पुणे – मुळा-मुठा नदी पुनरूज्जीवन प्रकल्पाला स्थगिती देण्याचा निर्णय घेऊन राष्ट्रवादी काँग्रेसने पुन्हा एकदा पुण्याच्या विकासात पाय आडवा घालण्याचे काम केलेले आहे. खासदार शरद पवार यांच्या उपस्थितीत मुंबईत झालेल्या बैठकीत या प्रकल्पाला स्थगिती देत राज्य सरकारनेही पुण्याच्या विकासाबाबतची उदासिनता कृतीतून दाखवून दिलेली आहे.

पंतप्रधान नरेंद्र मोदी यांनी गेल्या आठवड्यात मेट्रो प्रकल्पाच्या पहिल्या टप्प्यातील मेट्रो सेवेला हिरवा कंदिल दाखविला.केवळ पाच वर्षांत भूमीपूजन ते उद्घाटन हा वेग भारतीय जनता पार्टीच्या कार्यक्षमतेचे उदाहरणच होते. शहरांच्या विकासाचे प्रकल्प भाजपा प्रभावीपणाने आणि वेळेत पूर्ण करतो, हा विश्वास पुणेकरांच्या मनात निर्माण करणारी ही घटना होती. नदी पुनरूज्जीवन प्रकल्पाचे भूमीपूजन करून तोही वेळेत पूर्ण होणार, हे लक्षात आल्यानंतर त्याला अपशकून करण्याचे सूतोवाच गेल्याच आठवड्यात खासदार शरद पवार यांनी केले होते.

काल झालेल्या बैठकीत या प्रकल्पाला स्थगिती देण्याचा निर्णय गुणात्मक नसून राजकीय आहे. नदी पुनरूज्जीवन प्रकल्प किती संवेदनशील आहे, याची भारतीय जनता पार्टीस पूर्ण कल्पना आहे. हा प्रकल्प भाजपाच्या कल्पनाभरारीतून आलेला नाही तर पूर्ण अभ्यासांती होतो आहे. हा नदी सुशोभीकरणाचा प्रकल्प असल्याची आवई उठवून त्याला विरोध करण्याचा पवार यांचा प्रयत्न त्यांना शोभणारा नाही.

नद्या आणि पाणी या संदर्भात शिखर संस्था असलेल्या सीडब्लूपीआरएसने जलसंपदा खात्याच्या शिफारसीनुसार या प्रकल्पाच्या हायड्रॉलॉजी आणि हायड्रॉलिक्स अभ्यासास डिसेंबर २०१७ मध्ये मान्यता दिलेली आहे. जवळपास पाच वर्षांच्या पूर्वाभ्यासानंतर या प्रकल्पाचे प्रत्यक्ष काम सुरू करण्याचा निर्णय घेण्यात आला. या पाच वर्षांच्या कालावधीत जलसंपदा खाते, सीडब्लूपीआरएस, लोकप्रतिनिधी, विविध पर्यावरणविषयक संस्थांचे प्रतिनिधी, माध्यमकर्मी, या प्रकल्पाशी निगडित असलेल्या नागरिकांशी संवाद केला गेला आहे. राष्ट्रीय हरित लवादात या प्रकल्पासंदर्भात आलेल्या सर्व रास्त मुद्द्यांचे निराकरण झाल्यावरच या प्रकल्पाच्या निविदा निघाल्या.

नदीत सांडपाण्याचा व दूषित पाण्याचा एक थेंबही जाणार नाही, यासाठी ११ मैलापाणी शुद्धीकरण प्रकल्प उभारण्याचा निर्णय घेण्यात आलेला आहे. महापालिकेकडे असलेले मर्यादित आर्थिक स्रोत लक्षात घेउन मोदी सरकारने जायकाकडून ९९० कोटींचे कर्ज घेऊन त्यातील ८४१ कोटी रुपये अनुदानस्वरूपात महापालिकेला देण्याचा निर्णय घेतलेला आहे.

शरद पवार साहेब पुण्याचा विकास तुम्ही करू शकता, असा भ्रम तुम्ही गेली पन्नास वर्षे पुणेकरांच्यात जोपासलात. परंतु तुमच्या दुर्देवाने पुण्यात, राज्यात आणि केंद्रात भाजपा सरकार आल्यावर पुणेकरांना विकास वेगाने होऊ शकतो आणि वेळेत होऊ शकतो, याचे प्रत्यंतर आले. २०१२ च्या पुणे महापालिकेच्या निवडणुकीत तुमच्या पक्षाने प्रकाशित केलेल्या जाहिरनाम्यात ‘नदीसुधार योजना राबवविणार,’ असे आश्वासन दिलेले होते. त्या कारकिर्दीत तुमच्या पक्षाची निर्विवाद सत्ता होती. परंतु त्या पाच वर्षांत आपल्याकडून त्याबाबत कोणतेही पाऊल पुढे पडले नाही. त्यानंतर २०१७च्या राष्ट्रवादी काँग्रेसच्या जाहीरनाम्यात पुन्हा नदीसुधार योजनेअंतर्गत काय काम करणार, याचा उल्लेख केलेला आहे.

पवारसाहेब, पुण्याच्या नदीची झालेली ओंगळवाणी अवस्था आम्हाला पाहवत नव्हती म्हणूनच या नदीचे पुनरूज्जीवन करण्यासाठी आम्ही कंबर कसली. केंद्र सरकार आणि राज्याचे तत्कालीन मुख्यमंत्री देवेंद्र फडणवीस यांच्या नेतृत्वाखालील सरकारने मदतीचा हात पुढे केला. त्याचाच परिणाम म्हणून पुण्यात भारतीय जनता पार्टीला गेल्या पाच वर्षांत या प्रकल्पाचा सर्वांगाने अभ्यास करता आला. आणि त्यानंतच या प्रकल्पाचे भूमीपूजन झाले आहे.पुण्याचा विकास आपल्या सहभागाशिवाय कसा होऊ शकतो, या अहंकारापोटी आपण नदी पुनरूज्जीवन प्रकल्प रेंगाळण्याचा निर्णय घेतला असेल तर ते आपणास शोभा देणारे नाही. पुण्याच्या पर्यावरणात, आरोग्यात, सौंदर्यात आणि अर्थकारणात भर घालणारा हा प्रकल्प पूर्ण होण्यासाठी मन मोठे करा असे चंद्रकांत पाटील म्हणाले.

पुणे,दि.१२: लोक अदालतीच्या माध्यमातून प्रकरणे निकाली काढण्यात पुणे जिल्हा अग्रेसर असून सामंजस्याने वाद मिटविण्यासाठी लोक अदालत अत्यंत महत्त्वाची ठरते, जिल्ह्यात लोक अदालतीच्या माध्यमातून अधिकाधिक प्रकरणे निकाली निघतील, असा विश्वास प्रमुख जिल्हा व सत्र न्यायधीश तथा विधी सेवा प्राधिकरण पुणेचे अध्यक्ष संजय देशमुख यांनी व्यक्त केला.

जिल्हा व सत्र न्यायालयात आज राष्ट्रीय विधी सेवा प्राधिकरण व महाराष्ट्र राज्य विधी सेवा प्राधिकरणाच्या सूचनेनुसार आयोजित राष्ट्रीय लोक अदालतीच्या उदघाटन प्रसंगी ते बोलत होते. यावेळी जिल्हा न्यायधीश एस.एस.गोसावी, जिल्हा न्यायधीश के.पी.नांदेडकर,
न्यायधीश श्री. वेदपाठक, विधी सेवा प्राधिकरणाचे सचिव तथा दिवाणी न्यायाधीश वरिष्ठ स्तर प्रताप सावंत, जिल्हा सरकारी वकील एन.डी.पाटील, पुणे वकील बार आसोसियशनचे अध्यक्ष ॲड. पांडुरंग थोरवे आदी उपस्थित होते.

श्री. देशमुख म्हणाले, लोक अदालतीमध्ये तडजोडीसाठी संवाद अत्यंत महत्त्वाचा आहे. मतभेद असू शकतात पण मनभेद नसावेत. भविष्याचा विचार करून कोर्टात वेळ व पैसा न घालवता वाद सामंजस्याने मिटवावे असा सल्ला त्यांनी दिला. तसेच लोक अदालतीच्या माध्यमातून प्रकरणे निकाली काढण्यात पुणे जिल्हा आपले अग्रेसर स्थान कायम ठेवेल, असेही ते म्हणाले.

श्री.नांदेडकर म्हणाले, लोक अदालतीच्या माध्यमातून प्रकरणांचा निपटारा गतीने करू शकल्यामुळे लोक अदालतीला मोठा प्रतिसाद मिळतो आहे. गतवर्षी लोक अदालतीमध्ये पुणे जिल्ह्याने देशात यश मिळवले. आजच्या लोक अदालतीच्या यशाचीही नोंद होईल. आजच्या लोक अदालतीच्या माध्यमातून अधिकाधिक प्रकरणे निकाली कसे निघतील यासाठी प्रयत्न करावे असे आवाहनही त्यांनी केले.

श्री. सावंत म्हणाले, लोक अदालतीमध्ये पुणे येथील ५० हजारापेक्षा जास्त प्रलंबित प्रकरणे, दाखलपूर्व २ लाखापेक्षा अधिक, ई-चलन ११ लाखापेक्षा अधिक प्रकरणे तडजोडीसाठी ठेवण्यात आली आहेत. लोक अदालतीच्या माध्यमातून प्रकरणे निकाली काढण्यासाठी पुण्यात ६० पॅनल उपलब्ध असल्याची माहिती त्यांनी दिली. तसेच ७ ते ११ मार्च या कालावधीत छोट्या गुन्ह्यातील १७ हजारापेक्षा अधिक प्रकरणे निकाली काढण्यात आली आहेत. राज्यात पहिल्या क्रमांकावर असलेल्या पुणे जिल्हा लोक अदालतीची दखल जागतिक बँकेने व राष्ट्रीय विधी सेवा प्राधिकरणाने घेतली असून याबाबत एकत्रित अभ्यास करून डाटा संकलनाचे काम सुरू आहे. विधी महाविद्यालयाचे विद्यार्थी याबाबतचे काम करत असल्याचे त्यांनी सांगितले.

यावेळी न्यायाधीश, वकील, विधी महाविद्यालयाचे विद्यार्थी उपस्थित होते.

पुणे ता १२:कर्मचारी भविष्य निर्वाह निधी संघटन क्षेत्रीय कार्यालय पुणे यांनी भारतीय स्वातंत्र्याच्या अमृत महोत्सवी वर्षाचे (आजादी का अमृत महोत्सव) औचित्य साधून कर्मचारी भविष्य निधी कायद्याअंतर्गत “कौटुंबिक लाभ वितरण” कार्यक्रमाचे आज आयोजन केले होते. खासदार गिरीश बापट यांच्या हस्ते यामध्ये जवळपास १२० मृत व्यक्तींच्या वारसदारांना कर्मचारी पेन्शन योजना रु.३ कोटी ४३ लक्ष, इन्शुरन्स लाभ रु. ४ कोटी ०६ लक्ष (एकूण रु.७ कोटी ४९ लक्ष) व पेन्शनचा लाभ देण्यात आला. कोरोना काळात मृत्यु झालेल्या व्यक्तींच्या कुटुंबीयांना लाभ मिळवून देणेसाठी पुणे क्षेत्रीय कार्यालयाने ७ दिवसाची विशेष मोहीम हाती घेवून १२० प्रकरणाचा निपटारा केला. सदर योजनेचा लाभ मृत व्यक्तीच्या कुटुंबियांना देण्यासाठी प्रयत्न केले. यावेळी क्षेत्रीय भविष्य निधी आयुक्त-१ अमित वशिष्ठ, नगरसेवक धनराज घोगरे, उमेश गायकवाड, नगरसेविका कालिंदा पुंडे, महेश पुंडे, आयुक्त अरुण कुमार, आयुक्त सौरभ सुमन प्रसाद, आयुक्त निखीलचंद्र झोडे, आयुक्त सत्वतसिंग शिवूरकर, आयुक्त सुरज पाटील व इतर मान्यवर उपस्थित होते.कर्मचारी भविष्य निर्वाह निधी संघटना (EPFO) कर्मचारी भविष्य निर्वाह निधी आणि विविध व्यवस्थांचे व्यवस्थापन करते. तरतुदी कायदा, 1952. भविष्य निर्वाह निधी, निवृत्तीवेतन आणि विमा लाभांच्या रूपात सामाजिक सुरक्षा लाभ कामगार वर्गाला प्रदान करणे हे त्याचे प्राथमिक उद्दिष्ट आहे. EPFO, जी सरकारच्या श्रम आणि रोजगार मंत्रालयाची वैधानिक संस्था आहे. भारताचे, EPF आणि MP कायदा 1952 च्या तरतुदींची अंमलबजावणी करणे, ट्रस्टमध्ये ठेवलेल्या पैशांचे व्यवस्थापन, कव्हर केलेल्या आस्थापनांमधून वसुली, निधीच्या सदस्यांना समाधानकारक सेवा प्रदान करणे आणि निवृत्तीवेतन वितरित करणे आणि मृत्यूशी संबंधित फायद्यांसह इतर लाभांची व्यापकपणे कार्ये पात्र दावेदार.
प्रादेशिक कार्यालय, पुणे (कॅन्ट.)
EPFO, प्रादेशिक कार्यालय, पुणे कॅन्टोन्मेंट सामाजिक सुरक्षा सेवांचा विस्तार सुमारे कार्यालयाच्या अखत्यारीत येणाऱ्या 10229 आस्थापनांमध्ये 11.42 लाख ग्राहक आहेत. भोर, पुरंदर, बारामती, शिरूर, दौंड तालुक्यांसह पुणे शहर आणि आसपासच्या आस्थापनांवर या कार्यालयाचे कार्यक्षेत्र आहे. आणि या आस्थापनांमध्ये असलेल्या ग्राहकांना सेवा प्रदान करते. दिनांक 12 मार्च 2022 रोजीच्या आझादी का अमृत महोत्सव (AKAM)
श्रम आणि रोजगार मंत्रालय (MoLE) 07 ते 14 मार्च 2022 या कालावधीत आपला आझादी का अमृत महोत्सव हा प्रतिष्ठित सप्ताह साजरा करत आहे. हे लक्षात घेऊन प्रादेशिक कार्यालय, पुणे (Cantt.) ने एका विशेष मोहिमेद्वारे मृत्यूशी संबंधित दाव्यांची प्रक्रिया केली आहे. कार्यालयातील प्रत्येक कर्मचाऱ्याला, लिपिकापासून ते आयुक्तांपर्यंत, मृत्यू प्रकरणाचा पाठपुरावा करून त्यावर तातडीची कार्यवाही करण्यासाठी नियुक्त केले होते. त्यानुसार, मिशन मोडवर एका आठवड्यात 118 मृत्यू प्रकरणांवर प्रक्रिया करण्यात आली. ज्यामध्ये कर्मचारी पेन्शन योजना, 1995 च्या मृत सदस्यांच्या पात्र कुटुंबातील सदस्यांना पेन्शन पेमेंट ऑर्डर (PPOs) वितरित करणार आहे.

     पुणे- शहर जिल्हा काँग्रेस कमिटीच्या वतीने लोकनेते, महाराष्ट्राचे शिल्पकार स्व. यशवंतराव चव्‍हाण यांच्या जयंती निमित्त आज काँग्रेस भवन येथे त्यांच्या प्रतिमेस व पुतळ्यास माजी आमदार व ज्येष्ठ काँग्रेस नेते उल्हास पवार व पुणे शहर जिल्हा काँग्रेस कमिटीचे अध्यक्ष रमेश बागवे यांच्या हस्ते पुष्पहार अर्पण करून अभिवादन करण्यात आले.

      ‘‘संघटनेतील कार्यकर्त्यांनी स्नेहाचे जाळे विनावे, माणसे सांभाळावी आणि माणसे वाढवावीत’’ पुण्यातील काँग्रेस भवन येथे स्वर्गीय यशवंतरावजी चव्हाण यांच्या पुतळ्याखाली लिहिलेले हे शब्द कायमच काँग्रेसच्या प्रत्येक कार्यकर्त्याला प्रेरणा देणारे आणि त्यांची ऊर्जा वाढविणारे राहणार आहेत. असे विचार आज पुण्यातील काँग्रेस भवन मध्ये यशवंतरावजी चव्हाण यांच्या जयंतीनिमित्त आयोजित कार्यक्रमात पुणे शहर जिल्हा काँग्रेस कमिटी अध्यक्ष रमेश बागवे यांनी मांडले.

     ‘‘महाराष्ट्राचे शिल्पकार म्हणून स्व. यशवंतराव चव्हाण यांनी जेवढं महाराष्ट्रासाठी विविध योजनांच्या माध्यमातून केले तेवढंच भरभरून प्रेम त्यांना जनतेने दिले. इथून पुढेही त्यांचा आदर्श घेऊन महाराष्ट्रासाठी कायम उभे राहण्याचा प्रयत्न महाराष्ट्रातील प्रत्येक कार्यकर्ता करत राहील’’ असे गौरवोद्गार माजी आमदार उल्हासदादा पवार यांनी काढले.

     कार्यक्रमाचे आभार माजी महापौर कमल व्यवहारे यांनी मांडले. या कार्यक्रमात माजी आमदार मोहन जोशी, बाळासाहेब शिवरकर, ॲड. अभय छाजेड, वीरेंद्र किराड, हाजी नदाफ, बाळासाहेब अमराळे, सुनिल शिंदे, सतिश पवार, शिलार रतनगिरी, रमेश सोनकांबळे, सुनिल घाडगे, राजू नाणेकर, अनुसया गायकवाड, नारायण पाटोळे, निलेश सांगळे, भगवान धुमाळ, दिलीप लोळगे, देविदास लोणकर, आशिष व्‍यवहारे, विठ्ठल गायकवाड, परवेज तांबोळी, सुरेश कांबळे तसेच पुण्यातील काँग्रेस पदाधिकारी आणि कार्यकर्ते उपस्थित होते.

लर्निग लिंक्स फाऊंडेशन व मास्टरकार्ड यांच्यातर्फे १०९० महिलांना उद्योजकता, आर्थिक-डिजिटल साक्षरता प्रशिक्षण
पुणे : “महिलांना संधी मिळाली, तर त्याचे त्या सोने करतात. सचोटी, प्रामाणिकता, कष्टाची तयारी यामुळे त्यांच्यात उद्योजिका होण्याची क्षमता असते. योग्य संधी आणि पाठिंबा मिळाला, तर महिला उद्योगातही यशस्वी होते. लर्निंग लिंक्स फाउंडेशन आणि मास्टरकार्ड यांच्या पुढाकारातून १२५ महिलांचे बिझनेस प्लॅन निवडण्यात आले, ही आनंदाची गोष्ट आहे,” असे मत राज्यसभा खासदार ऍड. वंदना चव्हाण यांनी व्यक्त केले.

‘महिला उद्योजकता व तंत्रज्ञान’ प्रकल्पांतर्गत पुणे जिल्ह्यातील १०९० महिलांना लर्निग लिंक्स फाऊंडेशन व मास्टरकार्ड यांच्यातर्फे आर्थिक साक्षरता, डिजिटल साक्षरता व मार्केटिंग, उद्योजकता व बिझनेस प्लॅन या विषयांचे प्रशिक्षण देण्यात आले. त्यातील १२५ महिलांच्या उद्योगांना मान्यता देण्यात आली. तर १२ महिलांना अनुदानाचा धनादेश सुपूर्त करण्यात आला. प्रसंगी ‘वी अँड टेक पुणे’ यात महिलांनी केलेल्या कामाची चित्रफीत दाखवण्यात आली.
बाणेर रस्त्यावरील यशदा येथे झालेल्या कार्यक्रमावेळी सिंहगड इन्स्टिट्युट ऑफ मॅनेजमेंटचे संचालक डॉ. डॅनीयल पेनकर, लर्निग लिंक फाउंडेशनचे व्यवस्थापकीय सल्लागार महम्मद अमीर अजीज, फाउंडेशनच्या लीड कन्सल्टंट स्वाती दुधाले आदी उपस्थित होते. वंदना चव्हाण यांच्या हस्ते हेमलता गायकवाड, उज्वला नांदे, सुजाता शिंदे, नीलम सोनवणे, कौसर सय्यद, उज्ज्वला दिखले, मनीषा कालेकर, रंजना उमाप, स्वाती ताम्हाणे, नेहा शिंदे, साक्षी, सानिया सय्यद अशा १२ महिलांना धनादेश व प्रमाणपत्र वितरित करण्यात आले.

वंदना चव्हाण म्हणाल्या, “तुम्ही सगळ्या महिला भाग्यवान आहेत. लर्निग लिंक्स फाऊंडेशनने तुम्हाला व्यासपीठ मिळवून दिले आहे. आपल्याला मिळालेल्या संधीचे सोने करणे आपल्या हातात आहे. कष्ट केल्याशिवाय काही मिळत नाही. त्यामुळे आज मिळालेल्या ५,००० रुपयांचे ५०,००० कसे होतील, यावर आपण काम केले पाहिजे. स्माईल फाउंडेशन तुमच्या मदतीसाठी तत्पर आहे. ध्येय निश्चित करून व्यवसाय वाढीसाठी प्रयत्न करा. हे करताना आरोग्याकडेही लक्ष द्या.”
डॉ. डॅनीअल पेनकर म्हणाले, “महिलांमध्ये अपरिमित शक्ती असते. अनेकदा पुरुषांना जमत नाही, तेही काम महिला करून दाखवतात. त्यांच्यातील क्षमता ओळखून त्यांना प्रोत्साहन द्यायला हवे. लर्निंग लिंक्स फाउंडेशनसारख्या संस्था महिलांना उभा करण्याचे काम करत आहेत. सकारात्मक विचार, निर्णयक्षमता असेल, तर तुम्हाला कोणीही थांबवू शकत नाही. ३६५ दिवस महिला दिन साजरा होईल, असे महिलांचे कर्तृत्व आहे.”
महम्मद अमीर अजीज म्हणाले, “लर्निग लिंक्स फाऊंडेशन ही २० वर्ष जुनी संस्था आहे. प्रत्येकाला नवीन काहीतरी शिकायला मिळावे हाच फॉउंडेशनचा उद्देश आहे. आज देशात केवळ १३ टक्के महिला उद्योगात आहेत. हे प्रमाण वाढवण्यासाठी महिला उद्योग प्रशिक्षण व अनुदान देण्याचा प्रयत्न आम्ही करत आहोत.”

कार्यक्रमाचे सूत्रसंचालन सुनीता धर्माराव यांनी केले. स्वाती दुधाले यांनी आभार मानले.