नवीदिल्ली- बालिकांच्या शिक्षणाचा टक्का वाढावा,उच्च शिक्षणासाठी त्यांना प्रोत्साहन मिळावे आणि पंतप्रधान नरेंद्र मोदी यांच्या ‘बेटी बचाओ,बेटी पढाओ’ या संकल्पनेच्या पुर्ततेसाठी दिल्लीतील मराठमोळे भाजप नेते आणि एम्पायर ट्रान्सपोर्टचे संचालक आनंद रेखी यांनी पुढाकार घेतला आहे.राष्ट्रीय राजधानी क्षेत्रातील नोएडात सार्वजनिक परिवहन व्यवस्थेत सुधारणा करण्यासाठी 200 वाताणुकूलित बसेस चालवून या बसेसमध्ये विद्यार्थीनींना नि:शुल्क प्रवास सुविधा उपलब्ध करवून देण्यात येईल,अशी माहिती शनिवारी रेखी यांनी दिली.
यासंबंधी नुकतीच त्यांनी उत्तर प्रदेशचे मुख्यमंत्री योगी आदित्यनाथ यांची भेट घेतली असून राज्य सरकार बस सेवेसंबंधी लवकरच सकारात्मक निर्णय घेईल,असा विश्वास व्यक्त केला.यूपीतील नोएडात अशाप्रकारचा पथदर्शी प्रकल्प राबवून त्याच्या यशस्वीतेवर इतरही शहरांमध्ये हा उपक्रम राबवता येईल,असे रेखी म्हणाले.

पंतप्रधान नरेंद्र मोदी आणि उत्तर प्रदेशचे मुख्यमंत्री योगी आदित्यनाथ यांच्या नेतृत्वात नवनवीन प्रकल्प, सुविधा देशहितार्थ सुरूवात केली जात आहे. याच अनुषंगाने सर्वसामान्यांसाठी अत्यंत माफक दरात नोएडात या वाताणुकूलित बस सेवा सुरू करण्यात येतील. या बसेसमध्ये विद्यार्थींनांना नि:शुल्क प्रवासाची सुविधा दिली जाईल,असे रेखी म्हणाले.
सर्वसामान्यांसाठी रेखी यांच्या कंपनीकडून यापूर्वी 55 बसेस नोएडात धावत होत्या.कोरोना काळात करण्यात आलेल्या टाळेबंदीदरम्यान याच बसेसच्या माध्यमातून सर्वसामान्यांच्या घरोघरी जेवण पोहचवण्याचे काम करण्यात आले होते. पंरतु, नोएडाच्या मुख्य कार्यकारी अधिकार्यांकडून ही परिवहन सेवा बंद केली आहे. ही बस सेवा पुर्ववत करण्यात आल्यास गोरबरीबांना त्याचा लाभ होवून त्यांच्या पैशांची बचत होईल,असे मत रेखींनी व्यक्त केले. सार्वजनिक परिवहन व्यवस्था बाधित होवू नये याकरीता ही सेवा सुरळीत सुरू राहणे आवश्यक असल्याचे ते म्हणाले.
यापूर्वी देखील नोएडावासियांसाठी अंतर्गत बस सेवा सुरू करण्यात आली होती.पंरतु, नोएडा मेट्रो रेल कॉर्पोरेशन एनएमआरसी कडून ही सेवा बंद करण्यात आली होती. नोएडात सार्वजनिक परिवहानाची प्रभावी व्यवस्था नसतांना बस सेवा बंद करण्यात आल्याने सर्वसामान्य प्रवाशांना त्याचा फटका बसतोय. गेल्या तीन वर्षात चांगल्या पद्धतीने परिवहन संचालन केल्याने अनेक राष्ट्रीय तसेच आंतरराष्ट्रीय पुरस्कार कंपनीला मिळाले आहेत.पंरतु, असे असतानाही ही सेवा बंद असल्याची खंत रेखी यांनी योगी आदित्यनाथ यांच्याकडे व्यक्त केली.

अतिरिक्त मुख्य सचिव डॉ. प्रदीप व्यास यांचे जिल्हाधिकारी, आयुक्त यांना पत्र

मुंबई दि. 4 : कोविड बाधित रुग्णांची गेले काही दिवसांत वाढत असलेली संख्या पाहता आरटीपीसीआर चाचण्यांची  संख्या आणि लसीकरणाचा वेग वाढविण्यासाठी विशेष प्रयत्न करावे, अशा सूचना सार्वजनिक आरोग्य विभागाचे अतिरिक्त मुख्य सचिव डॉ. प्रदीप व्यास यांनी राज्यातील सर्व जिल्हाधिकारी, महापालिका आयुक्त आणि जिल्हा परिषदेचे मुख्य कार्यकारी अधिकारी यांना दिल्या आहेत.

डॉ. व्यास यांनी याबाबत राज्यातील सर्व जिल्हाधिकारी, महापालिका आयुक्त आणि जिल्हा परिषदेचे मुख्य कार्यकारी अधिकारी यांना पत्र पाठवले आहे. या पत्रात त्यांनी सविस्तर सूचना दिल्या आहेत.

डॉ. व्यास यांनी नमूद केले आहे की, राज्यातील चाचण्यांची संख्या लक्षणीयरीत्या कमी झाली आहे.  एक जूनच्या माहितीनुसार राज्यातील सव्वीस जिल्ह्यातील चाचण्यांची संख्या जागतिक आरोग्य संघटनेच्या मानकापेक्षाही कमी झाली आहे. ही बाब तात्काळ सुधारणा करणे आवश्यक आहे. प्रति दहा लाख लोकसंख्येमागे एका आठवड्यात किमान 980 चाचण्या करणे आवश्यक आहे, असे जागतिक आरोग्य संघटनेने सांगितले आहे. एकूण चाचण्यांपैकी साठ टक्के चाचण्या आरटीपीसीआर असायला हव्यात. याबाबत दर आठवड्याला सर्व लॅबोरेटरी चालकांची बैठक घ्यावी. कोविड 19 पोर्टलवर माहिती भरली जावी. रॅपिड अँटीजेन टेस्ट मध्ये पॉझिटिव्ह आलेल्या रुग्णांची आरटीपीसीआर चाचणी केली जावी. ज्या लॅबोरेटरी मध्ये अतिशय कमी अथवा एकदम जास्त रुग्ण आढळत असतील तर त्यावर नजर ठेवली जावी.

राज्याच्या काही भागात कोविड विषाणूचे विविध व्हेरियंट आढळले होते. या पार्श्वभूमीवर नवीन पॉझिटिव्ह केसेस बाबत दर आठवड्याला विश्लेषण केले जावे. या आधारे स्थानिक पातळीवर  उपाययोजना करणे शक्य होईल. नवीन रुग्ण आणि पुन्हा बाधित होणारे रुग्ण याबाबत विश्लेषण केले जावे, असे श्री. व्यास यांनी नमूद केले आहे.

नजीकच्या काळात कोविड रुग्णांच्या संख्येत लक्षणीय वाढ होण्याची शक्यता गृहित धरून रुग्णालयातील पायाभूत सुविधा, कोविडसाठी तयार करण्यात आलेल्या सुविधा व्यवस्थित आहेत का याची पाहणी करावी. मनुष्यबळ, वाहतूक व्यवस्था, यंत्रसामग्री आदी सुस्थितीत आहेत याची खात्री करावी, असेही डॉ. व्यास यांनी पत्रात नमूद केले आहे.

ताप आणि सारीने आजारी असणारे रुग्णांवर लक्ष ठेवून राहावे. ताप अथवा घशात खवखव असणाऱ्या नागरिकांना चाचणी करुन घेण्यास सांगावे. सहव्याधी असणाऱ्या ज्येष्ठ नागरिकांना एसएमएसचा( सोशल डिस्टन्सिंग, मास्कचा वापर आणि सॅनिटायझेशन) वापर करण्यास सांगावे. कोविड अनुकूल वर्तन करण्यासाठी सर्व नागरिकांना आवाहन करण्यात यावे. ट्रेन, बस, चित्रपटगृह, कार्यालय, महाविद्यालय, दवाखाना आणि शाळांत मास्क वापरण्यास प्रवृत्त करावे, अशा सूचनाही त्यांनी केल्या आहेत.

बारा ते अठरा वयोगटातील लसीकरणाचा वेग आणखी वाढविण्यासाठी प्रयत्न करावा. त्याचबरोबर लसीकरण आणि संरक्षक लसीचा डोस घेण्यासाठी नागरिकांना उद्युक्त करावे, असे आवाहन त्यांनी केले आहे.

मुंबई, 4 जून 2022

देशाची 32 वर्षे गौरवशाली सेवा केल्यानंतर निशंक आणि अक्षय ही  भारतीय नौदलाची जहाजे काल सेवानिवृत्त झाली. मुंबईच्या नेव्हल डॉकयार्ड येथे पारंपरिक समारंभात त्यांना निरोप देण्यात आला. राष्ट्रीय ध्वज, नौदलाचे चिन्ह आणि दोनही जहाजांचे पेनंट सूर्यास्ताच्या वेळी खाली करण्यात आले.

कार्यक्रमासाठी प्रमुख पाहुणे, नौदल प्रमुख ॲडमिरल आर हरी कुमार  यांनी मानवंदना स्वीकारली

आयएनएस निशंक आणि आयएनएस अक्षयच्या कमांडिंग अधिकाऱ्यांसमवेत मेळाव्याला संबोधित केले

आयएनएस निशंक 12 सप्टेंबर 1989 रोजी कार्यान्वित झाली होती तर त्यानंतर एका वर्षानंतर 10 डिसेंबर 1990 रोजी आयएनएस अक्षय पोटी, जॉर्जिया येथे नौदलाच्या ताफ्यात दाखल झाली. आयएनएस निशंक आणि आयएनएस अक्षय ही जहाजे महाराष्ट्र नौदल क्षेत्राच्या फ्लॅग ऑफिसर कमांडिंगच्या ऑपरेशनल नियंत्रणाखाली अनुक्रमे 22 मिसाईल व्हेसल स्क्वाड्रन आणि 23 पॅट्रोल व्हेसल स्क्वाड्रनचा भाग होते.

दोन जहाजांवरचे नौदलाचे चिन्ह आणि डिकमिशनिंग पेनंट सूर्यास्ताच्या वेळी शेवटच्या वेळी खाली करण्यात आले आणि जतन करण्यासाठी सुपूर्द केले

दोन जहाजांवरचे नौदलाचे चिन्ह आणि डिकमिशनिंग पेनंट सूर्यास्ताच्या वेळी शेवटच्या वेळी खाली करण्यात आले आणि जतन करण्यासाठी सुपूर्द केले

दोन जहाजांवरचे नौदलाचे चिन्ह आणि डिकमिशनिंग पेनंट सूर्यास्ताच्या वेळी शेवटच्या वेळी खाली करण्यात आले आणि जतन करण्यासाठी सुपूर्द केले

दोन जहाजांवरचे नौदलाचे चिन्ह आणि डिकमिशनिंग पेनंट सूर्यास्ताच्या वेळी शेवटच्या वेळी खाली करण्यात आले आणि जतन करण्यासाठी सुपूर्द केले

दोन जहाजांवरचे नौदलाचे चिन्ह आणि डिकमिशनिंग पेनंट सूर्यास्ताच्या वेळी शेवटच्या वेळी खाली करण्यात आले आणि जतन करण्यासाठी सुपूर्द केले

ही जहाजे 32 वर्षांहून अधिक काळ नौदल सेवेत सक्रिय होती आणि त्यांच्या गौरवशाली प्रवासादरम्यान कारगिल युद्धादरम्यान ओपरेशन तलवार आणि 2001 मध्ये ऑपरेशन पराक्रम यासह अनेक नौदल मोहिमांमध्ये त्यांनी भाग घेतला.

आयएनएस निशंकच्या माजी कमांडिंग अधिकाऱ्यांचा ग्रुप फोटो

आयएनएस अक्षयच्या माजी कमांडिंग अधिकाऱ्यांचा ग्रुप फोटो

नौदल प्रमुख ॲडमिरल आर हरी कुमार हे या सोहळ्यासाठी प्रमुख पाहुणे होते. व्हाईस ॲडमिरल अजेंद्र बहादूर सिंग, फ्लॅग ऑफिसर कमांडिंग-इन-चीफ, वेस्टर्न नेव्हल कमांड आणि व्हाईस ॲडमिरल बिस्वजित दासगुप्ता, फ्लॅग ऑफिसर कमांडिंग-इन-चीफ ईस्टर्न नेव्हल कमांड या समारंभासाठी उपस्थित होते. आयएनएस अक्षय आणि आयएनएस निशंकचे पहिले कमांडिंग अधिकारी व्हाइस ॲडमिरल आरके पटनायक (निवृत्त) आणि व्हाईस ॲडमिरल एसपीएस चीमा (निवृत्त) या कार्यक्रमासाठी सन्माननीय पाहुणे होते.

आयएनएस निशंकची लहान प्रतिकृती अंतिम कमांडिंग ऑफिसर सीडीआर हिमांशू कपिल यांनी प्रथम कमांडिंग ऑफिसर व्हीएडीएम एसपीएस चीमा (सेवानिवृत्त) यांना नौदल प्रमुख ॲडमिरल आर हरी कुमार यांच्या उपस्थितीत सुपूर्द केली

नवी दिल्ली, 4 जून 2022

“पंतप्रधान नरेंद्र मोदी यांच्या नेतृत्वाखाली भारत जागतिक डिजिटल परिवर्तनाच्या बाबतीत आघाडीवर राहिला असून, भारताने विकास तसेच माहिती आणि दळणवळण तंत्रज्ञानाच्या वापराच्या बाबतीत उत्कृष्ट कामगिरी केली आहे,” केंद्रीय दळणवळण राज्यमंत्री देवुसिंह चौहान यांनी डब्ल्यूएसआयएस 2022 अर्थात या वर्षीच्या जागतिक माहिती संघटनेच्या शिखर परिषदेत सांगितले. स्वित्झर्लंडमध्ये जिनिव्हा येथे 31 मे ते 3 जून 2022 या कालावधीत पार पडलेल्या या शिखर परिषदेत सहभागी होण्यासाठी गेलेल्या भारतीय प्रतिनिधी मंडळाचे नेतृत्व देवुसिंह चौहान यांनी केले.

आयटीयू अर्थात आंतरराष्ट्रीय दूरसंचार संघ, संयुक्त राष्ट्रांची शैक्षणिक, युनेस्को अर्थात वैज्ञानिक आणि सांस्कृतिक संघटना, यूएनडीपी अर्थात संयुक्त राष्ट्रांचा विकासविषयक कार्यक्रम तसेच यूएनसीटीएडी अर्थात संयुक्त राष्ट्रांची व्यापार आणि विकास परिषद यांच्या सर्व डब्ल्यूइआयएस कृती वाहिनीचे सह-सुविधाकार तसेच संयुक्त राष्ट्रांच्या इतर संघटनांसोबत दृढ सहकारी संबंध प्रस्थापित करून संयुक्त विद्यमाने या डब्ल्यूएसआयएस शिखर परिषदेचे आयोजन करण्यात आले होते. 

भारत आयटीयू मंडळाच्या 2023 ते 2026 या कालावधीतील परिचालनासाठी पुन्हा निवडणूक लढवत आहे. भारत 1869 पासून या मंडळाचा सदस्य आहे आणि तेव्हापासून मंडळाचे कार्य, संघाचे उपक्रम यामध्ये अखंडितपणे भाग घेत असून जागतिक समुदायाच्या हितासाठी दूरसंचार तसेच माहिती आणि दळणवळण तंत्रज्ञान विभागाच्या वाढीसाठी तसेच विकासासाठी शक्य तितक्या अधिक प्रमाणात योगदान देत आहे.

आरआरबी अर्थात रेडीओ नियामक मंडळाच्या सदस्यत्वासाठीचा उमेदवार आणि आयटीयू मंडळाच्या सदस्यत्वासाठी पुन्हा निवडणूक लढविण्याच्या दृष्टीने आयोजित कार्यक्रमात बोलताना केंद्रीय राज्यमंत्री देवुसिंह चौहान म्हणाले की संपूर्ण विश्वाला एक संपर्कात असलेला समाज म्हणून स्थापित करण्यासाठी तसेच माहिती आणि दळणवळण तंत्रज्ञानविषयक संस्थांना वर्ष 2030पर्यंत पूर्ण करण्यासाठी निश्चित झालेली शाश्वत विकास ध्येये  गाठणे शक्य व्हावे म्हणून भारताने आयटीयूचे स्वप्न आणि संकल्पना स्वीकारल्या आहेत.

भारतातर्फे रेडीओ नियामक मंडळाच्या सदस्य म्हणून एम.रेवती यांच्या नावाचा प्रस्ताव सादर करताना केंद्रीय राज्यमंत्री म्हणाले की एम.रेवती यांनी समावेशक माहिती आणि दळणवळण तंत्रज्ञानविकासासाठी  व्यावसायिकतेतील विशेष प्राविण्य, नेतृत्व करण्याची क्षमता,  कालबद्ध पद्धतीने विहित कार्ये पूर्ण करण्याप्रती वचनबद्धता, पद्धतशीरपणे समस्या सोडविण्याची क्षमता तसेच नियम निश्चित करण्याची हातोटी या गुणांसह स्वतःला सिध्द केले आहे असे ते म्हणाले.

या कार्यक्रमादरम्यान केंद्रीय राज्यमंत्री चौहान “ब्रीजिंग द डिजिटल डिव्हाईड” या विषयावरील उच्चस्तरीय धोरणनिश्चिती सत्र, स्वास्थ्य, समावेश तसेच लवचिकता यासाठीची  माहिती आणि दळणवळण तंत्रज्ञान विषयक मंत्रीस्तरीय गोलमेज परिषद आणि कृत्रिम बुद्धीमत्ता तंत्रज्ञानावर आधारित उच्चस्तरीय संवाद यांसह अनेक कार्यक्रमांमध्ये सहभागी झाले.

डब्ल्यूएसआयएस2022च्या कार्यक्रमासोबतच, केंद्रीय दळणवळण राज्यमंत्री देवुसिंह चौहान यांनी विविध द्विपक्षीय बैठका घेतल्या तसेच, आयटीयूचे उपसचिव माल्कम जॉन्सन, इराणचे दळणवळण अनि माहिती तंत्रज्ञान मंत्री इस्सा झारेपोर, जपानचे धोरण समन्वयन उपमंत्री यूजी सासाकी, आयटीयूचे महासचिव हाओलीन झोऊ अशा विविध मान्यवर आणि तज्ञ व्यक्तींच्या भेटी घेतल्या.  

खेलो इंडिया युथ गेम्स हरियाणा 2022

पंचकुला (हरियाणा), ४ ः
बॅडमिंटनच्या मुलांच्या पहिल्या सामन्यात महाराष्ट्रालने विजय मिळविला. दर्शन पुजारी याने तामीळनाडूच्या थांगम कविन याचा दोन सेटमध्ये पराभव केला. उद्या त्याचा सामना उत्तराखंडच्या प्रणव शर्मासोबत होणार आहे.
ताऊ देवीलाल स्पोर्टस कॉम्प्लेक्समधील सुसज्ज बॅडमिंटन हॉलमध्ये हे सामने सुरू आहेत. स्पर्धेचा आज दुसरा दिवस होता.
दर्शन पुजारीने (मुंबई) सुरूवातीपासून आक्रमक खेळ केला. थांगम त्याचा अंदाज घेत होता. परंतु लगेच महाराष्ट्राच्या दर्शनने दोन गुण घेत चांगली सुरूवात केली. नंतर ही आघाडी त्याने वाढवत नेली. थांगमला त्याने डोके वर काढू दिले नाही. दर्शनने पहिला सेट (२१ विरूद्ध १०) जिंकून सामन्यात आघाडी घेतली. फोरहँड आणि बॅकहँड हे दोन्ही फटके तो लीलया मारत होता. खास करून त्याने स्मॅश जास्त मारले.

पहिला सामना हरलेला थांगम दबावाखालीच खेळत होता. त्यामुळे गुणफलक १९ विरूद्ध ७ असा झाला. काही चुकीचे फटके मारल्याने थांगमला गुण मिळाले. परंतु सरळ सेटमध्ये दर्शनने त्याचा पराभव केला. दोन्ही सेट त्याने २१ विरूद्ध १० आणि २१ विरूद्ध १० अशा फरकाने जिंकले.

हैदराबादला सराव
मुंबईचा रहिवासी असलेला दर्शन पुजारी हा हैदराबाद येथील पुलेला गोपीचंद यांच्या अकादमीमध्ये सराव करतो. त्याच्याकडून महाराष्ट्राला पदकाची अपेक्षा आहे. सामन्यानंतर त्याने तसा निश्चय बोलून दाखवला.