पुणे : नाशिक येथील हर्षवधन सदगीर आणि सोलापूरचा जयदीप पाटील यांच्यातील चुरशीच्या लढतीत जयदीप पाटील याने टांग डाव मारायचा प्रयत्न केला परंतू हप्ते भरून हर्षवर्धन याने चितपट निकाली कुस्ती करून महाराष्ट्र कुस्ती महा-वीर हा खुल्या गटातील किताब मिळविला. रुपये १,००,०००/- रोख, चांदीची गदा, सुवर्णपदक व प्रशस्तीपत्रक देऊन त्याचा सत्कार करण्यात आला.
विश्वशांती केंद्र (आळंदी), माईर्स एमआयटी, पुणे व महाराष्ट्र राज्य कुस्तीगीर परिषद यांच्या संयुक्त विद्यमाने राष्ट्रधर्म पूजक – दादाराव कराड स्मृती राज्यस्तरीय महाराष्ट्र कुस्ती महा-वीर स्पर्धा रामेश्वर (रूई), ता.जि. लातूर येथे आयोजित करण्यात आल्या होत्या. या स्पर्धा गेल्या १५ वर्षापासून भरविण्यात येत आहेत.
सोलापूर येथील जयदीप पाटील यांनी उपविजेते पद मिळविले. त्यांना रौप्यपदक व रोख रुपये ७५,०००/- चे पारितोषिक देण्यात आले. पुणे येथील प्रमोद सुळ यांला  समाधान मानावे लागले. त्याला रुपये ५०,०००/- रोख व कांस्य पदक, देण्यात आले. चतुर्थ  क्रमांकावर कुर्डृवाडी येथील सुहास गोडगे याला रुपये २५,०००/- रोख व पदक देण्यात आली. या स्पर्धेमध्ये एकूण २०० पेक्षा अधिक मल्लांनी भाग घेतला होता.
हिंदकेसरी दीनानाथ सिंग, विश्वशांती केंद्र (आळंदी), माईर्स एमआयटी, पुणेचे संस्थापक अध्यक्ष प्रा. डॉ. विश्वनाथ दा. कराड, रामेश्वरचे माजी सरपंच श्री. तुळशीराम दा. कराड, श्री. काशीराम दा. कराड, आमदार श्री. रमेशअप्पा कराड, एमआयटी एडीटी विद्यापीठाचे कार्याध्यक्ष प्रा. डॉ. मंगेश तु. कराड, डॉ. हनुमंत कराड, महाराष्ट्र कुस्तीगीर परिषदेचे विलास कथुरे, श्री. राजेश कराड, डॉ. पी.जी.धनवे व वस्ताद पै. निखिल वणवे यांच्या हस्ते विजेत्या मल्लांना पारितोषिके देण्यात आली.
तर वजन गटातील विजेते पुढीलप्रमाणे

(प्रथम क्रमांक – सुवर्णपदक, द्वितीय क्रमांक – रौप्य पदक, तृतीय क्रमांक – कांस्यपदक व रोख रक्कम पुढे दिल्या प्रमाणे)

वजन गट   प्रथम क्रमांक   द्वितीय क्रमांक  तृतीय क्रमांक       चतुर्थ क्रमांक

८६ किलो (रवी चव्हाण-पुणे ), (कौतुक डाफळे- कोल्हापूर), (अविनाश गावडे-पुणे), (एकनाथ बेद्रेे-सोलापूर)
रक्कम    रु. ४०,०००/-           रु. ३०,०००/-              रु.२५,०००/-              रु.२०,०००/-

७४ किलो (अभिजीत भोसले-सोलापूर) (मशिद शेख- कुर्डुवाडी), (विष्णू तातपूरे- लातूर ), (चौतन्य साबळे- पुणे)
रक्कम  रु.२५,०००/-                 रु.२०,०००/-            रु.१५,०००/-                रु.१०,०००/-

७० किलो  (विकी कारे-पुणे),  (महेश तातपूरे -रामेश्वर), (अमर मळगे- सोलापूर), (सुदेश बागल – कुर्डूवाडी)        
रक्कम       रु.१५,०००/-              रु.१२,०००/-            रु.१०,०००/-                रु.८,०००/-

६५ किलो (निखील  पवार – लातूर ), (पवण जेण्णर- नाशिक),   (सद्दम शेख – कोल्हापूर),    ( सुशांत पाटील – कोल्हापूर )
रक्कम         रु.१२,०००/-       रु.१०,०००/-                 रु.८,०००/-             रु.५,०००/-

६१ किलो   (विजय डोंगरे-सोलापूर),    ( अतुल चेचरे – सोलापूर),     (अविष्कार गावडे  – पुणे),   ( अनिकेत पाटील- कोल्हापूर)
रक्कम    रु.१०,०००/-                     रु.७,०००/-                         रु.५,०००/-                         रु.३,०००/-
ह
५७ किलो   (आकाश गड्डे – रामेश्वर),    (धवल चव्हाण- धाराशिव),   (विशाल सुरवसे- सोलापूर),   (लहू चौरे- सांगली)
रक्कम       रु.७,०००/-                    रु.५,०००/-                   रु.३,०००/-                      रु.२,०००/-

७५ पेक्षा अधिक वर्षे वय असलेले अनेक मल्ल सहभागी झाले होते. या पैकी कमलाकर मुळे हे विजेते ठरले तर शिवाजी मोरे हे उपविजेते ठरले. या पैलवानांचा योग महर्षी स्वातंत्र्यसेनानी वै. रामचंद्र गोपाळ शेलार उर्फ शेलार मामा स्मृती-सुवर्ण, रौप्य व कांस्य पदके देऊन विशेष सत्कार करण्यात आला.
प्रा.  डॉ. विश्वनाथ दा. कराड म्हणाले, रामेश्वरच्या मातीतून आज ना उद्या राष्ट्रीय व आंतरराष्ट्रीय कुस्तीपटू निर्माण होतील. भारताच्या कुस्तीक्षेत्रामध्ये आपले नाव उज्वल करतील. कुस्ती या क्रीडाप्रकारात आपले मन आणि मनगट मजबूत होते. आजच्या तरुणांनी कुस्तीकडे वळणे गरजेचे आहे.
श्री. बाबा निम्हण यांनी स्पर्धेचे सूत्रसंचालन व धावते वर्णन केले. तर प्रा. डॉ. मंगेश तु. कराड यांनी आभार मानले.

पुणे, दि. २ :- आदर्श आचारसंहितेचे तंतोतंत पालन करून निवडणूक कामकाजासाठी नेमलेल्या अधिकारी, कर्मचाऱ्यांनी काटेकोरपणे जबाबदारी पार पाडावी, असे निर्देश मावळ लोकसभा मतदारसंघाचे निवडणूक निर्णय अधिकारी तथा अतिरिक्त आयुक्त दिपक सिंगला यांनी केले.

मावळ लोकसभा मतदार संघांतर्गत चिंचवड विधानसभा मतदारसंघ सहाय्यक निवडणूक निर्णय अधिकारी कार्यालयाच्यावतीने थेरगाव येथील स्व. शंकर गावडे कामगार भवन येथे सेक्टर अधिकारी यांच्यासाठी प्रशिक्षणाचे आयोजन करण्यात आले होते. यावेळी मार्गदर्शन करताना श्री.सिंगला बोलत होते. प्रशिक्षण सत्राला सहाय्यक निवडणूक निर्णय अधिकारी विठ्ठल जोशी, तहसीलदार अमोल कदम, समन्वय अधिकारी अजिंक्य येळे, कार्यकारी अभियंता बापू गायकवाड, उप अभियंता प्रकाश कतोरे आदी उपस्थित होते.

यावेळी श्री. सिंगला यांनी प्रत्यक्ष मतदानाच्या दिवशी वृद्ध, अपंग, महिला यांचे मतदान त्वरेने होईल याची दक्षता संबंधित क्षेत्रीय अधिकाऱ्यांनी घ्यावी, असे निर्देश दिले.

श्री. जोशी यांनी चिंचवड विधानसभा मतदार संघातंर्गत नियुक्त करण्यात आलेल्या सेक्टर अधिकाऱ्यांना मतदान केंद्रावरील संपुर्ण तयारी, मतदानापुर्वीची तयारी, मतदानावेळीची तयारी आणि मतदान प्रक्रिया पुर्ण झाल्यानंतरची तयारी इत्यादी प्रक्रियेविषयी सविस्तर माहिती दिली.

श्री. कदम यांनी मतदान साहित्य ताब्यात घेणे, जमा करणे याबाबतची माहिती देवून मतदान केंद्राची स्थिती आणि त्याठिकाणी करावयाच्या उपाययोजना याबाबत तपशीलवार मार्गदर्शन केले.

श्री. गायकवाड आणि श्री. कतोरे यांनी प्रशिक्षणार्थींना प्रत्यक्ष मतदान यंत्र हाताळणीचे प्रशिक्षण दिले. यावेळी मतदान यंत्र सिलींग आणि कमिशनिंग याबाबतची माहिती देखील प्रशिक्षणार्थींना देण्यात आली.

प्रशिक्षणासाठी ४८ सेक्टर अधिकारी, ४८ सहाय्यक आणि ५ राखीव सेक्टर अधिकारी उपस्थित होते. यातील ५ सेक्टर अधिकाऱ्यांना जिल्हा स्तरावर मास्टर ट्रेनर म्हणून प्रशिक्षण देण्यात आले. शिवाय मतदान यंत्राच्या हाताळणीचेदेखील प्रशिक्षण त्यांनी घेतले. यानंतर प्रशिक्षणार्थींकडून मतदान यंत्र हाताळणीचे प्रत्यक्ष प्रात्याक्षिक देखील करून घेण्यात आले. प्रशिक्षणासाठी ४० मतदान यंत्रे उपलब्ध करून देण्यात आली होती.

पुणे,दि.२: लोकशाही बळकट आणि प्रबळ करण्यासाठी प्रत्येकाचे मत महत्त्वाचे असून नवमतदारांनी येत्या १३ मे रोजी मतदानाचा हक्क बजावण्यासोबतच परिसरातील सर्व मतदारांना मतदानासाठी प्रवृत्त करावे, असे आवाहन सहायक निवडणूक निर्णय अधिकारी सूर्यकांत येवले यांनी केले.

कसबा विधानसभा मतदार संघात आप्पासाहेब जेधे महाविद्यालयात आयोजित मतदान जनजागृती कार्यक्रमात ते बोलत होते. यावेळी आप्पासाहेब जेधे महाविद्यालयाच्या प्राचार्य, शहरातील विविध महाविद्यालयातील विद्यार्थी- विद्यार्थीनी उपस्थित होते.

मागील निवडणुकीत कमी मतदान झालेल्या भागांमध्ये स्वीप अंतर्गत विविध उपक्रमांद्वारे मतदार जागृती करण्यात येत आहे. विविध महाविद्यालयांमध्ये नवमतदार नोंदणी अभियान, पथनाट्य, रॅली, भित्तीपत्रकांचे प्रदर्शन असे विविध उपक्रम राबविण्यात येत असून जनतेच्या मनातील मतदान प्रक्रियेविषयी गैरसमज दूर करण्यासाठी ईव्हीएम यंत्राची प्रात्यक्षिके दाखवण्यात आली असल्याचे श्री. येवले यांनी सांगितले.

विद्यार्थ्यांनी ‘मेरा पहला वोट देश के लिए’ अशा वाक्याचा ५० फूट लांबीचा कापडी फलक घेऊन रॅलीद्वारे युवकांना मतदानाचे आवाहन केले. विद्यार्थ्यांनी मतदानाचा संदेश देणारे भित्तीपत्रकेही तयार केली होती. घोषवाक्य आणि पथनाट्य या माध्यमातूनही मतदानाविषयी जनजागृती करण्यात आली.

पर्वती विधानसभा मतदारसंघातही जनजागृती
पर्वती विधानसभा मतदारसंघात मतदान जनजागृतीसाठी शहरातील सातारा रोड, शिवदर्शन, सहकार नगर, सिंहगड रोड, अंबेधरा कॉलनी, भारती विद्यापीठ, सारस बाग,मित्र मंडळ,सिटी प्राइड,राजीव गांधी प्राणी संग्रहालय इत्यादी बस स्थानकांवर
मतदान जागृतीपर भित्तीपत्रके लावून मतदान जनजागृती करण्यात आली. पोस्ट कार्यालयातील कर्मचाऱ्यांनाही मतदानाची शपथ देण्यात आली.

मोरेंना उमेदवारी देताना सुप्रिया सुळे यांना पाठींबा दिल्याने अनेकांना आश्चर्य …

पुणे- वंचित बहुजन आघाडीकडून लोकसभा निवडणुकीसाठी उमेदवारांची तिसरी यादी जाहीर करण्यात आली आहे. विशेष म्हणजे वसंत मोरे यांना वंचित बहुजन आघाडीकडून पुण्यातून उमेदवारी जाहीर करण्यात आली आहे. हि जाहीर करताना बारामतीतून राष्ट्रवादीच्या शरद पवार गटाच्या उमेदवारांना पाठींबा देण्याचे जाहीर करण्यात आले आहे.

वंचित बहुजन आघाडीच्या रेखा ठाकूर यांनी हे पत्र ट्विटर वरून जाहीर केले आहे.

प्रस्थापित पक्षांनी लोकसभेची उमेदवारी नाकारल्यानंतर वंचित बहुजन आघाडीकडे गेलेल्या वसंत मोरे यांना प्रकाश आंबेडकर यांनी पुणे लोकसभा मतदारसंघातून उमेदवारी जाहीर केली आहे. चार दिवसांपूर्वी वसंत मोरे यांनी ‘राजगृह’ प्रकाश आंबेडकर यांची भेट घेऊन लोकसभेच्या उमेदवारीवर चर्चा केली होती. भेटीनंतर प्रकाश आंबेडकर यांनी पुण्यातील समीकरणे पाहून आज मोरे यांची उमेदवारी जाहीर केली आहे. पुण्यातून काँग्रेसकडून रवींद्र धंगेकर तर भाजपकडून मुरलीधर मोहोळ लोकसभेचे उमेदवार आहेत, आता पुण्यात तिरंगी लढत होईल. दुसरीकडे वंचितने बारामतीमधून सुप्रिया सुळे यांना पाठिंबा देण्याचा निर्णय घेतलाय. तर इकडे शिरूरमधून मंगलदास बांदल यांनाही वंचितने कोल्हे-आढळरावांच्या विरोधात निवडणुकीच्या आखाड्यात उतरवलंय.

वंचितकडून पाच उमेदवारांची घोषणा

• अविनाश बोसिकर (नांदेड )
• बाबासाहेब भुजंगराव उगाळे (परभणी )
• अफसर खान (औरंगाबाद )
• वसंत मोरे (पुणे )
• मंगलदास बांदल (शिरुर )

वंचित बहुजन आघाडीच्या वतीने या आधी दोन याद्या जाहीर केल्या होत्या. तर आज तिसरी यादी जारी करण्यता आली. वंचितकडून दुसरी यादी जाहीर करण्यात आली होती. त्यात 11 उमेदवारांचा समावेश होता. हिंगोलीतून डॉ. बी.डी चव्हाण, सोलापुरमधून राहुल गायकवाड यांना उमेदवारी तर माढ्यातून रमेश बारस्करांना उमेदवारी दिली. यापूर्वी देखील वंचितने उमेदवारांची यादी जाहीर केली होती. त्यामध्ये स्वतः प्रकाश आंबेडकर यांचं नाव जाहीर करण्यात आलं होतं. ते अकोल्यातून लोकसभा निवडणूक लढणार आहे. तर दुसऱ्या यादीत लातूरमधून नरसिंग उदगीरकर, साताऱ्यातून मारूती जानकर, धुळ्यातून अब्दुर रेहमान, हातकणंगले येथून दादासाहेब पाटील, रावेरमधून संजय ब्राम्हणे, जालन्यातून प्रभाकर बकले, मुंबई उत्तर मध्य येथून अब्दुल हसन खान, रत्नागिरी-सिंधुदुर्ग येथून काका जोशी हे लोकसभा निवडणूक लढवणार आहे.

पुणे : बिल्डर्स असोसिएशन ऑफ इंडियाच्या (बीएआय) पुणे केंद्राच्या अध्यक्षपदी सुनील मते यांची निवड करण्यात आली. उपाध्यक्षपदी अजय गुजर, सचिवपदी राजाराम हजारे, तर खजिनदारपदी शशिकांत किल्लेदारपाटील यांची निवड झाली आहे. नुकत्याच झालेल्या असोसिएशनच्या वार्षिक बैठकीत २०२४-२०२५ या वर्षांकरिता कार्यकारिणी जाहीर करण्यात आली.

अखिल भारतीय स्तरावर पुणे केंद्राचे प्रतिनिधित्व करण्यासाठी डॉ. राजीव कृष्णानी, रणजित मोरे, चरणजित सिंग, जगन्नाथ जाधव व कर्नल संजय अडसर (निवृत्त) यांची निवड झाली आहे. पुणे केंद्राच्या कार्यकारिणीमध्ये सदस्य म्हणून शिवकुमार भल्ला, करण पवार, सी. एच. रतलानी, रमेश लाल, मधुर डागा, सी. डी. राठोड, अक्षय देशपांडे, स्वप्नील कुदळे, महेश राठी यांचा समावेश करण्यात आला आहे.

मावळते अध्यक्ष डी. एस. चौधरी यांच्याकडून सुनील मते यांनी अध्यक्षपदाचा कार्यभार स्वीकारला. या निवडीबद्दल आनंद व्यक्त करून सुनील मते म्हणाले की, ‘बीएआय’चे जन्मस्थान असलेल्या पुणे केंद्राच्या अध्यक्षपदी निवड होणे ही आनंदाची गोष्ट आहे. येत्या वर्षात बांधकाम व्यवसायाशी संबंधित विविध घटकांसाठी उपक्रम, कार्यशाळा, मार्गदर्शन सत्रे, वेल बिल्ट स्ट्रक्चर स्पर्धा, विद्यार्थ्यांसाठी प्रशिक्षण शिबिरे आयोजित करण्याचा मानस आहे.

पुणे, दि. २: निवडणूक प्रक्रियेत कायदा व सुव्यवस्थेची महत्त्वाची जबाबदारी पाहता आगामी लोकसभा निवडणुक कालावधीत पोलीस विभागाने आपली भूमिका चोख बजावावी, असे प्रतिपादन पिंपरी चिंचवडचे पोलीस आयुक्त विनयकुमार चौबे यांनी केले.

मावळ लोकसभा मतदारसंघांतर्गत पिंपरी विधानसभा मतदानसंघाच्यावतीने निगडी येथील पोलीस मुख्यालयाच्या कार्यालयात आयोजित केलेल्या मतदार जनजागृती कार्यक्रमात मार्गदर्शन करताना श्री. चौबे बोलत होते. यावेळी निवडणूक निर्णय अधिकारी तथा अतिरिक्त आयुक्त दीपक सिंगला, अप्पर पोलीस आयुक्त वसंत परदेशी, पोलीस उप आयुक्त संदीप डोईफोडे, सहाय्यक निवडणूक निर्णय अधिकारी अर्चना यादव, मतदान नोंदणी अधिकारी विनोद जळक, समन्वय अधिकारी विजय भोजने, मुकेश कोळप, तहसीलदार जयराज देशमुख, जनता संपर्क अधिकारी प्रफुल्ल पुराणिक यांच्यासह पोलीस दलातील जवान, कर्मचारी उपस्थित होते.

श्री. चौबे म्हणाले, पुणे जिल्ह्यातील मतदानाची टक्केवारी वाढविण्यासाठी जिल्हाधिकारी तथा जिल्हा निवडणूक अधिकारी डॉ. सुहास दिवसे यांच्या मार्गदर्शनाखाली स्वीपअंतर्गत मतदान जनजागृती उपक्रम राबविण्यात येत आहेत. पिंपरी चिंचवड शहरातील पोलीस अधिकारी आणि कर्मचाऱ्यांनी आपले कर्तव्य बजावत असताना त्यांनी मतदानाचा हक्क बजावणेही महत्वाचे आहे. यासाठी येत्या १३ मे रोजी शहरात होणाऱ्या मावळ लोकसभा निवडणुकीत मतदानाच्या दिवशी मतदान करून लोकशाही प्रक्रियेत आपला सहभाग नोंदवावा, असे आवाहनही त्यांनी केले.

श्री. सिंगला म्हणाले, लोकशाही बळकट करण्यासाठी मतदान करणे ही प्रत्येक भारतीयाची जबाबदारी आहे आणि ती व्यवस्थित पार पाडण्यासाठी सर्वांनी प्रयत्न करावेत. विविध जिल्ह्यातून, ग्रामीण भागातून पिंपरी चिंचवड शहरात कामकाज करण्यासाठी येणाऱ्या आणि शहराबाहेर मतदान असणाऱ्या पोलीस अधिकारी, कर्मचाऱ्यांसाठी प्रत्येक मतदान केंद्रावर टपाली मतदानाची सोय उपलब्ध करून देण्यात आली असल्याचे त्यांनी सांगितले.

यावेळी पोलीस जवानांनी मतदानाची शपथ घेतली.

पुणे, दि. २: यशवंतराव चव्हाण मुंबई-पुणे द्रुतगती मार्गावर हायवे ट्रॅफिक मॅनेजमेंट सिस्टीम अंतर्गत मुंबई व पुणे वाहिनीवर कि.मी. ९३/९०० येथे ३ व ४ एप्रिल २०२४ रोजी दुपारी १२ ते २ या दरम्यान गॅन्ट्री बसविण्याचे काम महाराष्ट्र राज्य रस्ते विकास महामंडळामार्फत करण्यात येणार असून गॅन्ट्री बसविताना मुंबई व पुणे वाहिनीवरील सर्व प्रकारच्या हलक्या व जड अवजड वाहनांची वाहतूक पूर्णतः बंद राहील.

वाहनधारकांना पर्यायी मार्गाने प्रवास करता येईल. द्रुतगती मार्गावरुन पुणे ते मुंबईकडे जाणारी सर्व प्रकारची वाहने किवळे ब्रिज वरून जुना मुंबई – पुणे मार्गाने मुंबईच्या दिशेने वळविण्यात येतील. मुंबईहून पुण्याकडे जाणारी सर्व प्रकारची वाहने कुसगाव टोलनाका कि.मी ५५.००० वरुन (लोणावळा एक्झीट) येथून जुना मुंबई -पुणे मार्गावरुन पुणेच्या दिशेने मार्गस्थ होतील, असे महाराष्ट्र राज्य रस्ते विकास महामंडळाने कळविले आहे.