पुणे- चंद्रपूरच्या सभेत पंतप्रधानांच्या समक्ष बहीण भावाच्या पवित्र नात्याला बदनाम करून भारतीय संस्कृतीवरच हल्ला करणाऱ्या भाजप उमेदवार सुधीर मुनगुंटीवार यांच्यावर तातडीने गुन्हा दाखल करावा अशी मागणी येथे काँग्रेसच्या महिला नेत्या संगीता तिवारी यांनी केली आहे. त्या साठी उद्या आपण पोलीस आयुक्तांना भेटून याबाबत लेखी तक्रार नोंदविणार आहोत , आणि जर पोलिसांनी दखल घेतली नाही तर न्यायालयात तक्रार दाखल करू ,जन आंदोलन उभारू असेही तिवारी यांनी म्हटले आहे.

पुणे : पुणे शहर जिल्हा कॉंग्रेस कमिटीकडून शेतकरी न्याय, महिला न्याय, युवा न्याय, भागीदारी न्याय आणि श्रमिक न्यायाची गुढी आज महाविकास आघाडी व मित्रपक्षांचे काँग्रेसचे उमेदवार रविंद्र धंगेकर यांच्या हस्ते काँग्रेस भवन येथे उभारण्यात आली.    

यावेळी महाविकास आघाडी व मित्रपक्षांचे काँग्रेसचे उमेदवार रविंद्र धंगेकर, पुणे शहर जिल्हा काँग्रेस कमिटीचे अध्यक्ष आणि काँग्रेसचे निवडणुकीचे सन्मवयक अरविंद शिंदे, काँग्रेस नेते अभय छाजेड,  अजित दरेकर,  अशुतोष शिंदे यासह अनेक कार्यकर्ते उपस्थित होते.

    यावेळी रवींद्र धंगेकर म्हणाले की, ‘‘मी सध्या सर्वांना भेटतोय सर्वांशी चर्चा करतोय. येणारा काळ इंडिया आघाडीचा आणि काँग्रेसचा असणार आहे. त्यासाठी सर्वांनी एकत्रीत येऊन काम करणे आणि आपण केलेले काम तळागाळातील जनतेपर्यंत पोहोचविणे गरजेचे आहे.

    शहराध्यक्ष अरविंद शिंदे म्हणाले, ‘‘निवडणूक प्रचाराचा वेग आता वाढवायचा असून कशाप्रकारे प्रचार करायचा त्याची व्युहरचना कशी असावी, जाहिरनाम्यात या पाच न्याय गोष्टींचा समावेश असावा, यासारख्या मुद्दयांवर बैठक होणार आहे. तसेच न्याय कार्ड प्रत्येकाच्या घरी पोच केले जाणार असून त्यावेळी न्यायचे मुद्दे समजून सांगितले जाणार आहेत.’’ 

    पुण्यात राष्ट्रसेवादलाने काँग्रेसला पाठिंबा जाहीर केला असून, तसे पत्र त्यांनी दिले आहे. त्यांच्याकडूनही पथनाट्य माध्यमातून प्रचार करण्यात येणार आहे. 

    यावेळी ॲड. अभय छाजेड यांनी सर्वांना गुढीपाडव्याच्या शुभेच्छा दिल्या.  

 पुणे : यशवंतराव चव्हाण नाट्यगृहात सांस्कृतिक गुढी उभारण्याचा मान आमच्या सारख्या कलाकारांना मिळतो, हे आमचे यश आहे. अखिल भारतीय मराठी नाट्य परिषद कोथरुड शाखा गेली, अनेक वर्षे कलाकारांना मान देऊन खर्‍या अर्थाने कलाकारांना त्यांच्या क्षेत्रात ऊर्जा देण्याचे काम करीत आहे, अशी भावना सुप्रसिद्ध अभिनेत्री स्पृहा जोशी व अभिनेते संकर्षण कर्‍हाडे यांनी यावेळी व्यक्‍त केली.
     अखिल भारतीय मराठी नाट्य परिषद कोथरुड शाखातर्फे आयोजित गुढीपाडव्याचे औचित्य साधून कलावंताच्या सांस्कृतिक गुढीचे आयोजन यशवंतराव चव्हाण नाट्यगृह येथे मंगळवारी करण्यात आले होते.स्पृहा जोशी व संकर्षण कर्‍हाडे यांच्या हस्ते गुढी उभारुन पुजा करण्यात आली. यावेळी अखिल भारतीय मराठी नाट्य परिषद कोथरुड शाखाचे व ‘संवाद’ पुणेचे अध्यक्ष सुनील महाजन, प्रमुख कार्यवाह सत्यजित धांडेकर, उपाध्यक्ष समीर हंपी, कोषाध्यक्ष दीपक गुप्ते, निर्माते चंद्रशेखर गोखले, रोहित शुक्ला, दिशा थोरात, गिरिश गोडबोले यांच्यासह कोथरुड नाट्य परिषदेचे पदाधिकारी, सभासद मोठ्या संख्येने उपस्थित होते.  अखिल भारतीय मराठी नाट्य परिषद कोथरुड शाखाचे व ‘संवाद’ पुणेचे अध्यक्ष सुनील महाजन यांची नुकतीच एकसष्ठी पूर्ण झाली. त्यानिमित्त त्यांचा 61 गुलाबांचा बुके देऊन यावेळी सन्मान करण्यात आला.
कार्यक्रमाची सुरुवात राजेश्वरी पवार यांनी ’लाभले आम्हास भाग्य बोलतो मराठी’ हे गीत सादर करून केले. दिशा हटकर यांनी गणेश वंदना व श्रध्दा गायकवाड यांनी ‘आजी सोनियाचा दिवस’ हे गीत सादर केले.
अभिनेते संकर्षण कर्हाडे म्हणाले, नाट्य परिषद कोथरुड शाखा थिएटरमध्ये गुढी उभारुन कलाकारांना ऊर्जा देत असते. अनेक कलाकार माणसे जोडण्याचे काम या शाखेकडून होते. अभिनेत्री स्पृहा जोशी म्हणाल्या, नाट्य परिषद आता 100 वे वर्षे साजरे करीत आहे. कोथरुड शाखा विविध उपक्रम राबून कलाकरांना बळ देते. आज आमच्या हातून गुढी पुजन करण्यात आले, हे आमचे भाग्यच आहे.
महाराष्ट्रात थियटरमध्ये गुढी उभारणचे काम फक्‍त कोथरुड मध्येच होते. शाखेचे वतीने वर्षभर विविध उपक्रम राबविण्यात येतात. नाट्यगृह हेच आमचे घर मानून आम्ही दरवर्षी सांस्कृतिक गुढी उभारण्यात येते. यंदाचे हे 15 वे वर्ष आहे. अनेक कलाकारांना हा मान देण्यात आला असल्याचे अखिल भारतीय मराठी नाट्य परिषद कोथरुड शाखाचे व ‘संवाद’ पुणेचे अध्यक्ष सुनील महाजन यांनी यावेळी सांगितले. कार्यक्रमाचे सुत्रसंचालन समीर हंपी यांनी केले. सत्यजीत धांडेकर यांनी आभार मानले.

पुणे-

पुणे लोकसभा निवडणुकीत महविकास आघाडी व इंडिया आघाडी मित्रपक्षांचे काँग्रेस पक्षाचे उमेदवार आमदार रविंद्र धंगेकर यांच्या निवडणूक प्रचार प्रमुख पदी महाराष्ट्र प्रदेश काँग्रेस कमिटीचे उपाध्यक्ष व माजी आमदार मोहन जोशी यांची नेमणूक करण्यात आली आहे. तशा आशयाचे पत्र उमेदवार आमदार रविंद्र धंगेकर यांनी मोहन जोशींना दिले. मोहन जोशी यांच्यावर अ. भा. काँग्रेस महासमितीने कर्नाटक व तेलंगाणा राज्यातील विधानसभा निवडणुकीत काँग्रेस पक्षाच्या निरीक्षक पदाची जबाबदारी सोपवली होती. ही जबाबदारी त्यांनी समर्थपणे पेलून या दोन्ही राज्यांमध्ये काँग्रेस पक्षाला विजय मिळवून देण्यात मोठे योगदान दिले. तसेच पुण्यातील कसबा विधानसभा मतदार संघातील पोट निवडणुकीतही कॉंग्रेस उमेदवार रविंद्र धंगेकर यांच्या निवडणुकीच्या प्रचाराची धुरा त्यांनी समर्थपणे सांभाळली. ‘काँग्रेस पक्षासह महाविकास आघाडी व इंडिया आघाडी मित्रपक्षांचे पदाधिकारी व कार्यकर्ते या सर्वांना सोबत घेऊन आम्ही ही निवडणूक लढवू आणि जिंकू’ असा विश्वास निवडणूक प्रचार प्रमुख मोहन जोशी यांनी व्यक्त केला. ते म्हणले ‘ या निवडणुकीत आमचा उमेदवार रविंद्र धंगेकर हे कार्यक्षम व लोकप्रिय उमेदवार आहेत. पुण्याच्या प्रश्नांची त्यांना चांगली जाण आहे. अतिशय नियोजनबद्ध पद्धतीने आमचा प्रचार होईल. तसेच प्रचाराची पातळी चांगली राहील ,यासाठी देखील आम्ही दक्ष राहू असे ते म्हणाले.

जिल्हाधिकाऱ्यांनी जारी केली अधिसूचना

रायगड जिमाका दि. 8 — रायगड जिल्हा हद्दीतील राष्ट्रीय महामार्ग क्रमांक ९६५ वरील मौजे वरंध ते रायगड जिल्हा हद्दीत प्रवाशांच्या सुरक्षिततेच्या दृष्टीने रस्त्याच्या दुपदरीकरणाचे काम, संरक्षण भिंत बांधण्याची व आवश्यक सुरक्षा उपाय योजना करण्याचे काम सुरु आहे. त्यामुळे दि. 8 एप्रिल पासून ते 30 मे 2024 पर्यंत वरंध घाटातील रस्ता सर्व प्रकारच्या अवजड व लहान मोठ्या वाहनांसाठी महामार्ग वाहतूकीसाठी बंद करण्याची अधिसूचना जिल्हाधिकारी किशन जावळे यांनी जारी केली आहे.

राष्ट्रीय महामार्ग ९६५ डीडी किमी ८८/१०० (राजेवाडी) ते किमी ९६/७०० (रायगड जिल्हा हद्द) या रस्त्याचे दुपदरीकरणाचे काम संरक्षण भिंती बांधण्याची व आवश्यक सुरक्षा उपाय योजना करण्यासाठीची कामे प्रगतीत आहे. वरंध गाव ते रायगड जिल्हा हद्दीमध्ये संरक्षक भिंतीचे काम प्रगतीत असून बहूतांश काम पूर्ण झालेले आहे,. परंतू साखळी क्रमांक ८८/१०० (मौजे वरंघ) ते ९६/७०० (रायगड जिल्हा हद्द) या लांबीमध्ये काम सुरु करावयाचे आहे. सदरच्या लांबीमध्ये खोल दरी व उंच डोंगर असून रस्त्याची रुंदी काम करावयास अपुरी आहे. सदरच्या लांबीमध्ये चालू वाहतूकीमध्ये काम करताना अपघात होण्याची दाट शक्यता आहे. तसेच पावसाळ्यापूर्वी रस्त्याचे काम पूर्ण करणे आवश्यक आहे. वाहतूक चालू ठेवल्यास ते शक्य होणार नाही सदर कालावधीकरीता वरंध गाव ते रायगड जिल्हा हद्दीमधील वाहतूक सर्व प्रकारच्या वाहतूकीकरीता बंद करणेबाबत कार्यकारी अभियंता, राष्ट्रीय महामार्ग विभाग पेण आणि पोलीस अधीक्षक रायगड यांनी केलेल्या विनंतीनुसार जिल्हाधिकारी यांची खात्री झाली आहे.

वरंध घाटातील वाहतूक सर्व प्रकारच्या वाहतूकीकरीता बंद करणेबाबत तसेच सदरवेळी पर्यायी मार्ग वापराबाबत अधिसूचना जारी करण्यात आली आहे.
नागरिकांनी पुण्याकडे जाण्यासाठी राजेवाडी फाटा-माणगांव-निजामपूर रोड-ताम्हाणी घाट-मुळशी पिरंगुट पुणे व पोलादपूर आंबेनळी घाट वाई मार्गे पुणे असा मार्ग वापरावा तसेच कोल्हापूरकडे जाण्यासाठी राजेवाडी फाटा-पोलादपूर-खेड-चिपळुण-पाटण-कराड- कोल्हापूर” असा मार्ग वापरण्याची शिफारस करण्यात आली आहे.

मूळ संकल्पना पुण्याची; पुणे शहरातील ३५ गृहनिर्माण संस्थांमध्ये मतदान केंद्रे- जिल्हाधिकारी डॉ. सुहास दिवसे

पुणे, दि. ८: लोकसभा सार्वत्रिक निवडणुकीमध्ये मतदानाचा टक्का वाढावा यासाठी कमी मतदान असलेल्या शहरांमध्ये सहकारी गृहनिर्माण संस्थांत मतदान केंद्रे स्थापन करण्यात आली असून असा उपक्रम देशात प्रथमच राबविण्यात येत आहे. या उपक्रमाची मूळ संकल्पना पुणे जिल्ह्याची असून पुणे शहरातील ३५ गृहनिर्माण संस्थांमध्ये मतदान केंद्रे स्थापन करण्यात आल्याचे जिल्हाधिकारी तथा जिल्हा निवडणूक अधिकारी डॉ. सुहास दिवसे यांनी प्रसिद्धीमाध्यमांशी संवाद साधताना सांगितले.

जिल्ह्यातील ४ लोकसभा मतदार संघांच्या निवडणुकीचा निवडणूक कार्यक्रम सुरू आहे. त्यानुसार बारामती लोकसभा मतदार संघाची अधिसूचना १२ एप्रिल रोजी प्रसिद्ध होणार आहे तर नामनिर्देशनपत्र दाखल करण्याची अंतिम मुदत १९ एप्रिल २०२४ अशी आहे. बारामती मतदार संघात नामनिर्देशन पत्र मागे घेण्याची अंतिम मुदत २२ एप्रिल आहे. पुणे, शिरुर आणि मावळ मतदार संघांची अधिसूचना प्रसिद्धी १८ एप्रिल रोजी, नामनिर्देशनपत्र दाखल करण्याची अंतिम मुदत २५ एप्रिल तर उमेदवारी मागे घेण्याची अंतिम मुदत २९ एप्रिल २०२४ अशी आहे.

आजपर्यंत पुणे जिल्ह्यात ४३ लाख २८ हजार ९५४ पुरूष, ३९ लाख ६३ हजार २६९ स्त्री तर ७२८ तृतीयपंथी अशा एकूण ८२ लाख ९२ हजार ९५१ मतदारांची नोंद झाली आहे. नवीन मतदार नोंदणीसाठी अर्ज क्र. ६, आणि स्थलांतरणासाठी अर्ज क्र. ८ सादर करण्याची अद्यापही संधी असून बारामती मतदार संघात ९ एप्रिलपर्यंत तर अन्य तीन मतदार संघात १५ एप्रिलपर्यंत आलेल्या अर्जांवर निवडणूक प्रशासनाकडून कार्यवाही केली जाणार आहे. अंतिम मतदारसंख्या त्यावेळी निश्चित होईल.

सर्व मतदान केंद्रांवर आवश्यक त्या मूलभूत सुविधा उपलब्ध करुन देण्यात येणार आहेत. ५ किंवा ५ पेक्षा जास्त मतदान केंद्रे असलेल्या इमारतीमध्ये वाहनतळाची व्यवस्था, वैद्यकीय सुविधा, पाळणाघर, स्त्रीयांसाठी स्वतंत्र स्वच्छता गृह आदी ठळक सुविधांसह अन्य सुविधा उपलब्ध करुन देण्यात येणार आहेत. मतदारांना मतदान केंद्राची माहिती देण्यासाठी शहरी भागात प्रत्येक वॉर्ड कार्यालयात मदत केंद्र स्थापन करण्यात येणार आहे.

जिल्ह्यातील २१ विधानसभा मतदार संघात बॅलेट युनिट, कंट्रोल युनिट, व्हीव्हीपॅट वितरणाचे कामकाज कोरेगाव पार्क येथील भारतीय अन्नधान्य महामंडळाच्या गोदामातील मतदान यंत्र वितरण केंद्रातून राजकीय पक्षाच्या प्रतिनिधींच्या उपस्थितीत वितरण सुरू झाले आहे.

मावळ लोकसभा मतदार संघाची मतमोजणी श्री छत्रपती शिवाजी महाराज क्रीडा संकुल, बालेवाडी, पुणे आणि बारामती लोकसभा मतदार संघाची मतमोजणी कोरेगाव पार्क येथील भारतीय अन्नधान्य महामंडळाच्या गोदामात तर शिरूर लोकसभा मतदार संघाची मतमोजणी रांजणगाव (कोरेगाव) औद्यागिक वसाहतीतील महाराष्ट्र वखार महामंडळाच्या गोदामात होणार आहे. सर्व मतमोजणी केंद्राची प्रशासन, पोलीस विभाग, सार्वजनिक बांधकाम विभाग, आरोग्य विभाग, अग्नीशमन यंत्रणा आदी विभागांनी सुरक्षतेच्यादृष्टिने संयुक्त पाहणी केली आहे.

प्रत्येक विधानसभा मतदार संघात नियुक्त केलेल्या अधिकाऱ्यांना, कर्मचाऱ्यांना मतदान प्रक्रिया, ईव्हीएम हाताळणीबाबतचे प्रशिक्षण देण्यात येत आहे. निवडणूकीच्या कामकाजासाठी आवश्यक मनुष्यबळ उपलब्ध असून लोकसभा निवडणूक शांततेत व सुरळीतपणे पार पाडण्यासाठी सर्व नियोजन करण्यात आले आहे, असेही त्यांनी यावेळी सांगितले.

पुणे-सलग सहा वेळा निवडून येत असतानाही पक्षातील अंतर्गत राजकारणात डावलले जात असेल तर कधीपर्यंत सहन करायचे. दरवेळी तुम्ही गप्प का बसायचे? मग कार्यकर्त्यांची दखल कोण घेणार, त्यांना कधी न्याय मिळणार अशी प्रश्नांची सरबत्ती करताना तुमची प्रगती नाहीतर शहराचीही नाही आणि कार्यकर्त्यांचीही नाही. शासकीय नोकऱ्यांमध्ये पदोन्नती, इन्क्रिमेंट असते.ती राजकारणात का नाही अशा भावना एकनिष्ठ कार्यकर्त्यांनी मांडल्या.

माजी उपमहापौर आबा बागुल यांच्या समर्थनार्थ सहकारनगर येथील श्री लक्ष्मीमाता मंदिर येथे एकनिष्ठ कार्यकर्त्यांचा मेळावा पार पडला. त्यावेळी या भावना कार्यकर्त्यांनी व्यक्त केल्या. यावेळी माजी उपमहापौर आबा बागुल, संरक्षण विभागातून निवृत्त झालेले घनःश्याम सावंत,अनिल जाधव तसेच रमेश भंडारी, नंदकुमार बानगुडे,द.स.पोळेकर,गुलाब नेटके आदींसह पदाधिकारी आणि कार्यकर्ते उपस्थित होते.
यावेळी घनःश्याम सावंत म्हणाले, शासकीय नोकऱ्यांमध्ये दर दहा वर्षांनी पदोन्नती नाहीतर इन्क्रिमेंट तरी असते. पण राजकारणात चांगले कार्य करणाऱ्या व्यक्तीला तेही मिळत नाही. हेच आबा बागुल यांना यंदाच्या लोकसभा निवडणुकीत डावलल्यामुळे अधोरेखित झाले आहे. मग असे असेल तर किती काळ आपण गप्प बसायचे.त्यामुळे तुम्ही गप्प बसले तरी आता आम्ही गप्प बसणार नाही. किती काळ अन्याय सहन करायचा याकडे त्यांनी लक्ष वेधले.
संरक्षण विभागातील निवृत्त अधिकारी अनिल जाधव म्हणाले, लोकसभा निवडणुकीसाठी काँग्रेस पक्षाचे नक्की निकष काय ? काय पाहून उमेदवारी दिली जाते हाच मोठा प्रश्न आहे. जर निवडून येण्याची क्षमता असेल तर आबा बागुल यांच्यात ती क्षमता मोठी आहे आणि ते सहजरित्या विजय संपादन करू शकतात यात कुणाचेही दुमत नाही ;पण काँग्रेसमध्ये नुकत्याच आलेल्या व्यक्तीला उमेदवारी दिली जाते मग काँग्रेस पक्षाच्या एक व्यक्ती,एक पद या धोरणाला काय अर्थ? असा सवालही त्यांनी केला. एकीकडे राहुल गांधी देशभर न्याय यात्रा काढून फिरत असताना अशाप्रकारे काँग्रेसच्या एक व्यक्ती,एक पद या धोरणाला राज्यात हरताळ फासणाऱ्यांचा राहुल गांधी यांना कायम भ्रमंती करायला भाग पडायचा हेतू आहे का ? हा संशयही बळावत आहे. राहुल गांधी यांच्या देश भ्रमंती प्रमाणे अन्य पक्षातून ‘भ्रमंती’ करणारे राज्यातील काँग्रेस नेतृत्वांना दिसत असेल तर आबा बागुल यांच्या सारखा एकनिष्ठ कधी दिसणार ? याकडे त्यांनी लक्ष वेधले.
आई वडिलांची सेवा हीच ईश्वर सेवा हे तत्व कायम पाळणारे आबा बागुल यांनी दुर्बल घटकातील विद्यार्थ्यांना शिक्षणाच्या प्रवाहात आणले . गुन्हेगारी , व्यसनापासून मुलांना दूर ठेवण्यासाठी हरवलेले संस्कार मालिका सुरु केली.नगरसेवक पदाच्या माध्यमातून प्रभागच काय संपूर्ण शहराच्या विकासाला दिशा दिली. मग तुमचीच प्रगती होणार नसेल तर आमची कधी होणार अशा व्यथा यावेळी कार्यकर्त्यांनी मांडताना आबा बागुल यांच्यात खासदार व्हायची क्षमता आहे आणि तरच शहराची प्रगती होईल. त्यामुळे तुम्ही आता गप्प बसायचे नाही आणि आम्ही गप्प बसणार नाही लोकसभेसाठी नाही परंतु आता येणाऱ्या विधानसभेत आपण आमदार म्हणून जाण्यासाठी अशी आडकाठी आम्ही कदापि सहन करणार नाही. अशी भूमिकाही मांडली.
यावेळी माजी उपमहापौर आबा बागुल म्हणाले, जेंव्हा त्यांना कळेल तेंव्हा ;पण आपण आपले काम सुरूच ठेवायचे.हीच आपली भूमिका आहे. आपला ‘हात’ कणखरच ठेवायचा मात्र त्या हातात कधीच ‘कमळ’ येणार नाही. न्याय कधी ना कधी तरी मिळेल. राजकारणच म्हणजेच सर्व काही नाही. समाजकारण हेच महत्वाचे आहे. त्यामुळे निराश होऊ नका. उलट मन प्रफुल्लित ठेवा. उशीर झाला तरी आपण थेट सर्व काही मिळवू असा आशावाद आबा बागुल यांनी व्यक्त करताना पुढच्या बैठकीत रूपरेषा ठरवू असेही त्यांनी स्पष्ट केले. या वेळी शहरातील विविध भागांतील महिला व पुरुष एकनिष्ठ कार्यकर्ते उपस्थित होते. प्रास्ताविक अमित बागुल यांनी केले.

पुणे: मैत्रीच्या नात्याला काळीमा फासणारी घटना पुण्यात घडली आहे. मैत्रीचा गैरफायदा घेत पैशांसाठी टोकाला जात मैत्रिणीचा खून केल्याची संतापजनक घटना पुण्यात घडली आहे. लातूर येथून शिक्षणासाठी पुण्यात आलेल्या एका २२ वर्षीय तरुणीचे तिच्याच मित्रांनी खंडणीसाठी अपहरण केले. मात्र, त्यानंतर पैसे मिळाले तरी तरूणी घरी आपले नाव सांगेल या भीतीने या मित्रांनी तिचा खून केला. पुरावा नष्ट करण्यासाठी आरोपींनी सुपा परिसरातील एका शेतात मृतदेह पुरून टाकला. खून केल्यानंतर आरोपींनी तरुणीच्या मोबाईलवरून तिच्या कुटुंबीयाकडे ९ लाखांची खंडणी देखील मागितली. पोलिसांनी या संपूर्ण घटनेचा उलगडा केला असून याप्रकरणी तीन आरोपींना अटक केली असल्याची माहिती परिमंडळ ४ चे पोलिस उपायुक्त विजयकुमार मगर यांनी दिली.भाग्यश्री सूर्यकांत सुडे (२२, रा. विमानतळ, मुळ रा. हरंगुळ बुद्रुक, ता. लातूर) असे खून झालेल्या तरुणीचे नाव आहे. तर पोलिसांनी याप्रकरणी शिवम फुलावळे, सागर जाधव आणि सुरेश इंदोरे या तिघांना अटक केली आहे. मयत तरुणीचे वडील सूर्यकांत ज्ञानोबा सुडे (४९) यांनी विमानतळ पोलिस ठाण्यात ३० मार्च रोजी अपहरण झाल्याची तक्रार दिली होती.
पोलिसांनी दिलेल्या माहितीनुसार, मुळची लातूरची असलेली भाग्यश्री ही वाघोली परिसरातील एका नामांकित अभियांत्रिकी महाविद्यालयात शिक्षण घेत होती. ३० मार्चच्या रात्री नऊच्या सुमारास ती विमानतळ परिसरातील फिनिक्स मॉल येथून बेपत्ता झाली होती. दरम्यान, मुलीसोबत संपर्क होत नसल्याने तिच्या आई-वडिलांनी पुणे गाठून पोलिसात बेपत्ता असल्याची तक्रार दिली होती. याच कालावधीत तिच्या आई-वडिलांच्या मोबाईलवर खंडणीसाठी मेसेजही आला. नऊ लाख रुपये द्या अन्यथा मुलीला मारून टाकू अशी धमकी त्यामध्ये देण्यात आली होती.