पुणे : शहरातील एसएनडीटी भागातील पाण्याच्या टाक्‍यांना, जलशुद्धीकरण केंद्राच्या ठिकाणी फ्लो मीटर बसविण्यात येणार आहे. त्यामुळे संबंधित परिसरातील पाणीपुरवठा येत्या बुधवारी (ता.1) बंद राहणार आहे.पुणे महापालिकेच्या समान पाणी पुरवठा प्रकल्पाअंतर्गत शहराच्या विविध भागातील पाण्याच्या टाक्‍यांना, जलशुद्धीकरण केंद्राच्या ठिकाणी फ्लो मीटर बसविण्यात येणार आहे. त्यानुसार, एसएनडीटी भागात फ्लो मीटर बसविण्याचे काम महापालिकेच्या पाणी पुरवठा विभागाने हाती घेतले आहे.त्यानुसार, बुधवारी (ता.1) रोजी व दुसऱ्या दिवशी संबंधित परिसरातील पाणी पुरवठा कमी दाबाने होणार आहे, अशी माहिती पाणी पुरवठा विभागाचे मुख्य अभियंता अनिरुद्ध पावसकर यांनी दिली आहे.

 ८४ व्या  वरिष्ठ गटाच्या राष्ट्रीय बॅडमिंटन स्पर्धेचे उद्घाटनपुणे जिल्हा आणि महानगर बॅडमिंटन संघटना (पीडीएमबीए) यांच्या वतीने आयोजित डॉ. सायरस पूनावाला आणि  वेंकीज यांच्या सहकार्याने व बॅडमिंटन असोसिएशन ऑफ इंडिया व महाराष्ट्र बॅडमिंटन असोसिएशन यांच्या मान्यतेने स्पर्धा

पुणे :  मानांकनाच्या स्पर्धेत खेळाडू नकळतपणे ओढला जातोय. मानांकन कसे वाढेल म्हणून खेळाडू खेळतात. पण, त्याकडे खेळाडूंनी दुर्लक्ष करावे. जास्तीत जास्त चांगल्या स्पर्धा खेळाव्यात आणि त्या कशा जिंकता येतील हे महत्वाचे आहे. स्पर्धा जिंकल्या की तुमचे मानांकन आपोआप सुधारेल, असे मत भारताचे माजी बॅडमिंटनपटू प्रकाश पदुकोण यांनी व्यक्त केले. 
पुणे जिल्हा आणि महानगर बॅडमिंटन संघटना (पीडीएमबीए) यांच्या वतीने आयोजित डॉ. सायरस पूनावाला आणि  वेंकीज यांच्या सहकार्याने व बॅडमिंटन असोसिएशन ऑफ इंडिया व महाराष्ट्र बॅडमिंटन असोसिएशन यांच्या मान्यतेने श्री शिवछत्रपती क्रीडा संकुल येथे सुरु असलेल्या योनेक्स सनराईज  ८४ व्या  वरिष्ठ गटाच्या राष्ट्रीय बॅडमिंटन स्पर्धेचे शुक्रवारी प्रकाश पदुकोण यांच्या हस्ते औपचारिक उदघाटन झाले. यावेळी पत्रकारांशी संवाद साधताना ते बोलत होते. यावेळी एस. मुरलीधरन, ओमर राशीद, जसविंदर नारंग, मंगेश काशीकर, वैभव डांगे, पुणे जिल्हा आणि शहर बॅडमिंटन संघटनेचे रणजित नातू, अण्णा नातू, श्रीकांत वाड आदी मान्यवर उपस्थित होते.  पोलीस बँडने पदुकोण यांना मानवंदना दिली व नंतर पोलीस बँडच्या तालावर सर्व खेळाडूंचे संचलन झाले.
थॉमस कप बॅडमिंटन स्पर्धेच्या ७४ वर्षांच्या काळात महाराष्ट्रातले जे पुरुष खेळाडू थॉमस कपसाठी खेळले त्या खेळाडूंचा सन्मान प्रकाश पदुकोण यांच्या हस्ते झाला. खेळाडूंना ताम्रपत्र, पुणेरी पगडी देऊन गौरविण्यात आले.  आसिफ पापरिया, इक्बाल मैदर्गी. लेरॉय, संजय शर्मा, रवी कुंटे, विजय लेन्सी,अक्षय देवलकर, जिष्णू सन्याल, निखिल कानेटकर, उदय पवार, आनंद पवार, चिराग शेट्टी, या खेळाडूंचा सन्मान करण्यात आला. दत्ता धोंगडे, दिपांकर भट्टाचार्य यांचा देखील यावेळी विशेष सन्मान करण्यात आला.  
प्रकाश पदुकोण म्हणाले, आज बॅडमिंटनमध्ये खेळणारी पिढी खरंच खूप नशीबवान आहे. त्यांना सर्व एका हाकेसरशी मिळत आहे. बॅडमिंटनही हा भारतात दुसऱ्या क्रमांकाचा लोकप्रिय खेळ बनला आहे. आमच्या काळात स्पर्धांना जाण्यापासून, स्पर्धा केंद्रावर राहणे, साहित्याची उपलब्धता या सगळ्याबाबत अडचणीच अडचणी होत्या. मात्र, आता चित्र बदललेले आहे. ते पुढे म्हणाले, आमच्या कालावधीत आम्हाला संधीची वाट पहावी लागत होती. आज बॅडमिंटन इतके वाढले आहे की स्पर्धा संख्याही वाढल्या आहेत. विविध स्पर्धांच्या माध्यमातून वेगवेगळी व्यासपीठ खेळाडूंसाठी निर्माण झाली आहेत. त्यामुळे आता संधी वाट पहाते की काय असे वाटते. सरकार, संघटना, पुरस्कर्ते, प्रशासक अशा सगळ्याच आघाड्यांवर सहकार्य मिळत आहे. त्यामुळे यांचा हात हातात घेऊन कसे पुढे जायचे हे खेळाडूंनी ठरवायचे आहे.
पदुकोण यांनी बॅडमिंटनच्या वाढीस अनेक वाटा मिळाल्या आहेत. अनेक जण यात काम करत आहेत. पुणे जिल्हा बॅडमिंटन संघटनेने अशा मोठ्या आयोजनाची संधी मिळाली की ती नेहमीच यशस्वी करून दाखवली आहे. बॅडमिंटनच्या प्रसारास अजूनही वाव आहे. त्यावर काम करता येईल, असेही मत पदुकोण यांनी मांडले.

दुखापती आणि कामगिरी हे खेळाडूच्या कारकिर्दीमधील एक अविभाज्य घटक आहेत. आपली तंदुरुस्ती कशी उत्तम राहील आणि चांगली कामगिरी कशी करता येईल याकडे खेळाडूंचे लक्ष वाढायला हवे. असेही पदुकोण म्हणाले. बॅडमिंटनपटूंना आज कारकिर्द घडवताना संधी आणि सुविधा दोन्ही सहज उपलब्ध होत आहेत. आता त्याचा फायदा करून घेणे तुमच्या हातात आहे, असे आवाहन भारताचे माजी बॅडमिंटनपटू प्रकाश पदुकोण यांनी नव्या पिढीला केले.

पुणे,दि.२४: निवडणूक प्रक्रिया सर्वसमावेशक करण्याच्या निवडणूक आयोगाच्या प्रयत्नांर्गत चिंचवड मतदारसंघ निवडणूक कार्यालयात आज दिव्यांगाना ईव्हीएम यंत्राची माहिती देण्यात आली व मार्गदर्शन करण्यात आले.

दिव्यांगांना सहजतेने मताधिकार बजावता यावा यासाठी निवडणूक यंत्रणेने उपलब्ध करून दिलेल्या सुविधा दिव्यांगाना आत्मनिर्भर करण्यासाठी महत्वाचे पाऊल आहे, अशी भावना यावेळी दिव्यांग बांधवांनी व्यक्त केली.

निवडणूक निर्णय अधिकारी सचिन ढोले यांच्या मार्गदर्शनाखाली आणि नायब तहसीलदार संतोष सोनवणे यांच्या नियंत्रणाखाली तज्‍‌ज्ञ प्रशिक्षक म्हणून औद्योगिक प्रशिक्षण संस्थेचे गटनिदेशक ज्योत सोनवणे, निदेशक शिवदास वाघमारे, सतीश गायकवाड, जीवन ढेकळे अरुण बांबळे, विष्णू साबळे, तानाजी कोकणे, राष्ट्रीय दृष्टिहीन संघाचे जनार्दन कोळसे, चिंचवड बधीर मूक विद्यालयाचे सामाजिक कार्यकर्ता गणेश टिळेकर, वाचा उच्चार तज्ज्ञ बालाजी गीते, वि. रा. रुईया मूक बधीर विद्यालयाचे वाचा उच्चार तज्ज्ञ शरद फड यांची नेमणूक या कामकाजासाठी करण्यात आली आहे.

निवडणुकीच्या दिव्यांग कक्षाचे समन्वय अधिकारी श्रीनिवास दांगट यांनी यासाठी विशेष प्रयत्न केले. अंध व्यक्तींसाठी ब्रेल लिपीतील मतपत्रिका आणि बॅलेट युनिटवर असलेली ब्रेल लिपी, अल्पदृष्टी असणा-या व्यक्तींसाठी मॅग्निफायिंग ग्लासची सुविधा, मूक बधीर व्यक्तींना वाचा उच्चार तज्ज्ञामार्फत दिलेली माहिती या सर्व बाबींमुळे इतर कोणाच्याही मदतीशिवाय आता स्वतः मताधिकार बजावता येणार असल्याचा आनंद आहे, अशी भावना यावेळी व्यक्त करण्यात आली.

निवडणूक यंत्रणेने मतदान केंद्रावर दिव्यांगांसाठी विशेष स्वयंसेवक नेमले आहेत, व्हील चेअर व रॅम्पची व्यवस्था केली आहे. त्यामुळे या मतदार संघातील सर्व दिव्यांग मतदारांनी आपला मताधिकार बजावून लोकशाही अधिक बळकट करण्यासाठी आपला सहभाग नोंदवावा, असे आवाहन श्री. कोळसे यांनी केले.

दिव्यांग व्यक्तींसाठी भारत निवडणूक आयोगाने अॅप सुरु केले आहे, त्याचादेखील वापर करावा, असे आवाहन निवडणूक निर्णय अधिकारी श्री. ढोले यांनी केले आहे.
००००

पत्रकार परिषदेत डॉ. राजेंद्र गुंडावर यांची माहिती

पुणे दि. २४ फेब्रुवारीः ‘कोथरूड हॉस्पिटल’ ने तोंडातील जबड्याच्या कॅन्सरच्या गुंतागुंतीच्या समस्येवर यशस्वीपणे शस्त्रक्रिया करून पुन्हा एकदा आपली उत्कृष्टता सिध्द केली आहे. प्रसिद्ध सर्जन डॉ. राजेंद्र गुंडावार यांनी येथे अशा प्रकारची गुंतागुतीची शस्त्रक्रिया यशस्वीपणे केली. बीड येथील अनिल प्रभाकर बहीर (वयः३९) यांच्या डाव्या जबड्यात कॅन्सर झाला होता. त्यामुळे त्यांना तोंड उघडताही येत नव्हते. ते बोलण्यास ही असमर्थ होते. त्यांच्यावर शस्त्रक्रिया करून नव जीवन दिले. अशी माहिती सुप्रसिद्ध सर्जन डॉ. राजेंद्र गुंडावार यांनी पत्रकार परिषदेत दिली. यावेळी हॉस्पिटलचे संचालक डॉ. राजेंद्र मिटकर, भूलतज्ञ डॉ.दिप्ती पोफाळे आणि रूग्ण अनिल बहीर उपस्थित होते.
रुग्णाचा आजार खूप वाढल्यावर नातेवाइकांनी त्यांना पुण्यातील कोथरूड हॉस्पिटलमध्ये आणले. आमच्या हॉस्पिटलमध्ये रूग्णाची तपासणी करून सर्व चाचण्या केल्या. त्यांच्या जबड्यामध्ये ‘कॉप्लेजिक्ट रिसेक्शन’ नावाचा कॅन्सरचे लक्षण दिसले. त्यानंतर ४ तासांची गुंतागुंताची शस्त्रक्रिया करून रुग्णाला वेदनांपासून मुक्त करण्यात आले. यशस्वी शस्त्रक्रियेनंतर रुग्ण आज बोलू लागले. सर्जन डॉ. राजेंद्र गुंडावर यांच्यासह डॉ. संभूस, डॉ. लिना दोभाड, डॉ. राजेंद्र मिटकर यांनी शस्त्रक्रियेत महत्त्वाची भूमिका बजावली.
डॉ. राजेंद्र गुंडावार म्हणाले,“एवढ्या तरूण युवकाच्या खालच्या व वरच्या जबड्यांची पहिल्यांदाच शस्त्रक्रिया केली. तोंडाच्या आतील डाव्या बाजूच्या जबड्यातीच्या कॅन्सरच्या जखमा बरा करण्यात यशस्वी झालो. ऑपरशेन सुरू केल्यानंतर पहिल्या टप्प्यात कॅन्सर रोगाने संक्रमित जबड्याचा भाग मोठ्या फरकाने बाहेर काढण्यात आला. यानंतर दुसर्‍या टप्प्यात मानेमध्ये पसरलेला कॅन्सरचा भाग कापला गेला. तिसर्‍या टप्प्यात वरच्या जबड्यातील पाठिमागचा संपूर्ण भाग बाहेर काढला. त्यानंतर उर्वरित जागा भरण्यासाठी छातीच्या आतिल काही भाग काढून तो जबड्यात बसविण्यात आला. म्हणजेच उर्वरित जागा त्या वस्तुमानाने भरली गेली. सतत ४ तास टीम ने या शस्त्रक्रियेत झुंज दिली आणि अखेर ३९ वर्षीय व्यक्तीला नवजीवन दिले. गरजेनुसार त्यांना काही दिवस किमोथेरपी दयावी लागेल.”
रूग्ण अनिल बहीर म्हणाले,“माझी परिस्थिती अत्यंत बिकट असतांनाही कोथरूड हॉस्पिटलने सामाजिक कर्तव्य म्हणून येथील तज्ञ डॉक्टरांनी माझ्यावर केलेल्या ऑपरेशनमुळे मला जीवनदान मिळाले आहे. कॅन्सरसारखा आजार माणसाला केवळ शारीरिकच नाही तर मानसिक आणि आर्थिकदृष्टयाही हादरवून सोडतो.”
डॉ. राजेंद्र मिटकर म्हणाले,“ रिक्शा चालक रूग्णाला बर्‍याच वर्षापासून तंबाखू व गुटखाच्या सेवनाची सवय होती. वाढत्या वयानुसार त्यांना तोंडाचा त्रास सुरू झाला. बीडमध्ये अनेक डॉक्टरांकडून चेकअप केल्यानंतर ते कोथरूड हॉस्पिटल मध्ये डॉ. राजेंद्र गुंडावार यांच्याकडे उपचारासाठी आले. या यशस्वी शस्त्रक्रियेचे संपूर्ण श्रेय कोथरूड हॉस्पिटलच्या टीमला जाते. हे रुग्ण आता पूर्णपणे बरे असून त्यांना कोथरूड हॉस्पिटल मधून डिस्चार्ज देण्यात आला आहे. हा रूग्ण आनंदीत होऊन घरी गेला.”

पुणे, दि. २४: लोकशाही प्रक्रीयेत योग्य उमेदवार निवडण्यासाठी मतदान करणे महत्वाचे असून मतदारांनी 26 फेब्रुवारी रोजी कोणत्याही प्रलोभनाला बळी न पडता निर्भयपणे मतदान करावे, असे आवाहन अपर मुख्य सचिव व मुख्य निवडणूक अधिकारी श्रीकांत देशपांडे यांनी केले.

चिंचवड विधानसभा मतदारसंघ पोट निवडणुकीच्या अनुषंगाने सांगवी येथे आयोजित मतदार जनजागृती रॅलीच्या शुभारंभप्रसंगी ते बोलत होते. यावेळी निवडणूक निरीक्षक एस. सत्यनारायण, उपजिल्हाधिकारी अजय पवार, वर्शिप अर्थ फाऊंडेशनचे संस्थापक पराग मते, मुख्य कार्यकारी अधिकारी तेजस गुजराथी उपस्थित होते.

श्री.देशपांडे म्हणाले, लोकशाही प्रक्रियेत मतदारांचा सहभाग महत्वाचा आहे. लोकशाही प्रक्रीयेत प्रत्येक मताला महत्व आहे. योग्य उमेदवार निवडण्यासाठी सर्व मतदार सक्षम आहेत. विद्येचे माहेरघर असलेल्या पुण्यामध्ये मतदानाची टक्केवारी वाढवण्यासाठी जास्तीत जास्त मतदारांनी मतदान करण्यात आपला सहभाग द्यावा आणि मतदानाचा संदेश घरोघरी पोहोचवावा, असे आवाहन मुख्य निवडणूक अधिकारी श्री. देशपांडे यांनी केले.

रॅलीमध्ये युवांचा उस्फूर्त सहभाग

इंदिरा महाविद्यालय, ताथवडे संचेती महाविद्यालय,थेरगाव येथील विद्यार्थ्यांनी मतदार जागृती उपक्रमात सहभाग घेतला. ‘मतदार राजा जाग तू, शहाण्यासारखं वाग तू’, ‘माझे मत माझा अधिकार’, ‘आमिषाला बळी पडणार नाही, मतदानापासून वंचित राहणार नाही’, ‘मत द्यायला जायचे आहे,आपले कर्तव्य बजवायचे आहे’, अशा घोषणा देत विद्यार्थ्यांनी नागरिकांना मतदानासाठी आवाहन केले. यावेळी कलापथक व पथनाट्याच्या माध्यमातूनही निर्भयपणे मतदान करण्याचा संदेश देण्यात आला.

मुख्य निवडणूक अधिकारी श्री.देशपांडे यांनी परिसरातील नागरिकांशी संवाद साधून त्याना मतदान करण्याचे आवाहन केले. प्रशासनाने मतदारांसाठी मतदान केंद्रांवर आवश्यक सुविधा केली असून नागरिकांनी मतदान करून लोकशाही बळकट करावी, असे आवाहन त्यांनी केले. यावेळी मतदारसंघातील शनिमंदिर ते क्रांती चौकपर्यंत विविध गृह निर्माण संस्था व व्यापारी पेठेत भेट देऊन मतदार राजाला मतदानाचे आवाहन करण्यात आले. मतदारांना मतदार मार्गदर्शिकेचे वाटपही करण्यात आले.

पुणे – आजचा समाज हा अधिकाधिक आत्मकेंद्री होत चालला आहे, यामध्ये नकारात्मक भावना दिवसेंदिवस वाढत आहे. अशावेळी प्रामाणिकपणे आणि सचोटीने काम करणाऱ्या छोट्या संस्थांमुळे समाज योग्य रीतीने चालू आहे. आज खऱ्या अर्थाने माणूस घडविणारे संस्कार आणि शिक्षण देण्याची गरज आहे, अशी भावना ज्येष्ठ शिक्षणतज्ञ डॉ.अ.ल.देशमुख यांनी व्यक्त केली.

जनसज्जन सोशल वेल्फेअर फाउंडेशन तर्फे सामाजिक क्षेत्रातील योगदानासाठी आदर्श समाज प्रबोधन पुरस्कार विशेष मुलांना शिक्षण देणाऱ्या श्री साई एज्युकेशन ट्रस्ट या संस्थेला पत्रकार भवन येथे झालेल्या कार्यक्रमात प्रदान करण्यात आला. कीर्तनकेसरी ह.भ.प. चंद्रकांत महाराज वांजळे, फाउंडेशनचे अध्यक्ष प्रविण राठी, प्रभाकर सेलूकर, प्रदीप मोहोळ, नंदकिशोर एकबोटे, सागर शेडगे, सोपान वांजळे, अमर मित्र मंडळाचे अनंत सुतार, चेंज इंडियाचे  सचिन धनकुडे, गायक संजय मरळ आदी यावेळी उपस्थित होते. सन्मानचिन्ह, सन्मानपत्र, ११ हजार रुपये असे पुरस्काराचे स्वरूप होते. पुरस्काराचे यंदा १३ वर्ष होते. 

डॉ.अ.ल. देशमुख म्हणाले, छत्रपती शिवाजी महाराजांनी रायरेश्वर येथे केवळ नऊ मावळ्यांच्या साथीने स्वराज्याची शपथ घेतली. या मावळ्यांच्या सहकार्यानेच त्यांनी एवढे मोठे साम्राज्य निर्माण केले. त्यामुळे छोट्या संस्थांनी आपली सुरुवात छोटी होत आहे, असे समजून न्यूनगंड बाळगू नये. तर अशा छोट्या कामातूनच समाजामध्ये मोठे काम होत असते आणि यातूनच समाजाची वाटचाल योग्य रीतीने होत असते.

चंद्रकांत वांजळे म्हणाले, विशेष व्यक्तींकडे वेगळ्या प्रकारची ताकद असते. ते आपल्या बुद्धिमत्तेच्या जोरावर केवळ वैयक्तिक विकासच नव्हे तर समाजातही चांगले परिवर्तन घडवू शकतात, अशा व्यक्तींना आपण समाजात मुख्य प्रवाहात आणले पाहिजे. त्यांना विकासामध्ये आपल्याबरोबर घेणे हे आपले कर्तव्यच आहे.

सागर शेडगे म्हणाले, मनाचे डोळे उघडे ठेवून समाजाची सेवा आपण केली पाहिजे. अशा प्रकारचे शिक्षण आजच्या तरुण पिढीला देणे गरजेचे आहे. केवळ आपल्याच विकासाकडे लक्ष न देता आपणही काहीतरी समाजाचे देणे लागतो, हा संस्कार आपण समाजामध्ये खोलवर रुजवला पाहिजे.

पुणे जिल्हा आणि महानगर बॅडमिंटन संघटना (पीडीएमबीए) यांच्या वतीने आयोजित डॉ. सायरस पूनावला आणि  वेंकीज यांच्या सहकार्याने व बॅडमिंटन असोसिएशन ऑफ  इंडिया व महाराष्ट्र बॅडमिंटन असोसिएशन यांच्या मान्यतेने स्पर्धा
पुणे – महाराष्ट्राच्या दहाव्या मानांकित हर्षिल दाणी, आर्य भिवपाठकी यांनी राष्ट्रीय अजिंक्यपद बॅडमिंटन स्पर्धेत आपल्या मोहिमेस थाटात सुरुवात केली. आर्यचा विजय एकतर्फी राहिला. हर्षिलला मात्र विजयासाठी तीन गेमपर्यंत झुंजावे लागले. 
पुणे जिल्हा आणि महानगर बॅडमिंटन संघटना (पीडीएमबीए) यांच्या वतीने आयोजित डॉ. सायरस पूनावला आणि  वेंकीज यांच्या सहकार्याने व बॅडमिंटन असोसिएशन ऑफ इंडिया व महाराष्ट्र बॅडमिंटन असोसिएशन यांच्या मान्यतेने  योनेक्स सनराईज  ८४ वी वरिष्ठ गट राष्ट्रीय बॅडमिंटन स्पर्धा म्हाळुंगे बालेवाडी येथील श्री शिवछत्रपती क्रीडा संकुलात सुरू आहे. स्पर्धेत शुक्रवारी वैयक्तिक लढतींना सुरुवात झाली. स्पर्धेत अस्मिता चलिहाने महिला एकेरीतून पहिल्या फेरीत सहज विजय मिळविला. पुरुष एकेरीत अनुभवी बी. साईप्रणितनेही आपल्या मोहिमेस यशस्वी सुरुवात केली. 
दहाव्या मानांकित महाराष्ट्राच्या हर्षिल दाणीला पहिला अडथळा पार करण्यासाठी ५८ मिनिटे झुंजावे लागले. किरणकुमारने त्याला जबरदस्त प्रतिकार केला. किरणने पहिलाच गेम २१-१६ असा जिंकून सनसनाटी सुरुवात केली. पण, त्यानंतर हर्षिलने आपल्या फटक्यांवर आणि वेगावर नियंत्रण ठेवत खेळ केला. दुसऱ्या गेमलाही किरणने सुरुवातीपासून आघाडी गेत गेमच्या मध्याला ११-७ अशी आघाडी घेतली होती. त्यानंतर हर्षिलने सलग तीन गुण घेत पिछाडी ११-१० अशी भरुन काढली. १३-१३ अशा बरोबरीनंतर हर्षिलने सलग पाच गुण घेत १८-१३ अशी आघाडी मिळवली आणि त्यानंतर मागे वळून बघितले नाही. तिसऱ्या गेमला मात्र हर्षिलच्या आक्रमकतेला किरण उत्तर देऊ शकला नाही. निर्णायक गेमला हर्षिलने ८-४ अशी आघाडी मिळविली. मात्र, किरणने कडवा प्रतिकार करत ९-९ अशी बरोबरी साधली. या बरोबरीनंतर मात्र हर्षिलने सलग ७ गुण घेत १६-८ अशी मोठी आघाडी घेतली आणि ती टिकवून ठेवत विजयावर शिक्कामोर्तब केले. पुरुषांच्या अन्य एका लढती महाराष्ट्राच्या आर्य भिवपाठकीने रिकू खापेचा २४-२२, २१-११ असा पराभव केला. 
महिला एकेरीत  अस्मिता चलिहाने आपली लय कायम राखत गौरीकृष्णाचे आव्हान २१-९, २१-१२ असे सहज मोडून काढले. या गटातील एका चुरशीच्या लढतीत प्रेरणा आलवेकरने पिंकी कर्कीचा प्रतिकार २१-६, २०-२२, २१-१४ असा मोडून काढला.
निकाल –
महिला एकेरी – (पहिली फेरी)
इश्रानी बरुआ वि.वि. करिष्णा खर्डीकर २१-११, २१-९, सूर्या करिष्मा तामिरी वि.वि. याजुम ला २१-८, २१-११, सी. सुजाता वि.वि. अनिषा राय २१-१०, २१-१५, स्मित तोष्णिवाल वि.वि. आदर्षिनी श्री एन. बी. २३-२१, १३-२१, २१-१०, आदिती भट वि. वि. जान्हवी महाले २१-११, २१-१०, अस्मिता चलिहा वि.वि. गौरीकृष्णा टी आर. २१-९, २१-१२, विजेता हरिष वि.वलि. आत्मजयिता राय बर्मन २१-९, २१-९, प्रशंसा बोनम वि.वि. नमिता पठानिया १९-२१, २२-२०, १४-२१, उन्नती बिश्त वि.वि. स्वागतिका राऊत २१-४, ३१-६, तानी चंद्रा वि. वि. रशिका दास २१-८, २१-१०, शेखोटोलू पुरो वि.वि. तेजस्विनी ठाकूर  २१-१३, २१-१०, तनिशा सिंग वि.वि. प्रभावती एस, २१-६, २१-२,  लिखिता श्रीवास्तव वि.वि. याशिका २१-१६, २१-१२, धरित्री यातीश वि.वि. रुचा सावंत २१-१३, १७-२१, २१-९, नेहा पंडित वि.वि. सुनंदिता बिस्ता २१-५, २१-६, रितुपर्ण दास वि.वि. लार्लेम्पुई २१-०, २१-७, प्रेरणा आलवेकर वि.वि. पिंकी कर्की २१-६, २०-२२, २१-१४.

पुरुष – किरण जॉर्ज वि.वि. संकर मुथुस्वामी एस २१-१२, २१-१३, झुचोपेमो ओडुयो वि.वि. बळवंत २१-१४, २१-१२, प्रथमेश कुलकर्णी वि.वि. केविन वोंग वि.वि. भास्कर चक्रवर्ती २१-२, २१-१, अभिषेक येलिगर वि.वि. अंकित मोंडल १४-२१, २१-१४, २१-१२, डी सरथ वि.वि. लाहरुएटलुआंगा जोसेफ २१-१०, २१-१४, श्रेयस जैस्वाल वि.वि. विद्यासागर सालम २१-१७, २१-१७, वकुल शर्मा वि.वि. आयन रशिद २२-२०, २१-१०, शंतनु शर्मा वि.वि. के. गोविंद १६-२१, २१-१६, २१-१०, शुभम गुसेन वि. वि. रितुराज नाग २१-१४, २१-१८, पियांशु राजावत वि.वि. करण चौधरी २२-२०, २१-१५, यशवर्धन वि.वलि. बिशालक्षा पोद्देर २१-८, २१-१७, वैभव जाधव वि.वि. ध्रुव बन्सल २१-७, २१-१९, आर्यभिवपाठकी वि.वि. रिकु खापे २४-२२, २१-११, हर्षिल दाणी वि.वि. किरण कुमार १६-२१, २१-१७, २१-१२, साईप्रणित बी वि.वि. पृथ्वी रॉय २१-१३, २१-१९——————————————-
स्पर्धेचे औपचारिक उद्धाटन
पुणे जिल्हा आणि महानगर बॅडमिंटन संघटना (पीडीएमबीए) यांच्या वतीने आयोजित डॉ. सायरस पूनावाला आणि  वेंकीज यांच्या सहकार्याने व बॅडमिंटन असोसिएशन ऑफ इंडिया व महाराष्ट्र बॅडमिंटन असोसिएशन यांच्या मान्यतेने श्री शिवछत्रपती क्रीडा संकुल येथे सुरु असलेल्या योनेक्स सनराईज  ८४ व्या  वरिष्ठ गटाच्या राष्ट्रीय बॅडमिंटन स्पर्धेचे शुक्रवारी प्रकाश पदुकोण यांच्या हस्ते औपचारिक उदघाटन झाले. यावेळी एस. मुरलीधरन, ओमर राशीद, जसविंदर नारंग, मंगेश काशीकर, वैभव डांगे, पुणे जिल्हा आणि शहर बॅडमिंटन संघटनेचे रणजित नातू, अण्णा नातू, श्रीकांत वाड आदी मान्यवर उपस्थित होते.  पोलीस बँडने पदुकोण यांना मानवंदना दिली व नंतर पोलीस बँडच्या तालावर सर्व खेळाडूंचे संचलन झाले.

थॉमस कप बॅडमिंटन स्पर्धेच्या ७४ वर्षांच्या काळात महाराष्ट्रातले जे पुरुष खेळाडू थॉमस कपसाठी खेळले त्या खेळाडूंचा सन्मान प्रकाश पदुकोण यांच्या हस्ते झाला. खेळाडूंना ताम्रपत्र, पुणेरी पगडी देऊन गौरविण्यात आले.  आसिफ पापरिया, इक्बाल मैदर्गी. लेरॉय डीसा, संजय शर्मा, रवी कुंटे, विजय लेन्सी,अक्षय देवलकर, जिष्णू सन्याल, निखिल कानेटकर, उदय पवार, आनंद पवार, चिराग शेट्टी, या खेळाडूंचा सन्मान करण्यात आला. दत्ता धोंगडे, दिपांकर भट्टाचार्य यांचा देखील यावेळी विशेष सन्मान करण्यात आला.