पुणे-पीएमपीएमएलच्या मार्केट यार्ड डेपोमध्ये पर्वती विधानसभा मतदार संघाच्या आमदार  माधुरी मिसाळ
यांच्या विकास निधीतून विविध विकास कामांचा शुभारंभ आमदार मा. माधुरीताई मिसाळ यांच्या हस्ते करण्यात आला.
मार्केट यार्ड डेपोमध्ये ड्रेनेज लाईन, काँक्रिटीकरण, स्वच्छतागृह बांधणे तसेच रुणवाल पार्क लगत संरक्षक भिंतीचे बांधकाम
करणे अशा विविध विकास कामांचा भूमिपूजन समारंभ पार पडला.
याप्रसंगी आमदार सुनिलकांबळे, पुणे महानगरपालिकेचे माजी सभागृह नेते श्रीनाथ भिमाले,
नगरसेविका मानसी देशपांडे, राजश्रीशिळीमकर, राजेंद्र शिळीमकर,
महेश वाबळे, प्रवीण चोरबेले, कविता वैरागे,
अनुसया चव्हाण, प्रसन्न जगताप, स्मिता वस्ते, आनंद रिठे,
वर्षा साठे, दिनेश धाडवे, रमेश बिबवे, बाजार समितीचे प्रशासक
मधुकर गरड, पीएमपीएमएलच्या सहव्यवस्थापकीय संचालिका डॉ. चेतना केरुरे, मुख्य वाहतूक व्यवस्थापक
दत्तात्रय झेंडे, वाहतूक नियोजन व संचलन अधिकारी . चंद्रकांत वरपे, मार्केट यार्ड डेपो मॅनेजर नारायण भांगे
यांची प्रमुख उपस्थिती होती.
याप्रसंगी बोलताना आमदार माधुरी मिसाळ म्हणाल्या, “पीएमपीएमएलच्या डेपोंमध्ये आवश्यक ती विकास
कामे होण्याच्या दृष्टिकोनातून भाजपच्या लोकप्रतिनिधींनी व स्थानिक नगरसेवकांनी आपापल्या भागातील पीएमपीएमएलचे
डेपो विकसित करण्यासाठीच्या प्रस्तावांकडे लक्ष द्यावे, जेणेकरून डेपोंमध्ये आवश्यक त्या सुविधा उपलब्ध करून देता येतील.
मार्केटयार्ड डेपो व रुणवाल पार्क सोसायटीच्या दृष्टिकोनातून आवश्यक असणारी विकासकामे माझ्या विकास निधीतून होत
आहेत ही माझ्यासाठी समाधानाची बाब आहे.”
आमदार . सुनिल कांबळे म्हणाले, “पीएमपीएमएलच्या पुणे स्टेशन डेपोमध्ये माझ्या विकास निधीतून
विविध विकास कामांसाठी निधी उपलब्ध करून दिला. महानगरपालिकेत भाजपची सत्ता आल्यापासून पीएमपीएमएल चा
चेहरा-मोहरा बदलण्यासाठी आम्ही विशेष प्रयत्न केले व करत आहोत.”
सदरच्या भूमीपूजन समारंभास मार्केटयार्ड डेपोतील कर्मचारी व रुणवाल पार्क सोसायटी मधील रहिवाशी उपस्थित
होते.

पुणे, दि.१९ जाने.: विद्यार्थ्यांमध्ये इनोव्हेशन, इनक्युबेशन आणि इनव्हेंशनची संस्कृती वाढविण्यासाठी एमआयटी वर्ल्ड पीस युनिव्हर्सिटीतर्फे ‘इनोव्हेशन हॅकेथॉन २०२२’ ही स्पर्धा २० ते २५ जानेवारी २०२२ या दरम्यान आयोजित करण्यात आली आहे. अशी माहिती एमआयटी वर्ल्ड पीस युनिव्हर्सिटीचे कुलगुरू डॉ. आर.एम.चिटणीस आणि प्र कुलगुरू डॉ. मिलिंद पांडे यांनी पत्रकार परिषदेत दिली.
एमआयटी डब्ल्यूपीयूचे कार्याध्यक्ष राहुल विश्‍वनाथ कराड यांच्या संकल्पनेवर आधारित ‘इनोव्हेशन हॅकेथॉन २०२२’ या स्पर्धेचे उद्घाटन २० जानेवारी रोजी सकाळी १०.०० वा. भारत सरकारच्या एज्यूकेशन इनोव्हेशन मंत्रालयाचे इनोव्हेशन डायरेक्टर डॉ. मोहित गंभीर यांच्या हस्ते होणार आहे. यावेळी एमआयटी वर्ल्ड पीस युनिव्हर्सिटीचे संस्थापक अध्यक्ष प्रा.डॉ. विश्‍वनाथ दा. कराड, सुप्रसिध्द वैज्ञानिक पद्मविभूषण डॉ. रघुनाथ माशेलकर, सुप्रसिध्द संगणक तज्ञ पद्मभूषण डॉ. विजय भटकर आणि प्रा.प्रकाश बी. जोशी हे उपस्थित राहणार आहेत. तसेच, २५ जानेवारी रोजी दुपारी ४.३० वा. विजेत्या स्पर्धकांना पारितोषिक वितरित करण्यात येईल
ही स्पर्धा द्वितीय आणि तृतीय वर्षाच्या विद्यार्थ्यांमध्ये होणार आहे. यात आयडियाथॉन, वर्क्याथॉन आणि ऑक्टॅथॉन हे तीन गट असतील. विद्यार्थ्यांनी स्वतःची कल्पना साकार करणे, त्याला मूर्तरुप देणे आणि ऑॅक्टॅथॉन मध्ये ८ तासात स्पर्धकाने एखाद्या समस्येचे समाधान शोधून काढून त्याचे प्रारूप तयार करावयाचे आहे. या तिन्ही गटांसाठी एकूण ५०० प्रॉब्लेम्स विद्यापीठाला प्राप्त झाले आहेत. त्यासाठी ४५० मेंटॉर नियुक्त करण्यात आले आहेत. या मधील १०० प्रॉब्लेम्स स्टेटमेंट्स हे विविध कंंपन्यांकडून प्राप्त झाले आहेत. यामध्ये अभियांत्रिकी, तंत्रज्ञान, विज्ञान, आरोग्य, बिजनेस अ‍ॅण्ड लिडरशीप, आर्टस, ह्यूमॅनिटीज अ‍ॅड प्रोफेशनल्स स्टडिज, सस्टेनेबल स्टडिज, सार्वजनिक आरोग्य, करोना विषयक औषध निर्माण इ. क्षेत्रातील ३५०० स्पर्धक सहभागी झालेले आहेत. प्रत्येक गटातील प्रथम दोन विजेतांना रोख पारितोषिके देण्यात येणार आहेत.
प्रा.डॉ.आर.एम.चिटणीस यांनी सांगितले की,“पंतप्रधान नरेंद्र मोदी यांनी १६ जानेवारी हा दिवस स्टार्ट अप डे म्हणून घोषित केला आहे. त्यावर लगेच एमआयटी डब्ल्यूपीयूने पाऊल उचलून ही स्पर्धा आयोजित केली आहे. राष्ट्रीय शैक्षणिक धोरणामध्ये उद्योजकतेला खतपाणी घालण्यासाठी नवनिर्मिती आणि नवीन संकल्पना आत्मसात करण्याची वेळ आली आहे. या स्पर्धेतून नवे उद्योजक निर्माण होऊन देश प्रगतीपथावर जाईल.”
प्रा.डॉ. मिलिंद पांडे यांनी सांगितले की,“माइंड टू मार्केट आणि पेपर टू प्रोडक्ट ही संकल्पना विद्यार्थ्यांमध्ये रुजविण्यासाठी ही स्पर्धा खूप महत्वाची आहे. विद्यार्थ्यांच्या कल्पनांना वाव देऊन त्याला चालना दयावी व त्यांची बौद्धिक क्षमता वृद्धिंगत करुन त्यांना उद्योजक बनविण्याचे धोरण प्रत्यक्षात आणण्याचा हा एक स्तुत्य प्रयत्न आहे. आता देशात नोकरी मागणारे नाही तर नोकरी देणार्‍यांची संख्या वाढवायची आहे. आत्मनिर्भर भारत आणि स्टार्ट अप इंडिया संस्कृती वाढविण्यासाठी या स्पर्धेतून मदत होणार आहे.”
स्पर्धेसाठी अनेक कंपन्यांकडून सकारात्मक प्रतिसाद मिळाला आहे. विद्यार्थ्यांना प्रत्यक्ष मार्गदर्शन करण्याचे व त्यांच्या प्रोजेक्टला सक्रिय मदत करण्याचे आश्‍वासन देण्याची माहिती प्रवीण पाटील यांनी दिली.
या पत्रकार परिषदेला प्र कुलगुरू डॉ. प्रसाद खांडेकर, आर अ‍ॅण्ड डी चे अधिष्ठाता  डॉ. कृष्णा वर्‍हाडे, डॉ. कृष्ण प्रसाद गुणाले, विद्यार्थी दिग्विजय पाटील, आर्यन यादव आणि दिशा जैन उपस्थित होते.

पिंपरी चिंचवड : ‘‘मराठी भाषा समृद्धी व संवर्धन यासाठी नवमहाराष्ट्राचे शिल्पकार यशवंतराव चव्हाण यांनी मुख्यमंत्री असताना भरीव योगदान दिले होते. त्यांच्यामुळेच महाराष्ट्र राज्य साहित्य आणि संस्कृती मंडळ, मराठी विश्‍वकोष निर्मिती मंडळ, लोकसाहित्य समिती, राज्य मराठी विकास संस्था आदींची निर्मिती झाली. त्या माध्यमातून मराठी भाषा, साहित्य व संस्कृती संवर्धनासाठी वेगाने कार्य सुरु झाले. तथापि त्यांचे या क्षेत्रातील योगदान लक्षात घेता त्यांच्या नावे ‘यशवंतराव चव्हाण राष्ट्रीय मराठी साहित्य अकादमी’ शासनाने सुरु करावी’’, अशी अपेक्षा महाराष्ट्र राज्य साहित्य व संस्कृती मंडळाचे सदस्य रविंद्र बेडकिहाळ यांनी व्यक्त केली.

मराठी भाषा संवर्धन पंधरवड्यानिमित्त महाराष्ट्र साहित्य परिषद पिंपरी चिंचवड शाखा व महाराष्ट्र राज्य साहित्य व संस्कृती मंडळ यांच्या संयुक्त विद्यमाने आयोजित केलेल्या कथाकथनाच्या ऑनलाईन कार्यक्रमात प्रमुख पाहुणे म्हणून रविंद्र बेडकिहाळ बोलत होते. प्रसिद्ध कवी प्रा.संजय पवार यावेळी विशेष अतिथी म्हणून उपस्थित होते.

‘‘मराठी भाषा व्याकरणाने शुद्ध, अतिशुद्ध, प्रमाण या वादात न पडता बोली भाषेचे अस्सल गावरानपणसुद्धा स्वीकारले पाहिजे. कारण बोली मराठी भाषासुद्धा समृद्ध आहे. म्हणून त्यासह नव्याने मराठी भाषा शब्दकोष तयार केला पाहिजे’’, अशी अपेक्षा व्यक्त करुन बेडकिहाळ पुढे म्हणाले, ‘‘आपल्या देशात जगातल्या इतर देशांच्या वकिलाती आहेत. त्यांच्याशी समन्वय साधून त्यांच्यामार्फत उत्कृष्ट मराठी ग्रंथांची भाषांतरे त्यात्या देशात गेली पाहिजेत व त्या त्या देशांचे साहित्य मराठीत आणता येईल अशी व्यवस्था झाली तर मराठी भाषा, साहित्य व संस्कृती यांची जागतिकीकरणाच्या पार्श्‍वभूमीवर जागतिक देवाण घेवाण होईल. विविध देशांशी आपल्या असलेल्या सांस्कृतिक देवाण घेवाण कार्यक्रमांतर्गत हा प्रकल्प यशस्वी करण्यासाठी राज्य शासनाच्या भाषा विभागाने पाठपुरावा केला पाहिजे व राज्यशासनाच्या अर्थसंकल्पात यासाठी तरतूद केली पाहिजे’’, अशी मागणी बेडकिहाळ यांनी केली.

पिंपरी चिंचवड मसाप शाखेचे अध्यक्ष प्रसिद्ध गीतकार राजन लाखे यांनी उपस्थितांचे स्वागत करुन प्रास्ताविक केले व शाखेच्या दोन वर्षाच्या कोरोना काळातील साहित्यिक उपक्रमांची सविस्तर माहिती दिली. यावेळी प्रसिद्ध कथाकथनकार बबन पोतदार, निलीमा बोरवणकर, डॉ.राजेंद्र माने, विनिता  ऐनापुरे यांनी आपल्या भावपूर्ण कथा सादर करुन या कार्यक्रमाची उंची वाढविली. रजनी सेठ यांनी सूत्रसंचालन केले. कार्यक्रम यशस्वी करण्यासाठी मसाप शाखेच्या कार्याध्यक्ष विनिता ऐनापुरे, कार्यवाह संजय जगताप व कार्यकारी मंडळ सदस्यांनी विशेष परिश्रम घेतले. 

पुणे-आठवडाभरापासून सोशल मीडियावर येथील बालेवाडीतून अपहरण करण्यात आलेल्या स्वर्णव चव्हाण या चार वर्षाच्या मुलाच्या शोधमोहीमेसाठीची पोस्ट चांगलीच व्हायरल झाली होती. डॉ. सतिश चव्हाण यांच्या मुलाचे अपहरण झाल्यानंतर पुणे पोलिसांना आरोपीचा शोध घेणे खूप कठीण होऊन बसले होते. परंतू 8 दिवसांनी लहानग्या स्वर्णवचा (डुग्गुचा) शोध घेण्यात पुणे पोलिसांना यश आले आहे.

पुण्याचे पोलिस आयुक्त अमिताभ गुप्ता यांनी या वृत्ताला दुजोरा दिला आहे. तसेच सह पोलिस आयुक्त डॉ. रविंद्र शिसवे यांनी याबाबत सविस्तर माहिती दिली आहे.11 जानेवारीला त्याचे बालेवाडीतून अपहरण झाले होते. पुणे पोलिसांची मोठी फौज या मुलाला शोधत होती. त्याच्या शोधावेळी अत्यंत गुप्तता पाळून हा तपास सुरू होता. जवळपास 300 ते साडेतीनशेच्या वर पोलिस कर्मचारी व अधिकारी या मुलांचा शोध घेत होते. अखेर आज वाकड जवळील पुनावळे येथे पोलिसांना त्याला शोधण्यात यश आले.

स्वर्णवचे अपहण कोणी का केले असेल याचा उलगडा मात्र अद्याप झालेला नाही. सीसीटीव्ही फुटेजमध्ये एक व्यक्ती स्वर्णवला दुचाकीवरुन घेऊन जाताना दिसत होता. परंतू डोक्यावर हेल्मेट असल्यामुळे आरोपीचा शोध घेणे पोलिसांना कठीण जात होते. डॉ. सतिश चव्हाण यांनीही सोशल मीडियावर अपहरणकर्त्या आरोपीला विनंती करत आपल्याजवळील जे काही आहे ते तुला देतो पण माझ्या मुलाला सोड अशी विनंती केली होती. अखेरीस पुणे पोलिसांच्या या शोधमोहीमेला यश आले आहे.दरम्यान, पोलिस या प्रकरणाचा अधिक तपास करत असून आरोपीचा शोध सुरु आहे.

पुण्यातील असंख्य आई वडिलांना डुग्गु सापडल्याची बातमी कळल्यावर भरभरून आनंद झाला आहे. त्यांना आपलाही मुलगा नेहमीच सुरक्षित राहील. असा विश्वास पुणे पोलिसांकडून मिळाला आहे. त्याबद्दल अनेकांनी सोशल मीडियाच्या माध्यमातून डुग्गुला शुभेच्छाही दिल्या आहेत.”आज त्यांना मुलगा मिळाला. त्यांना खूप आनंद झाला असून पुणे पोलिसांचे विशेष आभार नागरिकांनी मानले आहेत. तर अभिनंदन सहिसलामत मिळाला त्याबद्दल देवाचे आभार हि पोस्ट वाचून खुप आम्हाला आनंद झाला. तर मुलाच्या आईवडिलाना तर किती आनंद झाला असेल कल्पना करवत नाही. असेही ते म्हणाले आहेत.””देव कृपेने तो सुखरूप घरी आला त्याबद्दल आम्ही पोलिसांचे आभारी आहे. पण अपहरण कर्त्याच्या चुकीची पोलिस प्रशासनाने दखल घेऊन त्याला शिक्षा द्यावी अशी अपेक्षाही नागरिकांनी व्यक्त केली आहे.””आई वडिलांना एवढे दिवस काढले असतील? असा सवाल उपस्थित करत अनेक जण भावनिकही झाले आहेत. ती माऊली आता आपल्या लेकराला मन भरेपर्यंत कवटाळून मिठी मारेल. अशा प्रकारे नागरिकांनी भावना व्यक्त केल्या आहेत.”

स्वर्णव कसा सापडला?
लोटस पब्लिक स्कूलच्या जवळ एक इमारत आहे. तिथे स्वर्णवला अज्ञात व्यक्तीने सोडले आणि त्याच्या बॅगेत एक चिठ्ठी ठेवली होती. त्याच्या वडिलांचा नंबर होता. दरम्यान, तेथील वॉचमन दादाराव जाधव यांच्याकडे हा मुलगा सोडून ती व्यक्ती पसार झाल्यानंतर याच इमारतीमध्ये लिफ्टचं काम करणाऱ्यांनी या बॅगेत असलेल्या चिठ्ठीवरील नंबरवर व्हिडिओ कॉल करून मुलगा त्यांचा आहे का ही खात्री करून घेतली. त्यानंतर मुलाचे कुटुंबीय त्या ठिकाणी आल्याची माहिती वरिष्ठ पोलीस निरीक्षक डॉ. विवेक मुगळीकर यांनी दिली आहे. तत्काळ त्या ठिकाणी पिंपरी-चिंचवड पोलीस दाखल झाले असून ते पुढील तपास करत आहेत.

वॉचमनने सांगितलं नक्की काय घडलं.
“तो माणूस माझ्यासमोरुन पार्किंगमध्ये गेला. तिथून पुन्हा माझ्याकडे आला. थांबला. त्याने मला विचारलं जेवण झालं का? मी जेवणं झालं असंही त्याला सांगितलं,” अशी माहिती स्वर्णवला इमारतीमध्ये सोडणाऱ्या त्या व्यक्तीला पाहणाऱ्या वॉचमन दादाराव जाधव यांनी प्रसारमाध्यमांशी बोलताना दिली.
“मुलाला खुर्चीवर बसवलं आणि मला म्हणाला याचा दहा मिनिटं संभाळा मी आलोच. तो निघून गेला आणि नंतर आलाच नाही. मला त्याने कपडे कोणती घातली होती. त्याचा चेहरा कसा होता हे काहीच आठवत नाही. त्याचे फक्त डोळे दिसत होते. तोंडावर काहीतरी वेगळ्या प्रकारचा मास्क होता,” असं स्वर्णवला सोडणाऱ्या व्यक्तीबद्दल बोलताना जाधव यांनी सांगितलं. “ही व्यक्ती गाडीवर आलेली नव्हती. मग बराच वेळ तो आला नाही तेव्हा मी लिफ्टच्या काम करणाऱ्या कामगारांना त्याबद्दल सांगितलं,” असंही जाधव म्हणाले.

.अन् बॅगेत सापडला नंबर
“या बाबांपाशी (वॉचमनजवळ) तो व्यक्ती मुलाला सोडून गेला. मी दहा मिनिटांमध्ये आलो सांगून तो निघून गेला. बराच वेळ तो माणूस आला नाही. तो मुलगा रडू लागला. बाबांनी आम्हाला येऊन सांगितलं. आम्ही बाहेर येऊन थोडा वेळ वाट पाहिली पण तो माणूस काही आला नाही. अखेर आम्ही त्या मुलाची बॅग तपासली तर बॅगेत एक नंबर सापडला. त्यावर फोन केला तर तो डॉक्टरांना लागला. त्यांनी व्हिडीओ कॉल करण्यास सांगितलं असता मी व्हिडीओ कॉल करुन त्यांना त्यांचा मुलगा दाखवला व्हिडीओ कॉलवर,” असं लिफ्टचं काम करणाऱ्यांनी सांगितलं.

व्हिडीओ कॉल, लोकेशन अन् पोलीस.
“फोन सुरुच ठेवा मी आलोच, असं डॉक्टर व्हिडीओ कॉलवर म्हणाले. त्यांनी नक्की लोकेशन कुठे आहे असं विचारलं असता आम्ही पुनावळेमध्ये पाण्याच्या टाक्या आहेत तिथे समोरच इमारत आहे, असं लोकेशन सांगितलं. त्यानंतर त्यांनी लाइव्ह लोकेशन मागितलं. आम्ही त्यांना फोनवरुन लोकेश पाठवलं. नंतर लगेच डीएसपी आणि इतर पोलीस अधिकाऱ्यांचे फोन आले त्यांनीही लोकेशन मागवलं. आम्ही त्यांनाही लोकेशन पाठवलं. त्यानंतर १० ते १५ मिनिटांमध्ये त्या मुलाचे वडील आले, पोलीसही आले. नंतर अर्ध्या तासाने त्याची आई आली,” असं या मुलाला त्याच्या पालाकांच्या स्वाधीन करण्यासाठी वॉचमनला मदत करणाऱ्या लिफ्ट काम करणाऱ्यांनी सांगितलं.

मेट्रो आणि महापालिका यांचा या योजनेतील प्रत्यक्षातील सहभागामध्ये दडलंय काय ?

पुणे- ‘सायकल चालवा ,प्रदूषण घालवा ‘ असा नारा देत महापालिकेच्या सभागृहात आलेले नगरसेवक आठवा … तब्बल सुमारे साडेतीनशे कोटीची राख रांगोळी सायकल योजनेवर केल्यावर आता पुन्हा एकदा मेट्रो ला गाठण्यासाठी सायकलींचा घाट घालण्याची हौस भागविण्यात येणार आहे. या पूर्वी आणलेल्या सायकली ,उभारलेले सायकल मार्ग यांनी पुणेकरांच्या वाहतूक समस्येत भरच घातली होती आणि कुणाचे तरी चांगभले केले होते हे स्पष्ट असतानाही आता मेट्रोच्या प्रवाशांना घरापासून स्थानकापर्यंत पोचण्यासाठी महामेट्रोने मायबाईकच्या माध्यमातून भाडेतत्त्वावर सायकली उपलब्ध करून दिल्या असून त्या शहरात पोचल्याचे वृत्त आहे. मेट्रोच्या उदघाटनाच्या दिवसापासून त्या पुणेकरांना उपलब्ध होणार आहेत.वनाज- रामवाडी मार्गावर पहिल्या टप्प्यात मेट्रो वनाज, आनंदनगर, आयडीयल कॉलनी, नळस्टॉप आणि गरवारे कॉलेज दरम्यान धावणार आहे. तसेच पिंपरी चिंचवडमध्ये पिंपरी ते फुगेवाडी दरम्यानच्या मार्गावर मेट्रो कार्यान्वित होणार आहे असे सांगितले जाते आहे.दोन्ही शहरांतील ३१ मेट्रो स्थानकांवर या सायकली उपलब्ध होणार आहेत. मात्र यासाठी महापालिका नेमके काही खर्च करणार आहे काय ? काही जागा देणार आहे काय ? किंवा अन्य खाजगी वाहनांची कोंडी करण्याचा डाव यातून रचला जातोय काय ? असे प्रश्न पुढे येत आहेत .

सायकलींचे भाडे

• दरमहा सुमारे ६०० रुपये
• वन टाईम युज – किमान २० रुपये १० तासांसाठी
• १० तासांपुढे प्रत्येक तासाला भाडे २ रूपये

प्रवाशांना घरापासून मेट्रो स्थानकापर्यंत जाण्याठी मायबाईकतर्फे सायकली भाडेतत्त्वावर उपलब्ध होणार आहेत. त्याचे महिन्यांचे भाडे ६०० ते ७०० रुपये असू शकेल. प्रवाशाने दरमहा तत्त्वावर ही सायकल घेतल्यास तो घरीही घेऊन जावू शकेल. घरापासून मेट्रो स्थानकावर पोचल्यावर तेथे सायकल स्टॅंडवर सोडायची. मेट्रोतून पुढे प्रवास करायचा. त्या स्थानकावर उतरल्यावर तेथील सायकल घ्यायची आणि पुढे प्रवाशाने इच्छितस्थळी जायचे, अशा प्रकारची ही योजना आहे.मायबाईकच्या ॲपवरून प्रवाशांना ही सायकल लॉक, अनलॉक्ड करता येईल. तसेच सायकलच्या भाड्याची रक्कमही ॲपवरून रिचार्ज करता येईल. त्यासाठी प्रवाशांना ॲपचा वापर करावा लागेल. या सायकलला जीपीएस सिस्टीम असेल. तसेच ॲपद्वारेच तिचा वापर करता येईल. सायकल भाडेतत्त्वावर न घेताही ॲपच्या माध्यमातून प्रवाशांना या सायकलचा वापर करणे शक्य होणार आहे. मेट्रोच्या उदघाटनाच्या दिवसापासून या सायकली प्रवाशांना उपलब्ध होतील असेही सांगितले जातेय .

फ्लॅशबॅक

पुणे शहरांमध्ये लोकांचा सायकलिंग, सार्वजनिक वाहतूक आणि रस्त्यांवरुन चालण्याचा अनुभव सुरक्षित, सोयीस्कर आणि आरामदायक असायला हवा. शहराच्या वाहतूक यंत्रणेत परिवर्तन घडवून आणण्यासाठी पुणे महानगरपालिकेने 2016 मध्ये ‘पुणे सायकल प्लॅन’ तयार केला होता . महापालिकेच्या या उपक्रमाला शहरी विकास मंत्रालय आणि केंद्र सरकारने समर्थन दिले होते . 

या सायकल प्लॅनची ४ प्रमुख उद्दिष्टे सांगितली होती ती पुढीलप्रमाणे

• पुणे सायकल प्लॅनअंतर्गत शहरात ३०० किलोमीटरचा सायकल ट्रॅक तयार करण्याची योजना
• या ट्रॅकची रुंदी, लांबी, जंक्शन इत्यादी बाबींचा तसेच इतर आणखी संबंधित गोष्टींचा समावेश असणारी व्यापक मार्गदर्शक तत्त्वे तयार करणे
• सायकल शेअरिंगसाठी सार्वजनिक यंत्रणा निर्माण करणे, पहिल्या टप्प्यात 3000 सायकल, 250 स्थानके आणि 40 विभागांचा समावेश
• अतिक्रमण रोखण्यासाठी ट्रॅकची रचना, सायकल वॉर्डन, सीसीटीव्ही आणि ई-चलन्ससह अंमलबजावणीची योजना
• On 14 December 2017, the PMC General Body approved the Comprehensive Bicycle Plan for Pune. The Cycle Plan has been prepared with support from the Ministry of Housing and Urban Affairs, Govt of India.
• असे सांगितले जाते या योजने साठी सुमारे साडेतीनशे कोटी खर्च करण्यात आले. मात्र प्रशासनाकडून आयुक्त दर्जाच्या अधिकाऱ्यांनी आजवर यावरील कोणतीही माहिती प्रकाशित केली नाही .

पुणे-महापालिकेत स्थायी समिती मार्फत दरवर्षी होण अखेरीस होणारी वर्गीकरणे हि संशयाच्या भोवऱ्यात असतातच पण यंदा महापालिकेच्या निवडणुकीच्या तोंडावर या वर्गीकरणाचे कट आखले जात असल्याचे आरोप होत असून माहिती असूनही महापालिका आयुक्त देखील यास साथ देत असल्याचा संशय व्यक्त होतो आहे . वर्गीकरणासाठी प्रशासन आणि राजकीय पक्ष ‘हम साथ साथ ही ची भूमिका राबवीत आल्याचे दिसते आहे तर आपापल्या प्रभागात ‘साध्या साध्या ‘ कामासाठी वर्गीकरणाचे आग्रह नेत्यांना पत्करावे लागत आहेत . स्थायी समितीच्या बैठकातून हे वर्गीकरणाचे प्रस्ताव मुख्य सभेकडे पाठविण्यात येतात आणि आता अॉनलाइन मुख्य सभांतून ते चर्चेविना सहज संमत होणार आहेत .

कालच्या स्थायी समिती बैठकीत कर्वे रस्त्यावरील उड्डाणपुलाचे ९ कोटी रुपये जी तरतूद करण्यात आली होती त्यातील ३ कोटी रुपये वळविण्यात आलेत .महापौर मोहोळ यांच्या प्रभागात करिष्मा चौक ते कर्वे पुतळा असा हा उड्डाण पुल प्रस्तावित असताना आता हि रक्कम खर्ची पडणार नसल्याचे कारण देऊन प्रभागातील स्वच्छतागृहे दुरुस्त करणे ,विद्युत विषयक कामे करणे, थर्मो प्लास्टिक चे पत्ते मारणे अशा १८ प्रकारच्या कामांचा उल्लेख करत हा निधी वळविला आहे. तर आमदार मुक्ता तिलक यांच्या प्रभागात सरस बाग ते अप्पा बळवंत चौक असा उड्डाणपूल बांधण्यासाठी १ कोटी ची तरतूद होती तीही खर्ची पडणार नसल्याने रस्त्यांवरील खड्डे बुजविण्यासाठी वळविण्यात आली आहे.

हि वर्गीकरणे मोठी गंमतीदार आहेत . महापौरांच्या वॉर्डात उड्डाण पुलाला तरतूद केलेले ९ कोटी रुपये खर्ची पडणार नसल्याचे चक्क जानेवारीच्या मध्यावर लक्षात येणे आणि ती रक्कम १८ प्रकारच्या साध्या साध्या कामांवर वळविणे हा विषय चर्चेच्या घेर्यात सापडू शकणारा आहे . मार्च पूर्वी आता हि रक्कम खर्च होणार आहे म्हणजे १८ प्रकारची कामे पूर्ण करून ३ कोटी खर्च करून टाकले जाणार आहेत . यात प्रश्न असा निर्माण होतो कि, २ वर्षे बजेट केलेल्या माननीयांनी या १८ प्रकारच्या साध्या साध्या कामांसाठी यंदा बजेट करताना तरतूद केलेली नव्हती काय ?आमदार सध्या आमदार असलेल्या माजी महापौर आणि विद्यमान नगरसेवकांच्या वार्डातील सारसबाग ते अप्पा बळवंत चौक उड्डाणपुलासाठी केलेली १ कोटीची तरतूद वर्षभरात का खर्च होऊ शकली नाही ? आणि खड्डे बुजविण्यासाठी त्यांनी यंदाच्या बजेट मध्ये तरतूद करवून घेतली नव्हती काय ?

या सर्व पार्श्वभूमीवर वर्गीकरणातून नेमकी कोणकोणती कामे होत आहेत यावर लक्ष कोण ठेवणार ? खरेच हि कामे होतात काय ? कि केवळ कागदोपत्री कामे झाल्याचे दाखवून त्यांची बिले काढली जातात ? या प्रश्नांचा भडीमार आता होऊ शकतो . पण प्रशासन आणि लोकप्रतिनिधी यांचीच हातमिळवणी झाल्याने व्न्नन्न्वार्गीकार्नाचे विषय संशायाच्याच भोवर्यात अडकत आले आहेत . त्यात आता यंदा निवडणुकांना सामोरे जायचे आहे.