पुणे: वीजग्राहकांच्या तक्रारींच्या निवारणासाठी मुख्यालयाकडून दैनंदिन आढावा घेतला जात आहे. त्यामुळे ग्राहकांकडून प्राप्त कोणत्याही तक्रारींचे निराकरण तत्परतेने झाले पाहिजे. सोबतच वीजबिलावरील नावात बदल किंवा दुरुस्तीच्या अर्जांवर तातडीने कार्यवाही करावी. यात हेतुपुरस्सर हयगय आढळल्यास संबंधितांविरुद्ध कारवाई करण्यात येईल असा इशारा महावितरणचे संचालक (संचालन) श्री. संजय ताकसांडे यांनी शुक्रवारी (दि. ३०) झालेल्या आढावा बैठकीत दिला.

पुणे परिमंडल अंतर्गत वीजग्राहकांच्या तक्रारींचे निवारण, सुरळीत वीजपुरवठा, वीजबिल वसूली, वीजहानी आदी मुद्द्यांवर येथील रास्तापेठ कार्यालयात आढावा घेताना संचालक श्री. ताकसांडे बोलत होते. यावेळी प्रादेशिक संचालक (प्र.) श्री. अंकुश नाळे, मुख्य अभियंता श्री. राजेंद्र पवार यांची उपस्थिती होती.

संचालक (संचालन) श्री. संजय ताकसांडे म्हणाले की, अचूक बिलिंगसाठी केलेल्या उपाययोजनांमुळे वीजग्राहकांच्या तक्रारींचे प्रमाण लक्षणीय प्रमाणात कमी झाले आहे. मात्र बिलिंगसह इतरही विविध तक्रारींची दखल घेत त्याचे तत्परतेने निराकरण करणे ही महावितरणची जबाबदारी आहे. त्यासाठी स्थानिक यंत्रणेने अधिक संवेदनशील व सजग राहिले पाहिजे. वीजपुरवठा खंडित होण्याचे प्रकार वाढल्यास ते खपवून घेतले जाणार नाही. वीजपुरवठा खंडित झाल्यास तो कमीतकमी कालावधीचा राहील यासाठी विशेष प्रयत्न करावेत. वीजयंत्रणेद्वारे पर्यायी व्यवस्था करावी. खंडित वीजपुरवठ्याबाबत देखील मुख्यालयाकडून गांभीर्याने आढावा घेण्यात येत आहे. त्यामुळे वीजयंत्रणेत बिघाड होणार नाही याची खबरदारी घ्यावी व आवश्यक उपाययोजना कराव्यात. सोबत नियमाप्रमाणेच वीजयंत्रणेच्या पूर्वनियोजित देखभाल व दुरूस्तीची कामे करावी असे संचालक श्री. ताकसांडे यांनी स्पष्ट केले.

नवीन वीजजोडण्यांसाठी पुणे परिमंडलामध्ये मुबलक प्रमाणात नवीन वीजमीटर उपलब्ध करून देण्यात आले आहेत. त्यामुळे नवीन वीजजोडण्यांची प्रक्रिया अधिक वेगाने करण्याची सूचना संचालक श्री. संजय ताकसांडे यांनी केली. दरमहा चालू वीजबिलांच्या १०० टक्के वसूलीसह मुख्यालयाकडून देण्यात आलेल्या थकबाकी वसूलीचे देखील उदिदष्ट पूर्ण करणे आवश्यक आहे. पुणे परिमंडलामध्ये वीजबिलांच्या थकबाकीचे प्रमाण वाढल्यास त्याची जबाबादारी निश्चित करून संबंधित अधिकाऱ्यांविरुद्ध कारवाई करण्यात येईल असेही त्यांनी स्पष्ट केले. तसेच प्रत्येक वीजवाहिनीचे नियमित ऊर्जा अंकेक्षण व पडताळणी करून वीजहानी कमी करण्याचे उपाय करावेत अशी सूचना संचालक श्री. संजय ताकसांडे यांनी यावेळी केली. या बैठकीला अधीक्षक अभियंता श्री. अरविंद बुलबुले, श्री. युवराज जरग, श्री. संजीव राठोड (प्रभारी), डॉ. सुरेश वानखेडे यांच्यासह सर्व विभागांचे कार्यकारी अभियंता व वरिष्ठ अधिकारी उपस्थित होते.

 मंदिराच्या २८५ व्या वर्धापनदिनानिमित्त आयोजन : छप्पन भोग नैवेद्य अर्पण

पुणे : शनिवार पेठेतील श्री ओंकारेश्वर मंदिराच्या २८५ व्या वर्धापनदिनानिमित्त हिमालयातील १००१ वनस्पतींचा जलाभिषेक शिवलिंगावर करण्यात आला. काशी येथील पाच पंडितांच्या पौरोहित्याखाली वनस्पतींचा जलाभिषेक झाला. छपन्न भोग नैवेद्य देखील यावेळी अर्पण करण्यात आला. मंदिराला फुलांची आरास करण्यात आली होती. 

कार्यकारी विश्वस्त धनोत्तम लोणकर, विश्वस्त गंगाधर लोणकर, रोहीत लोणकर, गौरव बापट, सल्लागार मंडळातील मिथिलेश राॅय, विशाल घरत आदी यावेळी उपस्थित होते.  दिवसभर विविध कार्यक्रमांचे आयोजन करण्यात आले आहे. आचार्य रमेश कापले, पं. अविनाश त्रिपाठी, पं. मानंजय दीक्षित, पं. पंकज शुक्ला, पं. प्रीतम पाठक हे पंडित सहभागी झाले होते. 

सायंकाळी ६.३० वाजता ॠत्विक लोणकर या ९ वर्षाच्या कलाकाराचा भक्तीसंगीताचा कार्यक्रम झाला. संपूर्ण दिवसभर भाविकांना प्रसादाचे वाटप करण्यात आले. रात्री ८ वाजता महाआरती देखील करण्यात आली.

पुणे : पंचाहत्तराव्या सीए स्थापना दिनानिमित्त दि इन्स्टिट्यूट ऑफ चार्टर्ड अकाउंटंट्स ऑफ इंडियाच्या (आयसीएआय) पुणे शाखेच्या वतीने ७५ सनदी लेखापालांचा कृतज्ञता सन्मान करण्यात आला. यामध्ये ७५ वर्षांवरील ज्येष्ठ सनदी लेखापाल, ‘आयसीएआय’चे माजी केंद्रीय समिती सदस्य, विभागीय समिती सदस्य व कार्यकारिणी सदस्य यांचा समावेश होता.

७५ व्या सीए स्थापना दिनानिमित्त आयसीएआय पुणे शाखेच्या वतीने विविध कार्यक्रमांचे आयोजन करण्यात आले. सकाळी सारसबाग ते बिबवेवाडी येथील आयसीएआय भवन पर्यंत वॉकेथॉन, आयसीएआय भवनात ध्वजारोहण, ज्येष्ठ सदस्यांचा कृतज्ञता सन्मान, सह्याद्री हॉस्पिटलच्या साहाय्याने आरोग्य तपासणी शिबीर, रिबर्थ ट्रस्टच्या सहकार्याने अवयवदान जागृती, तळजाई टेकडीवर वृक्षारोपण व स्वच्छता, विविध सीए फर्मच्या मदतीने १२ ठिकाणी रक्तदान शिबीर, क्रीडा व सांस्कृतिक स्पर्धा, अर्थसाक्षरता आदी कार्यक्रम झाले. याप्रसंगी दिल्ली येथील ‘आयसीएआय’च्या मुख्य कार्यालयामध्ये अमृत महोत्सवी वर्षाच्या लोगोचे अनावरण झाले.

ज्येष्ठ सनदी लेखापाल डॉ. एस. बी. झावरे उपस्थितांना मार्गदर्शन करताना म्हणाले, “गेल्या ७५ वर्षांत सनदी लेखापालांनी भारताच्या अर्थव्यवस्थेच्या प्रगतीसाठी दिलेले योगदान महत्वपूर्ण आहे. देशाच्या आर्थिक विकासाचा कणा म्हणून या व्यवसायाकडे पाहिले जाते. त्यामुळे आपण प्रामाणिकपणे व सचोटीने आपले काम करत राहावे.”

सीए ऋता चितळे, सीए यशवंत कासार, सीए राजेश अग्रवाल यांनी ज्येष्ठ सनदी लेखापालांच्या कार्याप्रती कृतज्ञता व्यक्त केली. सनदी लेखापालांच्या गेल्या ७५ वर्षांतील योगदानाचा गौरवपूर्ण उल्लेख त्यांनी केला. सीए प्रणव मंत्री यांनी सूत्रसंचालन केले. सीए अमृता कुलकर्णी यांनी आभार मानले. सीए ऋषीकेश बडवे यांनी गुरुवंदना सादर केली.

यावेळी आयसीएआयच्या विभागीय समितीचे सदस्य सीए यशवंत कासार, सीए ऋता चितळे, आयसीएआय पुणे शाखेचे अध्यक्ष सीए राजेश अग्रवाल, उपाध्यक्षा सीए अमृता कुलकर्णी, खजिनदार सीए ऋषिकेश बडवे, पुणे विकासाचे अध्यक्ष सीए सचिन मिनियार,कार्यकारिणी सदस्य सीए काशिनाथ पठारे,  सीए प्रितेश मुनोत, सीए प्रणव आपटे, सीए मौशमी शहा आदी उपस्थित होते.

पुणे-

या सॄष्टीतील प्रत्येक प्राणीमात्रांचे कल्याण व्हावे व सुखी जीवनाचा आनंद त्यांनी घ्यावा हाच चातुर्मास पर्वातील भगवानांचा संदेश असल्याचे महासाध्वी दक्षिण चंद्रिका यांनी आज येथे म्हटले.

पिंपरी चिंचवड जैन संघाचे वतीने चातुर्मास पर्वाच्या प्रारंभ दिनी आज शोभायात्रा संपल्यानंतरच्या पहिल्या दिवशीच्या प्रवचन संदेशात त्या बोलत होत्या.

प्रारंभी सकाळी साडेसात वाजता भव्य शोभायात्रा व पराक्रमी महापुरूषांच्या वेषातील विद्यार्थ्यांच्या रॅलीने  संपूर्ण पिंपरी चिंचवडकरांचे लक्ष वेधून घेतले होते.

 आपल्या संदेश प्रवचन पर्वात बोलताना महासाध्वी दक्षिण चंद्रिका यांनी पुढे म्हटले की, मनुष्य जन्म हा कर्म आणि परिश्रमाची सुखद व आनंददायी अनुभूती असून मनावरील नियंत्रण हाच जीवन संकल्प पूर्तीचा पाया असल्याचे त्यांनी नमूद केले.

या प्रसंगी प.पू.डॉ. श्री संयमलताजी, साध्वी श्री अमित प्रज्ञा जी, साध्वी श्री कमल प्रज्ञा जी,आणि सौरभ प्रज्ञा जी यावेळी उपस्थित होते.

निगडी येथील मिशनकुंज पासून सुरू झालेल्या भव्य मिरवणूकी मध्ये राजा राणी रथ, १४ स्वप्न रथ, तसेच बाल शिवाजी, भगतसिंग, झाशीची राणी लक्ष्मीबाई या वेशभूषेतील विद्यार्थी सर्वांचे लक्ष वेधून घेत होत्या.

कलश घेतलेल्या पारंपारिक वेशातील महिला, शेकडो विद्यार्थी  आणि पांढर्याशुभ्र कपड्यातील हजारो स्थानकवासी जैन बांधव या शोभा यात्रेत सहभागी झाले होते. पंचरंगी जैन ध्वजांमुळे शोभा यात्रेचा सौंदर्यात भरच पडत होती.  मंगल प्रवेश व शोभा यात्रेला सकाळी साडेसात वाजता निगडी येथील ‘मितेशकुंज’ येथून भव्य मिरवणूकीने  सुरूवात होऊन लोकमान्य हॉस्पिटल TV-भेळ चौक -बिग इंडिया -हुतात्मा चौका मार्गे पाटीदार भवन येथे समाप्त झाली. संपूर्ण चातुर्मास पाटीदार भवनमध्ये होणार असून येणाऱ्या पाच महिन्यात प्रवचन, धार्मिक व सामाजिक कामेही केली जाणार आहे.

पीडित तरुणीलाही मुख्यमंत्र्याच्या वतीने पाच लाखाची मदत

पुणे: शहराच्या मध्यवस्तीत झालेल्या कोयता हल्ल्यात तरुणीचा जीव वाचवणाऱ्या लेजपाल जवळगे,हर्षद पाटील व दिनेश मडावी या जिगरबाज तरुणांना मुख्यमंत्र्यांनी प्रत्येकी पाच लाख रुपयांचे बक्षीस जाहीर केले, सारसबाग जवळील शिवसेना भवनात पक्षाच्या प्रवक्त्या डॉ.ज्योती वाघमारे व शहरप्रमुख प्रमोद नाना भानगिरे यांच्या हस्ते ही रक्कम या जिगरबाज तरुणांना सुपूर्द करण्यात आली, यावेळी व्हिडीओ कॉलच्या माध्यमातून मुख्यमंत्र्यांनी या तरुणांशी संवाद ही साधला,तरुणांनी दाखवलेलं धैर्य अतुलनीय असून या आर्थिक मदतीतून त्यांना पुढील शैक्षणिक परिक्षा देण्यासाठी निश्चितच पाठबळ मिळेल असा संदेशही मुख्यमंत्र्यांनी या तरुणांना दिला, पिडीत तरुणीलाही तिच्या पुढील शिक्षणासाठी पाच लाख रुपयांची भरीव आर्थिक मदत करण्यात आली, पिडीत तरुणीला ही मदत तिच्या घरी जावून देण्यात आली, तसेच तरुणीला मदत करण्यासाठी तिच्या सोबत आलेल्या मित्रालाही पंचवीस हजाराची मदत व होणाऱ्या शस्त्रक्रियेचा संपूर्ण खर्च शिवसेनेच्या वतीने करण्यात येणार आहे, यानंतर शिवसेनेच्या वतीने शिष्टमंडळाने पोलीस आयुक्तांची भेट घेत शहरातील महिलांच्या सुरक्षेसाठी तातडीने उपाययोजना राबवित महिला सुरक्षा धोरण ठरविण्याची मागणी करण्यात आली, पुणे शहर शिवसेनेच्या वतीने महिलांच्या सुरक्षेसाठी लवकरच टोल फ्री क्रमांक जारी करण्यात येत असून शिवसेना मध्यवर्ती कार्यालयात महिला मदत कक्ष स्थापन करण्यात आला आहे , पुण्यात नोकरीच्या निमित्याने व अभ्यास करण्यासाठी आलेल्या तरुणींना सुरक्षित वाटावे यासाठी पोलीस आयुक्तांनी तातडीने उपाययोजना राबवाव्या असेही पक्षाच्या प्रवक्त्या डॉ. ज्योती वाघमारे म्हणाल्या यावेळी सहसंपर्कप्रमुख अजय बापू भोसले,शिवसेना शहर प्रमुख प्रमोद नाना भानगिरे, युवासेना राज्य सचिव किरण साळी,महिला आघाडी अध्यक्ष लीना ताई पानसरे, पूजा रावेतकर, युवासेना जिल्हाप्रमुख निलेश घारे,शहर संघटक प्रमोद प्रभुणे,श्रीकांत पुजारी,शहर समन्वयक शंकर संगम, नवनाथ निवंगुणे,धनंजय जाधव, उपशहर प्रमुख सुधीर कुरुमकर,राजाभाऊ भिलारे,विकी माने,श्रद्धा शिंदे, सुदर्शना त्रिगुणाईत,श्रुती नाझीरकर, सुरेखा कदम,कांचन दोडे व अनेक पदाधिकारी व शिवसैनिक मोठ्या संख्येने उपस्थित होते

पुणे -राष्ट्रवादी कॉंग्रेस पार्टीच्या नेत्या , राष्ट्रीय कार्याध्यक्ष खासदार सौ. सुप्रिया सुळे यांच्या वाढदिवसाचे औचित्य साधत गुणवंत विद्यार्थ्यांचा सत्कार समारंभ पुण्याई हॉल येथे संपन्न झाला. कार्यक्रमात प्रभागातील १० वी आणि १२ वी उत्तीर्ण झालेल्या ४५० विद्यार्थ्यांचा सत्कार करण्यात आला. दरम्यान विवेक वेलणकर यांनी विद्यार्थ्यांना पुढील करिअरसाठी मार्गदर्शन केले. कार्यक्रमाचा शेवट पसायदानाने करण्यात आला. यावेळी निलेश शिंदे, नवनाथ खिलारे, कांताताई खिलारे, कानडे काका, भूषण शिर्के आणि दिवा प्रतिष्ठानचे सर्व पदाधिकारी तसेच विद्यार्थी आणि त्यांच्या पालकांची मोठ्या संख्येने उपस्थिती होती.

पुणे- पोलिसांच्या शहर खंडणी विरोधी पथक २ गुन्हे शाखा, यांच्याकडून सावकारी रकमेवर अधिक दराने व्याज घेत आर्थिक लुटमार करणाऱ्या सावकारांवर खंडणीचे गुन्हे दाखल करून त्यांना अटक करण्यात आली आहे. १) यश संजय मेमाणे व २) मानव संजय मेमाणे (दोघे रा. शिवांजली मित्र मंडळाचे शेजारी,कस्तुरे चौक, १ न्यु रविवार पेठ, पुणे)३ सुरज मनोज परदेशी( रा. खोपडे नगर, गुजरवाडी, कात्रज) अशी या खंडणीखोर सावकारांची नावे आहेत .

याप्रकरणी प्लोसांनी सांगितले कि,’एक अर्जदार, धंदा दुध डेअरी, रा. गुलटेकडी पुणे यांनी त्यांचे गरजेपोटी विनापरवाना सावकारी व्यवसाय करणारे सावकार नामे १) यश संजय मेमाणे व २) मानव संजय मेमाणे (दोघे रा. शिवांजली मित्र मंडळाचे शेजारी, १ न्यु रविवार पेठ, कस्तुरे चौक, पुणे )यांचेकडुन येथे एकुण १,९०,०००/- रुपये दरमहा १० टक्के व्याजदराने घेवुन त्यांचा मारुती सुझुकी टेम्पो हा सदरचे अवैदय सावकारांकडे गहाण ठेवुन अर्जदार यांनी सावकारांना गुगल पे व रोख स्वरुपात असे मुद्दल व १,७१,०००/- रुपये व्याज देवुन स्वतःचा गहाण ठेवलेला टेम्पो परत मागीतला असता तो न देता सावकारांनी अर्जदार यांचेकडे आणखीन २,००,०००/- रुपयांची अवाजवी रक्कमेची मागणी करुन ती न दिल्यामुळे अर्जदार यांना शिवीगाळ हाताने मारहाण करुन अर्जदार यांचे सॅमसंग कंपनीचे स्मार्ट वॉच काढुन घेतले म्हणुन अर्जदार यांनी दिले फिर्यादीवरुन सदरचे दोन अवैद्य सावकारांचे विरुध्द खडक पो.स्टे. येथे गुन्हा रजि.नं.२०९/२०२३ भा.दं.वि. कलम ३८४,३८५, महाराष्ट्र सावकारी अधिनियम कलम ३९, ४५ अन्वये गुन्हा दाखल करण्यात आला आणि आरोपीस ताब्यात घेऊन पुढील तपास कामी खडक पो.स्टे. चे ताब्यात देण्यात आले आहे.
तसेच दुसरे अर्जदार रा. शनिवार पेठ पुणे यांनी होम लोन व मॉरगेज लोनचा व्यवसाय सुरु करण्यासाठी विनापरवाना सावकारी व्यवसाय करणारा सावकार नामे सुरज मनोज परदेशी रा. खोपडे नगर, गुजरवाडी, कात्रज पुणे याचेकडून शनिवारवाडा चौपाटी, शनिवारपेठ पुणे येथे एकुण ४५,०००/- रुपये दरमहा २० टक्के व्याजदराने घेवुन त्या मोबादल्यात अर्जदार यांनी त्यांचे गुगल पे व फोन पे व्दारे सावकार सुरज परदेशी याचे गुगल पे व फोन पे वर ४ लाख रुपये अॅनलाईन व ५० हजार रुपये रोख स्वरुपात असे एकुण ४,५०,०००/- रुपये दिले असताना देखील सावकार सुरज परदेशी याने अर्जदार यांना वारंवार फोन करुन व भेटून शिवीगाळ करुन घरी येवुन बदनामी करण्याची धमकी देवुन आणखीन व्याज व मुद्दल असे एकूण १,५३,०००/- रुपयांची अवाजवी मागणी करीत असल्यामुळे अर्जदार यांनी दिले फिर्यादीवरुन सावकार सुरज मनोज परदेशी याचेविरुध्द विश्रामबाग पो.स्टे. येथे गुन्हा रजि. नं. १३६ / २०२३ भा.दं.वि. कलम ३८४,३८५, महाराष्ट्र सावकारी अधिनियम कलम ३९, ४५ अन्वये गुन्हा दाखल करण्यात आला असुन सदर आरोपीस ताब्यात घेऊन पुढील तपास कामी विश्रामबाग पो.स्टे. चे ताब्यात देण्यात आले आहे.
सदरची कामगिरी ही पोलीस आयुक्त रितेश कुमार, सह पोलीस आयुक्त संदिप कर्णिक, अपर पोलीस आयुक्त (गुन्हे) रामनाथ पोकळे, पोलीस उप आयुक्त (गुन्हे) अमोल झेंडे, सहा.पोलीस आयुक्त, गुन्हे – २ ,सतिश गोवेकर यांचे मार्गदर्शानाखाली खंडणी विरोधी पथक २, गुन्हे शाखा, पोलीस निरीक्षक प्रताप मानकर, सहा.पो.निरी. चांगदेव सजगने, पोलीस उपनिरीक्षक श्रीकांत चव्हाण, मोहनदास जाधव व पोलीस अंमलदार विजय गुरव, सुरेंद्र जगदाळे, विनोद साळुंके, संग्राम शिनगारे, ईश्वर आंधळे, अनिल मेंगडे, राहुल उत्तरकर, सैदोबा भोजराव, सचिन अहिवळे, चेतन आपटे, पवन भोसले, किशोर बर्गे, प्रदिप गाडे, आशा कोळेकर यांनी केलेली आहे.

दक्षता घेऊनच ; अधिकृत कर्मचाऱ्याकडेच करा व्यवहार

पुणे- बँकेमध्ये कॅश भरण्यासाठी येणा-या ग्राहकांना बँकेचा कर्मचारी असल्याचे भासवुन तसेच बँकेतील स्लिप भरण्यास मदत करण्याचा बहाणा करुन महाराष्ट्र व महाराष्ट्राबाहेरील इतर राज्यात फसवणुक करणा-या चोरास पुण्यातील लष्कर पोलिसांनी अटक केली आहे. त्याने आजवर एकूण 50 लाख रुपये अशाच मार्गाने हडप केल्याचे निष्पन्न झाले आहे

याप्रकरणी तीन आरोपींना पोलिसांनी अटक केली असून त्यांच्या चौकशीमध्ये संबंधित चोरट्यांनी तब्बल 49 गुन्ह्यात 50 लाख रुपयांचा गंडा आतापर्यंत वेगवेगळ्या नागरिकांना घातल्याचे उघडकीस आल्याची माहिती परिमंडळ दोनच्यापोलिस उपयुक्त स्मार्तना पाटील यांनी पत्रकार परिषदेत दिली आहे. चोरट्यांनी लुटमार केलेली रक्कम लॉटरीच्या व्यसनात घालवण्याची कबुली पोलिसांना दिली आहे.

दीपककुमार ओमप्रकाश मेहंगी (वय- 47 ,राहणार- पानिपत, हरियाणा), सुनील रामप्रसाद वर्ग (वय -37 ,राहणार – पानिपत, हरियाणा )आणि सुरज कुमार ओम प्रकाश मेहंगी( वय – 39 ,राहणार – हरियाणा , पानिपत )अशी याप्रकरणी अटक करण्यात आलेल्या आरोपींची नावे आहेत. याबाबत नितीन रामचंद्र पवार (वय 53, राहणार- उंड्री, पुणे) यांनी लष्करपोलिस ठाण्यात आरोपीं विरोधात तक्रार दाखल केलेली आहे .13 जून रोजी कॅम्प परिसरातील इंडसइंड बँकेत तक्रारदार नितीन पवार यांचे मॅनेजर हे चार चेक करण्यासाठी आले होते. त्यावेळी कॅशियरकडून तीन लाख रुपयांची रक्कम घेण्यात आली. त्यावेळी कॅश काऊंटर जवळ उभा असणारा आरोपी दीपक कुमार मेहंगी यांनी बँकेचाच माणूस असल्याचे भासवून बँकेतून काढलेल्या रकमेत रंग लागलेल्या पाचशे रुपये दराचे दोन बंडल घेऊन कॅशियार कडून बदलून देतो असे सांगितले. त्यानुसार आरोपी हा संबंधित बंडल मधील एक लाख रुपये घेऊन पसार झाला.
गुन्हयाची मोडस
मुख्य आरोपी हा बँकेत थांबुन पैसे भरण्यासाठी येणा-या ग्राहकास स्लिप भरण्यास मदत करतो तसेच त्यांचे सोबत कॅश काऊंटरवर जाऊन ग्राहकाची दिशाभुल करुन कॅशियर यास ग्राहकाचे सोबत असल्याचे भासवुन बँकेमध्ये कॅश भरण्यासाठी येणा-या ग्राहकांना बँकेचा कर्मचारी असल्याचे भासवुन तसेच ग्राहक पैसे मोजत असताना काही नोटांचे बंडल खराब आहेत नोट बदलुन आणण्याचा बहाणा करुन ग्राहकांची फसवणुक केली आहे.
करण्यात आली असुन ०९ दिवस पोलीस कस्टडी रिमांड मिळाली असुन आरोपीकडे पोलीस कस्टडीदम्यान तपास केला असता त्याने पुणे शहर, नाशिक, मध्यप्रदेश, गुजरात, मुंबई, कल्याण, शिर्डी, अहमदनगर, पनवेल, वाशी, अशा वेगवेगळया ठिकाणी १९ गुन्हे केल्याचे तपासात निष्पन्न झाले आहे.

पुणे- मुख्यमंत्री चांदणी चौकाच्या वाहतूक कोंडीत अडकल्याने येथील पुढील काम अधिक वेगाने पुढे सरकले. त्याचप्रमाणे मुख्यमंत्री शिंदे यांनी पुण्याच्या विविध प्रलंबित प्रश्नांबाबतही बैठक घेण्याची मागणी शिवसेना शहरप्रमुख नाना भानगिरे यांनी केली होती आणि ही बैठक लवकरच घेण्याचे आश्वासन शिंदे यांनी दिले होते मात्र तरी ती केव्हा होणार, याची प्रतीक्षा गेल्या वर्षभरापासून कायम आहे.पुणे रिंग रोड, पुण्यात नव्याने समाविष्ट झालेल्या ११ गावांचा विकास आराखडा (डीपी), पुणे महानगर प्रदेश विकास प्राधिकरणातर्फे (पीएमआरडीए) करण्यात येणारा २३ गावांचा विकास आराखडा, महापालिका हद्दीतील नगररचना योजना (टीपी स्कीम), हडपसर साठी स्वतंत्र महापालिका अशा अनेक प्रलंबित मुद्द्यांबाबतही सरकारने भूमिका जाहीर करण्याची गरज आहे.

पुण्यासाठी स्वतंत्र विमानतळ, पुणे-नाशिक सेमी हायस्पीड रेल्वे, पुण्याच्या मेट्रोचा पुढील टप्पा प्रवाशांसाठी खुला करण्यासह त्याच्या विस्तारित मार्गांना मान्यता, रिंग रोड आणि इतर पायाभूत प्रकल्पांसाठी मुख्यमंत्री एकनाथ शिंदे केव्हा वेळ देणार, असा प्रश्न पुणेकर विचारत आहेत.गेल्या वर्षी ३० जूनला शिंदे-फडणवीस सरकार स्थापन झाल्यानंतर पुरंदर येथे झालेल्या पहिल्याच जाहीर कार्यक्रमात मुख्यमंत्री शिंदे यांनी पुण्याचे विमानतळ जुन्याच जागेत होणार, असे जाहीर केले होते. त्यानंतर गेल्या वर्षभरात या स्वतंत्र विमानतळाचे गाडे इंचभरही पुढे सरकलेले नाही. देशात अनेक नव्या विमानतळांची उद्घाटने आणि काही ठिकाणी भूमिपूजनाचे कार्यक्रम होत असताना, ‘पुरंदर येथील विमानतळ नक्की होणार’, या एका वाक्याच्या आश्वासनावर पुणेकरांची बोळवण केली जात आहे.विमानतळाबरोबरच पुणे-नाशिक सेमी हायस्पीड प्रकल्पाला रेल्वे मंत्रालयाची तत्त्वत: मान्यता मिळूनही बराच कालावधी उलटला; पण त्याचे पुढे काय झाले? या प्रकल्पाला अंतिम मान्यता कधी मिळणार? याविषयीची नेमकी माहिती शिंदे-फडणवीस यांनी द्यायला हवी. पुण्याची पुढील टप्प्यातील मेट्रो लवकरच कार्यान्वित केली जाईल, असे आश्वासन एप्रिलपासून देत आहेत. दुर्दैवाने, जून संपला, तरीही ही मेट्रो पुढचा प्रवास करीत नाही; तसेच मेट्रोच्या विस्तारित मार्गांना केंद्राकडून मान्यता मिळविण्यात सरकार यशस्वी ठरलेले नाही. नागपूर मेट्रोच्या टप्पा-२ ला मान्यता देऊन त्यासाठी निधीची तजवीज करणारे सरकार पुण्याच्या मेट्रो टप्पा-२ ला कधी मान्यता देणार, याकडे पुणेकरांचे लक्ष लागले आहे.