पुणे-हिंदवी स्वराज्याचे संस्थापक छत्रपती शिवाजी महाराज यांच्या हिंदवी स्वराज्यातील गडकोट किल्ले हे प्रेरणा देणारे आहेत. लहान मुलांमध्ये शिवरायांचे विचार रुजावेत, त्यांना शिवरायांचे कार्य समजावे; यासाठी आगामी काळात किल्ले बनवा स्पर्धेतील विजेत्यांना गडकोट किल्ल्यांची मोहिम आयोजित केली जाईल, अशी घोषणा नामदार चंद्रकांतदादा पाटील यांनी केले. एका चिमुकल्याच्या मागणीनुसार मकरसंक्रांतीचे औचित्य साधून लहान मुलांसाठी पतंग महोत्सवाचे आयोजन केले जाईल; असेही त्यांनी यावेळी आश्वस्त केले.
नामदार चंद्रकांतदादा पाटील यांच्या संकल्पनेतून आणि भारतीय जनता पक्ष कोथरुड मतदारसंघाच्या माध्यमातून दरवर्षी प्रमाणे दिवाळीमध्ये किल्ले बनवा स्पर्धेचे आयोजन करण्यात आले होते. या स्पर्धेचा पारितोषिक वितरण समारंभ यशवंतराव चव्हाण नाट्यगृहात आयोजित करण्यात आला होता.‌ या कार्यक्रमात नामदार पाटील बोलत होते.यावेळी ह्या स्पर्धेचे यशस्वी नियोजन करणारे सूचित देशपांडे यांना ना. चंद्रकांतदादा पाटील यांनी आपल्या हातातील घड्याळ भेट दिले.

यावेळी व्यासपीठावर भाजपा शहर अध्यक्ष धीरज घाटे,भाजपा प्रदेश प्रवक्ते संदीप खर्डेकर, प्रदेश चिटणीस ॲड. वर्षा डहाळे, शहर महिला मोर्चा अध्यक्षा हर्षदा फरांदे, कोथरूड दक्षिण मंडल अध्यक्ष डॉ संदीप बुटाला, उत्तर अध्यक्ष सचिन पाषाणकर, महिला मोर्चा अध्यक्षा कांचन कुंबरे, नगरसेविका मंजुश्री खर्डेकर, हर्षाली माथवड, वासंती जाधव, नगरसेवक दीपक पोटे, नवनाथ जाधव, गिरीश भेलके, सचिन दळवी, अश्विनी ढमाले यांच्या सह भाजपचे सर्व पदाधिकारी आणि कार्यकर्ते, किल्ला बनवा स्पर्धेतील सर्व स्पर्धक उपस्थित होते.

नामदार चंद्रकांतदादा पाटील म्हणाले की, हिंदवी स्वराज्य संस्थापक छत्रपती शिवाजी महाराज हे आपले सर्वांचे आराध्य दैवत आहे. त्यांच्या हिंदवी स्वराज्यातील गडकोट किल्ले हे नव्या पिढीला प्रेरणा देणारे आहेत. त्यामुळे शिवरायांचे विचार बाल मनावर रुजावेत, त्यांना शिवरायांच्या कार्याची ओळख व्हावी; यासाठी किल्ला बनवा स्पर्धेतील विजेत्यांना आगामी काळात गडकोट मोहिमेचे आयोजन करण्यात येईल, अशी घोषणा केली.

यावेळी उपस्थित लहान मुलांनी मकर संक्रांतीनिमित्त पतंग महोत्सवाचे आयोजन करण्याचा आग्रह नामदार चंद्रकांतदादा पाटील यांच्यासमोर धरला. त्याला नामदार पाटील यांनी समर्थन दर्शवत मकर संक्रांतीला कोथरुड मध्ये पतंग महोत्सवाचे आयोजन करण्यात येईल अशी घोषणा केली. यासाठी इच्छुकांनी भाजपा कोथरुड मंडल कार्यालय आणि आमदार चंद्रकांतदादा पाटील यांचे जनसंपर्क कार्यालयात संपर्क साधून नोंदणी करण्याचे आवाहन केले.

शहराध्यक्ष धीरज घाटे म्हणाले की, नामदार चंद्रकांतदादा पाटील हे प्रत्येक घरासाठी आणि घरातल्या प्रत्येकासाठी काम करणारे नेतृत्व आहे. भाजपाच्या प्रत्येक कार्यकर्त्यांने नामदार पाटील यांच्या कार्यातून प्रेरणा घेतली पाहिजे. पुणे शहर हे हिंदवी स्वराज्य संस्थापक छत्रपती शिवाजी महाराज यांच्या पदस्पर्शाने पावन झालेली भूमी आहे. छत्रपती शिवाजी महाराज यांचे कार्य स्मरणात रहाव्यात. त्यामुळे बाल मनावर संस्कार होतात, यासाठी आयोजित किल्ले बनवा स्पर्धा हा अतिशय स्तुत्य उपक्रम असल्याचे गौरवोद्गार त्यांनी यावेळी काढले.

यावेळी किल्ला स्पर्धेतील विजेत्यांना नामदार चंद्रकांतदादा पाटील आणि शहराध्यक्ष धीरज घाटे यांच्या हस्ते पारितोषिक देऊन गौरविण्यात आले. यावेळी लहान मुलांकडून शिवाजी महाराजांचा जयघोष करण्यात आला. कार्यक्रमात उपस्थितांचे स्वागत डॉ संदीप बुटाला यांनी केले. प्रास्ताविक सुचित देशपांडे यांनी केले. सूत्र संचालन राज तांबोळी यांनी केले.

दयानंद सरस्वती हे ऋषी परंपरेतील महान व्यक्ती – विदुषी अंजली आर्य

पुणे (दि.२८ डिसेंबर २०२३) बाहेरचा अंधकार सूर्य दूर करतो. मानवी जीवनातला आतील अंधकार मिटविण्याची क्षमता वेद, उपनिषदांमध्ये आहे. पुरातन शिक्षण पद्धतीत अध्यात्माद्वारे वेद, उपनिषदांचा अभ्यास करून “माणूस” घडविला जात होता. मात्र आधुनिक शिक्षण पद्धतीत भौतिक सुख साधनांचा वापर वाढला असून त्यातून फक्त उपभोक्ता (ग्राहक) घडवण्यासाठी लक्ष दिले जात आहे असे प्रतिपादन ज्येष्ठ प्रवचनकार आचार्य सोनेरावजी यांनी केले.
महर्षी दयानंद सरस्वती यांच्या द्विशताब्दी जयंती निमित्त आणि आर्य समाज पिंपरी या संस्थेच्या ७३ व्या वर्धापन दिनानिमित्त आर्य समाज पिंपरी येथे विविध धार्मिक व सामाजिक कार्यक्रमांचे आयोजन करण्यात आले होते. यामध्ये कर्नाल, हरियाणा येथील प्रवचनकार विदुषी अंजली आर्या आणि सोनेरावजी यांनी मार्गदर्शन केले.
महर्षी दयानंद सरस्वती यांच्या द्विशताब्दी जयंती निमित्त आणि आर्य समाज पिंपरी या संस्थेच्या ७३ व्या वर्धापन दिनानिमित्त आर्य समाज पिंपरी येथे विविध धार्मिक व सामाजिक कार्यक्रमांचे आयोजन करण्यात आले होते. यामध्ये
कर्नाल, हरियाणा येथील प्रवचनकार विदुषी अंजली आर्या आणि सोनेरावजी यांनी मार्गदर्शन केले.
यावेळी अध्यक्ष सुरेंद्र करमचंदानी, सल्लागार मुरलीधर सुंदरानी, सचिव हरेश तीलोकचंदानी, तबला वादक रमाकांत राऊत, नलिनी देशपांडे, उत्तम दंडीमे, आर्य वीर दलाचे शहर अध्यक्ष संजीव भाट, पुणे जिल्हा अध्यक्ष दत्ता सूर्यवंशी, पंडित विश्वनाथ शास्त्री, अतुल आचार्य, वशिष्ठ मुनी, माजी नगरसेवक कुमार जाधव आदींसह बहुसंख्य कार्यकर्ते, नागरिक उपस्थित होते.
शनिवारी बालकांच्या हस्ते होम हवन आणि रविवारी ५१ बहुकुंडीय यज्ञ पिंपरी आर्य समाजचे पुरोहित धर्माचार्य पंडित विवेक शास्त्री यांच्या मार्गदर्शनाखाली करण्यात आले. यासाठी संपूर्ण महाराष्ट्रातून आर्यभक्त उपस्थित होते. तसेच हुतात्मा स्वामी श्रद्धानंद यांच्या ९७ व्या बलिदान दिवस निमित्त पिंपरीतील आर्य वीर दलाच्या वतीने रक्तदान शिबिर आयोजित करण्यात आले होते.
प्रवचनकार विदुषी अंजली आर्या मार्गदर्शन करताना म्हणाल्या की, वातावरणासह मनाची आणि अंतकरणाची शुद्धी करण्यासाठी अग्निहोत्र उत्तम साधन आहे. ऋषी दयानंद सरस्वती हे ऋषी परंपरेतील महान व्यक्ती आहेत. वेदांमध्ये विज्ञान आहे असे त्यांनी सांगितले. विधवांसाठी, अनाथांसाठी काम करीत असताना जातीपाती तोडो समाज जोडो अशी हाक देऊन त्यांनी कार्य केले. घरातील मुलींसह महिलांनाही धर्मशिक्षण देणे अनिवार्य केले पाहिजे यासाठी त्यांनी काम केले. देशात हिंदू समाज टिकवायचा असेल तर महर्षी दयानंद सरस्वती यांचे विचार आणि धर्म जागवण्याची गरज आहे असेही विदुषी अंजली आर्या यांनी सांगितले.
स्वागत सुरेंद्र करमचंदानी,
प्रास्ताविक उत्तम दंडीमे आणि आभार नलिनी देशपांडे यांनी मानले.

पुणे दि.27- शेतकऱ्यांनी प्रधानमंत्री कुसुम-ब योजनेचे फसवे संकेतस्थळ आणि लघुसंदेश (एसएमएस)पासून सावध रहावे आणि अशा संकेतस्थळावर कोणतेही पैसे भरू नयेत, असे आवाहन महाऊर्जातर्फे करण्यात आले आहे.

महाऊर्जामार्फत पीएम-कुसुम घटक-ब योजना राबविण्यात येत असून यामध्ये शेतकऱ्यांना 3, 5 व 7.5 अश्वशक्ती क्षमतेचे पारेषण विरहित सौर कृषिपंप देण्यात येतात. याकरिता केंद्र व राज्य शासनामार्फत खुल्या प्रवर्गातील शेतकऱ्यास 90 टक्के आणि अनुसूचित जाती आणि अनुसूचित जमाती प्रवर्गातील शेतकऱ्यास 95 टक्के अनुदान दिले जाते.

सौर कृषिपंपासाठी पात्र लाभार्थ्यांना पंपाच्या क्षमतेनुसार खुल्या प्रवर्गातील शेतकऱ्यास 10 टक्के आणि अनुसूचित जाती आणि अनुसूचित जमाती प्रवर्गातील शेतकऱ्यास 5 टक्के लाभार्थी हिस्सा भरण्यासाठीचा एसएमएस पाठविला जातो.

महाकृषि ऊर्जा अभियान पीएम-कुसुम घटक-ब योजनेच्या नावाने शेतकऱ्यांना लाभार्थी हिस्सा भरण्यासाठी एसएमएसद्वारे चुकीची लिंक पाठविली जात असल्याचे निदर्शनास आले आहे. पीएम-कुसुम घटक-ब योजनेसाठी शेतकऱ्यांनी अशा खोट्या किंवा फसव्या संकेतथळांना भेट देऊ नये तसेच कोणत्याही प्रकारचा पैशाचा भरणा करू नये. योजनेच्या अधिक माहितीसाठी, महाराष्ट्र ऊर्जा विकास अभिकरणच्या www.mahaurja.com या अधिकृत संकेतस्थळाला भेट द्यावी किंवा 020-35000450 वर संपर्क साधावा, असे आवाहन महाऊर्जाचे विभागीय महाव्यवस्थापक ए.व्ही.कुलकर्णी यांनी केले आहे.

महासंघाच्या कॅलेंडर चे दादांच्या हस्ते प्रकाशन.

पुणे-अखिल भारतीय मराठा महासंघाचे समाजासाठी चे कार्य उत्तम प्रकारे सुरु असून संघाच्या सामाजिक कार्यास सर्वतोपरी मदत करू अशी ग्वाही ना. चंद्रकांतदादा पाटील यांनी दिली. समाज संघटित करत असताना विविध समाजोपयोगी कार्यक्रम राबविण्याचा संकल्प मोलाचा असल्याचे ही चंद्रकांतदादा म्हणाले. अखिल भारतीय मराठा महासंघाच्या कॅलेंडर प्रकाशनाच्या अनौपचारिक कार्यक्रम प्रसंगी त्यांनी महासंघाच्या कार्यकर्त्यांशी संवाद साधला. यावेळी भाजप चे प्रदेश प्रवक्ते व महायुतीचे समन्वयक संदीप खर्डेकर,महासंघाचे
युवक कार्याध्यक्ष राकेश गायकवाड , सरचिटणीस गणेश मापारी , युवक सरचिटणीस सचिन वडघुले , अनिकेत भगत
उपाध्यक्ष सुधा पाटील, सरचिटणीस भाग्यश्री बोरकर, कसबा अध्यक्ष वैशाली सोनवणे, पर्वती उपाध्यक्ष शुक्रा दुर्गे व इतर पदाधिकारी कार्यकर्ते उपस्थित होते. आम्ही समाजाच्या समस्या सोडविण्यासाठी प्रयत्नशील आहोतच पण त्याच बरोबर रोजगार मेळावा, महिलांसाठी विविध स्पर्धा, उद्योजक मेळावा, व्यवसाय मार्गदर्शन यासारखे उपक्रम राबवत असल्याचे सौ. भाग्यश्री बोरकर यांनी सांगितले.

 जादा बसेस आठवड्यातील दर रविवार, मंगळवार व शुक्रवार या दिवशी भाविकांच्या सोयीसाठी धावणार

पुणे-पीएमपीएमएल कडून कोंढणपूर येथील श्री तुकाईदेवी यात्रा निमित्ताने भाविकांच्या सोयीसाठी मार्ग क्र. २९२-
कात्रज सर्पोद्यान बसस्थानक ते कोंढणपूर या मार्गावर दि. २९/१२/२०२३ ते दि. २९/०२/२०२४ या कालावधीत
आठवड्यातील दर रविवार, मंगळवार व शुक्रवार या दिवशी २ जादा बसेस सोडण्यात येणार आहेत.
सध्या कात्रज सर्पोद्यान बसस्थानक ते कोंढणपूर या मार्गावर पीएमपीएमएलच्या दररोज नियमित ५ बसेस दर ३०
मिनिटांच्या वारंवारीतेने सुरु असून दिवसभरात एकूण ५८ फेऱ्या होतात. या ५ बसेस व्यतिरिक्त २ जादा बसेसचे नियोजन
दि. २९/१२/२०२३ ते दि. २९/०२/२०२४ या कालावधीत आठवड्यातील दर रविवार, मंगळवार व शुक्रवार या दिवशी
करण्यात आले आहे. सदरच्या २ जादा बसेस भाविकांच्या गर्दीनुसार व आवश्यकतेनुसार धावतील.
तसेच पुणे सातारा रोडवर कात्रज सर्पोद्यान बसस्थानकावरून बसमार्ग क्र. ६१- कात्रज सर्पोद्यान ते सारोळा (दररोज
५ बसेस), मार्ग क्र. २९३- कात्रज सर्पोद्यान ते सासवड – मार्गे कापूरहोळ (दररोज २ बसेस), मार्ग क्र. २९६- कात्रज सर्पोद्यान
ते विंझर (दररोज ३ बसेस) व मार्ग क्र. २९६अ- कात्रज सर्पोद्यान ते वांगणीवाडी (दररोज १ बस) या मार्गावर संचलनात
असणाऱ्या बसेस कोंढणपूर फाट्यापर्यंत जाणेसाठी उपलब्ध आहेत.
तरी कोंढणपूर येथील श्री तुकाईदेवी दर्शनासाठी जाणाऱ्या सर्व भाविकांनी सदर बससेवेचा लाभ घ्यावा, असे आवाहन
पीएमपीएमएल कडून करण्यात येत आहे.

पुणे : विमाननगर भागातील रोहन मिथिला इमारतीच्या परिसरात बांधकाम मजुरांच्या वसाहतीत बुधवारी दुपारी आग लागली. आगीत तात्पुरत्या बांधण्यात आलेल्या घरांमध्ये ठेवलेल्या स्वयंपाकाच्या गॅस सिलिंडरचे स्फोट झाले. एकापाठोपाठ दहा सिलिंडरचे स्फोट झाल्याने घबराट उडाली.विमाननगर भागातील सिंबायोसिस कॉलेजजवळ रोहन मिथिला इमारत आहे. या परिसरात नियोजित गृहप्रकल्पाचे काम सुरू आहे. तेथे बांधकाम मजूर राहायला आहेत. शुक्रवारी दुपारी दोनच्या सुमारास बांधकाम मजुरांच्या वसाहतीत (लेबर कॅम्प) आग लागली. आग लागल्यानंतर घरातील गॅस सिलिंडरचे स्फोट झाले. स्फोटानंतर परिसरात घबराट उडाली. वसाहतील महिला आणि मुले बाहेर पळाल्याने बचावली. या घटनेची माहिती मिळताच अग्निशमन दलाचे बंब घटनास्थळी दाखल झाले. जवानांनी पाण्याचा मारा करून आग आटोक्यात आणण्यासाठी प्रयत्न सुरू केले. वसाहतीतील छोट्या घरात जवळपास १०० सिलिंडर ठेवण्यात आले होते. त्यापैकी दहा सिलिंडरचा स्फोट झाल्याची माहिती अग्निशमन दलाच्या अधिकाऱ्यांनी दिली.

दरम्यान, गॅस सिलिंडरचे एकापाठोपाठ स्फोट झाल्याने परिसरात घबराट उडाली. स्फोटामुळे परिसरात अफवा पसरली. आगीत बांधकाम मजुरांची घरे जळाली. गृहोपयोगी साहित्याचे मोठे नुकसान झाले.रोहन मिथिला इमारतीलगत एका खोलीत जवळपास 100 सिलेंडरचा अवैधरित्या साठा करण्यात आला होता. विमानतळ पोलिस देखील घटनास्थळी दाखल झाले आणि त्यांनी परिस्थिती पाहणी केली.वरिष्ठ पोलिस निरीक्षक आनंदराव खोबरे म्हणाले की, ​​​​​​​ दीपक देवकर यांच्या मोकळ्या जागेत एका पत्र्याच्या शेडमध्ये गॅस सिलिंडरचा साठा करून ठेवण्यात आला होता. त्यापैकी सहा सिलिंडरचा स्फोट झाला. अग्निशमन दलाच्या जवानांनी आग आटोक्यात आणल्याने अनर्थ टळला. या घटनेत कोणी जखमी झाले नाही. सिलिंडरचा साठा कोणी केला, याची माहिती घेऊन याप्रकरणी गुन्हा दाखल करण्यात आला आहे.

दिनांक २७•१२•२०२३ रोजी दुपारी ०२•४० वाजता विमान नगर येथे सिंबायोसिस कॉलेज, रोहन मिथिला इमारतीलगत असणारया होरिझन डेव्हलपर्स, निऑन साईटस् याठिकाणी कामगारांच्या पञ्याच्या शेड असलेली घरे होती. शेजारील एका पञा बांधकामाच्या ठिकाणी सुमारे १०० च्या आसपास घरगुती व व्यावसायिक गॅस सिलेंडरचा साठा होता. त्याठिकाणी अंदाजे १० ते १२ सिलेंडर फुटल्याने आग लागली होती. पुणे व पीएमआरडीए अग्निशमन दलाची वाहने वेळेत पोहोचत आग अगदी वेळेत विझवल्याने मोठा धोका टळला असून सुदैवाने कोणी जखमी नाही. अग्निशमन दलाचे वाहन पोहोचले तेव्हा ही दोन सिलेंडरचे स्फोट झाले. परंतू सदर सिलेंडर साठा कोणाचा याबाबत अजून माहिती मिळू शकली नाही. सद्यस्थितीत आग विझली असून कुलिंगचे काम सुरू आहे.अग्निशमन दलाची वाहने वेळेत पोहोचल्याने व दुपारची वेळ असल्याने तिथे कामगार नव्हते. त्यामुळे सुदैवाने जखमी वा जिवितहानी टळली असून जर ही घटना राञीच्या वेळी घडली असती तर मोठी दुर्घटना घडली असती.

देवेंद्र पोटफोडे
मुख्य अग्निशमन अधिकारी
पुणे महानगरपालिका

पुणे-काहीच दिवसांपूर्वी हडपसरमध्ये वारंवार होणारी वाहतूक कोंडी हा प्रश्न निकाली लावण्यासाठी शिवसेनेचे शहरप्रमुख प्रमोद नाना भानगिरे यांच्या नेतृत्वाखाली रास्तारोको आंदोलन करण्यात आले होते. या आंदोलनामुळे आता पुणे महानगरपालिका प्रशासनाने हडपसर मधील वाहतूक कोंडीचा प्रश्न सोडवण्यासाठी पाऊले उचलली असून, त्यावर तातडीने पर्याय काढण्यासाठी पुणे महापालिकेचे अतिरिक्त आयुक्त विकास ढाकणे व इतर विभागातील अधिकाऱ्यांसमवेत बैठक आयोजित करण्यात आली होती.

या बैठकीला पुणे महानगरपालिकेचे अतिरिक्त आयुक्त विकास ढाकणे, शिवसेना पुण्याचे शहरप्रमुख प्रमोद नाना भानगिरे, पथ विभागाचे प्रमुख अनिरुद्ध पावसकर, प्रसाद काटकर व ढवळे तसेच, इतर विविध विभागातील सर्व प्रमुख अधिकारी उपस्थित होते

हडपसर, मुंढवा, केशवनगर व मांजरी या भागात प्रचंड मोठ्या प्रमाणात वाहतूक कोंडी असून, येथील नागरिकांना दैनंदिन प्रवास करताना प्रचंड मोठ्या प्रमाणात वाहतूक कोंडीला सामोरे जावे लागत आहे. परिणामी वाहतूक कोंडीच्या त्रासाला कंटाळून या परिसरातील IT कंपन्या या स्थलांतरित करण्याच्या विचारात आहेत. त्यामुळे खूप दिवसांनपासून होत असलेली वाहतूक कोंडी सुरुळीत करण्यासाठी शिवसेना शहरप्रमुख प्रमोद नाना भानगिरे यांच्या नेतृत्वाखाली रस्ता रोको आंदोलन करण्यात आले होते.
त्यावेळी आंदोलन मागे घेण्यासाठी, पुणे महानगरपालिकेचे अधिकारी प्रसाद काटकर यांनी मध्यस्थी करत हडपसरला वाहतूक कोंडी मुक्त करण्यासाठी लवकरच सविस्तर बैठक घेऊ असे सांगितले होते. याच पार्श्वभूमीवर आज पुणे महानगरपालिका येथे अतिरिक्त आयुक्त विकास ढाकणे यांच्या समवेत उपस्थितीत विविध विभागाच्या प्रमुख अधिकाऱ्यांची बैठक आयोजित करण्यात आली होती.

या बैठकीत हडपसर, मुंढवा, केशवनगर व मांजरी भागात वारंवार होत असलेल्या वाहतूक कोंडी बाबत प्रमोद नाना भानगिरे यांच्या हस्ते निवेदन देण्यात आले. या निवेदनाच्या माध्यमातून घोरपडी व कोरेगाव पार्क मार्गे मुंढव्यापर्यंत भुयारी मार्ग करण्यात यावा. केशवनगर, मांजरी रस्त्यावरील अतिक्रमण हटवून रस्ता अरुंद करण्यात यावा. रस्त्यात येत असलेल्या झाडांच्या फांद्या व महावितरणचेune) (P पोल व डी. पी बॉक्स यांचे व्यवस्थापन करण्यात यावे. अशा प्रकारच्या वेगवेगळ्या मागण्या करण्यात आल्या आहे.