त्यांच्या प्रयत्ननाने सोडविल्या जातील . असे महाराष्ट्र जोशी समाज संघटनेचे अध्यक्ष कैलासराव हेंद्रे यांनी सांगितले .

यावेळी डॉ सुभाष साळुंके , संजय भोसले , बाळासाहेब श्रीपती हेंद्रे , गीतांजली सारगे , सुरेखा निकम , अश्विनी सावंत , जयश्री हेंद्रे , तानाजी सुर्वे , तानाजी पारगे , सुभाष साळुंके भानुदास मोरे , गणेश जोशी आदि मान्यवरांना शाल , श्रीफळ व सन्मान चिन्ह देउन सन्मानित करण्यात आले . तसेच ,महाराष्ट्र जोशी समाज संघटनेच्या नूतन कार्यकारिणी पदाधिकाऱ्यांना संघटनेचे उपाध्यक्ष निलेश प्रकाश निकम यांच्याहस्ते नियुक्ती पत्र वाटप करण्यात आले .

या  स्नेहमेळाव्यामध्ये उपस्थितांचे स्वागत व प्रास्तविक महाराष्ट्र जोशी समाज संघटनेचे अध्यक्ष कैलासराव  हेंद्रे ,  सूत्रसंचालन रविंद्र जोशी तर आभार संघटनेचे उपाध्यक्ष निलेश प्रकाश निकम यांनी मानले . 

पुणे :पाश्चिमात्य आणि भारतीय सुरांचा संगम असणाऱ्या ‘सूर मिलाफ ‘ या कार्यक्रमाचे आयोजन ‘ढेपे वाडा ‘ (गिरीवन ,मुळशी ) येथे २७ जानेवारी रोजी सकाळी साडेदहा वाजता करण्यात आले होते .

भारतीय संस्कृतीतील कला जोपासण्यासाठी तसेच वृद्धिंगत व्हावी यासाठी पूर्व आणि पश्चिमेकडील गायन आणि तालवाद्यांतील सुरांचा एक अनोखा मिलाफाचा कार्यक्रम रसिकांसाठी आयोजित करण्यात आला होता . ‘उदय ईस्ट -वेस्ट फ्युजन बॅण्ड ‘ ने हा कार्यक्रम सादर केला .

झेक रिपब्लिक देशातील जॉन कॅन्कले ,( सॅक्सोफोन -बासरी ),विनीत अंतुरकर(गायन ,गिटार ) ,भूपाल लिमये (मेंडोलीन) ,नीरज प्रेम ( कॅनडा ) ,उदय रामदास (गायन ,तबला )या मिलाफ कार्यक्रमात सहभागी झाले .

जुन्या मराठी वाडा संस्कृतीप्रमाणे बांधलेल्या ढेपे वाड्याच्या आलिशान दिवाणखान्यात भारतीय बैठकीवर बसलेल्या रसिकांसमोर ही फ्युजन मैफिल रंगली . हंसध्वनी ,चारुकेशी ,खमाज या भारतीय रागदारीवर आधारित रचना सादर झाल्या . जॅझ ,वेस्टर्न क्लासिकल रचनाही या कलाकारांनी सादर केल्या . आफ्रिकन ,मराठी लोकसंगीतही रसिकांना मोहवून गेले . भैरवी रागाने मैफलीची सांगता झाली . या सर्व सादरीकरणाला रसिकमंडळींचा चांगला प्रतिसाद मिळाला .सूत्रसंचालन ऋचा ढेपे यांनी केले .

जॉन कॅन्कले म्हणाले ,’भारतीय संस्कृती आणि संगीत महान असून ढेपे वाड्यामुळे जुन्या एकत्रित कुटूंब पद्धतीचा प्रत्यय येतो . वेगळ्या वातावरणात या मैफलीचा आनंद वेगळाच होता . ‘नितीन ढेपे म्हणाले ,’संगीत आणि कलेला भाषा ,देशाच्या सीमा नसतात ,हेच या मैफलीमुळे सिद्ध झाले . अशा आगळ्या वेगळ्या संकल्पना ढेपे वाड्यात सादर करण्याचा आमचा प्रयत्न असणार आहे .’ढेपे वाडा ‘चे संचालक नितीन ढेपे ,ऋचा ढेपे यांनी कलाकारांचा सत्कार केला .

पुणे : “शास्त्रोक्त उपचारपद्धती असलेल्या आयुर्वेदात मोठी क्षमता आहे. मूळव्याध, कर्करोग, वातीचे आजार अशा दुखण्यांवर चार-पाच पिढ्या घरगुती उपचार करणाऱ्या जवळपास तीन लाख लोकांना भेटलो आहे. त्यातील अनेकांच्या उपचाराच्या पद्धती आश्चर्यचकित करणाऱ्या आहेत. आपल्याकडे आयुर्वेदात नाविन्यपूर्ण संशोधन झाले, आरोग्य क्षेत्रात मोठी क्रांती होईल. चांगल्या कल्पना घेऊन येणाऱ्या आयुर्वेदाचार्यांच्या पाठीशी नेहमी उभे राहू,” असे प्रतिपादन भारत विकास ग्रुप इंडियाचे (बीव्हीजी) अध्यक्ष हणमंतराव गायकवाड यांनी केले.

वैद्य हरिश पाटणकर यांच्या संकल्पनेतून बीव्हीजी इंडियाच्या सहकार्याने साकारलेल्या ‘केशार्युवेद’ या भारतातील पहिल्या आयुर्वेदिय हेअर टेस्टिंग लॅब आणि संशोधन केंद्रातर्फे ‘इनोव्हेटिव्ह आयुर्वेद’वर परिसंवादाचे आयोजन करण्यात आले होते. सेनापती बापट रस्त्यावरील आयसीसी टॉवरमधील सुमंत मूळगावकर सभागृहात झालेल्या परिसंवादावेळी बीव्हीजी इंडियाचे उपाध्यक्ष डॉ. दत्ताजी गायकवाड, लायन्स क्लबचे श्रीराम भालेराव यांच्यासह इतर मान्यवर उपस्थित होते. नेत्रचिकित्सक डॉ. स्नेहल पाटणकर यांचे ‘आयुर्वेदिय केश परिक्षण पद्धती व महत्त्व’ या विषयावर बीजभाषण झाले, तर वैद्य हरिश पाटणकर यांनी ‘केश व त्वचा विकारांवरील आयुर्वेदिय चिकित्सा’ या विषयावर मार्गदर्शन केले. आयुर्वेदात इनोव्हेशन करु इच्छिणार्‍यांसाठी ‘इन्व्हेस्टर्स-इनोव्हेटर्स मीट’चेही यावेळी आयोजन केले होते.

हणमंतराव गायकवाड म्हणाले, “शास्त्रांमध्ये समृद्ध असलेले आयुर्वेद संशोधनाच्या माध्यमातून लोकाभिमुख केले पाहिजे. लोकांच्या आरोग्यासाठी त्याचा उपयोग झाला पाहिजे. त्यासाठी नवनवीन कल्पना राबवून आयुर्वेद स्वस्त आणि परिणामकारक केले पाहिजे. यामध्ये इनोव्हेशन आणि इन्व्हेंशन करू इच्छिणाऱ्या लोकांच्या पाठीशी आम्ही उभे आहोत. बीव्हीजी अनेक आयुर्वेदिक उत्पादनांसाठी प्रयत्नशील आहे. नवीन तंत्रज्ञान आणि पारंपरिक शास्त्र याच्या मिलाफातूनच ‘इनोव्हेटिव्ह आयुर्वेद’ उदयाला येणार आहे.”

डॉ. स्नेहल पाटणकर म्हणाल्या, “केसांच्या आजार निदानासाठी आधुनिक तंत्राचा वापर होत आहे. आयुर्वेदीय पद्धतीच्या उपचाराने केसांवर चांगला परिणाम होतो. केशायुर्वेदच्या माध्यमातून केसांचे आरोग्य कसे सांभाळता येईल, यावर नियमित संशोधन सुरु आहे. आयुर्वेदिक उपचार पद्धतीमुळे केसांवर विपरीत परिणाम होण्याची शक्यता नाही.”

वैद्य हरीश पाटणकर म्हणाले, “आयुर्वेद हे खूप व्यापक आरोग्यशास्त्र आहे. पाच हजार वर्षांची परंपरा असलेले आयुर्वेद जगाला आकर्षित करीत आहे. त्यामुळे जगभरातील लोकांना समजेल अशा स्वरूपात आयुर्वेदाची मांडणी केली पाहिजे. त्यासाठी नवनवीन तंत्रज्ञान आणि संशोधन व्हायला हवे.”

यावेळी ‘केशायुर्वेद’च्या उपकेंद्र प्रमुखांना मान्यवरांच्या हस्ते सन्मानित करण्यात आले. तसेच ‘आयुर्वेद इन कॉस्मेटोलॉजी अँड ट्रायकोलॉजी’ हा प्रमाणपत्र अभ्यासक्रम पूर्ण करणाऱ्या विद्यार्थ्यांना गौरविण्यात आले. विवेक आंबरे यांनी सूत्रसंचालन केले. आभार पंकज पाटणकर यांनी मानले.

पुणे : “आयुर्वेद ही भारताची पाच हजार वर्षांची आरोग्य परंपरा आहे. अनेक दुर्धर आजारांना बरे करण्याची आणि आजार होऊच नयेत, याची क्षमता असलेले हे आरोग्यशास्त्र आहे. आयुर्वेद ही शाश्वत अशी शास्त्रोक्त उपचारपद्धती असून, भारतीयांनी आयुर्वेदाला प्रोत्साहन दिले पाहिजे,” असे प्रतिपादन पुण्याच्या महापौर मुक्ता टिळक यांनी केले.

ऍलोपॅथिक डॉक्टर असलेल्या गौरी अभ्यंकर-कर्वे यांच्या संकल्पनेतून एरंडवणे येथे साकारलेल्या ‘आयुर्ब्लीस’ या आयुर्वेद व पंचकर्म केंद्राच्या उद्घाटनप्रसंगी मुक्ता टिळक बोलत होत्या. यावेळी स्थानिक नगरसेविका माधुरी सहस्रबुद्धे, डॉ. गौरी अभ्यंकर-कर्वे, शारंगधर फार्माचे संचालक आणि सनदी लेखापाल मुकुंद अभ्यंकर यांच्यासह इतर मान्यवर उपस्थित होते.

मुक्ता टिळक म्हणाल्या, “ऍलोपॅथी व आयुर्वेद याचा संगम होतोय, ही आनंदाची बाब आहे. आज अनेक उपचार सर्वसामान्यांना परवडणारे नाहीत. त्यामुळे अशा पारंपरिक उपचारांना आधुनिकतेची जोड मिळाली, तर सर्वांनाच त्याचा लाभ होऊ शकेल. स्टार्टअप, इनोव्हेशनच्या काळात डॉ. गौरीने उचललेले पाऊल कौतुकास्पद आहे.”

माधुरी सहस्रबुद्धे म्हणाल्या, “आपले आरोग्य अंतर्बाह्य सुंदर ठेवण्याचे काम आयुर्वेद करते. आयुर्वेद ही भारताने जगाला दिलेली देणगी आहे. प्रतिबंधात्मक उपचार देण्यासह आरोग्याला शिस्त लावण्याचे काम आयुर्वेद करते. आपण सर्वानी त्याचा अवलंब केला पाहिजे.”

डॉ. गौरी अभ्यंकर-कर्वे म्हणाल्या, “रुग्णाच्या प्रकृतीचा अभ्यास करून आधुनिक व पारंपरिक उपचारपद्धतीचा मेळ घालत त्याच्यावर उपचार केले जाणार आहेत. योगासह आहार नियोजन आणि आयुर्वेदिक उपचारांना आधुनिक पद्धतीने प्रोत्साहन देण्याचा आमचा प्रयत्न राहील.”

पुणे-प्रजासत्ताक दिनानिमित्त अखिल मंगळवार पेठ  लोकसेवा प्रतिष्ठानच्यावतीने ” संविधान रॅली ” संपन्न झाली . मंगळवार पेठमधील लुम्बिनी बुध्द विहार येथे झालेल्या या कार्य्रक्रमाचे उदघाटक जेष्ठ समाजवादी नेते डॉ. बाबा आढाव यांच्याहस्ते डॉ . बाबासाहेब आंबेडकर यांच्या प्रतिमेस पुष्पहार अर्पण करून करण्यात आले . या  ” संविधान रॅली ” चे आयोजन अखिल मंगळवार पेठ  लोकसेवा प्रतिष्ठानचे अध्यक्ष विजय वारभुवन व  छाया वारभुवन यांनी केले होते . या कार्य्रक्रमास सदानंद शेट्टी , मुख्तार शेख , संजय बालगुडे ,  नगरसेविका सुजाता शेट्टी , नगरसेविका पल्लवी जावळे , मनोज पिल्ले , सिध्दार्थ चव्हाण , प्रकाश आवाड , दत्ता पोळ , निलेश आल्हाट , नितीन वाघमारे , नितीन चव्हाण , संजय वारभुवन , बबन कांबळे , सचिन वाघमारे , महानंदा डाळींबे , विकार अहमद शेख , मिलिंद बनसोडे , सुखदेव शिंदे , फय्याज शेख , अमर पवार , दत्तात्रय साबळे , विनय चव्हाण , राजू कांबळे , आनंद रणपिसे , अनिल आवाड , सूरज भालेराव , राजू शिंदे , अविनाश रणसिंग , चिमाजी चव्हाण , शब्बीर शेख , राहुल कांबळे , युसूफ शेख   आदी मान्यवर उपस्थित होते .

या  ” संविधान रॅली ” ची सुरुवात मंगळवार पेठमधील लुम्बिनी बुध्द विहार करण्यात येऊन कडबा कुट्टी वजनकाटा , भीमनगर , कमला नेहरू रुग्णालय , पंधरा ऑगस्ट चौक , नरपतगीर चौक मार्गे जुनी पुणे जिल्हा परिषद मार्गे ससून चौकातून डॉ बाबासाहेब आंबेडकर पुतळा येथे समाप्त झाली . यावेळी बौद्धाचार्य नितीन वाघमारे यांनी  सामूहिक बुध्द वंदना घेण्यात आली . यावेळी डॉ. बाबासाहेब आंबेडकर यांच्या पूर्णाकृती पुतळ्यास अखिल मंगळवार पेठ  लोकसेवा प्रतिष्ठानचे अध्यक्ष विजय वारभुवन  व छाया वारभुवन यांनी पुष्पहार अर्पण करून विनम्र अभिवादन करण्यात आले . यावेळी डॉ बाबासाहेब आंबेडकर यांचा विजयी असो अशा घोषणा देण्यात आल्या .