मुंबई-सत्तरच्या दशकात दूरदर्शनवर गोड हसरा चेहरा आणि आपल्या मधाळ आवाजातील निवेदनाने फुल खिले है गुलशन गुलशन हा कार्यक्रम गाजवणाऱ्या अभिनेत्री आणि निवेदिका तबस्सूम यांचे शुक्रवारी रात्री हृदयविकाराच्या धक्क्याने निधन झाले. त्यांच्या अचानक निधनाने कुटुंबियांनाही धक्का बसला आहे.

ज्येष्ठ अभिनेत्री तबस्सुम गोविल या ७८ वर्षांच्या होत्या. ‘फूल खिले हैं गुलशन गुलशन’ या शोमधून तबस्सुम विशेष लोकप्रिय झाल्या होत्या. दरम्यान २१ नोव्हेंबर रोजी मुंबईतील सांताक्रूझ याठिकाणी त्यांच्यासाठी प्रार्थना सभेचे आयोजन करण्यात आले आहे.तबस्सुम या प्रसिद्ध टीव्ही मालिका ‘रामायण’मध्ये रामाची भूमिका साकारणाऱ्या अरुण गोविल यांच्या वहिनी आणि आणि विजय गोविल यांच्या पत्नी आहेत. तबस्सुम यांनी टॉक शोच्या होस्ट म्हणून विशेष लोकप्रियता मिळवली. त्या एक युट्यूबरही आहेत. दरम्यान तबस्सुम यांनी आपल्या करिअरची सुरुवात बाल कलाकार म्हणून केली होती. त्यावेळी त्यांना प्रेमाने बेबी तबस्सुम म्हटले जायचे.

१९४७ साली बालकलाकार म्हणून तबस्सुम यांनी त्यांच्या अभिनयाच्या कारकिर्दीला सुरूवात केली. १७७२ ते १९९३ या सलग २१ वर्ष चालणाऱ्या दुरदर्शन वाहिनीवरील ‘फूल खिले हैं गुलशन गुलशन’ या कार्यक्रमाचे त्यांनी सुत्रसंचलन केले होते. वयाच्या तिसऱ्या वर्षी त्यांनी कॅमेऱ्यासमोर उभे राहून त्यांनी नर्गिस चित्रपटात बालकलाकार म्हणून काम केले. त्यानंतर बैजू बावरा चित्रपटातही त्यांनी मीना कुमारी यांच्या बालपणीची भूमिका साकारली होती. ‘तला’, ‘हिर रांझा’,’गॅम्बलर’, ‘जानी मेरा नाम’, ‘तेरे मेरे सपने’, ‘सूरसंगम’, ‘अग्निपथ’,’नाचे मयुरी’ अशा अनेक चित्रपटांतून त्यांनी काम केले

9 जुलै 1944 रोजी अयोध्येमध्ये तबस्सुम यांचा जन्म झाला.

तबस्सुम गोविल यांनी लहान वयातच इंडस्ट्रीत प्रवेश केला होता. कमी वयातच त्यांनी अनेक दिग्गज कलाकारांसोबत काम केले. त्यांनी  40 आणि 50 च्या दशकात बालकलाकार म्हणूनही अनेक हिट चित्रपटांमध्ये काम केले आहे., ज्यात ‘बहार’ आणि ‘जोगन’ सारख्या चित्रपटांचा समावेश आहे. याशिवाय त्यांनी टीव्हीच्या दुनियेतील पहिला टॉक शो सुरू केला.या शोमध्ये त्यांनी सिने जगताशी संबंधित लोकांशी खास संवाद साधाला. या शोला प्रेक्षकांचं भरभरून प्रेम मिळालं आणि याच कारणामुळे तबस्सुमचा शो दूरदर्शनवर एक-दोन वर्षे नाही तर तब्बल 21 वर्षे प्रसारित झाला.

मुंबई, दि. 19 : ‘वसुधैव कुटुंबकम’ हीच भारताची भूमिका राहिली आहे. अशा या भारतातील आणि भारताच्या आर्थिक राजधानीतील मुंबईच्या कुटुंबात आपले स्वागत आहे, अशा शब्दात उपमुख्यमंत्री देवेंद्र फडणवीस यांनी आज मध्य आशियाई देशांतील तरुण- तरुणींच्या शिष्टमंडळाचे स्वागत केले.

मध्य आशियाई देशांबरोबरील संबंधांना झालेली तीस वर्षे आणि भारतीय स्वातंत्र्याच्या अमृत महोत्सवी वर्षानिमित्त या देशांमधील तरुणांचा आदान- प्रदान सोहळा परराष्ट्र व्यवहार मंत्रालयातर्फे आयोजित करण्यात आला आहे. त्यानुसार मध्य आशियातील किरगिझस्तान, उझबेकिस्तान, ताजिकिस्तान, कझाकस्तानमधील शंभरावर तरुण-तरुणी आज मुंबई शहराच्या भेटीवर आले होते. या शिष्टमंडळाने सह्याद्री अतिथीगृहात उपमुख्यमंत्री श्री. फडणवीस यांची भेट घेतली. त्यावेळी ते बोलत होते.

यावेळी व्यासपीठावर कझाकिस्तानच्या अलबोल्सियन ओराकबायेवा, किरगिझिस्तानचे तालबेक बेरदेव, ताजिकिस्तानचे अलिशेर असलुद्दीन, उझबेकिस्तानचे आयस्लोम ओकुनोव्ह उपस्थित होते.

श्री. फडणवीस म्हणाले, भारत आणि मध्य आशियाई देशांमध्ये अनेक शतकांपासून राजनैतिक, व्यापार, सांस्कृतिक संबंध आहेत. या शिष्टमंडळाच्या भेटीमुळे हे संबंध आणखी दृढ होतील. भारत जगातील पाचव्या क्रमांकाची अर्थव्यवस्था आहे. या अर्थव्यवस्थेत मुंबईसह महाराष्ट्राचा मोठा वाटा आहे. मुंबईची भारताच्या आर्थिक राजधानीबरोबरच मनोरंजन क्षेत्राची राजधानी म्हणूनही ओळख आहे. मुंबई शहर हे तरुणांच्या स्वप्नपूर्तीसाठी नेहमीच मदत करणारे शहर आहे.’

यावेळी शिष्टमंडळातील श्रीमती अलबोल्सियन ओराकबायेवा, तालबेक बेरदेव, अलिशेर असलुद्दीन, आयस्लोम ओकुनोव्ह यांनी मनोगत मांडले. त्यांनी सांगितले, की भारत सुंदर देश आहे. मध्य आशियाई देशांबरोबर भारताचे संबंध सौहार्दपूर्ण राहिले आहेत. भारतीय स्वातंत्र्याच्या अमृत महोत्सवी वर्षातील मध्य आशियाई देशांमधील सांस्कृतिक आदान- प्रदान, तरुणांच्या शिष्टमंडळाच्या भेटीचा उपक्रम कौतुकास्पद आणि अनुकरणीय आहे. भारत आणि मुंबई शहराची भेट आमच्या कायमच आठवणीत राहील. मुंबई शहर स्वप्नपूर्ती करणारे शहर आहे. ते बॉलिवूडमुळेही आमच्या परिचयाचे आहे. भारत आणि मुंबईला दिलेला भेटीचा अनुभव अनमोल राहील, असेही या तरुणांनी सांगितले.

भारत सरकारचे अवर सचिव रवीकुमार सिन्हा यांनी तरुणांच्या शिष्टमंडळाच्या दौऱ्याविषयी माहिती दिली. मुंबई शहरचे जिल्हा क्रीडाधिकारी अभय चव्हाण, केंद्र सरकारमधील सहायक कक्ष अधिकारी निरज पुजारी आदी उपस्थित होते. शिष्टमंडळ दोन दिवस मुंबई दौऱ्यावर राहणार असून ते विविध ऐतिहासिक, सांस्कृतिक स्थळांना भेट देणार आहेत.

औरंगाबाद, दि.19, :- युवकांनी आत्मनिर्भर भारताच्या  निर्मितीसाठी तसेच देश विश्वगुरू होण्यासाठी योगदान द्यावे, असे आवाहन राज्यपाल तथा कुलपती भगत सिंह कोश्यारी यांनी आज येथे केले.

डॉ.बाबासाहेब आंबेडकर मराठवाडा विद्यापीठाच्या 62 व्या दीक्षांत समारंभाप्रसंगी राज्यपाल बोलत होते. यावेळी केंद्रीय मंत्री नितीन गडकरी, खासदार शरद पवार, पद्मभुषण डॉ.विजय भटकर, कुलगुरू डॉ.प्रमोद येवले आदी उपस्थित होते.

राज्यपाल श्री. कोश्यारी म्हणाले, महाराष्ट्रात शैक्षणिक क्षेत्रात चांगली प्रगती होत आहे.  विद्यापीठाने शैक्षणिक गुणवत्तेसोबत विद्यार्थ्यांच्या कौशल्याचा तसेच मुल्यांच्या विकासावरही भर देणे गरजेचे आहे. नव्या शैक्षणिक धोरणात सर्वच बाबींचा अंतर्भाव करण्यात आला आहे. राष्ट्रीय शैक्षणिक धोरणामुळे विज्ञानासोबतच संगीत शिकण्याची संधी देखील उपलब्ध झाली आहे. स्नातकांनी महापुरूषांचा आदर्श डोळ्यासमोर ठेवून कार्य करावे.

देश जागतिक पातळीवर प्रगतीकडे झेप घेत आहे. शैक्षणिक क्षेत्रातील प्रगतीबाबत जाणून घेण्यासाठी राज्यातील अनेक कुलगुरू इतर देशात तसेच इतर देशातील कुलगुरू आपल्या राज्यात आले आहेत. या माध्यमातून शैक्षणिक क्षेत्रातील विचारांची देवाण घेवाण होण्यास मदत झाली आहे. स्नातकांनी आपले ध्येय सुनिश्चित करुन ध्येय पूर्ण करण्यासाठी सातत्याने काम करावे. राष्ट्रसेवेचा संकल्प करावा व समाज परिवर्तनासाठी पुढे यावे असे आवाहन राज्यपाल श्री.कोश्यारी यांनी केले.

प्रधानमंत्री नरेंद्र मोदी यांनी देशात ‘हर घर शौचालय’ संकल्प केला. तसेच देशातील प्रत्येक नागरिकाचे बँकेत खाते असावे यासाठी खाते उघडण्याची मोहीम देशभर राबविली व ही मोहीम देशभर यशस्वी झाली.  देश विविध क्षेत्रात प्रगती करत आहे. यामध्ये प्रत्येक घटकाने आपला सहभाग देण्याची गरज आहे. आज देशात रस्त्यांचे जाळे निर्माण करणारे केंद्रीय मंत्री नितीन गडकरी व शेती क्षेत्रात विशेष कामगिरी केलेले ज्येष्ठ नेते खासदार शरद पवार यांना डी.लिट पदवीने सन्मानित करण्यात आले ही अभिमानास्पद बाब असल्याचा उल्लेख त्यांनी केला.

प्रगतीशील, समृद्ध व संपन्न समाजाच्या निर्मितीसाठी विद्यापीठांची भूमिका महत्त्वाची–गडकरी

केंद्रीय रस्ते वाहतूक व महामार्ग मंत्री नितीन गडकरी म्हणाले, प्रगतीशिल, समृद्ध व संपन्न समाजाच्या निर्मितीसाठी विद्यापीठांची भूमिका महत्त्वाची आहे. शैक्षणिक क्षेत्रात गुणात्मक परिवर्तन व त्या भागातील सर्वांगिण विकासासाठी विद्यापीठाचे योगदान महत्त्वाचे आहे. प्रगतीशील मराठवाड्यासाठी विद्यापीठाची भूमिका महत्त्वाची ठरणार असून शैक्षणिक क्षेत्रासोबतच विकासाची दिशा भविष्यातील पिढीला देणारे केंद्र विद्यापीठ असेल, असा विश्वास त्यांनी व्यक्त केला. विद्यापीठ हे एक ज्ञानशक्ती केंद्र आहे. विद्यापीठाने त्या भागातील विविध क्षेत्रातील संशोधनातही अग्रेसर असावे, अशी अपेक्षा त्यांनी व्यक्त केली.

अकोला येथील डॉ.पंजाबराव देशमुख कृषि विद्यापीठालगत 36 तलाव बांधले गेले. त्यातुन 80 गावातील दुष्काळ मिटला. विद्यापीठाने सामाजिक, आर्थिक परिवर्तनासाठी योगदान देण्याची गरज आहे. स्नातकांनी आत्मनिर्भर भारत बनविण्यासाठी तसेच शैक्षणिक तसेच आपल्या परिसरातील सर्वांगिण विकासासाठी काम करावे असे आवाहन त्यांनी केले.

पद्मभूषण डॉ.विजय भटकर म्हणाले, नवीन शैक्षणिक धोरण अत्यंत महत्त्वाचे ठरणार आहे. यामध्ये उच्च शिक्षण प्रादेशिक भाषेतून देण्याबाबत अंतर्भाव करण्यात आला आहे. विद्यापीठ, शाळा, शैक्षणिक पद्धती अत्यंत महत्वाची आहे. माहिती तंत्रज्ञान क्षेत्राकडे विद्यार्थ्यांचा मोठ्या प्रमाणात कल आहे. भारतातील अनेक विद्यार्थी जगभरात कार्यरत आहेत. देशाने विविध क्षेत्रात उल्लेखनीय प्रगती केली असून यामुळेच भारत जगातील आर्थिकदृष्ट्या सक्षम राष्ट्र म्हणून पुढे येईल.

ज्येष्ठ नेते खा. शरद पवार म्हणाले, डॉ.बाबासाहेब आंबेडकर मराठवाडा विद्यापीठाच्या माध्यमातून शैक्षणिक क्षेत्रातही औरंगाबाद पुढे येत आहे. नवीन पिढीला आंतरराष्ट्रीय पातळीवर दालने खुले करुन देण्यासाठी विद्यापीठाने पुढाकार घ्यावा. शैक्षणिक क्षेत्रासोबतच मराठवाड्यातील शेतीक्षेत्रही बदलू लागले आहे. मराठवाड्यात वाढू लागलेल्या ऊस शेतीला चालना देण्याचा आपला प्रयत्न आहे. वसंतराव नाईक शुगर इन्स्टिट्युटच्या माध्यमातून जालना येथे शेती, उद्योग व तंत्रज्ञान क्षेत्रात संधी देणारी संस्था लवकरच सुरू करण्यात येणार आहे.

डॉ.बाबासाहेब आंबेडकर मराठवाडा विद्यापीठाची वाटचाल, उपक्रम, नवीन शैक्षणिक धोरणाची अंमलबजावणी तसेच दीक्षांत समारंभाच्या आयोजनाबाबत कुलगुरू डॉ.प्रमोद येवले यांनी माहिती दिली.

यावेळी रस्ते वाहतूक व महामार्ग मंत्री नितीन गडकरी व खा. शरद पवार यांना डी.लिट पदवी प्रदान करण्यात आली.

विद्यापीठाचे कुलसचिव डॉ.भगवान साखळे, परीक्षा मुल्यमापन मंडळाचे डॉ.गणेश मंझा तसेच विविध विद्याशाखांचे अधिष्ठाता तसेच स्नातक उपस्थित होते.

भाजपा म्हाडा सेल व म्हाडा संघर्ष कृती समितीच्या पाठपुराव्याला अखेरीस यश

मुंबई:
भाजपा म्हाडा सेल व म्हाडा संघर्ष कृती समिती सदस्यांनी केलेल्या सातत्यपूर्ण पाठपुराव्यामुळे
दक्षिण मुंबईतील ३० वर्ष जुन्या म्हाडा इमारतींच्या पुनर्विकासाचा निर्णय मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या नेतृत्वाखाली जाहीर करण्यात आला.
याबाबतची बैठक मुख्यमंत्री एकनाथ शिंदे यांच्या दालनात खा. राहुल शेवाळे, भाजपा म्हाडा सेल व म्हाडा संघर्ष कृती समितीच्या पदाधिकाऱ्यांसमवेत पार पडली.

मुंबईकरांच्या या जिव्हाळ्याच्या प्रश्नाबाबत मुख्यमंत्र्यांनी संवेदनशीलता दाखवत या पुनर्रचित इमारतीतील रहिवाश्यांना न्याय दिला आहे. या बैठकीत ३३ (२४) कलमात आवश्यक त्या सुधारणा करुन एक आठवड्यात अध्यादेश जारी करण्याचा निर्णय घेण्यात आला. मुख्यमंत्र्यांनी तशाप्रकारचे निर्देश बैठकीमध्ये उपस्थित अधिकाऱ्यांना दिले. या निर्णयामुळे दक्षिण मुंबईतील सुमारे ३८८ इमारतीतील ५०,००० कुटुंबाना मुख्यमंत्र्यानी न्याय देवून त्यांच्या घराचा पुनर्विकासाचा मार्ग मोकळा केला आहे. याबद्दल मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि मुंबई भाजपा अध्यक्ष आ. ॲड. आशिष शेलार यांचे आभार मानतो अशी प्रतिक्रिया भाजपा मुंबई म्हाडा सेलचे मिलिंद तुळसकर यांनी दिली. या बैठकीला दक्षिण मुंबई अध्यक्षा विनिता राणे आणि अन्य पदाधिकारी उपस्थित होते.

मुंबई/नवी दिल्ली, : ऑइल मार्केटिंग कंपन्यांनी आज पर्यटन मार्गांवर – राष्ट्रीय उद्यानांवरील त्यांच्या इंधन केंद्रांवर स्वच्छ आणि आरोग्यदायी शौचालये उभारण्याचा # ड्राईव्ह फ्रेश उपक्रम सादर करत असल्याची घोषणा केली आहे.

जागतिक शौचालय दिनाच्या पूर्वसंध्येला (१९ नोव्हेंबर) तीन ओएमसी तर्फे कान्हा, ताडोबा, बांधवगड, पेंच, सुंदरबन, मानस, रणथंबोर आणि इतरांसह प्रमुख राष्ट्रीय उद्यानांकडे जाणाऱ्या १९१ रिटेल आऊटलेट्समध्ये # ड्राईव्ह फ्रेश उपक्रमांतर्गत स्वच्छ आणि आरोग्यदायी स्वच्छतागृहांचे उद्घाटन करण्यात आले. यावेळी व्हर्च्युअल परिषदेद्वारे पेट्रोलियम आणि नैसर्गिक वायू आणि गृहनिर्माण आणि शहरी व्यवहार मंत्री श्री. हरदीप सिंग पुरी, ईशान्य क्षेत्राचे माननीय सांस्कृतिक, पर्यटन आणि विकास मंत्री श्री गंगापुरम किशन रेड्डी आणि भारत सरकारचे पेट्रोलियम आणि नैसर्गिक वायू आणि श्रम आणि रोजगार राज्यमंत्री माननीय श्री रामेश्वर तेली उपस्थित होते. 

आझादी का अमृत महोत्सव मोहिमेअंतर्गत पर्यटक आणि प्रवाशांच्या सोयीसाठी त्यांना अधिकाधिक चांगला अनुभव देत हा प्रकल्प सुरू करण्यात आला आहे.

ओएमसीची आयओसीएल, बीपीसीएल आणि एचपीसीएलची इंधन केंद्रे महाराष्ट्र, गुजरात, राजस्थान, कर्नाटक आणि इतरत्र देशभर पसरलेली आहेत.

वृंदावनमधील १६ ओएमसी  रिटेल आऊटलेट्स आणि गोव्यातील १२ रिटेल आऊटलेट्समध्ये पर्यटकांना सर्वोत्कृष्ट दर्जाच्या सुविधा देण्यासाठी स्वच्छ, आरोग्यदायी आणि सुधारित स्वच्छतागृहे आधीपासून सुरू करण्यात आली आहेत. पुरुष आणि स्त्रियांच्या स्वच्छतागृहांमध्ये फरक दाखविणारी  ठळक चिन्हे आहेत, चांगले प्रकाशमान आहेत, पाण्याची उपलब्धता आहे, लॅचिंगची योग्य सोय आहे आणि ती स्वच्छ आणि आरोग्यदायी स्थितीत ठेवली जातात.

देशातील राष्ट्रीय उद्याने आणि वन्यजीव अभयारण्ये ही ड्रायव्हिंगची खूप लोकप्रिय ठिकाणे आहेत. देशांतर्गत आणि आंतरराष्ट्रीय पर्यटक वैयक्तिक वाहनांमधून आणि पर्यटक बसमधून प्रवास करतात आणि इंधन भरण्यासाठी तसेच सुविधांच्या वापरासाठी महत्त्वाचे थांबण्याचे ठिकाण आहेत हे लक्षात घेऊन हा #DriveFresh उपक्रम हाती घेण्यात आला आहे.