पुणे, दि. २५: शहरातील प्रत्येक वारसा असलेल्या इमारती या आपल्या सर्वांसाठी वारसा रूपाने मिळालेला खजिना आहे. डेव्हिड ससून आणि जेकब ससून या त्याच प्रकारच्या इमारती असून त्यांचे नूतनीकरण वारसा असलेल्या इमारतीला साजेसे व्हावे, असे निर्देश उपमुख्यमंत्री अजित पवार यांनी आज दिले.

उपमुख्यमंत्री अजित पवार यांनी आज डेव्हिड आणि जेकब ससून रुग्णालय वारसा इमारतीच्या नुतनीकरणाच्या कामाची आणि सिव्हील कोर्ट मेट्रो स्टेशनची पाहणी केली, त्यावेळी ते बोलत होते. यावेळी जिल्हाधिकारी डॉ.राजेश देशमुख, ससून रुग्णालयाचे अधिष्ठाता डॉ. शेखर प्रधान, महामेट्रोचे व्यवस्थापकीय संचालक डॉ. ब्रिजेश दीक्षित, महामेट्रोचे महाव्यवस्थापक राजेंद्र पाटील, सार्वजनिक बांधकाम विभागाचे मुख्य अभियंता अतुल चव्हाण, अधीक्षक अभियंता बाप्पा बहिर, ससून सर्वोपचार रुग्णालयाचे वैद्यकीय अधीक्षक डॉ. किरण जाधव, महामेट्राचे संचालक अनिल कोकाटे, राजीव त्यागी आदी उपस्थित होते.

डेव्हिड ससून आणि जेकब ससून इमारतीच्या नूतनीकरणाच्या कामांची पाहणी करताना उपमुख्यमंत्री श्री. पवार म्हणाले, नुतनीकरणाचे काम गुणवत्तापूर्वक होणे आवश्यक आहे. नूतनीकरणासाठी साहित्य चांगल्या प्रतीचे वापरावे, सिलींग व्यवस्थित असावे, रंगरंगोटी आकर्षक असावी, विद्युतीकरणाची कामे, जिन्याची कामे दर्जेदार होणे आवश्यक आहे.

उपमुख्यमंत्री श्री. पवार पुढे म्हणाले, वारसा असलेल्या ऐतिहासिक इमारती जपणे आणि त्यांचे संवर्धन करणे आपले कर्तत्व आहे. त्याचे नूतनीकरणही त्याच पद्धतीने होणे आवश्यक आहे. या वैशिष्ट्यपूर्ण कामांसह विकास कामांसाठी निधीची कमतरता भासू देणार नाही, अशी ग्वाहीदेखील त्यांनी दिली.

महात्मा गांधी यांच्यावर अपेंडिक्स शस्त्रक्रिया झाली होती त्या खोलीची पाहणी यावेळी श्री. पवार यांनी केली.

सिव्हील कोर्ट मेट्रो स्टेशनची पाहणी करताना श्री. पवार म्हणाले, प्रवाशांच्या सोयीसाठी सूचना फलक आणि दिशादर्शक फलक अधिक ठिकाणी लावण्यात यावेत. मेट्रो भवनाचे काम, दिवाणी न्यायालय ते स्वारगेट भूमीगत मेट्रोचे काम आणि रामवाडी ते रूबी हॉल मेट्रोचे काम लवकरात लवकर पूर्ण करण्यासाठी प्रयत्न करण्यात यावे, असेही ते म्हणाले. यावेळी डॉ. दीक्षित यांनी मेट्रोस्टेशनच्या कामाबाबत माहिती दिली.
000

यमगरवाडी व भटक्या विमुक्तांसाठी निधी समर्पण हे पुण्यकर्म – चंद्रकांतदादांचे भावोदगार.

पुणे:वैकुंठ परिवाराच्या वतीने गत 25 वर्षे सुरु असलेला एक पणती पूर्वजांसाठी हा उपक्रम अत्यन्त भावस्पर्शी असून ह्या निमित्ताने आपल्या पूर्वजांचे स्मरण करण्याची संधी मिळते असे ना. चंद्रकांतदादा पाटील म्हणाले. सालाबादप्रमाणे वैकुंठ परिवाराच्या वतीने वैकुंठ स्मशानभूमीत आयोजित दीपोत्सव कार्यक्रमात ते बोलत होते.यावेळी वैकुंठ परिवाराचे पिनाक मोघे,संदीप खर्डेकर, राजू गिजरे, रमेश पायगुडे, भटक्या विमुक्तांसाठी कार्य करणारे धनंजय विचारे, श्री. पोटे, रंगावलीकार प्रसाद करशेट्टी इ उपस्थित होते.
भटक्या विमुक्तांसाठीचे कार्य हे पुण्यकर्म असून त्यांना मुख्य प्रवाहात आणण्याचे काम मोलाचे असल्याचे चंद्रकांतदादा म्हणाले.
यावेळी यमगरवाडीतील मुलांसाठी ना. चंद्रकांतदादा पाटील, पिनाक मोघे व राजू गिजरे यांच्या हस्ते निधी समर्पण करण्यात आले.यावेळी प्रसाद करशेट्टी यांनी विद्युत दाहिनीच्या हॉल मध्ये काढलेल्या प्रभू श्रीरामचंद्राच्या व अयोध्येतील श्री राम मंदिराच्या भव्य रांगोळी चे उपस्थितांनी कौतुक केले व ना. चंद्रकांतदादा पाटील यांच्या हस्ते त्यांचा सत्कार करण्यात आला.
संदीप खर्डेकर यांनी प्रास्ताविक केले, राजू गिजरे यांनी कार्यक्रमामागची भूमिका स्पष्ट केली, धनंजय विचारे यांनी भटक्या विमुक्तांसाठी सुरु असलेल्या सेवाकार्यांची माहिती दिली, पिनाक मोघे यांनी समारोप व आभार प्रदर्शन केले.
यावेळी वैकुंठ परिसर 5000 पणत्यांच्या प्रकाशात उजळून गेले होते.

पिंपरी मध्ये कर्करोगग्रस्त रुग्णांना आंतरराष्ट्रीय दर्जाचे उपचार वाजवी दरात मिळणार

पुणे (दि. २५ नोव्हेंबर २०२३) लवकर निदान झाले तर कॅन्सर शंभर टक्के बरा होतो, तसेच प्रत्येकाने आहार विहार पद्धतीत दारू, तंबाखू सारख्या व्यसनांपासून दूर रहावे, तेलकट आणि मसालेदार पदार्थ टाळावेत आणि नियमित व्यायाम करावा या त्रीसुत्रीचा अवलंब करून कॅन्सर पासून दूर राहता येईल असे प्रतिपादन एमओसी पिंपरी सेंटरचे वरिष्ठ कर्करोग तज्ञ डॉ. रविकुमार वाटेगावकर यांनी केले.
पिंपरी येथे रविवार (दि.२६) पासून सुरू होणाऱ्या एमओसीचे (मुंबई ओंको सेंटर) उद्घाटन जागतिक कर्करोग तज्ञ डॉ. भरत पारेख यांच्या हस्ते होणार आहे. याची माहितीसाठी देण्यासाठी पिंपरी येथे आयोजित केलेल्या पत्रकार परिषदेत डॉ. वाटेगावकर बोलत होते. यावेळी डॉ. रितू दवे उपस्थित होत्या.
यावेळी डॉ. वाटेगावकर यांनी सांगितले की, पिंपरी मध्ये कर्करोगग्रस्त रुग्णांना आंतरराष्ट्रीय दर्जाचे उपचार वाजवी दरात एमओसी मध्ये मिळणार आहेत. गेल्या पाच वर्षात नावारूपाला आलेली ही संस्था आहे. एमओसीचे महाराष्ट्रातील विविध शहरांमध्ये १४ कॅन्सर केअर सेंटर आणि ४ कॅन्सर क्लिनिक्स उपलब्ध आहेत. वर्ष २०२१ मध्ये एमओसीने मॉडेल कॉलनी, पुणे येथे जिल्ह्यातील पहिले कॅन्सर केंद्र सुरू केले. उदात्त हेतू, उपचार कौशल्य आणि तंत्रज्ञान यांचा सुरेख मेळ साधता आल्यामुळे एमओसीने गेल्या पाच वर्षात पुण्यासह महाराष्ट्रात सुमारे १,२५,००० हून अधिक कर्करोगग्रस्तांना उपचार दिले आहेत. आता पिंपरी चिंचवड येथे पुणे जिल्ह्यातील दुसरे कॅन्सर केअर केंद्र पिंपरी मेट्रो स्टेशन लगत गेरास इम्पेरियल ओएसिस येथे अध्ययावत सुविधांनी परिपूर्ण असे सुरू होत आहे. या ठिकाणी रुग्णांना आंतरराष्ट्रीय दर्जाचे उपचार, वाजवी दरात घेता येतील. उपचार घेत असताना येणारा आर्थिक भार कमीत कमी करावा असे एमओसी केंद्राचे ध्येय आहे. कर्करोगास प्रतिबंध कसा करावा तसेच कर्करोगाचे लवकर निदान आणि उपचारांच्या दृष्टीने त्याचे महत्त्व यासंबंधी जनजागृती करण्यासाठी देखील एमओसी पिंपरी सेंटर प्रयत्नशील राहील असेही डॉ. वाटेगावकर यांनी सांगितले.

लहान मुलांमध्ये होणारे कॅन्सर ८० ते ९० टक्के बरे होतात. कॅन्सरचे निदान होणे हे रुग्णांसाठी एकदम धक्कादायक असते, त्यासाठी तज्ञ डॉक्टरांकडून उपचार व समुपदेशक तज्ञांकडून सल्ला घ्यावा. स्त्रीयांनी वयाच्या ३५ नंतर भीती न बाळगता गर्भाशयाची (Paps smear) आणि ४० नंतर स्तन (मॅमोग्राफी) तपासणी करावी असे आवाहन डॉ. रितू दवे यांनी केले.

पत्ता- पिंपरी एमओसी सेंटर, दुसरा मजला, गेरास इम्पेरियल ओएसिस, मोरवाडी, पिंपरी मेट्रो स्टेशन जवळ, पिंपरी, पुणे 411 017.

प्रा.गोविंदन रंगराजन एमआयटी डब्ल्यूपीयूत २८व्या तत्त्वज्ञ संतश्री ज्ञानेश्वर-तुकाराम स्मृती व्याख्यानमालाचे उद्घाटन

पुणे: ” जस जसे अर्टिफिशियल इंटेलिजेन्स अधिक अत्याधुनिक आणि व्यापक होत आहे तसे तसे कृत्रिम बुद्धिमत्तेच्या संभाव्या धोक्यांपासून चेतावणी देणारे आवाजही मोठे होत आहे. परंतू भविष्यात कृत्रिम बुध्दीमत्तेचा नवा धर्म निर्माण होण्याचे चिन्हे दिसत आहे.”असे प्रतिपादन बंगलूर येथील पब्लिक युनिव्हर्सिटीच्या इंडियन इन्स्टिट्यूट ऑफ सायन्सचे संचालक प्रा.गोविंदन रंगराजन यांनी व्यक्त केले.
एमआयटी वर्ल्ड पीस युनिव्हर्सिटी, विश्वशांती केंद्र (आळंदी), माईर्स एमआयटी, पुणे आणि संतश्री ज्ञानेश्वर-संतश्री तुकाराम महाराज स्मृती व्याख्यानमाला न्यास यांच्या संयुक्त विद्यमाने युनेस्को अध्यासना अंतर्गत २४ ते ३० नोव्हेंबर या कालावधीत आयोजित करण्यात आलेल्या २८व्या तत्त्वज्ञ संतश्री ज्ञानेश्वर-तुकाराम स्मृती व्याख्यानमालेच्या उद्घाटन प्रसंगी प्रमुख पाहुणे म्हणून ते बोलत होते.
यावेळी जगविख्यात संगणक तज्ञ पद्मभूषण डॉ. विजय भटकर हे सन्माननीय अतिथी म्हणून उपस्थित होते. अध्यक्षस्थानी एमआयटी वर्ल्ड पीस युनिव्हर्सिटीचे संस्थापक अध्यक्ष व युनेस्को अध्यासनाचे प्रमुख प्रा. डॉ. विश्वनाथ दा. कराड हे होते.
तसेच एमआयटी डब्ल्यूपीयूचे सल्लागार व गप्पाष्टककार डॉ. संजय उपाध्ये, कुलगुरू डॉ.आर.एम.चिटणीस, दूरदर्शनचे माजी संचालक डॉ. मुकेश शर्मा व व्याख्यानमालेचे मुख्य समन्वयक व प्र कुलगुरू प्रा.डॉ. मिलिंद पांडे उपस्थित होते.
प्रा.गोविंदन रंगराजन म्हणाले,”एआयने काही प्रमाणात सामाजिक सीमा ओलांडल्या आहेत. वंश, वर्ग आणि इतर श्रेण्यांवर आधारित फरक लक्षता ठेवणे ही महत्वाचे आहे. एआयचे बरेच फायदे आहेत. जसे की आरोग्य डेटा जमा करणे या सारख्या बर्‍याच गोष्टींना ते बळ देते. परंतू एआय सिस्टमचा एक धोका आहे. तो म्हणजे लवकरच आपल्यापेक्षा अधिक हुशार होईल. या मुळे समाजतील प्रतिष्ठित व्यक्तीचे वैयक्तिक जीवन धोक्यात येऊ शकते. आरोग्य सेवेत ही डॉक्टरांना याची मदत मिळेल परंतू त्यासाठी काही कायदे व नियमावली तयार करावे. तसेच चैप आणि जीपीटी सारख्या जेनेरिक साधनांचा झपाट्याने होणारी वाढ ही चिंताजनक आहे. बर्‍याच वापरकर्त्यांनी असाइनमेंट लिहिणे टाळण्यासाठी तंत्रज्ञानाचा वापर केला आहे. ज्यामुळे शैक्षणिक अखंडता आणि सर्जनशीलता धोक्यात आली आहे.”
डॉ. विश्वनाथ दा. कराड म्हणाले,” तत्वज्ञ संत श्री ज्ञानेश्वर माऊली व जगदगुरू तुकाराम महाराज यांचा संदेश मानवजातीपर्यंत पोहचविण्याच्या मुख्य उद्देशाने ही व्याख्यानमाला सुरू केली गेले. येथे विचारवंत, धर्मगुरू, तत्वज्ञ, शास्त्रज्ञ, शिक्षण तज्ज्ञ हे मार्गदर्शन करुन ज्ञान दानाचे कार्य करीत आहेत. सदगुणांची पूजा हीच खरी ईश्वराची पूजा आहे. मन आणि आत्मा या गोष्टींचे अधिक चिंतन व्हावे. जीवनाचा हेतू व कर्तव्य काय आहे याची जाणिव यातून होते.”
डॉ. विजय भटकर म्हणाले,” वर्तमान काळात मानवाने मशीनची निर्मिती केली आहे. जीवनात सुख आणि शांती निर्मितीसाठी आध्यात्मिक व आत्मज्ञान ज्ञान गरजेचे आहे. सत्याची परिभाषा समझणे ही गरजेचे आहे.”
डॉ.संजय उपाध्ये म्हणाले, ” दिवाळी नंतर ही  ज्ञानाची दिवाळी या व्याख्यानमालेतून सुरू झाली आहे. यातून विचारांबरोबर स्वतःची विवेक बुद्धी जागृत करावी. वर्तमानकाळात मानवाचे शरीर ही यंत्रवत होत असतांना त्यांना कधी काय करावे याचे भान ही राहिले नाही.”
डॉ. मिलिंद पांडे यांनी व्याख्यानमालेच्या आयोजनामागची भूमिका स्पष्ट केली. याचा मुख्य उद्देश हा विचारांचे शुद्धीकरण करणे आणि व्यक्तीमत्वाचा विकास करणे आहे.
प्रा.डॉ.गौतम बापट यांनी सूत्रसंचालन केले. प्रा.डॉ. आर.एम,चिटणीस यांनी आभार मानले.

स्वतंत्र संचालक श्री. विश्वास पाठक यांची माहिती

पुणे, दि. २५ नोव्हेंबर २०२३: पुणे जिल्ह्यातील वाढती लोकसंख्या ध्यानात घेता वीज वितरण जाळे बळकट करण्यासाठी आरडीएसएस योजनेत ७३४७ कोटी रुपयांची कामे हाती घेण्यात आली असून त्यामुळे जिल्ह्यातील वीज पुरवठ्याबाबतच्या अनेक समस्या दूर होतील, असे एमएसईबी होल्डिंग कंपनीचे स्वतंत्र संचालक विश्वास पाठक यांनी शनिवारी पुणे येथे सांगितले. वाढती वीज मागणी ध्यानात घेता पुणे जिल्ह्यात महावितरण आणि महापारेषणच्या पायाभूत सुविधांमध्ये सुधारणा करण्याशिवाय पर्याय नाही, असेही ते म्हणाले.

महावितरण, महापारेषण, महानिर्मिती, महाऊर्जा आणि विद्युत निरीक्षक यांच्या जिल्हा आढावा बैठकीत ते बोलत होते. बैठकीस आ. भीमराव तापकीर, आमदार संग्राम थोपटे, आमदार अशोक पवार, आमदार दिलीप मोहिते पाटील, आमदार संजय जगताप, महावितरणचे संचालक (संचालन) संजय ताकसांडे, संचालक (मानव संसाधन) अरविंद भादिकर, महापारेषणचे संचालक संदीप कलंत्री, महावितरणचे पुणे प्रादेशिक संचाल श्री. अंकुश नाळे, महावितरणचे मुख्य अभियंता राजेंद्र पवार आणि सुनील पावडे, महापारेषणचे मुख्य अभियंता अनिल कोलप आणि महाऊर्जाचे अतिरिक्त महासंचालक पंकज तगलपल्लेवार यावेळी उपस्थित होते.

संचालक श्री. विश्वास पाठक म्हणाले की, वाढती वीज मागणी ध्यानात घेऊन वीज पुरवठ्याच्या जाळ्यात सुधारणा करण्यासाठी मा. पंतप्रधान नरेंद्र मोदी यांच्या सरकारने देशभरात आरडीएसएस ही योजना हाती घेतली आहे. या योजनेत राज्यामध्ये ४२ हजार कोटी तर पुणे जिल्ह्यात ७३४७ कोटी रुपये खर्च करण्यात येणार आहेत. या योजनेत वीज वितरण जाळ्यात सुधारणा करून हानी कमी करणे, स्मार्ट मीटर बसविणे आणि फीडर वेगळे करणे ही कामे हाती घेण्यात आली आहेत. यामुळे वीज पुरवठ्याच्या बाबतीत आमूलाग्र बदल घडणार असून दर्जेदार वीज पुरवठा होईल.

त्यांनी सांगितले की, उपमुख्यमंत्री तथा ऊर्जा मंत्री देवेंद्र फडणवीस यांनी पुढाकार घेऊन शेतकऱ्यांना सिंचनासाठी दिवसा वीज पुरवठा करण्याच्या हेतूने मुख्यमंत्री सौर कृषी वाहिनी योजना २.० लागू केली आहे. यामुळे सौर ऊर्जेचा वापर करून शेतीसाठी सात हजार मेगावॅट वीजनिर्मिती करण्यात येणार आहे. त्यापैकी साडेतीन हजार मेगावॅट वीजनिर्मितीची टेंडर प्रसिद्ध झाली आहेत. यामध्ये पुणे जिल्ह्यातील २४४ मेगावॅटच्या टेंडरचा समावेश आहे. या योजनेमुळे शेतकऱ्यांची मागणी पूर्ण होणार आहे. तसेच क्रॉस सबसिडीचा बोजा कमी झाल्यामुळे भविष्यात उद्योगांनाही स्पर्धात्मक दराने वीज पुरवठा करता येईल. पंतप्रधान नरेंद्र मोदी यांची आरडीएसएस योजना आणि उपमुख्यमंत्री देवेंद्र फडणवीस यांची मुख्यमंत्री सौर कृषी वाहिनी योजना यामुळे राज्याचे ऊर्जा क्षेत्र आमूलाग्र बदलणार आहे, असे ते म्हणाले.

उपस्थित लोकप्रतिनिधींनी आपापल्या विधानसभा मतदारसंघांच्या अनुषंगाने विजेसंदर्भात विविध मागण्या केल्या. पुणे जिल्ह्यातील विविध ठिकाणी वाढत्या लोकसंख्येनुसार वीज पुरवठ्याच्या क्षमतेत वाढ करावी आणि वीज कर्मचाऱ्यांची संख्या वाढवावी, असे त्यांनी सांगितले. जिल्ह्यातील उद्योगांची वाढती संख्या आणि त्यांचे विस्तारणारे काम ध्यानात घेऊन वीज पुरवठा जाळे अधिक मजबूत करण्याची मागणीही त्यांनी केली. स्वतंत्र संचालक श्री. पाठक यांनी लोकप्रतिनिधींच्या सूचना प्राधान्याने अंमलात आणाव्यात असे सांगितले. संचालक (संचालन) श्री. संजय ताकसांडे यांनी सांगितले की, महावितरणच्या अधिकारी व कर्मचाऱ्यांनी काळासोबत बदलणे आणि पुढाकार घेऊन ग्राहकांची सेवा करणे गरजेचे आहे. श्री. संदिप कलंत्री यांनीही मार्गदर्शन केले.

पुणे :भारतीय जनता पार्टी पुणे शहराच्या विविध आघाडींचे अध्यक्ष व संयोजकांची घोषणा भाजप पुणे शहर अध्यक्ष धीरज घाटे यांनी प्रसिद्धी पत्रकाद्वारे केली आहे. पुणे शहर प्रचार प्रसिद्धी प्रमुख पदी संजय मयेकर यांची नियुक्ती करण्यात आली आहे. तर प्रचार प्रसिद्धी सह प्रमुख पदी पुष्कर तुळजापूरकर, हेमंत लेले यांची नियुक्ती करण्यात आली आहे

विविध आघाडीचे अध्यक्ष व संयोजकांची नावे पुढील प्रमाणे

1. उद्योग आघाडी अध्यक्ष – अमृता देवगांवकर
2. सहकार आघाडी अध्यक्ष – समीर रुपदे
3. कामगार आघाडी अध्यक्ष – ओंकार कदम
4. वैद्यकीय आघाडी अध्यक्ष – डॉ. गणेश परदेशी
5. पर्यावरण आघाडी अध्यक्ष – संदीप काळे
6. ज्येष्ठ नागरीक आघाडी अध्यक्ष – पोपटराव गायकवाड
7. दक्षिण भारतीय आघाडी अध्यक्ष – राजू श्रीगिरी
8. उत्तर भारतीय आघाडी अध्यक्ष – सुरज दुबे
9. पायाभूत सुविधा आघाडी संयोजक – मंदार देवगावकर
10. सोशल मीडिया संयोजक – निखिल पंचभाई
11. सह संयोजक – उमेश खंडेलवार, ऋषिकेश मळेकर
12. प्रचार प्रसिद्धी प्रमुख – संजय मयेकर
13. प्रचार प्रसिद्धी सह प्रमुख – पुष्कर तुळजापूरकर, हेमंत लेले
14. क्रिडा आघाडी संयोजक – शिरीन गोडबोले
15. सह संयोजक – हर्षल निकम

–  चॅम्पियनशीपच्या पाचव्या दिवशी अथलेटिक्स आणि फुटबॉलमध्ये ९०० मुली खेळाडूंचा सहभाग

– चॅम्पियनशीपच्या पाचव्या दिवशी ‘शी इज गोल्ड’ या उपक्रमाद्वारे मुली खेळाडूंवर लक्ष केंद्रित करण्यात आले

पुणे, २५ नोव्हेंबर २०२३ – पुण्यातील एसएफए चॅम्पियनशीपच्या पाचव्या दिवशी ‘शी इज गोल्ड’ या उपक्रमाद्वारे मुली खेळाडूंवर लक्ष केंद्रित करण्यात आले. हा दिवस स्त्री खेळाडूंना सक्षम करत आणि त्यांना प्रोत्साहन देत साजरा करण्यात आला. आजच्या दिवशी १६०० मुली खेळाडूंनी श्री शिव छत्रपती स्पोर्ट्स कॉम्प्लेक्स येथे अथलेटिक्स, बॅडमिंटन, बास्केटबॉल, बुद्धीबळ, फुटबॉल (अंडर-१०, अंडर-१२, अंडर-१४, अंडर-१६, अंडर-१८), जिमनॅस्चिक, टेबल टेनिस, टेनिस आणि व्हॉलीबॉल अशा आठ खेळांत भाग घेतला.

अथलेटिक्सच्या विश्वात एसएफए चॅम्पियनशीपमध्ये पहिल्यांदाच भाग घेणाऱ्या ११ वर्षांच्या आर्या फरांदेनं अंडर१२ लांब उडी खेळात लक्षणीय कौशल्य दाखवले. शिक्षकांच्या मदतीने सुरुवातीला वाटणाऱ्या भीतीवर मात करत तिने आपल्या गुणवत्तेला साजेसे स्थान मिळवले. आर्याच्या प्रवासाने मार्गदर्शन व तरुण खेळाडूंची चिकाटी वृत्ती नव्याने अधोरेखित केली.

श्री शिव छत्रपती स्पोर्ट्स कॉम्प्लेक्समध्ये जिमनॅस्टिक आणि व्हॉलीबॉल अशा खेळांचे थरारक प्रदर्शन पाहायला मिळाले. खेळाडूंच्या कौशल्याने पूर्ण वातावरण भारलेले होते. दरम्यान टेनिस प्रेमी अंडर-१०, अंडर-१२, अंडर-१४ अशा वेगवेगळ्या वयोगटातील आकर्षक कामगिरीच्या निकालांची वाट पाहात असल्यामुळे उत्सुकतेमध्ये आणखी भर पडली.

चौथ्या दिवसाचे निकाल

1. अथलेटिक्स, अंडर- १४, मुली ६०० मीटर

सुवर्ण- आरोही पत्मस, हर्षवर्धन हायस्कूल तालेहिप्परगा सोलापूर,

1:56.62 मिनिटे/ 600मीटर

रौप्य: मिताली भामरे, विखे पाटील मेमोरियल स्कूल, पत्रकार नगर

2:00.51 मिनिटे/600मीटर

रौप्य: अनुष्का कुंभार, जय हिंद हाय स्कूल आणि ज्युनियर कॉलेज, पिंपरी कॉलनी

2:05.01 मिनिटे /600मीटर

अथलेटिक्स, अंडर- १६, मुली १०० मी

सुवर्ण: हंसिका सुंदरम, द बिशप्स को- ड स्कूल, उंड्री

14.50 सेकंद/100मीटर

रौप्य: सुब्रता गायकवाज, स्पायसर हाय सेकंडरी स्कूल, गणेशखिंड

14.58 सेकंद /100मीटर

ब्राँझ: अनुष्का जैसवाल, डॅफोडिल इंटरनॅशनल स्कूल, बालेवाडी

1/100मीटर

2. बुद्धीबळ, अंडर-१५ मुली

सुवर्ण: पलक प्रशांत जाधव, विद्या व्हॅली स्कूल

रौप्य: सारा देवकर, द बिशप्स को- एड स्कूल, उंड्री

ब्राँझ: रुतू योगेश जामदार, द ऑर्किड स्कूल, बाणेर

बुद्धीबळ, अंडर-१७ मुली

सुवर्ण: मानसी धनंजय टिळेकर, एस. पी. ज्युनियर कॉलेज, पुणे

रौप्य : काव्या अरूण, विद्या व्हॅली स्कूल

ब्राँझ: निशिता रसिक वाघेला, युरो स्कूल, वाकड

3. जिमनॅस्टिक, अंडर- ८ मुली बॅलन्स बीम

सुवर्ण: इरा कुलदीप गोंदाल, सेंट अनीज स्कूल, कॅम्प

रौप्य: संस्कृती, कोठारी इंटरनॅशनल स्कूल, खारोळ

4. जिमनॅस्टिक, अंडर- १२ मुली बॅलन्स बीम

सुवर्ण: स्वरा पळशीकर, पोदार इंटरनॅशनल स्कूल, आंबेगाव

निकाल: 8.65

5. जिमनॅस्टिक, अंडर- १२ मुली बॅलन्स बीम

सुवर्ण: शर्वरी गंजन, वॉलनट स्कूल, शिवणे

निकाल: 10.8

रौप्य: काश्वी राळेगावकर, वॉलनट स्कूल, शिवणे

निकाल: 09.00

ब्राँझ: शिवानी कुलकर्णी, मिलेनियम स्कूल, नॅशनल स्कूल, कर्वेनगर

निकाल: 7.25

6. जिमनॅस्टिक, अंडर- १० मुली फीमेल फ्लोअर

सुवर्ण: श्रीराम अमोल वाकिंबे,  बाल शिक्षण मंदिर हाय स्कूल, सीबीएसई, मयूर कॉलनी

निकाल: 11.4

रौप्य: आरूष एस वाडकर, विबग्योर हाय, बालेवाडी

निकाल: 10.1

ब्राँझ: अर्जुन चौधरी, एसएनबीपी इंटरनॅशनल स्कूल, सीबीएसई

निकाल: 10

पुणे-महाराष्ट्राचे शिल्पकार व पहिले मुख्यमंत्री स्व. यशवंतराव चव्हाचण यांच्या पुण्यतिथी निमित्त पुणे शहर जिल्हा काँग्रेस कमिटीच्या वतीने अध्यक्ष अरविंद शिंदे व महाराष्ट्र प्रदेश काँग्रेस कमिटीचे सरचिटणीस ॲड. अभय छाजेड यांच्या हस्ते स्व. यशवंतराव चव्हाण यांच्या प्रतिमेस व पुतळ्यास काँग्रेस भवन येथे पुष्पहार अर्पण करून अभिवादन करण्यात आले.
यावेळी शहराध्यक्ष अरविंद शिंदे म्हणाले की, ‘‘जेव्हा जेव्हा हिमालय अडचणीत आलाय तेव्हा तेव्हा सह्याद्री त्याच्या मदतीला धावलाय. असाच सह्याद्रीच्या मातीतला एक राजकारणी! राजकारण कमी पण समाजकारण जास्त. शाहू, फुले, आंबेडकरांच्या विचारांचे खरे पाईक. आधुनिक महाराष्ट्राचे शिल्पकार म्हणून ज्यांना संबोधले जाते. दिल्लीच्या राजकारणात ज्यांनी महाराष्ट्राचा ठसा आपल्या कर्तृत्वाने उमटवला. महाराष्ट्राची दिल्लीत असणारी ओळख म्हणजेच “यशवंतराव चव्हाण”. पुरोगामी, सुसंस्कृत, निष्कलंक नेतृत्व म्हणजेच यशवंतराव चव्हाण. पदाकडे पाठ आणि लोकांकडे तोंड ठेवणारा सर्वसामान्यांचा नेता अशी ओळख. उत्कृष्ट संसदपटू, उदारमतवादी व अभ्यासू व्यक्तिमत्व म्हणजेच यशवंतराव चव्हाण. प्रगत महाराष्ट्राचे स्वप्न ज्यांनी बघितलं ते हे यशवंतराव. ज्यांनी पदाला नाही तर माणसाला महत्व दिले असे हे यशवंतराव. ज्यांचा आदर्श आजच्या प्रत्येक राजकारण्यांनी घ्यायला पाहिजे असे हे यशवंतराव. महाराष्ट्राच्या पवित्र भूमीत असा हा जनतेचा कैवारी जन्माला आला याचा सार्थ अभिमान आहे. आज त्यांच्या पुण्यतिथी दिनी त्यांना भावपूर्ण श्रध्दांजली अर्पण करतो.’’
यावेळी माजी महापौर कमल व्यवहारे, हेमंत राजभोज, अनिल पवार, संजय मानकर, ज्योती परदेशी, रेखा घेलोत, ज्ञानेश्वर निम्हण, मनोज पवार, दिलीप लोळगे, हरिभाऊ सणस, विलास हाडके, चंद्रकांत नार्वेकर, भरत इंगुले आदी उपस्थित होते.