मुंबई–

सत्ता उलथवण्यासाठीच मी इथे उभा आहे असे विधान ठाकरे गटाचे प्रमुख उद्धव ठाकरे यांनी केले आहे. तसेच सत्तेला घाबरणार असाल तर काही उपयोग नाही. भीती वाटणारी सत्ता उलथवलीच पाहिजे असा हल्लबोलही त्यांनी केला आहे. ते कार्यकर्त्यांना संबोधित करत होते.

पाचोरा विधानसभा मतदारसंघातील शिंदे गट आणि भाजपमधील काही पदाधिकाऱ्यांनी आज मातोश्रीवर उद्धव ठाकरेंच्या पक्षात प्रवेश केला. यावेळी ठाकरे गटाचे खासदार संजय राऊत हे देखील उपस्थित होते. यावेळी उद्धव ठाकरे यांनी सर्वांना नवीन वर्षाच्या शुभेच्छा दिल्या. तसेच येणारे नवीन वर्ष हे देशासाठी लोकशाहीचे जावो, असे उद्धव ठाकरे म्हणाले.

यावेळी उद्धव ठाकरे म्हणाले, “शिवसेनेत प्रवेश करणाऱ्या सर्वांचे मी स्वागत करतो. वैशाली ताई यांचे कौतुक वाटत आहे. आर. ओ पाटील आमचा भक्कम माणूस होता. त्यांचे जाणे एक आघात होता. पण त्यांचा वारसा वैशाली ताई पुढे नेत आहेत, असे म्हणत ठाकरे गटाच्या स्थानिक नेत्या वैशाली सूर्यवंशी यांचे कौतुक केले आहे. वैशाली सूर्यवंशी यांच्या प्रयत्नामुळे ठाकरे गटात पदाधिकाऱ्यांचा पक्षप्रवेश झाला.

या पक्षप्रवेशाच्या वेळी संजय राऊत हे देखील उपस्थित होते. ते म्हणाले, ”आपल्याकडे पक्ष नाही. चिन्ह नाही. तरी लोक पक्ष प्रवेश करत आहेत. हाच वारसा वैशाली पाटील पुढे नेत आहेत. उद्धव ठाकरेंचे बळ वाढवत आहे. शिवसेना सत्तेला लाथ मारत पुढे जात आहे”,असे राऊत म्हणाले.

इंदिराजी गांधींना विदर्भ व महाराष्ट्राने जशी साथ दिली तशीच साथ राहुलजी गांधींनाही द्या – नाना पटोले

देशाला व राज्याला मजबूत, स्थिर सरकार देण्यासाठी ‘इंडिया आघाडी’ला विजयी करा – अशोक चव्हाण

काँग्रेसच्या १३९ व्या स्थापना दिनी नागपूरच्या ‘भारत जोडो’ मैदानात अतिविराट जाहीर सभा.

नागपूर दि. २८ डिसेंबर
देशात सध्या लोकशाही व संविधान धोक्यात आहे, महागाई, बेरोजगारी प्रचंड वाढलेली आहे. केंद्रातील ३२ लाख सरकारी पदे रिक्त असतानाही मोदी सरकार नोकर भरती करत नाही, मागासवर्गीयांना संधी मिळेल म्हणून मोदी सरकार नोकर भरती करत नाहीत. मोदींना जगभर फिरण्यास वेळ आहे पण संसदेचे अधिवेशन सुरु असताना संसदेत येण्यास वेळ नाही. संसदेत प्रश्न विचारणाऱ्या विरोधी पक्षांच्या १४६ खासदारांना निलंबित करून कायदे पास करून घेतले ही लोकशाहीची थट्टा आहे. लोकशाहीला न जुमनणाऱ्या मोदी व भाजपाला धडा शिकवा असे आवाहन काँग्रेसचे राष्ट्रीय अध्यक्ष मल्लिकार्जून खरगे यांनी केले.

काँग्रेसच्या १३९ व्या स्थापना दिनी नागपूरच्या ‘भारत जोडो’ मैदानात अतिविराट जाहीर सभेला ते संबोधित करत होते. ते पुढे म्हणाले की, संविधानाने महिला, गरिब, मागास समाजाला अधिकार दिले ते भाजपा देऊ शकत नाही. काँग्रेस पक्ष फुले, शाहु, आंबेडकरांच्या विचारधारेवर चालतो तर मोदी आरएसएसच्या विचारधारेवर चालतात. मोदी सरकारने देशावर २०० लाख कोटी रुपयांच्या कर्जाचा डोंगर करुन ठेवला आहे पण कल्याणकारी योजनांवरील निधीमध्ये कपात केली जाते, मागास समाजातील विद्यार्थ्यांना शिष्यवृत्ती दिली नाही. मोदी सरकारच्या काळात दलितांवर अत्याचार वाढले आहेत. भाजपाला रोखले नाही तर देश बरबाद होईल, संविधान संपुष्टात येईल.

माजी अध्यक्ष खासदार राहुलजी गांधी यावेळी म्हणाले की, केंद्रात सत्ता आल्यापासून नरेंद्र मोदी यांनी सर्व सरकारी यंत्रणांवर कब्जा केला आहे यातून मीडिया, निवडणूक आयोग, न्यायालयेही सुटली नाहीत. दरवर्षी २ कोटी रोजगार देण्याचे आश्वास दिले होते पण १० वर्षात मोदींनी किती लोकांना रोजगार दिला? देशात आज ४० वर्षातील सर्वात जास्त बेरोजगारी आहे. नोकरी नसल्याने कोट्यवधी तरुणांची शक्ती वाया जात आहे. शेतकरी, तरुण संकटात आहे तर दुसरीकडे देशातील दोन-चार उद्योगपतींकडे देशातील सर्व संपत्ती सोपवली जात आहे. ओबीसी, दलित, मागासवर्गीयांना सत्तेत, प्रशासनात अत्यंत कमी वाटा मिळत आहे. सर्वच क्षेत्रात या समाज घटकांना कमी स्थान दिले जाते. काँग्रेस पक्षाने जातनिहाय जनगणना करण्याची मागणी केली त्यानंतर मोदींची भाषा बदलली व देशात गरिब ही एकच जात आहे असे ते बोलत आहेत. देशातील सर्व समाज घटकांना सोबत घेऊन जावे लागणार आहे, हीच काँग्रेसची विचारधारा आहे. काँग्रेस सत्तेत आल्यास जातनिहाय जनगणना करेल व देशातील तरुणांना रोजगाराची आवश्यकता आहे ते मोदी सरकार दे देऊ शकत नाही ते काम काँग्रेस पक्षच करेल. आपल्या मदतीने महाराष्ट्रात व देशात परिवर्तन आणू असा विश्वास त्यांनी व्यक्त केला.

प्रदेशाध्यक्ष नाना पटोले म्हणाले की, छत्रपती शिवाजी महाराज, राजर्षी शाहु महाराज, महात्मा फुले, डॉ. बाबासाहेब आंबेडकरांची विचारधारा असलेल्या भूमीत काँग्रेस स्थापना दिन साजरा होत आहे याचे स्वागत आहे. महात्मा गांधी यांनी याच नागपुरातून हुकूमशाही सत्तेच्या विरोधात नारा दिला व संपूर्ण देशातून जनता एकवटली आणि १५० वर्षांची ब्रिटिशांची हुकूमशाही राजवट संपुष्टात आणली. नागपुरातून याच भूमितून इंदिराजी गांधी यांच्या राष्ट्रीय अध्यक्षपदाचा ठराव केला होता. भारताच्या मध्यवर्ती भागात ही सभा होत असून मल्लिकार्जून खरगे व राहुलजी गांधी यांचा संदेश देशात जावा यासाठी ही सभा महत्वाची आहे. हुकूमशाही सत्तेला बाहेर हाकलण्यासाठी, कामगार, शेतकरी, तरुणांना न्याय देण्यासाठी, लोकशाही व संविधान वाचवण्यासाठी है तैयार हम, हा संदेश या सभेतून दिला आहे. इंदिराजी गांधी यांनी देशात हरित क्रांती, श्वेत क्रांती आणली, देशाचा विकास केला. इंदिराजी गांधी यांनी त्यावेळी नागपुरात सभा घेतली व विदर्भातील जनतेने लोकसभेच्या ११ पैकी ११ जागा विजय मिळून दिला व इंदिराजी पंतप्रधान झाल्या. आज इंदिराजी यांचे नातू राहुलजी गांधी मोहब्बत का संदेश घेऊन आले आहेत, त्यांनाही विदर्भ व महाराष्ट्राने तशीच साथ द्यावी, असे आवाहन पटोले यांनी केले.
माजी मुख्यमंत्री अशोक चव्हाण यावेळी म्हणाले की, स्वातंत्र्यापासून आजपर्यंत काँग्रेस पक्षाने बलिदान दिले आहे, हे बलिदान व्यर्थ जाऊ देऊ नका. चार राज्यातील विधानसभा निवडणुकीत काँग्रेसला अपेक्षित निकाल लागला नाही तरी जनतेचा पाठिंबा मात्र वाढला आहे. देशासमोर आज मोठी संकटे उभी आहेत, महागाई, बेरोजगारी, शेतकऱ्यांचे प्रश्न, महिला अत्याचार या विषयावर भाजपा सरकार बोलत नाहीत. जनतेचे प्रश्न बाजूला ठेवून धर्मांध शक्ती वेगळे मुद्दे पुढे करत आहे. काँग्रेसला संपवण्याचा प्रयत्न आजपर्यंत अनेकांनी केला, काँग्रेस संपली नाही पण ते लोक मात्र संपले हे लक्षात ठेवा. राज्यात समाजा-समाजात वाद उभे केले आहेत, लोकांमध्ये भांडणे लावून सत्तेची पोळी भाजली जात आहे. जातनिहाय जनगणना करणे व आरक्षणाची ५० टक्क्यांची मर्यादा हटवणे ही काँग्रेसची भूमिका आहे पण भाजपा सरकार ते करत नाही. देशाची लोकशाही व डॉ. बाबासाहेब आंबेडकरांनी दिलेल्या संविधानाचे रक्षण करण्यासाठी एकत्र येऊन काम करावे लागणार आहे. देशाला व राज्याला मजबूत व स्थिर सरकार देण्यासाठी इंडिया आघाडीला विजयी करा.

काँग्रेसच्या १३९ व्या स्थापना दिनी नागपूरच्या ‘भारत जोडो’ मैदानात अतिविराट जाहीर सभा झाली. या सभेला राष्ट्रीय अध्यक्ष खासदार मल्लिकार्जून खरगे, माजी अध्यक्ष, खासदार राहुलजी गांधी, अखिल भारतीय काँग्रेस कमिटीचे सरचिटणीस खासदार के. सी. वेणुगोपाल, मुकुल वासनिक, तेलंगणाचे मुख्यमंत्री रेवंत रेड्डी, कर्नाटकचे उपमुख्यमंत्री डी. के. शिवकुमार, हिमाचल प्रदेशचे मुख्यमंत्री सुखविंदर सुख्खू, प्रभारी रमेश चेन्नीथल्ला, काँग्रेस प्रदेशाध्यक्ष नाना पटोले, विधिमंडळ पक्षनेते बाळासाहेब थोरात, विरोधी पक्षनेते विजय वडेट्टीवार, माजी मुख्यमंत्री CWC सदस्य अशोक चव्हाण, पृथ्वीराज चव्हाण, सुशिलकुमार शिंदे, विधान परिषद गटनेते सतेज बंटी पाटील, गोवा, दिव व दमनचे प्रभारी माणिकराव ठाकरे, माजी मंत्री डॉ. नितीन राऊत, यशोमती ठाकूर, अमित देशमुख, वर्षा गायकवाड, डॉ. विश्वजित कदम, माजी खासदार मिलिंद देवरा, प्रदेश कार्याध्यक्ष नसीम खान, चंद्रकांत हांडोरे, बसवराज पाटील, आ. कुणाल पाटील, आ. प्रणिती शिंदे, महिला काँग्रेसच्या प्रदेशाध्या संध्या सव्वालाखे, माजी केंद्रीय मंत्री विलास मुत्तेमवार, अल्पसंख्याक विभागाचे अध्यक्ष आ. वजाहत मिर्जा, नागपूर शहर अध्यक्ष आमदार विकास ठाकरे, नागपूर ग्रामीणचे अध्यक्ष राजेंद्र मुळक, मुख्य प्रवक्ते अतुल लोंढे, आमदार अभिजित वंजारी, प्रदेश सरचिटणीस प्रमोद मोरे, देवानंद पवार, देशातील काँग्रेसचे मुख्यमंत्री, प्रदेशाध्यक्ष, विरोधी पक्षनेते, वरिष्ठ नेते, पदाधिकारी व लाखो लोक उपस्थित होते.
कार्यक्रमाचे सुत्रसंचालन खासदार मुकुल वासनिक यांनी केले तर आभार प्रदर्शन विधिमंडळ पक्षनेते बाळासाहेब थोरात यांनी केले.

मुंबई: वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी आज महाविकास आघाडीतील नेत्यांना पत्र पाठवले आहे. शिवसेनेचे पक्षप्रमुख उद्धव ठाकरे, शरद पवार आणि मल्लिकार्जून खरगे यांना त्यांनी पत्र पाठवल्याचे त्यांनी ट्विट करत सांगितले.

पुढील वर्षी होणाऱ्या लोकसभा निवडणुकांसाठी महाविकास आघाडीच्या ३ घटक पक्षांमधील जागा वाटपाबाबत महाराष्ट्रात वेगवेगळे अंदाज बांधले जात आहेत. या अटकळींचा कितीही गोंगाट सुरू असला, तरी देशातील सर्वाधिक जागा निवडून देणाऱ्या दुसऱ्या क्रमांकाच्या राज्यातील, महाराष्ट्रातील जागा वाटपाबाबत महाविकास आघाडी किंवा इंडिया आघाडीकडून कोणताही ठोस निर्णय होताना दिसत नसल्याचे त्यांनी या पत्रात म्हटले आहे.

पंतप्रधान मोदींना सत्तेतून बेदखल करण्यासाठी ४८ जागांचे महत्त्व लक्षात घेता तसेच उत्तर प्रदेश, पश्चिम बंगाल, बिहार अशा महत्त्वाच्या राज्यांमध्ये जागा वाटपाबाबत इंडिया आघाडी अंतर्गत असणाऱ्या निर्णयाचा अभाव पाहता वंचित बहुजन आघाडीच्या महाराष्ट्र राज्य कार्यकारिणीने व्यवहार्य व “संघर्षमुक्त”  १२+१२+१२+१२ असे सूत्र २६ डिसेंबर २०२३ रोजी सुचवले असल्याचे त्यांनी नमूद केले आहे.

लोकसभेसाठी १२+१२+१२+१२ हे सूत्र आम्ही केवळ मविआ व इंडिया आघाडीत समावेशासाठीच नाही, तर मविआ अंतर्गत सर्व वाद संपवण्याच्याही दृष्टीने प्रस्तावित केले असल्याचे त्यांनी म्हटले आहे.

“१२ + १२ + १२ + १२” फॉर्म्युला हा केवळ नरेंद्र मोदींना हटवण्यासाठी महाविकास आघाडी आणि इंडिया आघाडीमध्ये सहभागी होण्याची आमची इच्छा आणि स्वारस्य पुन्हा व्यक्त करण्यासाठी नाही, तर जागा वाटपाबद्दल मविआमधील सर्व मतभेद दूर करण्यासाठी सुद्धा प्रस्तावित करण्यात आला असल्याचा पुनरुच्चार त्यांनी पत्रात केला आहे.

महाविकास आघाडीमधील पक्ष – शिवसेना (उद्धव ठाकरे), राष्ट्रवादी कॉंग्रेस पक्ष आणि भारतीय राष्ट्रीय कॉंग्रेस आणि वंचित बहुजन आघाडी यांनी आगामी लोकसभा निवडणुका एकत्र आणि समान भागीदार म्हणून समान संख्येने जागांवर लढवाव्यात ही वंचित बहुजन आघाडीची इच्छा आहे.

श्री. उद्धव ठाकरे, श्री. शरद पवार आणि श्री. मल्लिकार्जुन खर्गे – आमच्या प्रस्तावित फॉर्म्युलावर गांभीर्याने विचार करा आणि प्रतिसाद द्या, अशी विनंती त्यांनी या पत्राच्या माध्यमातून केली आहे.

संपूर्ण महाराष्ट्र आमच्या १२ + १२ + १२ + १२ च्या प्रस्तावित फॉर्म्युल्याबद्दल तुमच्या अधिकृत भूमिकेची आतुरतेने वाट पाहत आहे. मला मनापासून आशा आहे की, महाराष्ट्रातील जनतेच्या हितासाठी विचारविनिमय करून निर्णय घेतले जातील आणि मोदींचा पराभव व्हावा केवळ याला एकमेव आणि एकमेव प्राधान्य दिले जाईल. असा आशावादही त्यांनी या पत्रातून व्यक्त केला आहे.

लोकशाहीचे रक्षण करणार्‍या सर्व संस्थांवर भाजपाचा कब्जा

नागपुरात काँग्रेसचा 139 व्या स्थापना दिनाचा कार्यक्रम आयोजित करण्यात आला आहे, त्यामध्ये बोलताना राहुल गांधींनी भाजपवर टीका केली आहे.

नागपूर – आपण फक्त इंग्रजांच्या विरोधात लढा नाही दिला तर जुन्या जुलमी राजेशाही विरोधातही कॉंग्रेसने आणि इथल्या जनतेने लढा दिला आहे हे आपण विसरता कामा नये स्वातंत्र्याच्या आधी जर तुम्ही या देशात आले असता, तर तेव्हा इथे ५००-६०० राजे होते, इंग्रज होते.अनेक राजे इंग्रजांचे परतणार बनले होते . भारतीय जनतेला कुठलाच अधिकार नव्हता. गरीबाची जमीन जर राजाला चांगली वाटली, तर एका सेकंदात तो राजा ती जमीन घेऊ शकत होता. या सगळ्या अधिकारांचं रक्षण राज्यघटना करते. आंबेडकरांनी, गांधीजींनी, नेहरूंनी मेहनतीनं ती बनवली. ती काँग्रेस पक्षानं दिली आहे. आरएसएसचे लोक याच्या विरोधात होते. आज राष्ट्रध्वजाच्या समोर उभं राहून हे सलाम ठोकतात. पण कित्येक वर्षं यांनी तिरंग्याला सलाम नव्हता केला”, अशा शब्दांत राहुल गांधींनी भाजपाबरोबरच राष्ट्रीय स्वयंसेवक संघालाही आज आपल्या भाषणातून लक्ष्य केलं.देशाच्या हजारो वर्षांच्या इतिहासात एक गोष्ट पहिल्यांदा घडली. पहिल्यांदाच एका भारतीय व्यक्तीला एक मत देण्यात आलं. तो दलित असो, आदिवासी असो, महिला असो, कुठल्याही भागातला असो. प्रत्येक भारतीयाला राज्यघटनेनं एक मत दिलं. हे काँग्रेस पक्षानं केलं. गांधीजी तुरुंगात गेले. नेहरू तुरुंगात गेले. आंबेडकरांनी कित्येक वर्षं संघर्ष केला. हे काँग्रेस पक्षानं, आंबेडकरांनी, सगळ्यांनी मिळून केलं आहे”, असंही राहुल गांधी यावेळी म्हणाले. “जर तुम्ही इथे स्वातंत्र्यापूर्वी आले असते, तर तेव्हा भारतातील जनतेला कोणतेच अधिकार नव्हते. महिलांना अधिकार नव्हते. दलितांना कुणी स्पर्श करत नव्हतं. ही आरएसएसची विचारसरणी आहे. हे आम्ही बदललं आहे. पुन्हा एकदा हे भारताला त्याच काळात घेऊन जात आहेत”, असंही त्यांनी नमूद केलं.

भाजप तरुणांना रोजगार देऊ शकत नाही, इंडिया आघाडीच तरुणांना रोजगार उपलब्ध करुन देऊ शकते. देशातील मिडीयावर दबाव आहे. सर्व संस्था भाजपच्या ताब्यात असून त्यांच्या आधारे भाजपकडून विरोधकांवर दबाव टाकण्याचा प्रयक्त केला आहे, असा आरोप काँग्रेस नेते खासदार राहुल गांधी यांनी केला आहे.दरम्यान राहुल गांधी पुढे बोलताना म्हणाले की, भाजप सरकार आल्यापासून त्यांच्या काही मित्रांना केवळ फायदा होत आहे. मोजक्या लोकांच्या हातात देशातील संपत्ती जात आहे. मी याविरोधात संसदेत प्रश्न उपस्थित केला तर भाजपचे लोक शांत झाले. पंतप्रधान नरेंद्र मोदी यांनी 10 वर्षांमध्ये किती रोजगार दिले असा सवाल उपस्थित केला आहे. तर आम्ही सत्तेत आलो तर देशात जातीनिहाय जनगणना करु असे आश्वासन त्यांनी यावेळी बोलताना दिले आहे.राहुल गांधी म्हणाले की, राज्याच्या राजकारणात असो की प्रशासनामध्ये दलित, ओबीसी आणि आदिवासी लोकांना कुठेच संधी दिली जात नाही. ज्यां कंपन्यांना फायदा होत आहे. या कंपन्यांमध्ये दलित, ओबीसी कुठे आहे. देशात जातीय जनगणना केली पाहिजे. तर देशातील दीड लाख तरुणांना सैन्य दलात घेण्यात आले होते, त्यांना मोदी सरकारने अग्नीवीर योजना लागू करत सैन्य दलात येऊ दिले नाही. तरुण सांगत असतात की सरकारने आमचे जीवन खराब केले आहे.

पंतप्रधान नरेंद्र मोदी देशात गरिबी हीच एकमेव जात असल्याचा दावा करतात. असे असेल तर ते स्वतःची ओळख ओबीसी म्हणून का करून देतात? असा सवाल काँग्रेस नेते राहुल गांधी यांनी गुरुवारी पंतप्रधान मोदींवर निशाणा साधताना केला.

राहुल गांधी पुढे बोलताना म्हणाले की, आम्ही दिल्लीत सत्तेत आलो तर देशात जातीय जनगणना करणार असे आश्वासनही राहुल गांधी यांनी दिले.

तरुणांच्या हाताला रोजगार नाही

राहुल गांधी म्हणाले की, देशातील करोडो युवकांच्या हाताला काम नाही, त्यांची शक्ती वाया जात आहे. तो बेरोजगार असल्याने सोशल मिडीयावर जास्त वेळ देत आहे. देशातील तरुणांवर आणि शेतकऱ्यांवर हे सरकार हल्ले करत आहे, असा गंभीर आरोप त्यांनी केला आहे.

भाजपमध्ये गुलामी सुरू

राहुल गांधी पुढे बोलताना म्हणाले की, भाजपचे अनेक खासदार हे काँग्रेसमध्ये होते. यातील एक खासदार मला भेटले ते मला म्हणाले की राहुल गांधी आपल्यासोबत चर्चा करायची आहे. मी त्यांना विचारले सगळे काही ठीक आहे ना? तर भाजपचे खासदार म्हणाले की, भाजपमध्ये राहणे आम्हाला सहन होत नाहीये. आम्ही भाजपमध्ये असलो तरी आमचे मन मात्र काँग्रेसमध्येच आहे. काँग्रेसमध्ये येण्यापासून तुम्हाला कोण रोखत आहे. भाजपमध्ये गुलामी चालते, हायकमांड जे सांगते ते ऐकावे लागते. आमचे कुणी ऐकत नाही, पहिले जसे राजा ऑर्डर देत होते तसेच आम्हाला भाजपमध्ये रहावे लागते. ते पटो वा न पटो त्यांचे सर्व ऐकावे लागते.

राहुल गांधी म्हणाले की, आम्हाला दोन देश नको आहेत, ज्यांत एक श्रीमंताचा आणि मिडीया वाल्याचा आणि दुसरा गरीब लोकांचा असा वेगळा आम्हाला नको. तरुणांना रोजगार हवा आहे तो भाजप देऊ शकत नाही, रोजगार केवळ इंडिया आघाडीच देऊ शकते. नफरत कै बाजार मै मोहबब्त की दुकान हमने खोली है, हम सबको साथ लेकर चलना चाहते है असे म्हणत राहुल गांधींनी सर्वांना सोबत घेत सत्ता स्थापन करु असे म्हटले आहे.

• देशातील लोकांना असे वाटते की देशात राजकीय आणि सत्तेची लढाई आहे. पण ही विचाराची लढाई आहे. ही अनेक पक्षांची लढाई असली तरी दोन विचारधारांची लढाई आहे, असे मत राहुल गांधी यांनी व्यक्त केले आहे.
• राहुल गांधी म्हणाले की, भाजप सरकार आल्यापासून त्यांच्या काही मित्रांना केवळ फायदा होत आहे. मोजक्या लोकांच्या हातात देशातील संपत्ती जात आहे. मी याविरोधात संसदेत प्रश्न उपस्थित केला तर भाजपचे लोक शांत झाले. पंतप्रधान नरेंद्र मोदी यांनी 10 वर्षांमध्येकिती रोजगार दिले असा सवाल उपस्थित केला आहे.
• राहुल गांधी म्हणाले की, देशात जर गरीब हीच एक जात आहे, तर पंतप्रधान नरेंद्र मोदी हे ओबीसी कसे झाले असा सवाल उपस्थित करत राहुल गांधींनी जर आमची सत्ता आली तर जातीय जनगणना करु असे जाही केले आहे.
• राहुल गांधी म्हणाले की, आम्हाला दोन देश नको आहेत, ज्यांत एक श्रीमंताचा आणि मिडीया वाल्याचा आणि दुसरा गरीब लोकांचा असा वेगळा आम्हाला नको. तरुणांना रोजगार हवा आहे तो भाजप देऊ शकत नाही, रोजगार केवळ इंडिया आघाडीच देऊ शकते. नफरत कै बाजार मै मोहबब्त की दुकान हमने खोली है, हम सबको साथ लेकर चलना चाहते है असे म्हणत राहुल गांधींनी सर्वांना सोबत घेत सत्ता स्थापन करु असे म्हटले आहे.
• राहुल गांधी म्हणाले की, राज्याच्या राजकारणात असो की प्रशासनामध्ये दलित, ओबीसी आणि आदिवासी लोकांना कुठेच संधी दिली जात नाही. ज्यां कंपन्यांना फायदा होत आहे, या कंपन्यांमध्ये दलित, ओबीसी कुठे आहे. देशात जातीय जनगणना केली पाहिजे.
• राहुल गांधी म्हणाले की, देशातील दीड लाख तरुणांना सैन्य दलात घेण्यात आले होते, त्यांना मोदी सरकारने अग्नीवीर योजना लागू करत सैन्य दलात येऊ दिले नाही. तरुण सांगत असतात की सरकारने आमचे जीपन खराब केले आहे.
• राहुल गांधी म्हणाले की, देशातील करोडो युवकांच्या हाताला काम नाही, त्यांची शक्ती वाया जात आहे. तो बेरोजगार असल्याने सोशल मिडीयावर जास्त वेळ देत आहे. देशातील तरुणांवर आणि शेतकऱ्यांवर हे सरकार हल्ले करतंय असा गंभीर आरोप त्यांनी केला आहे.
• राहुल गांधी म्हणाले की, भाजपकडून ईडी, सीबीआय अशा संस्थाचा धाक दाखवून दबाव टाकण्याचा प्रयत्न केला जाताे, असा आरोप त्यांनी यावेळी केला आहे.
• राहुल गांधी म्हणाले की, देशातील सर्व संस्थावर भाजपचा कब्जा आहे. भाजपने देशासाठी काय केले हे सांगावे असा सवाल राहुल गांधी यांनी उपस्थित केला आहे.
• राहुल गांधी म्हणाले की, देशहितासाठी बाबासाहेब आंबेडकरांनी संघर्ष केला. भाजपवाले त्या जुन्या काळात जनतेला आणि देशाला घेऊन जाण्याच्या प्रयत्नात आहेत. आमचे चुकले तर आमचे कार्यक्रते थेट आमच्याशी बोलतात.
• राहुल गांधी म्हणाले की, नेहरु, गांधीजी हे अनेकदा जेलमध्ये गेले. देशावर जनतेचे नियंत्रण असायला हवे, मागील काळात जसे राजा देश चालवत होता तसे पुन्हा होऊ नये. सामान्य माणसांनी देशाच्या स्वातंत्र्यांसाठी लढाई लढली. तेव्हा राजा महाराजा हे इंग्रजासोबत भागीदारीमध्ये होते. त्यांच्या विरोधात काँग्रेसची लढाई होती.
• राहुल गांधी म्हणाले की, काँग्रेसमुळे देशामध्ये गरीबांना आणि मध्यमवर्गीय लोकांना घटना मिळाली, याला त्याकाळी रास्व संघाचा विरोध होता. घटनेमुळे सर्वासामान्य नागरिकांना त्यांचे अधिकार आणि हक्क मिळाले आहेत.
• राहुल गांधी म्हणाले की, काँग्रेसमध्ये छोटा कार्यकर्ताही प्रयन विचारु शकतो, भाजपमध्ये गुलामी सुरू असल्याचे त्यांच्या खासदारांनी सांगितले.
• नाना पटोले यांनी पंतप्रधान नरेंद्र मोदी यांना एक प्रश्न विचारला आणि मोदींना ते आवडले नाही म्हणून त्यांना भाजपमधून दूर करण्यात आले असा टोला राहुल गांधींनी लगावला आहे.
• राहुल गांधी पुढे बोलताना म्हणाले की, भाजपचे अनेक खासदार हे काँग्रेसमध्ये होते. यातील एक खासदार मला भेटले ते मला म्हणाले की राहुल गांधी आपल्यासोबत चर्चा करायची आहे. मी त्यांना विचारले सगळे काही ठीक आहे ना? तर भाजपचे खासदार म्हणाले की, भाजपमध्ये राहणे आम्हाला सहन होत नाहीये. आम्ही भाजपमध्ये असलो तरी आमचे मन मात्र काँग्रेसमध्येच आहे. काँग्रेसमध्ये येण्यापासून तुम्हाला कोण रोखत आहे. भाजपमध्ये गुलामी चालते, हायकमांड जे सांगते ते ऐकावे लागते. आमचे कुणी ऐकत नाही, पहिले जसे राजा ऑर्डर देत होते तसेच आम्हाला भाजपमध्ये रहावे लागते. ते पटो वा न पटो त्यांचे सर्व ऐकावे लागते.
• 1920 मध्ये इंग्रज सरकारच्या विरोतज गांधीजींनी असहकार धोरणाला सुरूवात केली. या जमीनीतून इंग्रजाच्या विरोधात महात्मा गांधींनी चले जावची भूमिका ह्याच भुमीतून मांडली होती – नाना पटोले
• इंदिरा काँग्रेसची मुहूर्तमेढ रोवली गेली आणि जनता राजवटीला पराभूत करुन त्यांनी करिश्मा दाखवला. नागपूर-विदर्भाने काँग्रेसला पुन्हा हात दिला. नरसिंह राव पंतप्रधान झाले तेव्हा ते नागपूर जिल्ह्यातील रामटेक मतदार संघातूनतून निवडून गेले होते आणि आन्ध्रातून पराभूत झाले होते – नाना पटोले
• तानाशहा सरकारविरोधात आम्ही नागपुरातून आम्ही तैयार झाले आहोत. आम्ही कामगारांच्या साठी त्यांच्यासोबत उभे राहणार आहोत. जाती पातीचे भांडण लावणाऱ्याच्या विरोधात राहुल गांधींना आपल्याला साथ द्यायची आहे, असे आवाहन नाना पटोलेंनी उपस्थितांना केले आहे.