पुणे, दि.०८ ऑक्टोबर : आर्थिकदृष्ट्या मागासलेल्या तरुणांना सक्षम उद्योजक बनविण्याच्या उद्देशाने अण्णासाहेब पाटील आर्थिक मागास विकास महामंडळाने बँक कर्जावरील व्याज परतावा योजना राबविण्यापुरते मर्यादित न राहता, लाभार्थ्यांना त्यांच्या व्यवसायासाठी आवश्यक असलेले उद्योजकता प्रशिक्षण व मार्गदर्शन देखील उपलब्ध करून देणार आहे, अशी माहिती महामंडळाचे व्यवस्थापकीय संचालक विजयसिंह देशमुख यांनी प्रसिध्दीपत्रकान्वये दिली.

याअंतर्गत उद्योग-सारथी प्रशिक्षण कार्यक्रमाअंतर्गत दि. २४ सप्टेंबर रोजी सकाळी ११.०० वाजता ऑनलाईन वेबिनारचे आयोजन करण्यात आले होते. या वेबिनारमध्ये “पशुपालन व दुग्ध व्यवसाय” या विषयावर पुणे कृषी विद्यालयाचे प्रमुख शास्त्रज्ञ डॉ. सोमनाथ माने यांनी मार्गदर्शन केले.

या वेबिनारमध्ये दुग्धव्यवसायासाठी योग्य जातीच्या जनावरांची निवड, संतुलित आहार व्यवस्थापन, आरोग्य काळजी, प्रतिबंधात्मक उपाययोजना, आर्थिक नियोजन तसेच आधुनिक तंत्रज्ञानाचा वापर या विषयांवर सविस्तर माहिती देण्यात आली. उपस्थित लाभार्थ्यांनी थेट शंका विचारून तज्ज्ञांकडून मार्गदर्शन मिळवले.

महामंडळाच्या वतीने राज्यभरातील युवक, महिला उद्योजिका व स्वयं-सहायता गटांसाठी अशा प्रकारच्या ऑनलाईन प्रशिक्षण कार्यशाळांचे सातत्याने आयोजन करण्यात येणार असून, या उपक्रमामुळे उद्योजकांच्या व्यवसाय वृद्धीस चालना मिळणार आहे, असे मत महामंडळाचे व्यवस्थापकीय संचालक विजयसिंह देशमुख यांनी व्यक्त केले.

पुणे, दि. 8 ऑक्टोबर : पुणे विभाग पदवीधर व शिक्षक मतदारसंघ अंतर्गत पदवीधर तसेच शिक्षक मतदार नोंदणी करण्यास सुरुवात झाली असून शिवाजीनगर मतदार संघातील पात्र मतदारांनी ६ नोव्हेंबरपूर्वी मतदार यादीमध्ये आपल्या नावाची नोंदणी करावी असे आवाहन सहायक मतदार नोंदणी अधिकारी पदवीधर व शिक्षक मतदरासंघ तथा २०९ शिवाजीनगर विधानसभा मतदार संघाचे मतदार नोंदणी अधिकारी गजानन गुरव यांनी केले आहे.

शिवाजीनगर मतदार संघाकरीता एकूण ९ मतदान केंद्रे आहेत. शिक्षक मतदार यादीमध्ये नाव नोंदविण्याकरिता शिक्षक मतदारांसाठी नमुना क्र. १९ व पदवीधर मतदार यादीमध्ये नाव नोंदविण्याकरिता नमुना क्र. १८ उपलब्ध करुन देण्यात आले आहेत.

पदवीधर मतदार नोंदणीसाठी भारतातील कोणत्याही मान्यताप्राप्त विद्यापीठातून १ नोव्हेंबर २०२५ पूर्वी किमान ३ वर्षापूर्वी पदवीधर झालेला किंवा पदवीशी समकक्ष शैक्षणिक पात्रता धारण करणारा पदवीधर पात्र राहील. १ नोव्हेंबर २०२५ च्या लगत पूर्वीच्या सहा वर्षांतील किमान तीन वर्ष माध्यमिक शाळेच्या दर्जापेक्षा कमी नसलेल्या अशा राज्यातील कोणत्याही मान्यताप्राप्त शैक्षणिक संस्थेत अध्यापन केलेल्या प्रत्येक शिक्षक मतदार यादीत नाव नोंदविण्यास पात्र आहेत.

मतदान केंद्रांसाठी पदनिर्देशित अधिकाऱ्यांची नेमणूक करण्यात आली आहे, अशी माहिती श्री. गुरव यांनी प्रसिद्धी पत्रकानव्ये दिली आहे.

सातारा-सांगली-कोल्हापूर बाजूने बेंगलुरू महामार्गावरुन येणारी वाहने शिंदेवाडी टोलनाक्याच्या पुढे येणार नाहीत.

सातारा-सांगली-कोल्हापूर बाजूने बेंगलुरू महामार्गावरुन येणारी वाहने शिंदेवाडी टोलनाक्याच्या पुढे येणार नाहीत.

कात्रजकडून किवळेकडे जाणाऱ्या मार्गिकेवर सकाळी ८ ते ११

किवळे ते कात्रजकडे जाणाऱ्या मार्गिकेवर सायंकाळी ५ ते रात्री ९ वाजेपर्यंत

पुणे, दि. ८: कात्रज बाह्यवळण मार्गावर अवजड वाहनांस १५ ऑक्टोबरपासून कात्रजकडून किवळेकडे जाणाऱ्या मार्गिकेवर सकाळी ८ ते ११ वाजेदरम्यान तसेच किवळे ते कात्रजकडे जाणाऱ्या मार्गिकेवर सायंकाळी ५ ते रात्री ९ वाजेपर्यंत जड, अवजड वाहनांना पुढील आदेश येईपर्यंत बंदी करण्यात असल्याबाबतचे आदेश जिल्हाधिकारी तथा जिल्हादंडाधिकारी जितेंद्र डुडी यांनी जारी केले आहेत.

या आदेशात पुणे-बेंगलोर महामार्ग क्रमांक ४८ व महामार्ग क्र.४ कडे जाणाऱ्या मार्गिकेवर (जुना पुणे- मुंबई महामार्गावर) किवळेकडून कात्रजकडे जाणाऱ्या जड अवजड वाहनांना सायंकाळी ५ ते रात्री ९ वाजेपर्यंत बंदी करण्यात आली आहे.

या वेळेत सातारा-सांगली-कोल्हापूर बाजूने बेंगलुरू महामार्गावरुन येणारी वाहने शिंदेवाडी टोलनाक्याच्या पुढे येणार नाहीत. तसेच सातारा-सांगली-कोल्हापूर बाजूने बेंगलुरू महामार्गावरुन येणारी वाहने शिंदेवाडी टोलनाक्याच्या पुढे येणार नाहीत.अत्यावश्यक सेवेतील वाहने व पुणे शहरात अंतर्गत भागात जाणारी-येणारी वाहतूकीस हा बंदी आदेश लागू राहणार नाहीत, असेही आदेशात नमूद करण्यात आले आहेत.
0000

काँग्रेसचे वरीष्ठ प्रवक्ते गोपाळदादा तिवारी
पुणे -न्याय देवते विषयी चाड असल्यास..जातीय-धर्मांध ‘राकेश किशोर’वर केंद्र सरकारने गुन्हा दाखल करून,न्याय व्यवस्थे विषयी आदर सिध्द करावा अशी मागणी काँग्रेसचे वरीष्ठ प्रवक्ते गोपाळदादा तिवारी यांनी केली आहे.
‘सनातन धर्माचा’ उच्चार करत, जातीय-धर्मांधतेने आंधळी झालेली व्यक्ती, सर्वोच्च न्यायालयात ‘देशाच्या सरन्यायाधीशां’वर बूट फेकण्याचा निंदनीय हल्ला करण्याचा प्रयत्न करते.. तेंव्हा भारतातील ‘राम मंदिर उभारणीत ‘न्याय व्यवस्थेचे योगदान’ विसरते काय(?) असा संतप्त सवाल काँग्रेसचे वरीष्ठ राज्य प्रवक्ते गोपाळदादा तिवारी यांनी दिलेल्या प्रसिद्धी निवेदनात केला.
आपल्या निवेदनात ते पुढे म्हणाले की,
४५० वर्ष प्रलंबित ‘राम मंदीर – बाबरी मशीद’ वाद स्वतंत्र व प्रजासत्ताक भारताच्या निर्मिती नंतरच् लोकशाहीचा ३ रा स्तंभ समजल्या जाणाऱ्या ‘न्याय – व्यवस्थेच्या आधारेच्’ शांततेने व कायदेशीर तोडग्याने सुटू शकला, हे स्वतंत्र भारताच्या लोकशाहीची गुण संपन्नता आहे..!
मात्र ‘सनातन धर्मा’चा ढोल पिटणाऱ्या व विकृतीने ग्रासलेल्या प्रवृत्तीला हे दिसू नये वा समजू नये(?) हे सखेद आश्चर्य आहे.
सर न्यायाधीशांवर बूट फेकण्याचा निंदनीय प्रयत्न हा ‘संविधानीक न्याय व्यवस्थेवर’ हल्ला असून, पंतप्रधानांनी केवळ ट्वीट व फोन द्वारे निषेध करून थांबू नये, तर न्याय व्यवस्थेवर जातीय व धर्मांधतेचे जाणीवपूर्वक दडपण आणणाऱ्या व विकृतीने ग्रासलेल्या राकेश किशोर’ वर केंद्र सरकारने ॲट्रासिटी’चा गुन्हा दाखल करून, संविधानीक न्याय-व्यवस्थे विषयी आदर व सन्मान कृतीने सिद्ध करावा अशी मागणी काँग्रेसचे वरीष्ठ राज्य प्रवक्ते गोपाळदादा तिवारी यांनी केली.

पुणे-संयुक्त राष्ट्रसंघाच्या महासभेत (UNGA) सहभागी होण्यासाठी राज्यसभा खासदार मेधा कुलकर्णी या नुकत्याच न्यूयॉर्कला रवाना झाल्या.

भारतीय संसदीय दलाची सदस्य म्हणून या महत्त्वाच्या जागतिक मंचावर देशाचे प्रतिनिधित्व करण्याची संधी मिळणे ही माझ्यासाठी अभिमानाची बाब आहे. जागतिक शांतता, सहकार्य आणि विकासावर होणाऱ्या चर्चांमध्ये भारताची सार्थक भूमिका आणखी बळकट करण्याच्या दृष्टीने ही एक सुवर्णसंधी आहे. मला ही संधी प्रदान केल्याबद्दल मी आदरणीय पंतप्रधान श्री नरेंद्रजी मोदी यांचे हृदयपूर्वक आभार व्यक्त करते, अशी प्रतिक्रिया मेधा कुलकर्णी यांनी दिली.ऑपरेशन सिंदूर संदर्भात भारताची भूमिका मांडण्यासाठी सर्वपक्षीय खासदारांचा समावेश असलेली शिष्टमंडळे विविध देशांमध्ये यापूर्वीच पाठवण्यात आली होती. त्यानंतर आता अमेरिकेने लादलेली नवीन टेरिफ नियमावली, एच वन बी व्हिसा संदर्भातील अन्यायकारक तरतुदी, भारतीय उपखंडामध्ये असलेली अस्थिर परिस्थिती, त्याचप्रमाणे रशिया युक्रेन युद्धामुळे निर्माण झालेली अस्थिर परिस्थिती अशा विविध घटकांमुळे भारताच्या राजनैतिक क्षमतेचा कस लागत आहे. अशा परिस्थितीत संयुक्त राष्ट्र संघाच्या महासभेमध्ये भारतीय प्रतिनिधी मंडळाकडून मांडण्यात येणाऱ्या भूमिकेला महत्त्व प्राप्त झाले आहे.

यापूर्वी केंद्र सरकारच्या विविध समित्यांवर राज्यसभा खासदार या नात्याने मेधा कुलकर्णी यांची नियुक्ती करण्यात आली आहे. वक्फ कायदा दुरुस्ती विधेयक २०२५ संदर्भात नियुक्त करण्यात आलेल्या संयुक्त संसदीय समितीमध्ये मेधा कुलकर्णी यांचा समावेश करण्यात आला होता. या समितीमधील चर्चेदरम्यान अत्यंत प्रभावीपणे बाजू मांडल्याबद्दल मेधा कुलकर्णी यांचा विशेष उल्लेख करण्यात आला होता

मोटार,पंखे, एसी, टीव्ही, फ्रिज, वॉशिंग मशिन, महागडे फर्निचर देखील जप्त

पुणे- पोलिसांनी आता गुन्हेगारी टोळ्यांविरोधात मोठी मोहीम हाती घेतली आहे. आंदेकर गँगचा म्होरक्या बंडू आंदेकर आणि घायवळ गँगचा नीलेश घायवळ यांच्यावर केलेल्या कारवाईनंतर आता पोलिसांनी टिपू पठाण टोळीवर बडगा उगारला आहे.हडपसर परिसरात बनावट कागदपत्रांद्वारे बेकायदेशीर बांधकाम करून नागरिकांकडून लाखो रुपयांची वसुली करणाऱ्या रिझवान ऊर्फ टिपू सत्तार पठाण आणि त्याच्या टोळीविरुद्ध काळेपडळ पोलिस ठाण्याने धडक कारवाई केली आहे. या कारवाईत पोलिसांनी आरोपींच्या बँक खात्यांना गोठवले असून, संबंधित अनधिकृत बांधकामे तोडण्याची प्रक्रिया देखील सुरू केली आहे.

काळेपडळ पोलिस ठाण्यात नोंदवलेल्या गुन्ह्यानुसार, आरोपी टिपू पठाण (रा. सय्यदनगर, हडपसर) हा आपल्या साथीदारांच्या मदतीने नागरिकांना फसवून लाखो रुपयांचा गैरव्यवहार करत होता. त्याने हडपसर परिसरात अनेक ठिकाणी बेकायदेशीर इमारती उभ्या करून त्या मालमत्तांचे खोटे दस्तऐवज तयार केले. त्याच्या टोळीत सादिक कपूर, एजाज पठाण, मेहबूब शेख, जावेद शेख आणि मुनीर शेख यांचा समावेश आहे. या सर्वांच्या बँक खात्यांना पोलिसांनी गोठवले असून, संशयास्पद आर्थिक व्यवहारांची चौकशी सुरू आहे.

पोलिसांनी टिपू पठाणच्या नावावरील एक महागडी मोटार जप्त केली असून, त्याचे घर आणि कार्यालयांची सखोल झडती घेतली आहे. तपासादरम्यान पोलिसांना पंखे, एसी, टीव्ही, फ्रिज, वॉशिंग मशिन, महागडे फर्निचर आदी चार ते पाच लाख रुपये किमतीच्या वस्तू आढळल्या आहेत.

झडतीदरम्यान पोलिसांनी टिपू पठाणच्या घरातून दोन नोटरीकृत साठेखत आणि जमीन व्यवहारासंदर्भातील कागदपत्रे जप्त केली आहेत. आरोपींच्या नातेवाइकांकडे या वस्तूंची कोणतीही बिले अथवा खरेदीची कागदपत्रे नव्हती. त्यामुळे या सर्व वस्तू अवैध मार्गाने मिळवल्याचा पोलिसांना संशय आहे. याच अनुषंगाने टिपू पठाण व त्याच्या साथीदारांवर भ्रष्टाचार, आर्थिक फसवणूक आणि बेकायदा बांधकामाशी संबंधित गंभीर गुन्ह्यांचे कलम लागू करण्यात आले आहेत. काळेपडळ पोलिसांनी महापालिकेच्या सहकार्याने या टोळीने उभारलेल्या अनधिकृत बांधकामांवर थेट कारवाई करत ती बांधकामे पाडून टाकली. या कारवाईनंतर परिसरातील इतर बेकायदेशीर इमारतींची तपासणी सुरू करण्यात आली आहे.

पोलिसांच्या प्राथमिक तपासात उघड झाले आहे की, टिपू पठाण टोळीने बेकायदेशीर बांधकामांमधून नागरिकांकडून लाखो रुपयांची उकळपट्टी केली होती. काही नागरिकांना खोट्या आश्वासनांवरून घरे विकण्यात आली. संबंधित दस्तऐवज बनावट ठरल्याने अनेकांना आर्थिक फटका बसला आहे. टोळीतील सदस्यांनी काही गुंतवणूकदारांकडून मोठ्या रकमेची वसुली केल्याचंही उघड झाले आहे. यापूर्वी पुणे पोलिसांनी अशाच प्रकारे आंदेकर आणि घायवळ गँगविरोधातही कारवाई करत त्यांच्या मालमत्ता व बँक खाती गोठवली होती. आता टिपू पठाणविरोधात घेतलेली ही कारवाई शहरातील गुन्हेगारी संघटनांना मोठा धक्का देणारी ठरत आहे.

दरम्यान, पोलिस सूत्रांच्या माहितीनुसार, या कारवाईचा तपास पुढे वाढवून टोळीच्या आर्थिक व्यवहारांचा सखोल अभ्यास केला जाणार आहे. आरोपींकडून मिळालेल्या कागदपत्रांच्या आधारे काही सरकारी अधिकाऱ्यांशी असलेले संबंधही तपासले जाण्याची शक्यता आहे. बेकायदा बांधकाम प्रकरणाशी संबंधित कंत्राटदार, दलाल आणि इतर संबंधित व्यक्तींनाही चौकशीसाठी बोलावले जाणार असल्याची माहिती समोर आली आहे. पुणे पोलिस आयुक्तालयाने स्पष्ट केलं आहे की, शहरात कोणत्याही गुन्हेगारी टोळीला मोकळीक देण्यात येणार नाही. बेकायदेशीर मार्गाने कमावलेला पैसा, बांधकामं आणि संपत्ती जप्त केली जाईल. या कारवाईनंतर हडपसर परिसरातील नागरिकांमध्ये समाधान व्यक्त केलं जात आहे.

पुणे, दि. 8 : जिल्ह्यात समूह पद्धतीने (क्लस्टर) लागवड करावयाचे निश्चित केलेल्या 10 पिकांच्या लागवडीस अधिक गती देण्यात यावी. या पिकांसाठी कृत्रिम बुद्धिमत्ता तंत्रज्ञानाचा अवलंब करता येईला का याविषयी तपासणी करावी, असे निर्देश जिल्हाधिकारी जितेंद्र डूडी यांनी दिले.
जिल्हाधिकारी जितेंद्र डुडी यांच्या अध्यक्षतेखाली कृषी समृद्धी योजनेंतर्गत दिशा कृषी उन्नतीची अनुषंगाने मुख्य उद्दीष्टे, प्रमुख दहा पिकांवर भर, 10 टक्के जिल्हास्तर निधीमधून प्रस्तावित बाबी, योजना संपृक्तता 80 टक्के निधीचे नियोजन आदी बाबींचा सविस्तर आढावा जिल्हाधिकारी कार्यालयात आयोजित बैठकीत घेण्यात आला.
जिल्हाधिकारी कार्यालयात कृषी समृद्धी योजनेच्या आढावा बैठकीत ते बोलत होते. यावेळी विभागीय कृषी सहसंचालक दत्तात्रय गावसाने, जिल्हा अधीक्षक कृषी अधिकारी संजय काचोळे, आत्माचे प्रकल्प संचालक सूरज मडके, कृषी महाविद्यालयाचे सहायक अधीष्ठाता डॉ. महानंद माने, जिल्हा उपनिबंधक प्रकाश जगताप, जिल्हा कृषी अधिकारी एस.जे. पवार, जिल्ह्यातील सर्व उपविभागीय कृषी अधिकारी, तालुका कृषी अधिकारी, कृषी विज्ञान केंद्रांचे प्रतिनिधी, कृषी विभाग शास्त्रज्ञ तसेच कृषी क्षेत्राशी संबंधित कंपन्यांचे प्रतिनिधी आदी उपस्थित होते.
बैठकीत श्री. काचोळे यांनी सादरीकरणाद्वारे प्रमुख दहा पिकासाठी प्रस्तावित उपाययोजना, निर्यातक्षम केळी उत्पादन व प्रक्रीया, अंजीर प्रक्रियायुक्त पदार्थ निर्मितीवर भर, निर्यातक्षत आंबा उत्पादन, निर्यातक्षम स्ट्रॉबेरी उत्पादन, करडई व सुर्यफूल तेलबिया प्रक्रिया, ऊस उत्पादकतेत स्थिरता राखणे, ज्वारी उत्पादन स्थिरता व प्रक्रियायुक्त पदार्थ निर्मिती, शहरी भागात भाजीपाला पुरवठ्यास चालना देणे, भात उत्पादकता वाढ व प्रक्रियेस चालना देणे, सोयाबिन उत्पादकता वाढ व प्रक्रियेस चालना देणे आदी बाबत माहिती देण्यात आली.
यावेळी जिल्हाधिकाऱ्यांनी कृषी समृद्धी योजनेंतर्गत लागवड करण्यात आलेल्या आंबा, केळी, अंजीर, स्ट्रॉबेरी फळपिके व इतर समाविष्ट पिके लागवडी बाबतचे प्राप्त उद्दीष्ट व सध्या लागवड केलेले क्षेत्र याबद्दल सविस्तर माहिती घेवून ते म्हणाले की, आंबा व केळी या फळपिकाच्या लागवडी करीता शेतकऱ्यांचा चांगला प्रतिसाद दिसत असून कृषी विभागाने मार्गदर्शन व आवश्यक सहाय्य पुरवत शेतकऱ्यांना अधिक प्रोत्साहन द्यावे. शेतकऱ्यांना फळपिकांच्या निर्यातीबाबत मार्गदर्शन करावे.
निधीबाबत कमतरता पडल्यास शासनाकडून वाढीव निधी मंजूर करून घेण्यात येईल. आंब्याची लागवड लक्षात घेता जिल्ह्यात चांगल्या पद्धतीचे आंबा क्लस्टर तयार होईल असेही ते यावेळी म्हणाले. करडई, सुर्यफूलाच्या बियाणांची समस्या संबंधित कंपन्यांशी बोलून तात्काळ सोडविण्यात यावी, असेही त्यांनी सांगितले.
बैठकीत कृषी समृद्धी योजनेंतर्गत दिशा कृषी उन्नतीची अनुषंगाने मुख्य उद्दीष्टे, प्रमुख दहा पिकांवर भर, 10 टक्के जिल्हास्तर निधीमधून प्रस्तावित बाबी, योजना संपृक्तता 80 टक्के निधीचे नियोजन आदी बाबींचा सविस्तर आढावा घेण्यात आला.

स्त्रियांच्या समानता, विकास व शांतीच्या बदलांच्या शब्दांना स्विकारायला जग ऐकतेय ना?… नीलम गोऱ्हेंचा सवाल

ब्रिजटाउन (बार्बाडोस), –
बार्बाडोस येथे सुरु असलेल्या ६८ व्या कॉमनवेल्थ संसदीय परिषदेतील ९ वी ‘कॉमनवेल्थ विमेन पार्लमेंटेरियन्स (CWP) परिषद उद्घाटन सोहळ्यात महाराष्ट्र विधानपरिषदेच्या उपसभापती डॉ. नीलम गोऱ्हे यांनी महिलांच्या सक्षमीकरणाचा ठाम संदेश देत प्रभावी भाषण केले. यावेळी “डॉ गोऱ्हे यांनी भाषणाची सुरुवात त्यांनी ज्यां असंख्य महिलांनी स्त्री समानतेसाठी जीवाचे रान केले, बलिदान दिले, आणि हौतात्म्य पत्करून या आंदोलनाला दिशा दिली त्यांना आदरांजली व्यक्त केली. मी १९९५ च्या विश्व महिला संमेलनात सहभागी होते व तीन दशके सतत्याने त्यावर काम करत या ऐतिहासिक महिला संसदीय परिषदेत विचार मांडण्याची संधी मिळत असल्याबद्दल आनंद व्यक्त केला.

आपल्या भाषणात त्यांनी 1995 मधील बीजिंग घोषणा व कृती आराखडा हा जगभरातील महिला हक्कांसाठीचा सर्वात प्रगत आराखडा असल्याचे सांगितले. स्त्रियांच्या केवळ कल्याण वा ऊद्धाराऐवजी त्यांच्या सक्षमीकरणाचे उद्दिष्ट हा झालेला बदल अधोरेखित करताना त्यांनी कॉमनवेल्थ देशांनी लोकशाही, विकास, आरोग्य सुधारणा, असमानता कमी करणे आणि हवामान बदलाशी लढा यामध्ये घेतलेल्या पुढाकाराचे कौतुक केले.

महिलांच्या प्रतिनिधित्वात वाढ झाली असली तरी ती सर्वत्र समान नाही, असेही त्या म्हणाल्या. 1995 मध्ये महिलांचे प्रतिनिधित्व 11.3 टक्के होते, तर 2025 मध्ये ते 27.2 टक्क्यांपर्यंत वाढले आहे. अमेरिका, युरोपमध्ये महिला प्रतिनिधित्व समाधानकारक असले तरी आशिया व मध्यपूर्वेत अजूनही स्थिती समाधानकारक नाही हे त्यांनी अधोरेखित केले.

या आव्हानात्मक परिस्थितीत भारताच्या प्रगतीचा दाखला देत डॉ. गोऱ्हे यांनी 33% महिला आरक्षण विधेयक (नारी शक्ती वंदन अधिनियम 2023), या ऐतिहासिक निर्णयाचा उल्लेख केला व पंतप्रधान नरेंद्र मोदी यांचेहे पाऊल ऐतिहासिक असल्याचे मत व्यक्त केले.

जगात , देशात व राज्यात महिलांच्या परिस्थितीत सुधारणा होत असली तरी असंघटित क्षेत्रातील कोविड नंतरची आव्हाने, हिंसाचार , स्रिशोषण व मुलामुलींची तस्करी , तापमान बदल व शाश्वत विकास ऊद्दिष्चाबाबत साध्य करायचा बिकट पल्ला याकडे लक्ष वेधुन
अशा अजूनही असलेल्या आव्हानांकडे लक्ष वेधत त्यांनी संसद व विधानसभेत महिला नेतृत्वाचे अपुरे प्रतिनिधित्व, कायद्यांच्या अंमलबजावणीतील त्रुटी, लिंगाधारित हिंसा, सायबर छळ , लिंगसमभाव आणि असंघटित क्षेत्रातील महिलांची असुरक्षितता या गंभीर समस्यांबाबत २०३० पर्यंतच्या राष्ट्रकुल कृती आराखड्याची गरज व्यक्त केली.

भविष्यासाठी उपाययोजना सुचवताना डॉ. गोऱ्हे यांनी महिलांचा आर्थिक सक्षमीकरणात व निर्णय प्रक्रियेत सहभाग वाढवणे, महिला आरक्षण विधेयकाची जागतिक अंमलबजावणी, वंचित घटकातील महिलांना प्रोत्साहन, डिजिटल साक्षरता व कौशल्य प्रशिक्षण, हवामान न्यायात स्त्रीवादी दृष्टिकोन या मुद्द्यांवर भर दिला.

“संसद या फक्त कायदे करणाऱ्या संस्था नाहीत तर न्याय, समानता आणि सामाजिक बदलाचे व्यासपीठ आहेत,” असे ठामपणे सांगत त्यांनी सर्वांना बरोबर घेऊन विकास करूया असा नारा दिला.
स्त्रियांच्या समानता, विकास व शांततेच्या या बदलाच्या या संगीताला, शब्दांना जगाची ऐकायची तयारी आहे कां असा आर्त प्रश्न त्यांनी विचारला.
जागतिक व्यासपीठाच्या या ६८ व्या परिषदेत बिजींग विश्व महिला संमेलनाच्या त्रिदशकानंतरचा आढावा घेण्याच्या पुढाकाराबद्दल राष्ट्रकुल संसदीय मंडळाचे महासचिव श्री स्चिफन ट्विग, महिला समन्वयक अवनी कोंढिया, परिषदेस ऊपस्थित लोकसभा अध्यक्ष ओमप्रकाश बिर्ला, राज्यसभा ऊपसभापती खा.श्रीमती पुरंदेश्वरी , यांचे आभार मानले. महाराष्ट्र विधानपरिषद सभापती राम शिंदे व विधानसभा अध्यक्ष राहुल नार्वेकर तसेच संसदीय , महाराष्ट्र विधीमंडळ यांच्या सहकार्याबद्दल आभार मानले.
देशोददेशीच्या अनेक महिलांनी व प्रतिनिधींनी नीलम गोर्हेंचे अभिनंदन केले.

पुणे- मंत्री चंद्रकांतदादा पाटलांच्या कार्यालयात बसणारा, आणि चंद्रकांत दादांचे नाव वापरून पोलीस आणि गुन्हेगारी क्षेत्रातील समन्वयक म्हणून काम करणारा सांगलीचा मोक्यातील आरोपी असा नावानिशी माजी आमदार रविंद्र धंगेकर यांनी उल्लेख केल्यावर ‘ते ‘ समीर पाटील आज माध्यमांशी बोलले..ते म्हणाले,माझ्यावर रवींद्र धंगेकर आरोप करत सुटले आहेत.ते सर्व निखालस खोटे असून याबाबत त्यांनी पुरावे द्यावेत सिद्ध करावेत अन्यथा त्यामागे काय कारण आहे ते तरी सांगावे.मात्र गेल्या २५ वर्षात आपण पुण्यात आहोत आणि पुण्यात आपल्यावर कुठलेही गुन्हे दाखल झालेले नाही आपण भाजपचे सदस्य नसून,चंद्रकांतदादा यांच्या कार्यालयात तर कामाला नाहीच नाही..निव्वळ आपण चंद्रकांत दादा एक सद्गृहस्थ म्हणून त्यांचा प्रचार मात्र केलेला आहे. आणि १०० कोटी बाबत जे आरोप धंगेकर यांनी माझ्यावर केलेत त्याबाबत देखील आपण कागदपत्रासह धंगेकर यांच्या समोर बसायला तयार आहोत असे म्हणत त्यांनी धंगेकर यांचे सर्व आरोप खोडून काढले.