‘सूर्यदत्त’मध्ये दोन दिवसीय ‘टेकफेस्ट-२०२४’ राष्ट्रीय परिषदेचे आयोजन
पुणे : सूर्यदत्त इन्स्टिट्यूट्स ऑफ मॅनेजमेंटच्या एमसीए विभागातर्फे आयोजित टेकफेस्ट-२०२४ या दोन दिवसीय राष्ट्रीय परिषदेत प्रगत तंत्रज्ञान, नवोन्मेषाचे दर्शन घडले. सामाजिक सुधारणेसाठी प्रगत तंत्रज्ञान आणि नवकल्पना या विषयावरील विविध कार्यक्रमांचे या दोन दिवसीय परिषदेत आयोजन करण्यात आले होते. या कार्यक्रमात वेळेचे व्यवस्थापन, योग्य संगणन साधने आणि त्याचे ऍप्लिकेशन यांसारख्या महत्त्वाच्या व्यवस्थापन आणि तंत्रज्ञान क्षेत्रांवर विचारमंथन झाले.

‘टेकफेस्ट’मध्ये ‘मिस्टर अँड मिसेस टेक्नोक्रॅट’, ‘माईंड स्वीपर’, ‘बॅटल विथ कोड’ आणि ‘गेम ग्लायडर’ या प्रमुख चार कार्यक्रमांचे आयोजन केले होते. तांत्रिक, तार्किक आणि चालू घडामोडींवर आधारित प्रश्नोत्तरे, पाठ्यक्रम व अवांतर स्वरूपाची प्रश्नमंजुषा स्पर्धा, सॉफ्टवेअर डेव्हलपमेंट स्पर्धा, दैनंदिन जीवनातील अडचणी सोडवण्यासाठी इनोव्हेशन आदी गोष्टींचा यामध्ये समावेश होता. पुण्यातील विविध शिक्षण संस्थांतील ५०० पेक्षा अधिक विद्यार्थ्यांनी टेकफेस्टमध्ये सहभाग घेतला.

सूर्यदत्त एज्युकेशन फाउंडेशनचे संस्थापक अध्यक्ष प्रा. डॉ. संजय बी. चोरडिया आणि उपाध्यक्षा सुषमा चोरडिया यांच्या मार्गदर्शनाखाली झालेल्या या ‘टेकफेस्ट’चे उद्घाटन सूर्यदत्त इन्स्टिट्यूट ऑफ बिझनेस मॅनेजमेंट अँड टेक्नॉलॉजीच्या संचालक प्रा. डॉ. मनीषा कुंभार यांच्या हस्ते झाले. प्रसंगी सूर्यदत्त ग्रुप ऑफ इन्स्टिट्यूट्सचे मुख्य कार्यपालन अधिकारी अक्षित कुशल यांच्यासह विविध विभागांचे प्रमुख, प्राचार्य, प्राध्यापक, निमंत्रित पाहुणे व विद्यार्थी मोठ्या संख्येने उपस्थित होते.

यावेळी झालेल्या स्पर्धांतून विद्यार्थ्यांमधील प्रोग्रामिंग स्किल्सचे मूल्यांकन झाले. शिक्षक, विद्यार्थी यांच्यातील समन्वय आणि व्यवस्थापनाचा पाठिंबा, त्यातून झालेले सूक्ष्म नियोजन आणि कठोर परिश्रम यातून ‘टेकफेस्ट’ यशस्वी झाले. यामध्ये झालेल्या प्रत्येक कार्यक्रमाचे संयोजन संबंधित विभागातील तज्ज्ञ प्राध्यापक व विद्यार्थ्यांच्या टीमने केले. सूर्यदत्त ग्रुप ऑफ इन्स्टिट्यूट्सचे समूह संचालक प्रा. डॉ. शैलेश कासंडे यांनी विद्यार्थ्यांना विद्यार्थ्यांना प्रोत्साहित केले. भविष्यातील शिक्षण क्षेत्रात अंतर्भूत होणाऱ्या कृत्रिम बुद्धिमतेविषयी त्यांनी त्यांचा दृष्टीकोन व महत्वपूर्ण आयाम सांगितले.

क्लेव्हर ग्राउंडचे मुख्य कार्यकारी अधिकारी सिद्धार्थ पाथरे, मुख्य कार्यपालन अधिकारी स्वप्नील दाभोलकर, अमित श्रीवास्तव आणि डॉ. रजनीश मिश्रा यांच्या हस्ते स्पर्धेचे बक्षीस वितरण झाले. उल्लेखनीय यश संपादन केलेल्या विद्यार्थ्यांना व्यक्तिगत तसेच सांघिक बक्षीस देण्यात आले. रोख बक्षीस, सन्मानचिन्ह व प्रमाणपत्र असे बक्षिसाचे स्वरूप होते. डॉ. विद्या गवेकर आणि प्रा. मेघा माने यांच्यासह एमसीए विभागातील सर्व शिक्षक व विद्यार्थ्यांच्या टीमने परिषदेच्या यशस्वी संयोजनात योगदान दिले.
विद्यार्थ्यांमधील तांत्रिक कौशल्य विकसित व्हावीत, प्रगत तंत्रज्ञान, नवकल्पना निर्मितीसाठी चालना मिळावी, याकरिता सूर्यदत्त संस्थेत सातत्याने विद्यार्थीकेंद्रित उपक्रमांचे आयोजन केले जाते. ‘टेकफेस्ट’मुळे विद्यार्थ्यांना भविष्यातील तंत्रज्ञानातील प्रवाह समजून घेता आले. अनेकांनी नवनिर्मिती करण्याचा प्रयत्न केला. त्यातून त्यांच्यातील नवोन्मेषाचा दृष्टीकोन प्रगल्भ होत जातो. ‘सूर्यदत्त’मध्ये विद्यार्थ्यांच्या सर्वांगीण विकासाला प्रोत्साहन देतानाच त्यांच्यातील कलागुणांना, कौशल्याना वाव देण्यावर भर दिला जातो.
– प्रा. डॉ. संजय बी. चोरडिया, संस्थापक अध्यक्ष, सूर्यदत्त एज्युकेशन फाउंडेशन

‘पगडी निर्मिती ठरली रोमांचक क्षण’ :गिरीश मुरुडकर 
पुणे :
लोकसभा निवडणुकीच्या पार्श्वभूमीवर पंतप्रधान नरेंद्र मोदी यांनी पुण्यातील रेसकोर्स येथे सभेला संबोधित करताना परिधान केलेली  खास ‘दिग्विजय पगडी’ लक्षवेधी ठरली.’पाहताक्षणी डोळ्यात भरणारी ही पगडी पारंपारिक पुरातन पद्धतीने तयार केली होती आणि ही निर्मिती प्रक्रिया आमच्यासाठी रोमांचक क्षण ठरली’अशा भावना मुरडकर झेंडेवाले यांच्यातर्फे गिरीश मुरुडकर यांनी पत्रकाद्वारे व्यक्त केली. 
महायुतीचे पुणे लोकसभेचे उमेदवार मुरलीधर मोहोळ यांनी या पगडी निर्मितीची जबाबदारी मुरुडकर  झेंडेवाले यांना दिली होती.त्यानुसार गिरीश मुरुडकर,अनुराधा मुरूडकर आणि यश मुरुडकर यांनी ही अनोखी निर्मिती  साकारली होती.पंतप्रधान मोदी यांचे पुण्यात आजवर विविध पगडी घालून स्वागत करण्यात आले असून यंदाची पगडीही चर्चेचा विषय ठरली . 
याबाबत माहिती देताना गिरीश मुरुडकर म्हणाले, ‘ऐतिहासिक मराठा शौर्याची साक्ष देणाऱ्या, मोत्यांचा तुरा असलेल्या, शुभचिन्हे लावलेल्या आणि पंचधातूंनी सजवलेल्या या विशेष पगडीच्या शीर्षस्थानी  तुळजाभवानीची प्रतिमा होती. दिग्विजयाला साजेशा सात घोड्यांच्या मंचाची संकल्पना यातून प्रतीत होत होती. त्यामुळे तिला दिग्विजय योद्धा पगडी नाव दिले गेले आणि ती लक्षवेधी ठरली.उन्हाळा लक्षात घेऊन सुसह्य ठरणारी बांधणी करण्यात आली होती.अशा कलात्मक आणि जबाबदारीच्या निर्मितीसाठी किमान १५ दिवस विविध संकल्पना,साहित्य यावर काम सुरु असते.’
मुरलीधर मोहोळ  म्हणाले, ‘पंतप्रधान मोदी यांचे आजवर अनेक पुणे दौरे झाले, त्यात त्यांचे विविध पगड्या घालून स्वागत केले गेले. पण दिग्विजय  पगडी निश्चितच विशेष ठरली. दिग्विजयाची साक्ष देणारी ही पगडी  मराठी परंपरेचा बाज आणि शौर्य दर्शविणारी होती.’

पुणे: पीपलफाय कंपनीच्या वतीने सीएसआर उपक्रमांतर्गत पुणे-सासवड रस्त्यावर असलेल्या दळवी हॉस्पिटलला रुग्णवाहिका भेट देण्यात आली. आठ लाख रुपयांच्या देणगीतून अत्याधुनिक आरोग्यसुविधांनी सुसज्ज अशी ही रुग्णवाहिका नुकतीच दळवी हॉस्पिटलकडे सुपूर्द करण्यात आली.
सासवड रस्त्यावरील दळवी हॉस्पिटल आसपासच्या भागात आरोग्यसुविधा देण्यात महत्वाची भूमिका बजावत आहे. परंतु, या भागातील गोरगरीब रुग्णांना वेळ व पुरेशा वाहतूक सांध्यांच्या अभावी वैद्यकीय सेवा मिळण्यात विलंब होत होता. या रुग्णवाहिकेमुळे गरजूंना वेळेत उपचार मिळणे शक्य होणार आहे. परिणामी, वैद्यकीय सेवा सुलभ होईल आणि रुग्णांचे जीव वाचतील.
‘पीपलफाय’चे मुख्य कार्यकारी अधिकारी व राउंड टेबल इंडियाचे सदस्य राजेश भारतीय म्हणाले, “मानवतेसाठी कार्यरत पीपलफायच्या सामाजिक सेवा विभागाने पुन्हा एकदा समाजात बदल घडविण्याचे उदाहरण घालून दिले आहे. दळवी हॉस्पिटल रुग्णवाहिका भेट करत समाजाप्रती असलेली करुणा व कटिबद्धता दाखवून दिली आहे. या उपक्रमामुळे आरोग्यसेवा सुधारण्यावर व समाजातील रुग्णांचे जीव वाचवण्यावर प्रभाव पडेल.”

देशाला विकसित राष्ट्र बनविण्यासाठी नागरिकांनी कर्तव्ये पार पाडावीत
लेफ्टनंट जनरल अजय कुमार सिंग यांचे प्रतिपादन

पुणे – भारतीय संविधानाने आपल्याला मुलभूत अधिकार आणि कर्तव्ये दिली आहेत. देशाला २०४७ पर्यंत विकसित राष्ट्र करायचे आहे. त्यासाठी प्रत्येक नागरिकाने संविधानात दिलेली कर्तव्ये पार पाडली तर ते महत्त्वाचे पाऊल ठरेल, असे प्रतिपादन जनरल ऑफिसर, कमांडिंग इन चिफ दक्षिण कमांड लेफ्टनंट जनरल अजय कुमार सिंग यांनी केले.

भारतीय लष्कर आणि ‘पुनीत बालन ग्रुप’च्या माध्यमातून विकसित करण्यात आलेल्या भारतातील पहिल्या संविधान उद्यानाचे उद्घाटन लेफ्टनंट जनरल अजय कुमार सिंग यांच्या हस्ते झाले. यावेळी ‘पुनीत बालन ग्रुप’चे अध्यक्ष आणि युवा उद्योजक पुनीत बालन, माणिकचंद ऑक्सिरीच व ‘माणिकचंद ग्रुप’च्या अध्यक्षा जान्हवी धारीवाल-बालन आणि दक्षिण महाराष्ट्र व गोवा उप विभागाचे जनरल ऑफिसर कमांडिंग मेजर जनरल विक्रांत नाईक हे यावेळी उपस्थित होते.

याप्रसंगी बोलताना अजय कुमार सिंग म्हणाले की, ‘‘संविधान उद्यान चौकाचे अनावरण माझ्या हस्ते होत आहे, याचा अत्यंत आनंद होत आहे. जगात भारताचे संविधान विशेष असे आहे. ज्यांनी संविधानाची कल्पना मांडली आणि ते तयार केले हे अत्यंत महत्त्वाचे काम होते. आपले संविधान हे जगातील सर्वात मोठे संविधान आहे. बदल्यात परिस्थितीनुसार त्यात बदल झाले हेही महत्वाचे आहे. या संविधानात आपल्याला मुलभूत असे अधिकार दिले असून त्यात आपल्या कर्तव्यांचा समावेश आहे. प्रत्येक नागरिकाने आपले मुलभूत अधिकार समजून घेतले पाहिजेत आणि त्याचबरोबर आपली कर्तव्येही पार पाडली पाहिजेत. असे केले तर २०४७ पर्यंत विकसित देशाचे स्वप्न पूर्ण झाल्याशिवाय राहणार नाही.’’

भारतीय सैन्य आणि प्रामुख्याने साऊथ कमांड यांच्याकडून पुणेकरांसाठी हे संविधान उद्यान उद्यान विशेष अशी भेट आहे. या माध्यमातून नागरिकांना आपल्या जबाबदाऱ्या समजतील. तसेच संविधान उद्यानासारखे उपक्रम राबविण्याची आवश्यकता असून त्यासाठी सिंग यांनी पुनीत बालन यांचे आभारही व्यक्त केले.

‘‘आपला देश ज्या संविधानावर चालतो. त्याचे भारतातील पहिले संविधान उद्यान भारतीय लष्करासमवेत तयार करताना हातभार लागला याचा मनापासून आनंद होतो. या संविधानातील मुलभूत अधिकार आणि आपली कर्तव्ये पार पाडण्यासाठी ‘पुनीत बालन ग्रुप’ नेहमीच अग्रेसर राहील, अशी ग्वाही यानिमित्ताने मी देतो.’’

• पुनीत बालन
  अध्यक्ष, पुनीत बालन ग्रुप.
  ————————————————-
  काय आहे संविधान उद्यानात?
  लष्कर भागात असलेल्या या संविधान उद्यानात भारतीय ससंदेच्या प्रतिकृत्तीवर राजचिन्ह असलेली तीन सिंहांची प्रतिकृती असून त्यावर संविधान लावण्यात आले आहे. तसेच उद्यानाच्या परिसरात संविधानातील नागरिकांची अकरा कर्तव्ये यांची माहितीही देण्यात आली आहे.

पुणे,: मावळ लोकसभा मतदार संघाचे निवडणूक निरीक्षक बुदिती राजशेखर यांनी जिल्हाधिकारी कार्यालयात लोकसभा निवडणूकीच्या अनुषंगाने स्थापन माध्यम संनियंत्रण व जनसंपर्क कक्षाला भेट देऊन कामकाजाची माहिती घेतली. यावेळी माध्यम कक्षाच्या कामकाजाबाबत श्री. राजशेखर यांनी समाधान व्यक्त केले.

निवडणूक निरीक्षक श्री.राजशेखर यांनी विविध माध्यमांमधील जाहिराती आणि पेड न्यूजबाबत कक्षातर्फे करण्यात येणाऱ्या कार्यवाहीची माहिती घेतली. उप जिल्हा निवडणूक अधिकारी मीनल कळसकर यांनी माध्यम कक्षाच्या कामकाजाविषयी माहिती दिली.

माध्यम कक्षात सुमारे १० दूरचित्रवाणी संचांच्या माध्यमातून वृत्तवाहिन्यांतील निवडणूक प्रचार, जाहिरात, पेड न्यूज आदींच्या अनुषंगाने संनियंत्रण केले जात आहे. तसेच सोशल मीडियावरील पोस्टबाबतही बारकाईने संनियंत्रण केले जात आहे. वृत्तपत्रातील जाहिराती आणि पेड न्यूजबाबतही दररोजच्या वृत्तपत्रांचे अवलोकन केले जात असल्याचे यावेळी सांगण्यात आले.

निवडणूक निरीक्षकांनी सीव्हिजील कक्षालाही भेट देऊन नागरिकांच्या तक्ररी संदर्भात करण्यात येणाऱ्या कार्यवाहीची माहिती घेतली.

पुणे :आंतरराष्ट्रीय नृत्यदिनानिमित्त ‘मनीषा नृत्यालय’च्या वतीने  आयोजित  ‘अनुवेध ‘ या कथक नृत्य सादरीकरणाला सोमवारी सायंकाळी चांगला प्रतिसाद मिळाला ज्येष्ठ नृत्यगुरू मनीषा साठे यांच्या शिष्यांनी आपापल्या विद्यार्थीनींसमवेत विलोभनीय  नृत्य सादर केले तसेच  मनीषा साठे यांनीही नृत्यरचना सादर करून  आंतरराष्ट्रीय नृत्यदिनाचा आनंद द्विगुणित केला ! एकूण १३५ नृत्यांगनांनी या सादरीकरणात सहभाग घेतला. 

 हा कार्यक्रम दि.२९ एप्रिल रोजी यशवंतराव चव्हाण नाट्यगृह (कोथरूड) येथे सायंकाळी ६ वाजता झाला.ज्येष्ठ लेखक आणि कला समीक्षक आशीष मोहन खोकर हे प्रमुख पाहुणे म्हणून उपस्थित होते. शांभवी दांडेकर,शिल्पा दातार,मंजिरी कारुळकर,पद्मश्री जोशी,पूर्वा शाह,मानसी गदो ,तेजस्विनी साठे, माधुरी आपटे,गौरी स्वकुळ,ईशा काथवटे,अदिती कुलकर्णी,पायल गोखले,वल्लरी आपटे,मिथिला भिडे,मधुरा आफळे यांनी आणि त्यांच्या विद्यार्थिनींनी  कार्यक्रमात नृत्य सादर केले.ज्येष्ठ नृत्यगुरू मनीषा साठे यांनी एक श्लोकी रामायणावर आधारित एक नृत्यरचना  सादर केली . त्यांच्या शिष्यांनी झपताल,रास नृत्य,चतरंग,देवी अभंग,पदन्यास,बंदिश,संयुज,गज झंपा  ताल,चांद्रयान पोवाडा,अभिसारिका बंदिश,कथक जेंबे,श्याम छबी,तराणा  आदी सादरीकरणे प्रभावीपणे सादर केली आणि उपस्थितांची वाहवा मिळवली.संपूर्ण नाट्यगृह नृत्यरसिकांनी भरले होते. 

सूत्रसंचालन वल्लरी आपटे यांनी केले.  तर नृत्य कार्यक्रमाचे निवेदन अदिती कुलकर्णी यांनी केले.यावेळी मनिषा साठे यांच्या सर्व शिष्यांनी त्यांचा  सत्कारही केला .अजय पराडे, शमा भाटे, अतुल उपाध्ये, अजय धोंगडे, केदार पंडित, रवींद्र दुर्वे ,नितीन सातव आदी मान्यवर उपस्थित होते.  

*नृत्यातून प्रकटावेत नवोन्मेष ! :मनीषा साठे*

आंतरराष्ट्रीय नृत्य दिनानिमित्त आयोजित ‘अनुवेध’ या कार्यक्रमात मार्गदर्शन करताना ज्येष्ठ नृत्य गुरु पं.मनीषा साठे म्हणाल्या,’
शिष्यांनी नृत्य सादर करताना वा नृत्य रचना करताना, पूर्वी स्वतः वा दुसऱ्याने केलेल्या रचना वा विचारांची पुनरावृत्ती करू नये, तर प्रत्येक वेळी नवनवीन विचार , कथा, संकल्पना व नृत्य रचना नाविन्यपूर्ण सादर करावी अशी माझी अपेक्षा असते, आणि या कसोटीमध्ये या वर्षीही माझ्या शिष्या   यशस्वी झाल्या.नृत्यातून नवोन्मेष प्रकटावेत आणि त्यासाठी परिश्रम घ्यावेत.देशाला आणि पुण्याला नृत्याची उज्वल परंपरा आहे,ही परंपरा पुढे नेण्यासाठी योगदान द्यावे’.  

ज्येष्ठ कला समीक्षक आशीष खोकर म्हणाले,’आज ज्या नृत्यांगनांनी नृत्य सादर केले ते अतिशय उत्तम तयारीचे होते.कथक नृत्याचा दिल्ली हा गड नसून खऱ्या अर्थाने पुणे हाच नृत्याचा गड आणि धरोहर आहे.पुणे हे संपूर्ण भारत देशालाच नव्हे तर जगाला भरतनाट्यम आणि कथक नृत्याच्या दृष्टीने सतत प्रेरणा देणारे शहर आहे, आणि यात अर्थातच नृत्य गुरूंचा वाटा, त्यांचं ज्ञान आणि परिश्रम महत्वाचे आहे,