शिवसेनेच्या ठाकरे गटाचे नेते अनिल परब यांच्या दापोली येथील रिसॉर्टवर अखेर हातोडा चालवण्यात आला आहे. बेकायदा बांधकाम करून सीआरझेड कायद्याचे उल्लंघन केल्याप्रकरणी ही कारवाई करण्यात येत आहे.
अनिल परब यांचे दापोलीच्या मुरूड समुद्र किनाऱ्यावर साईअनिल परब यांचे दापोलीच्या मुरूड समुद्र किनाऱ्यावर साई रिसॉर्ट हॉटेल आहे. या ठिकाणी सीआरझेड कायद्याचे उल्लंघन झाल्याचा आरोप भाजप नेते किरीट सोमय्या यांनी केला होता. हे रिसॉर्ट बांधताना 200 मीटरच्या आत बांधकाम करून सीआरझेड कायद्याचे उल्लंघन करून समुद्र गिळंकृत केला, असा आरोप सोमय्या यांनी केला होता. या प्रकरणी अनिल परब व सदानंद कदम यांच्याविरोधात दापोली पोलिस ठाण्यात 14 नोव्हेंबर 2022 रोजी गुन्हा दाखल करण्यात आला होता. त्यानंतर आज अखेर या रिसॉर्टमध्ये पाडापाडी सुरू करण्यात आली आहे.किरीट सोमय्यांनी दिली पाडापाडीची माहितीकिरीट सोमय्या यांनी एका ट्विटद्वारे प्रशासनाच्या या कारवाईची माहिती दिली. अनिल परब चा दापोली साई रिसॉर्ट वर हातोडा… तोडकाम सुरू… साई रिसॉर्ट अनधिकृत बांधकाम विरोधात अनिल परब आणि सदानंद कदम वर फौजदारी कारवाई प्रक्रिया ही सुरू आहे सध्या दोघे जामीनावर आहेत. हिसाब तो देना पड़ेगा, असे ट्विट सोमय्या यांनी या प्रकरणी केले आहे.अनिल परब यांच्या रिसॉर्टवरील कारवाईचा आढावा घेण्यासाठी किरीट सोमय्या सोमवारीच रत्नागिरीच्या दौऱ्यावर गेले होते. तिथे त्यांनी जिल्हाधिकाऱ्यांकडे हा विषय काढला. तसेच या प्रकरणी सीआरझेड कायद्याचे उल्लंघन केल्याप्रकरणी तातडीने कारवाई करण्याची मागणी केली. त्यानंतर दोनच दिवसांत ही कारवाई झाली आहे. सोमय्या यांनी या प्रकरणी जिल्हा पोलिस अधीक्षकांचीही भेट घेतली होती.दापोली येथील साई रिसॉर्टचे बांधकाम करताना केवळ सीआरझेड कायद्याचेच उल्लंघन झाले नाही तर मनी लाँड्रिंग झाल्याचाही संशय आहे. या रिसॉर्टच्या बांधकामासाठी शासकीय अधिकाऱ्यांवर दबाव टाकण्यात आला. अधिकाऱ्यांना अवैध परवानगी देण्यास भाग पाडण्यात आले, असा आरोपही सोमय्या यांनी या प्रकरणी केला होता.
