सूरत : गुजरात विधानसभेत सलग तिसऱ्यांदा एका महिलेने विजय मिळवला आहे. ही महिला मराठी आहे, मूळची महाराष्ट्रातली आहे. संगीता पाटील या गुजरातमधील लिंबायत मतदारसंघातून सलग तिसऱ्या वेळेस विजयी झाल्या आहेत. संगीता पाटील या भाजपाच्या आमदार आहेत, त्या भाजपा प्रदेशाध्यक्ष सी आर पाटील यांच्या विश्वासू कार्य़कर्त्यांपैकी एक आहेत. लिंबायत या मतदारसंघात संगीता पाटील या एक-दोन नाही तर सलग तिसऱ्या वेळेस विजयी होत आहेत. लिंबायत मतदारसंघातील मराठी मतदारांचा त्यांना प्रचंड प्रतिसाद आहे.सी.आर.पाटील देखील गुजरातमधून खासदार आहेत, मराठी मतदारांचा त्यांनाही मोठा फायदा झाला आहे.

गोपाळ डी पाटील या काँग्रेस उमेदवाराला एकूण २९ हजार मतं मिळाली, तर आपचे उमेदवार पंकजभाई तायडे यांनी ३७ हजार मतं मिळाली, तर भाजपाच्या संगीता पाटील यांना ९५ हजार मतं मिळाली. या तीन मराठी उमेदवारांच्या लढतीत संगीता पाटील या विजयी झाल्या आहेत. महाराष्ट्रातील खानदेशातील मराठी लोकांची संख्या जास्त आहे. या मतदारसंघात ८० हजार मराठी मतदार आहेत, ७६ हजार मुसलमान, ३८ हजार गुजराथी, २१ हजार उत्तर भारतीय, तर ११ हजार राजस्थानी आणि १२ हजार तेलुगू लोकांचा समावेश आहे.

पिण्याचं पाणी, शुद्ध पाणी ही मतदारसंघातील मुख्य अडचण आहे. पाणी आता सी.आर.पाटील आणि संगीता पाटील यांनी मराठी लोकांसाठी सुरत, उधना,नवसारी, लिंबायत या ठिकाणी सर्व सुविधा असलेले सांस्कृतिक हॉल उभारण्याची मागणी होत आहे.

पंतप्रधान नरेंद्र मोदी गुजरातचे मुख्यमंत्री असताना तब्बल दीड वर्ष त्यांच्या सोबत काम करण्याचा अनुभव खुप काही शिकवून गेला,असे सांगत आ.पाटील म्हणाल्या,की सुरतसारख्या शहरी भागातून प्रथमच निवडून येत असताना तेथील बहुसंख्येने असलेल्या मराठी जनतेने खुप मदत केली होती . भाजप सारखा पक्ष केंद्रातही सत्तेत आल्याने मतदारसंघात विकासकामे करताना खूपच आनंद मिळतो. आगामी सर्व निवडणुकीत विकास हा एकमेव मुद्दा चालेल,असे सांगतानाच आपल्या तरुणांच्या देशात सोशल मिडियाचा प्रभाव वाढल्याचेही त्यांनी सांगितले. गुजरातमध्ये असूनही मराठी-गुजराथी असा भेदभाव तेथे नसल्याचे सांगत जातीयवादाचा मुद्दा त्यांनी खोडून काढला.पुणे महापालिकेत भाजपची सत्ता येईल,असा विश्वास व्यक्त केला.

पुणे- माजी राज्यमंत्री विजय शिवतारे म्हणाले, “४८ तासांत शरद पवार तिकडे जाऊन काय दिवे लावणार आहेत? उगीच काहीतरी बोलायचं म्हणून ते बोलत आहेत. ते चार वेळा मुख्यमंत्री होते, त्यावेळी त्यांनी काय केलं? असा माझा सवाल आहे. हा वाद आता सुप्रीम कोर्टात आहे, तिथे चांगल्या पद्धतीने बाजू मांडून निर्णय घेता येतील,” शिवतारे म्हणाले.

“सीमावादावरून शरद पवार शंभर टक्के राजकारण करत आहेत.

“एखाद्या गोष्टीचं राजकारण करून मूळ मुद्द्यांपासून लक्ष हटवण्याचं काम केलं जात आहे. हे सरकार अतिशय चांगलं काम करत आहे. प्रचंड वेगाने निर्णय घेत आहे. महाविकास आघाडीला तीन वर्षात जे जमलं नाही, ते सगळे निर्णय शिंदे-फडणवीस सरकारने अवघ्या तीन महिन्यात घेतले आहेत. या निर्णयांमुळे या सरकारची लोकप्रियता आणखी वाढेल आणि आपल्याला अडचण निर्माण होईल, यासाठी केलेलं हे नाटक आहे,” असा आरोपही विजय शिवतारे यांनी केला.

पुण्यात पत्रकारांशी बोलताना माजी राज्यमंत्री शिवतारे म्हणाले, ‘विमानतळ प्रकल्प बारामतीला करण्याचे महाविकास आघाडी सरकारने ठरविले होते. मात्र, नव्या जागेला केंद्राकडून नकार देण्यात आला आहे. पुरंदर तालुक्यातील सात गावांत यापूर्वी निश्चित केलेल्या जागेतच प्रकल्प होणार असून सर्व प्रकारच्या परवानग्या प्राप्त झाल्या आहेत. महाराष्ट्र औद्योगिक विकास महामंडळाच्या (महाराष्ट्र इंडस्ट्रिअल डेव्हलपमेंट कॉर्पोरेशन – एमआयडीसी) माध्यमातून भूसंपादन करण्यात येणार आहे. त्याबाबतची अधिसूचना पुढील १५ दिवसांत निघेल.’

हिमाचल प्रदेशमध्ये काँग्रेसने दणदणीत विजय मिळवला आहे. येथे काँग्रेसने बहुमताचा आकडा पार केला आहे. सध्या काँग्रेसचा ३९ जागांवर विजय झाला आहे. तर भाजपाला फक्त १८ जागांवर विजय मिळवता आला आहे. तीन अपक्ष उमेदवार विजयी झाले आहेत. तर अद्याप ८ जागांचा निकाल येणे बाकी आहे. यामध्ये सात जागांवर भाजपा आघाडीवर आहे तर काँग्रेस एका जागेवर आघाडीवर आहे.

हिमाचल प्रदेशमध्ये काँग्रेसने दणदणीत विजय मिळवला आहे. येथे काँग्रेसने बहुमताचा आकडा पार केला आहे. सध्या काँग्रेसचा ३९ जागांवर विजय झाला आहे. तर भाजपाला फक्त १८ जागांवर विजय मिळवता आला आहे. तीन अपक्ष उमेदवार विजयी झाले आहेत. तर अद्याप ८ जागांचा निकाल येणे बाकी आहे. यामध्ये सात जागांवर भाजपा आघाडीवर आहे तर काँग्रेस एका जागेवर आघाडीवर आहे.

गुजरातमध्ये भाजपने 156 जागा जिंकून विजयाचा नवा विक्रम प्रस्थापित केला आहे. माधवसिंह सोलंकी यांच्या नेतृत्वाखाली काँग्रेसने 1985 मध्ये विधानसभेच्या 149 जागा जिंकल्या होत्या. त्याच वेळी, नरेंद्र मोदी मुख्यमंत्री असताना 2002च्या निवडणुकीत भाजपने 127 जागा जिंकल्या होत्या. या विजयासह भाजपने दोन्ही विक्रम मोडीत काढले आहेत.यावेळी कॉंग्रेस अवघ्या १७ जागांवर तर आप अवघ्या ५ जागांवर विजय प्राप्त करू शकले आहेत .

या ऐतिहासिक विजयानंतर 12 डिसेंबर रोजी गांधीनगर येथील विधानसभेच्या मागे असलेल्या हेलिपॅड मैदानावर मुख्यमंत्र्यांचा शपथविधी होणार आहे. विशेष म्हणजे निवडणूक प्रचारादरम्यान पीएम मोदी म्हणाले होते- भूपेंद्र नरेंद्रचा विक्रम मोडतील. निवडणुकीच्या निकालात नेमके हेच दिसून येत आहे. भाजप समर्थक आनंद साजरा करत आहेत.

गुजरातमधील विधानसभेच्या 182 जागांपैकी भाजपने 156 जागा जिंकल्या आहेत. 2017 च्या तुलनेत 58 जागा वाढल्या आहेत. त्याचवेळी काँग्रेसला सर्वाधिक 61 जागांचे नुकसान झाले आहे. गेल्या वेळी पक्षाला 77 जागा मिळाल्या होत्या. यावेळी त्यांना केवळ 16 जागा मिळाल्या आहेत.

गुजरातमध्ये गुरुवारी सकाळी 8 वाजेपूर्वी अर्ध्या तासात पोस्टल मतपत्रिकांची मोजणी झाल्यानंतर EVMवरून मतमोजणी सुरू झाली. गुजरात भाजपचे प्रमुख सीआर पाटील म्हणाले की, गुजरातचे नवे मुख्यमंत्री 12 डिसेंबर रोजी दुपारी 2 वाजता शपथ घेतील. या शपथविधी सोहळ्याला पंतप्रधान नरेंद्र मोदी आणि गृहमंत्री अमित शहा उपस्थित राहणार आहेत.

जिग्नेश मेवाणी वडगाममधून दुसऱ्यांदा आमदार

गुजरातेतील दलित नेते म्हणून ओळखल्या जाणाऱ्या जिग्नेश मेवाणींनी वडगाम मतदारसंघातून सलग दुसऱ्यांदा विजय मिळवला आहे. त्यांनी भाजपच्या मणिभाई वाघेलांचा पराभव केला.व्यवसायाने वकील असलेले जिग्नेश मेवाणी गुजरातमधील प्रभावी दलित नेते म्हणून ओळखले जातात. ते सध्या गुजरात विधानसभेत वडगाम मतदारसंघाचे प्रतिनिधित्व करतात. याच मतदारसंघातून ते निवडणुकीच्या रिंगणात आहेत.

2004 मध्ये मेवाणींनी मुंबईतून गुजराती भाषेतील वृत्तपत्र अभियानसाठी पत्रकारितेला सुरुवात केली. त्यांनी तीन वर्षे या वृत्तपत्रात काम केले. शेतकरी आत्महत्येवर आधारित गुजराती माहितीपट खेदू मोरा रे बघितल्यानंतर त्यांनी पत्रकारिता सोडण्याचा निर्णय घेतला.

हार्दिक पटेल विजयी:अवघ्या 29व्या वर्षीच आमदारकी

पाटीदार आरक्षण आंदोलनातून देशभरात ओळख मिळालेले गुजरातमधील नेते हार्दिक पटेल हे विरमगाम विधानसभा निवडणुकीत भाजपच्या तिकिटावर विजयी झाले आहेत. त्यांनी काँग्रेसच्या लाखाभाई भरवाड यांचा पराभव केला आहे.हार्दिक पटेल हे गुजरातमधील पाटीदार समुदायात प्रभाव असलेले नेते म्हणून ओळखले जातात. जुलै 2015 मधील पाटीदार समुदायाच्या आरक्षणासाठीच्या आंदोलनातून हार्दिक यांच्या नेतृत्वाचा उदय झाला. पाटीदार आरक्षणासाठीच्या आंदोलनाने त्यांना राष्ट्रीय स्तरावर ओळख मिळाली. 2020 मध्ये त्यांनी काँग्रेसमध्ये प्रवेश केला. त्यांना गुजरात प्रदेश काँग्रेस समितीचे कार्यकारी अध्यक्ष म्हणून नियुक्त करण्यात आले. मात्र याच वर्षी त्यांनी काँग्रेसमधून भाजपत प्रवेश केला.

सध्या ते विरमगाम विधानसभा मतदारसंघातून निवडणूक लढवत आहेत. विरमगाम हे त्यांचे जन्मगाव आहे.

पुणे-  गुजरात विधानसभा निवडणुकीचा निकाल आज जाहीर होत आहे. दुपारी दोन वाजेपर्यंत भाजप १५८ जागांवर आघाडीवर आहे. त्यामुळं गेल्या २७ वर्षांपासून सत्तेत असलेली भाजप पुन्हा एकदा सत्तेत येणार असल्याचं केवळ निश्चितच झालं आहे असे नाही तर नवा रेकोर्ड केल्याचे स्पष्ट दिसत आहे .

सर्व निर्णय गुजरातच्या हिताचे घेतले , देशाची सर्व शक्ती गुजरातच्या हितासाठी वापरली मग तिथे बहुमत मिळणार हे नक्की होतेच पण गुजरात म्हणजे देश नाही हे लक्षात घ्यावे अशी प्रतिक्रिया भाजपा विरोधी पक्षांकडून येत असताना आता राष्ट्रवादीचे नेते शरद पवार यांनी हि गुजरातच्या निकालावर प्रतिक्रिया दिली आहे. ते म्हणाले,’ गुजरातची निवडणूक एकतर्फी होईल, याबाबत कोणाच्याही मनात शंका नव्हती. देशातील सर्व शक्ती त्या निवडणुकीसाठी वापरली गेली. एका राज्याच्या सोईचे अनेक निर्णय घेतले गेले. अनेक प्रकल्प त्या राज्यामध्येच कसे जातील, याची काळजी घेतली गेली. त्याचा परिणाम हा निवडणूक निकालावर होणारच होता. गुजरातमध्ये तसाच निकाल लागला आहे. मात्र गुजरातचा निकाल भाजपाच्या बाजूने लागला म्हणाजे देशामध्ये लोकांचा एका बाजूने मतप्रवाह जातोय हे खरं नव्हे. त्याचं उत्तम उदाहरण म्हणजे दिल्लीची महापालिका निवडणूक,दिल्ली महापालिकेची सूत्रं अगोदर भाजपकडे होती. आता येथे आम आदमी पार्टीची सत्ता आली. हिमाचल प्रदेशमध्ये अगोदर भाजपाची सत्ता होती. आताच्या माहितीनुसार येथे भाजपाला २७ जागा मिळाल्या. काँग्रेसला ३७ जागा मिळाल्या आहेत. येथील भाजपाचे राज्य गेले. दिल्लीमध्येही भाजपाची सत्ता गेली. याचा अर्थ हळूहळू बदल होत आहे. राजकारणामध्ये पोकळी असते. गुजरातची पोकळी ही भाजपाने भरून काढली. तर दिल्लीची पोकळी केजरीवाल यांनी भरून काढली. आज लोकांना बदल हवा आहे. मात्र याची नोंद राजकीय कार्यकर्त्यांनी घेतली पाहिजे,” असे मत शरद पवार यांनी व्यक्त केले