ऊन सावली चित्रपटाच्या ‘टायटल  सॉंग’ ला मिळालेला उस्फुर्त प्रतिसाद पाहता आज चित्रपटाचे पोस्टर आणि टीजर लाँच करण्यात आले. ऊना मुळे लागणारे चटके आणि सावली ची शीतलता दोन्ही प्रेमाच्या रूपात पाहायला मिळणार आहे. आम्ही दोघी, टाईमपास २, फेम ऍक्टर  भूषण प्रधान आणि त्यांच्या सोबत वाळवी आणि झिम्मा २ असे बॅक टू बॅक हिट सिनेमा देणारी एक्टरेस शिवानी सुर्वे ह्या दोघांची जोडी पाहायला मिळणार आहे.

‘एक अरेन्ज मॅरेज ही अद्भुत लव स्टोरी असू शकते’  ह्या वाक्यात ‘ऊन   सावलीचे’ गूढ लपलेले आहे. प्रेक्षकांसाठी प्रेमाचा आगळा वेगळा आनंददेणारा, हळुवार स्पर्श करणारा असा हा चित्रपट आहे. आज ह्या चित्रपटाचे पोस्टर आणि टीजर जाहीर करण्यात आले. एकमेकांच्या डोळ्यात डोळे घालून पाहणारे हे सुंदर जोडपं बरच काही सांगू पाहत आहे, बरच काही बोलू इच्छित आहेत.

‘ऊन सावली’ ह्या चित्रपट मध्ये प्रणय आणि आन्वीची प्रेमकथा आहे. प्रणयला लग्न करायचं नाही आणि दुसरीकडे अन्वीला लग्न करायचं नाही पण हे ती तिच्या आईला सांगू शकत नाही म्हणून ते दोघेही त्यांच्या पालकांच्या मनाचा विचार करता लग्नाला होकार देतात. आणि एक दिवस असा क्षण येतो जेव्हा आन्वी आणि प्रणय त्यांच्या कुटुंबियांसोबत एकमेकांना भेटतात. प्रणयला पहिल्या नजरेतच आन्वी आवडते. परंतु आन्वीचा विरोध हा कायम आहे. आज ‘व्हॅलेन्टाईन्स डे’ च्या दिवशी ‘ऊन सावली’ ह्या चित्रपटाचे टायटल सॉंग नकुल देशमुख आणि श्रिया जैन ह्यांनी गायिले आहे व अल्ट्रा म्युजिक द्वारा लाँच करण्यात आले आहे. गाणे येताच प्रेक्षकांचा उस्फुर्त प्रतिसाद पाहायला मिळत आहे. हे गाणे लोकांच्या मनात आणि मुखावर गुणगुणताना पाहायला मिळत आहे.

तिकीट विंडो पिक्चर्स बॅनर अंतर्गत समीर शेख द्वारा चित्रपटाची निर्मिती करण्यात आली आहे .  चित्रपटाची कथा अभय वर्धन यांनी लिहिली आहे.  तसेच निर्देशन दिवाकर नाईक यांनी केले आहे. चित्रपटा मध्ये म्युजिक सार्थक नकुल यांनी संगीतबद्ध केले आहे. तसेच नकुल देशमुख आणि श्रिया जैन ह्यांनी हे गाणे गायिले आहे . अभिनेता भूषण प्रधान आणि अभिनेत्री शिवानी सुर्वे हे प्रमुख भूमिका साकारत आहेत. तसेच अजिंक्य ननवरे, राज सरनागत, अंकिता भोईर, विकास हांडे, श्वेता कामत, प्रिया तुळजापूरकर आणि मनाली निकम ह्याचा देखील समावेश आहे. हा चित्रपट १ मार्च रोजी प्रेक्षकांच्या भेटीला येणार आहे. पहिले गाणे एवढे हिट झाले आहे की चाहत्यांमध्ये चित्रपटाची उत्सुकता शिगेला पोहोचली आहे. टीजर पाहिल्यावर नक्कीच ह्या दोघांमधील ऊन सावलीचा खेळ पाहण्याची लगबग प्रेक्षकां मध्ये पाहायला मिळणार आहे.

पुणे, दि. १९ फेब्रुवारी २०२४: छत्रपती शिवाजी महाराज यांची स्वराज्य स्थापनेची लढाई ही धर्म, सत्ताव संपत्तीसाठी नव्हती तर सर्वसामान्य माणसांच्या स्वाभिमानासाठी, माणूसकीच्या तत्त्वांसाठी होती. शिवरायांच्या स्वराज्याने समतेचा नवा आदर्श निर्माण केला. नैतिकता व चारित्र्याचे अधिष्ठान देत शिवरायांनी जातीधर्माऐवजी माणुसकीच्या मूल्यांवर स्वराज्याची स्थापना केली असे प्रतिपादन कवी व लेखक श्री. सतिश हानेगावे यांनी सोमवारी (दि. १९) केले.

महावितरण व महापारेषणच्या वतीने रास्तापेठ येथील प्रशासकीय इमारतीमध्ये छत्रपती शिवाजी महाराज यांची जयंती साजरी करण्यात आली. यावेळी मुख्य वक्ते म्हणून श्री. सतिश हानेगावे बोलत होते. कार्यक्रमाच्या अध्यक्षस्थानी महावितरणचे पुणे प्रादेशिक संचालक श्री. अंकुश नाळे तर प्रमुख पाहुणे म्हणून मुख्य अभियंता श्री. राजेंद्र पवार (महावितरण) व अनिल कोलप (महापारेषण) आणि महाव्यवस्थापक श्री. राजेंद्र गायकवाड (महापारेषण) यांची उपस्थिती होती.

या कार्यक्रमात सर्व पाहुण्यांनी मनोगतामधून छत्रपती शिवाजी महाराज यांच्या विविध कार्यासंबंधी माहीत दिली. कार्यक्रमाचे प्रास्ताविक श्री. दादासाहेब पाडोळे तर सूत्रसंचालन श्री. बाबा शिंदे यांनी केले. श्री. सचिन राऊत यांनी आभार मानले. कार्यक्रमाला महावितरण, महापारेषणमधील अभियंते, अधिकारी व सर्व संघटनांचे पदाधिकारी उपस्थित होते. आयोजनासाठी सर्व संघटनांच्या पदाधिकाऱ्यांनी पुढाकार घेतला.

पुणे-पार्किंगच्या वादातून एका टोळक्याने चंदननगर परिसरात थेट रस्त्यावर वाहनांची तोडफोड करून एका महिलेला जीवंत जाळण्याचा प्रयत्न केल्याची धक्कादायक घटना घडली आहे.या हल्ल्यात वर्षा दयाराम गायकवाड ही महिला सुदैवाने बचावली आहे. परंतु, त्यांच्या दुचाकी आणि कार या गाडीचे नुकसान झाले आहे. ही घटना पुण्यातील चंदननगर पोलीस स्टेशनच्या हद्दीतील खराडी परिसरात पार्किंगच्या वादातून झाली.

पोलिसांनी दिलेल्या माहितीनुसार, या प्रकरणी महेश राजे यांनी चंदननगर पोलिस ठाण्यात आरोपी विरोधात फिर्याद दिली आहे. त्यानुसार धिरज दिलीप सपाटे (वय 28, नं 1 लेन नं 1 तुकारामनगर खराडी), आकाश सोकीन सोदे (वय 23, रा चंदननगर), विशाल ससाने वय 20, रा. बीजेएस कॉलेज जवळ वाघोली) , नयत नितीन गायकवाड (वय १९, रा साईनाथनगर वडगाव) सुरज रविंद्र बोरुड़े (वय २३, रा उबाळेनगर), अशी गुन्हा दाखल झालेल्या आरोपींची नावे आहेत. या प्रकरणी 4 जणांना अटक करण्यात आली आहे. तर धिरज सपाटे हा फरार असून तो रेकॉर्डवरील सराईत गुन्हेगार आहे.

तक्रारदार महेश राजे व या प्रकरणातील आरोपी हे एकाच परीसरात राहण्यास आहे. त्यांच्यात मागील काही दिवसांपासून पार्किंग कारणातून वाद सुरू होते. 17 फेब्रुवारी रोजी हा वाद टोकाला गेला. यावेळी आरोपी आणि त्याच्या १३ साथीदारांनी दुचाकीवर येत तक्रारदार यांच्या कारच्या काचा लाकडी दांडक्याने फोडल्या. त्यानंतर आरोपीनी, त्यांच्या गाडीवर पेट्रोल टाकून आग लावली. पेट्रोल चारचाकी गाडीवर पडल्याने गाडीने तात्काळ पेट घेतला. यामध्ये कारच्या गाडीचे सीट जळले.

यावेळी तक्रारदार यांच्या भाडेकरू वर्षा गायकवाड या घराबाहेर आल्या असत्या आरोपींनी त्यांच्यावर देखील पेट्रोल टाकून त्यांना जिवंत पेटवण्याचा प्रयत्न केला. मात्र, त्या घरात पळून गेल्याने थोडक्यात बचावल्या. ही संपूर्ण घटना सीसीटीव्हीत कैद झाली आहे. सर्व आरोपींच्या हातात लाठ्या असल्याचे स्पष्ट दिसत आहे. काहींनी तोंडाला रुमाल बांधला होता. आरोपींनी महिलेच्या घरासमोर उभ्या असलेल्या गाडीच्या काचा देखील फोडल्या. यानंतर आरोपी हे फरार झाले. पोलिसांना घटनेची माहिती मिळताच ते घटनास्थळी दाखल झाले.

शिवजयंतीनिमित्त महाराजांना अभिवादन करून काकडेंनी लोकसभेचे फुंकले रणशिंग

पुणे- आज शहरात निघणाऱ्या छत्रपती शिवरायांच्या विविध मिरवणुकीत सहभागी होत सर्वधर्मियांना आवाहन करत माजी खासदार संजय काकडे यांनी लोकसभेच्या निवडणुकीचे रणशिंग फुंकले . शिवरायांना अपेक्षित असलेले स्वराज्य निर्मितीसाठी आणि रक्षणासाठी केंद्रात नरेंद्र मोदी आणि राज्यात देवेंद्र फडणवीस यांचे हाथ बळकट करण्याची गरज असल्याचे त्यांनी वेगवेगळ्या ठीकांनी आपले विचार प्रगट करताना सांगितले. छत्रपती शिवाजी महाराज हि महाराष्ट्राची अस्मिता आहे त्यांच्या सर्वधर्मीय सुराज्याचे आपण सैनिक बनू या असे ते म्हणाले.

स्वराज्याचे संस्थापक छत्रपती शिवाजी महाराज यांची आज जयंती. यानिमित्त शहरात आज शिवजन्मोत्सव मोठ्या उत्साहात साजरा करण्यात येत आहे या वेळी संजय काकडे यांनी लाल महल येथे राजमाता जिजाऊ माँ साहेब आणि छत्रपती शिवाजी महाराज यांच्या पुतळ्यास पुष्पहार अर्पण करुन त्रिवार वंदन केले. यानिमित्त विविध मंडळांना भेटी देऊन महाराजांच्या पुतळ्यास पुष्पहार अर्पण करुन अभिवादन केले. आणि नागरिकांना शिवजयंतीच्या शुभेच्छा दिल्या. यावेळी कोल्हापूरचे युवराज मालोजीराजे, अमितराजे गायकवाड, माजी नगरसेवक राजेंद्र शिळीमकर, पुणे शहर भाजपाचे सरचिटणीस राहुल भंडारे, माजी नगरसेवक शंकर पवार व राजाभाऊ बराटे, उपाध्यक्ष तुषार पाटील, मंडळाचे अध्यक्ष अजिज शेख, विशाल पायगुडे, माजी नगरसेवक भरत निजामपूरकर, विष्णू हरिहर, विजय मरळ आदी मान्यवर पदाधिकारी उपस्थित होते

आर्मी इन्स्टिट्यूट ऑफ टेक्नाँलॉजीतर्फे ‘जीवनगौरव पुरस्कार’ प्रदान
पुणे, ता. १९ : “भावी काळातील जागतिक नेतृत्व तंत्रज्ञानाच्या कुशल वापरातून पुढे येणार आहे. तंत्रज्ञानाचा सकारात्मक वापर केल्यास, समाज व देशाचे शोषणमुक्त सक्षमीकरण सहज शक्य आहे’, असे प्रतिपादन केंद्रीय अणुऊर्जा आयोगाचे माजी अध्यक्ष व ज्येष्ठ अणुशास्त्रज्ञ डॉ. अनिल काकोडकर यांनी सोमवारी येथे केले. ‘तंत्रकुशल विद्यार्थ्यांनी तंत्रस्नेही युगात देशाच्या विकासप्रक्रियेत याच जाणीवेतून योगदान द्यावे’, असे आवाहनही डॉ. काकोडकर यांनी केले.

दिघी येथील आर्मी इन्स्टिट्यूट ऑफ टेक्नाॅलाॅजीच्या (एआयटी) ३० व्या स्थापना दिनाचे औचित्य साधून डॉ. काकोडकर यांना जीवनगौरव पुरस्कार प्रदान करण्यात आला. काॅलेज ऑफ मिलिटरी इंजिनिअरिंगचे कमांडंट लेफ्टनंट जनरल ए. के. रमेश यांच्या हस्ते डॉ. काकोडकर यांना गौरवण्यात आले. प्रसंगी एआयटीचे संचालक ब्रिगेडियर (निवृत्त) अभय भट, एआयटीचे अध्यक्ष मेजर जनरल टी. एस. बेन्स, सहसंचालक कर्नल एम. के. प्रसाद, प्राचार्य डॉ. बी. पी. पाटील आदी मान्यवर उपस्थित होते. शिवजयंतीचे औचित्य साधून शिवाजी महाराजांच्या अर्धपुतळ्याला पुष्पहार अर्पण करून, तसेच सरस्वतीपूजनाने कार्यक्रमाची सुरवात झाली.
संस्थेचे माजी विद्यार्थी अंकुश तिवारी यांचा ‘यशस्वी युवा उद्योजक पुरस्कार’ देऊन गौरव करण्यात आला. लेफ्ट. जनरल ए. के. रमेश यांच्या हस्ते गुणवंत विद्यार्थी, शिक्षक आणि शिक्षकेतर कर्मचाऱ्यांना सन्मानित करण्यात आले. चीफ ऑफ आर्मी स्टाफ अष्टपैलू विद्यार्थ्यांसाठीचा फिरता करंडक भावना निमगडा हिला देण्यात आला. सर्वोत्कृष्ट विद्यार्थी क्रीडा पुरस्कार जी. राजशेखर स्मृतीचिन्ह क्रीडापटू विक्रांत कुमार यांना देण्यात आले. चारही शाखेतील उत्कृष्ट विद्यार्थिनींना ‘जिओसी-इन-सी’ पारितोषिक देण्यात आले. डॉ. अश्विनी सपकाळ (सर्वोत्कृष्ट शिक्षक), प्रो. सीता यादव (सर्वोत्कृष्ट संशोधक), प्रवीण सांगळे (सर्वोत्कृष्ट टेक्निकल स्टाफ) आणि सी. नागराज रेड्डी (सर्वोत्कृष्ट प्रशासकीय कर्मचारी) यांचाही सन्मान करण्यात आला. विविध शिष्यवृत्तीचे वितरण यावेळी करण्यात आले.
डॉ. अनिल काकोडकर म्हणाले, “आधुनिक काळात जागतिक स्तरावरील नेतृत्वाची तंत्रज्ञान हीच गुरुकिल्ली आहे. मर्यादित साधनस्रोतांमध्ये, कमी खर्चात आपण विकसित केलेले रिफ्लेक्टर्स हे तंत्रज्ञानाच्या सकारात्मक वापराचे उत्तम उदाहरण आहे. युरेनियमची कमतरता असूनही आपण अणुक्षेत्रात घेतलेली भरारी मूळ तंत्रज्ञानाच्या कुशल वापरामुळे शक्य झाली. अणुतंत्रज्ञान हे केवळ लष्करी सामर्थ्याशी न जोडता, ते समाजाच्या हितासाठीच्या सुविधांच्या निर्मितीशी जोडण्यात आपण यशस्वी झालो आहोत, हे लक्षात घेत तरुणाईने आपल्या तंत्रकुशलतेचा देशाच्या विकासासाठी विनियोग केला पाहिजे.”

लेफ्टनंट जनरल ए. के. रमेश म्हणाले, “विकासाच्या वाटेवर गतीने जाणाऱ्या आपल्या देशासाठी तंत्रज्ञान आणि नवकल्पना यांचे योगदान महत्त्वाचे ठरणार आहे. जागतिक स्तरावरील वास्तव तंत्रज्ञानाचे महत्त्व सातत्याने वाढणार असल्याचे स्पष्ट करत आहे. जीवनाच्या सर्वच क्षेत्रांत तंत्रज्ञानाचे प्राबल्य असणार आहे. शाश्वत विकासाच्या प्रक्रियेत विद्यार्थ्यांनी आपली तंत्रकुशलता घेऊन वाटा उचलण्याच्या असंख्य संधी आहेत. नव्या जगात कौशल्ये, तंत्रस्नेही वावर आणि शहाणपण, यांच्या एकत्रीकरणातून ज्ञानाचे मार्ग निर्माण होणार आहेत.”

ब्रिगेडियर (निवृत्त) अभय भट यांनी संस्थेच्या वार्षिक अहवालाचे सादरीकरण केले. ऑटोमेशन आणि रोबोटिक्सचा अभ्यासक्रम लवकरच सुरू करत असल्याचे ते म्हणाले. संस्था स्वायत्ततेच्या दिशेने जात असून, प्लेसमेंटचे प्रमाण ९० टक्क्यांहून अधिक असल्याचा उल्लेख त्यांनी केला.
१९९९ च्या बॅचमधील माजी विद्यार्थ्यांच्या वतीने प्रणव बैरागी यांनी मनोगत मांडले. मेजर जनरल टी. एस. बेन्स यांनी आभार मानले. दीक्षा सिंग आणि अनिकेत डिगोळे यांनी सूत्रसंचालन केले.

पुणेः सनई-चौघड्यांच्या मंजुळ स्वर, तुतारीच्या गगनभेदी गर्जना, ढोल-ताशांचा निनाद, भगव्या पताका, मर्दानी खेळ ‘छत्रपती शिवाजी महाराज की जय!’ ‘जय भवानी, जय शिवराय!’ घोषणांचा जयघोष अशा जल्लोषपूर्ण वातावरणात येथील एमआयटी आर्ट, डिजाईन आणि टेक्नाॅलाॅजी विद्यापीठात महाराष्ट्राचे आराध्यदैवत छत्रपती शिवाजी महाराज यांची ३९२वी जयंती साजरी करण्यात आली. 
विद्यापीठाच्या मुख्य प्रवेशद्वारावरील छत्रपती शिवरायांच्या अश्वारूढ पुतळ्याजवळ कार्याध्यक्ष तथा कुलगुरू प्रा.डाॅ.मंगेश कराड यांच्या हस्ते हिंदवी स्वराज्याचे प्रतिक असणारा भगवा ध्वज फडकावून जयंती उत्सवास प्रारंभ करण्यात आला. याप्रसंगी एमआयटी ‘मिटकाॅम’च्या कार्यकारी संचालक प्रा.डाॅ.सुनीता कराड, प्र.कुलगुरू डाॅ.अनंत चक्रदेव, कुलसचिव डाॅ.महेश चोपडे, परीक्षा विभाग संचालक डाॅ.ज्ञानदेव निलवर्ण, डाॅ.विरेंद्र शेटे, डाॅ.अतुल पाटील, डाॅ.अंजली भोईटे, डाॅ.सुराज भोयार यादी उपस्थित होते.    याप्रसंगी, लोणी-काळभोर व कदमवाक वस्ती ग्रामपंचायत येथील नागरिक, ‘एमआयटी-एडीटी’चे शिक्षक व शिक्षकेतर कर्मचारी आणि शेकडो विद्यार्थ्यांच्या समोर विद्यार्थी अभिमन्यू पाटीलने शिवरायांवरील कविता व राजेश्वरी निंबाळकरने पाहाडी आवाजात केलेले भाषण व जयपाल यादव यांच्या शिवगर्जनेमुळे उपस्थितांच्या अंगावर अक्षरशः रोमांच उभे राहिले. त्यानंतर विद्यार्थ्यांकडून सांस्कृतिक नृत्य व मैदानी खेळांची प्रात्याक्षिके देखील दाखवण्यात आली. शिवरायांची पालखीसह मिरवणूक व त्यानंतर अश्वारूढी पुतळ्याला क्रेनद्वारे पुश्वहार अर्पण केल्यानंतर महाराजांची आरती करून या कार्यक्रमाची सांगता करण्यात आली.         यावेळी बोलताना, प्रा.डाॅ.कराड म्हणाले की, माझ्या ऑफिस मध्ये असणाऱ्या छत्रपती शिवाजीराजांच्या मूर्ती पुढे नतमस्तक होऊन दिनक्रम सुरू करतो. कारण छत्रपती शिवराय हे उर्जेचा प्रचंड मोठा स्त्रोत आहेत. आयुष्यात कितीही मोठ्या समस्या, संकटे आली तरी शिवचरित्र वाचल्यास त्यावर मार्ग सापडतो. त्यामुळे शिवराय आपल्यातच आहेत व ते आज ३९२ वर्षांचे झाले असल्याची भावना प्रत्येकाच्या मनात आहे. त्यामुळे शिवछत्रपतींचे गुण आत्मसात करण्याचा प्रत्येकाने प्रयत्न करणे हीच खरी शिवजयंती असेल, असा संदेशही त्यांनी विद्यार्थ्यांना दिला.  
रक्तदान शिबिराला उत्फुर्त प्रतिसाद-शिवजयंतीच्या पार्श्वभूमिवर विद्यापीठात आयोजित करण्यात आलेल्या रक्तदान शिबिर व ऐतिहासिक शस्त्रास्त्र प्रदर्शनास विद्यार्थ्यांचा उत्फुर्त प्रतिसाद लाभला. रक्तदान शिबिरात तब्बल २५० दात्यांनी रक्तदान केल्याने हे शिबिर अत्यंत यशस्वी ठरले. विद्यापीठाच्या नवीन आयटी इमारतीच्या प्रवेशद्वारावर या दोन्ही उपक्रमांचे आयोजन विद्यार्थ्यांकडून करण्यात आले होते. त्याचे उद्घाटन ‘एमआयटी-मिटकाॅम’च्या कार्यकारी संचालक प्रा.डाॅ.सुनीता कराड, लोणी-काळभोर पोलिस स्टेशनचे पीआय शशिकांत चव्हाण, कुंजीरवाडीचे माजी सरपंच सचिन तुपे यांच्या हस्ते करण्यात आले. ‘एमआयटी-एडीटी’च्या विद्यार्थ्यांनी रक्तदान शिबिरासारखे सामाजिक उपक्रम राबवून शिवजयंती साजरी केल्याने परिसरातील नागरिकांकडून त्यांचे कौतुक होत आहे.

पुणे : पहिल्या दिवशी राज दरबारी, आला वंशाला असाखे तरी, बाळ शिवाजी पहिल्या अवतारी, जो बाळा जो जो रे जो…पासून ते बाराव्या दिवशी बोलवा माळी, केली आरस लावून केळी, नाव शिवाजी ऐका मंडळी, जो बाळा जो जो रे जो… असे पाळण्याचे स्वर जय गणेश प्रांगण येथे पारंपरिक वेशातील महिलांच्या उपस्थितीत निनादले. जय भवानी, जय शिवाजी च्या जयघोषात फुलांनी सजविलेल्या पाळण्यात शिवजन्मोत्सव सोहळा मोठ्या थाटात पार पडला. 
श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळातर्फे शिवजयंती निमित्त आयोजित शिवमहोत्सव कै.श्रीमती लक्ष्मीबाई दगडूशेठ हलवाई दत्त मंदिरासमोरील जय गणेश प्रांगण येथे आयोजित करण्यात आला होता. उत्सवाचे आयोजन सुवर्णयुग तरुण मंडळाचे अध्यक्ष प्रकाश चव्हाण, सौरभ रायकर, यतिश रासने, मंगेश सूर्यवंशी, अमोल चव्हाण, सचिन आखाडे, तुषार रायकर यांसह मंडळाचे पदाधिकारी व कार्यकर्ते यांनी केले. 
श्रीमंत दगडूशेठ हलवाई गणपती मंदिरापासून पारंपरिक वेशात हातात भगवे झेंडे घेऊन महिला जय गणेश प्रांगण येथे छत्रपती शिवाजी महाराज की जय… अशा घोषणा देत आल्या. त्यानंतर बाळ शिवरायांचा पाळणा म्हणत महिलांनी शिवजन्मोत्सव साजरा केला. तसेच, यावेळी महिलांनी पोवाडा सादरीकरण देखील केले. 
चार दिवसीय महोत्सवात शिवव्याख्याते प्रा. नितीन बानगुडे पाटील यांचे व्याख्यान, मंदार परळीकर यांचा अमर आग सांगीतिक कार्यक्रम, लेखक केतन पुरी यांचे व्याख्यान आणि मयूर थिएटर्स निर्मित नितीन सूर्याजीराव मोरे प्रस्तुत शिवराज्याभिषेक सोहळा हे ५० कलाकारांसहित भव्य नाटक आयोजित करण्यात आले होते. पुणेकरांनी मोठया संख्येने या महोत्सवात सहभाग घेतला.

मुलांमध्ये डी. इ. एस शाळा तर मुलींमध्ये स्काऊट ग्राउंड प्रशिक्षण केंद्राने पटकाविला प्रथम क्रमांक

पुणे- शिक्षण मंत्री चंद्रकांतदादा पाटील आयोजित नमो चषक शिवकालीन युद्ध कला ( सिलंबम ) स्पर्धा उत्साहात आणि 900 ( नऊ शे ) स्पर्धकांच्या प्रचंड प्रतिसादात पार पडल्याचे स्पर्धा संयोजक व भाजयुमो क्रीडा आघाडीचे पुणे शहर प्रमुख प्रतीक खर्डेकर यांनी सांगितले.
मुलांना क्रिकेट, फुटबॉल, टेनिस, बॅडमिंटन ह्या खेळांचे आकर्षण आहे पण त्याचबरोबर आपल्या मातीतील खेळ ही त्यांनी खेळले पाहिजेत यासाठी अश्या स्पर्धाचे आयोजन केले असल्याचे मंत्री चंद्रकांतदादा पाटील यांनी त्यांच्या संदेशात म्हंटले आहे.ह्या कला मुलांचे शारीरिक आणि मानसिक बल वाढविण्यासाठी उपयुक्त असल्याचे ही मंत्री चंद्रकांतदादा पाटील म्हणाले. विविध शाळांमध्ये विशेषतः विद्यार्थिनींना ही कला शिकविण्याच्या प्रस्तावावर त्यांनी आपल्या संदेशात सकारात्मक प्रतिसाद दिल्याचे प्रतीक खर्डेकर म्हणाले.
शिवकालीन युद्धकलेत लाठी काठी, दांडपट्टा, भाला, तलवारबाजी इ कलाप्रकारांचा समावेश असल्याचे “सिलंबम असोसिएशन पुणे” चे सरचिटणीस श्री.कुंडलिक कचाले व कार्याध्यक्ष योगेश कंठाळे यांनी सांगितले. स्पर्धेचे उदघाट्न भाजयुमोचे शहर अध्यक्ष करण मिसाळ,भाजपा चे कोथरूड मंडल अध्यक्ष डॉ. संदीप बुटाला,सरचिटणीस मंजुश्री खर्डेकर यांच्या हस्ते करण्यात आले. यावेळी शहर सरचिटणीस पुनीत जोशी, कोथरूड मंडल सरचिटणीस विठ्ठल बराटे,अनुराधा एडके, गिरीश खत्री,दीपक पवार,माजी नगरसेवक दिलीप वेडे पाटील,जयंत भावे,नवनाथ जाधव, गिरीश भेलके,अमोल डांगे, राज तांबोळी,कुणाल तोंडे, सागर भोसले इ मान्यवर उपस्थित होते.
दिवसभर रंगलेल्या स्पर्धेत पालकांनी आणि विद्यार्थ्यांनी उत्साहाने आणि खेळ भावना जपत भाग घेतला.
स्पर्धेचे सांघिक निकाल खालीलप्रमाणे…
स्पर्धेचे सांघिक निकाल खालीलप्रमाणे…
1.. मुलांमध्ये प्रथम क्रमांक डी .ई. एस. स्कुल टिळक रोड.
2 .मुलांमध्ये द्वितीय क्रमांक वनाज परिवार विद्यामंदिर कोथरूड.
3.. मुलांमध्ये तृतीय क्रमांक पंडितराव आगाशे स्कूल लॉ कॉलेज रोड

1… मुलींमध्ये प्रथम क्रमांक स्काऊट ग्राउंड सिलंबम पुणे मुख्य प्रशिक्षण केंद्र सदाशिव पेठ.
2… मुलींमध्ये द्वितीय क्रमांक ‌माधव सदाशिव गोळवलकर गुरुजी प्राथमिक विद्यालय टिळक रोड.
3…. मुलींमध्ये तृतीय क्रमांक ज्ञानसाधना विद्यामंदिर वडगाव( बुद्रुक).
19 वर्षावरील मुलांच्या खुल्या स्पर्धेत प्रणिस गायकवाड याने प्रथम क्रमांक, शक्तीप्रसाद पात्रा याने द्वितीय क्रमांक तर ओम संगपुल्लम याने तृतीय क्रमांक मिळविला. तर 19 वर्षावरील मुलींच्या खुल्या स्पर्धेत प्रथम क्रमांक समृद्धी चिल्लाळ, द्वितीय क्रमांक संतोषी कोत्तावार,तृतीय क्रमांक स्नेहा चौधरी यांनी मिळविला.
14 ते 17 वयोगटात मुलांमध्ये प्रथम क्रमांक शंतनू उभे, द्वितीय क्रमांक सोमेश्वर बरडे आणि तृतीय क्रमांक प्रणव पांढरे यांनी मिळविला. तर मुलींमध्ये प्रथम क्रमांक प्रतीक्षा कांबळे, द्वितीय क्रमांक अवंती सकुंडे आणि तृतीय क्रमांक अवंती निजामपूरकर यांनी मिळविला.
14 वर्षाखालील वयोगटातील मुलांच्या स्पर्धेत प्रथम क्रमांक शिवम पोटे,द्वितीय क्रमांक विहान निकम तर तृतीय क्रमांक वेदांत अंकले यांनी मिळविला तर मुलींच्या स्पर्धेत पहिला क्रमांक ईश्वरी भोकरे,द्वितीय क्रमांक सई साळुंके तर तृतीय क्रमांक प्रांजल कापसे यांनी मिळविला.

पारितोषिक वितरण समारंभास प्रमुख पाहुणे म्हणून शहर उपाध्यक्ष शाम देशपांडे, कोथरूड मंडल अध्यक्ष डॉ. संदीप बुटाला,प्रदेश प्रवक्ता संदीप खर्डेकर,माजी नगरसेवक दीपक पोटे, मंडल सरचिटणीस व महिला मोर्चा प्रभारी मंजुश्री खर्डेकर,दिनेश माथवड,माजी नगरसेविका वासंती जाधव,नवनाथ जाधव,कामगार आघाडी राज्य उपाध्यक्ष बाळासाहेब टेमकर,महिला आघाडी अध्यक्ष कांचन कुंबरे, सरचिटणीस सौ.विद्या टेमकर,युवा मोर्चा उपाध्यक्ष जयेश सरनौबत,महिला मोर्चा उपाध्यक्ष कल्याणी खर्डेकर,समीर गाडगीळ,रुपेश कुंबरे,यश काळभोर इ मान्यवर उपस्थित होते.प्रतीक खर्डेकर यांनी स्पर्धा संयोजन व सूत्रसंचालन केले तर कुंडलिक कचाले व योगेश कंठाळे यांनी संयोजनात सहाय्य केले.

पुणे-महेंद्र गायकवाड हा मानाच्या राज्यस्तरीय सेना केसरी कुस्ती स्पर्धेचा मानकरी ठरला आहे. पृथ्वीराज मोहोळ आणि महेंद्र गायकवाड या मोठ्या कुस्तीपटूंमध्ये ही अत्यंत अटीतटीची स्पर्धा रंगली. महेंद्र गायकवाड याने पृथ्वीराज मोहोळवर चुरशीची एकतर्फी मात देऊन मानाचा ‘सेना केसरी 2024 किताब’ पहिल्यांदाच पटकावला आहे. अत्यंत कडव्या झालेल्या लढतीत गायकवाड याने मोहोळला धूळ चारत बुलेटसह मानाची गदा पटकावली.

हडपसरच्या हिंदुहृदयसम्राट स्व. बाळासाहेब ठाकरे क्रीडांगणावर या स्पर्धा पार पडल्या. राज्यातील जवळपास 600 पैलवानांनी यात सहभाग घेतला होता. महाराष्ट्राचे मुख्यमंत्री एकनाथ शिंदे यांच्या वाढदिवसानिमित्त पुणे शिवसेना शहरप्रमुख यांनी या भव्य राज्यस्तरीय स्पर्धेचे आयोजन केले होते,महाराष्ट्र कुस्तीगीर परिषद यांच्या मान्यतेने या भव्य स्पर्धा पडल्या.
शिवसेना पक्षाचे मुख्य प्रतोद आ.भरतशेठ गोगावले, माजी खासदार शिवाजीराव आढळराव पाटील, शिवसेना उपनेते इरफान सय्यद शहरप्रमुख प्रमोद नाना भानगिरे, बाळासाहेब तात्या भानगिरे व मान्यवरांच्या हस्ते पुण्याचा विजयी पैलवान महेंद्र गायकवाड याला पाच लक्ष रोख इनामासह, सेनाकेसरी किताब, सुपर बुलेट गाडी आणि मानाची चांदीची गदा बहाल करण्यात आली. तर सोबतच उपविजेता मल्ल पृथ्वीराज मोहोळ याला तीन लक्ष रोख, उपसेनाकेसरी किताब देवून गौरविण्यात आले.
महेंद्र गायकवाड आणि पृथ्वीराज मोहोळ यांच्यात झालेल्या मातीवरील निकाली कुस्तीत महेंद्रने प्रतिस्पर्धी पृथ्वीराज या मल्लावर मात करत सेना केसरीचा किताब आपल्या नावावर केला. पृथ्वीराज मोहोळच्या उजव्या पायाला जोरात झटका बसला तरीही तो मोठ्या जोशात ही कुस्ती खेळला.
यावेळी जिल्हाप्रमुख रमेश बाप्पू कोंडे, युवा सेना राज्य सचिव किरण साळी, युवासेना जिल्हाप्रमुख निलेश घारे, युवासेना शहरप्रमुख निलेश गिरमे, महिला आघाडी शहर प्रमुख पूजा रावेतकर, शहर संघटक श्रीकांत पुजारी,लक्ष्मण आरडे, सुनिल जाधव, राजाभाऊ भिलारे,संतोष राजपूत, अभिजीत बोराटे, नाना तरवडे,राजेंद्र भानगिरे,अभिमन्यू भानगिरे, उपमहाराष्ट्र केसरी अशोक माने, करण भानगिरे, प्रज्वल भानगिरे, आकाश भानगिरे अमर घुले, विकी माने, दिपक कुलाळ, नितीन लगस व असंख्य शिवसैनिक, कुस्तीप्रेमी मोठ्या संख्येने उपस्थित होते