नवी दिल्ली, 1 ऑगस्ट 2022
जुलै 2022 मध्ये 1,48,995 कोटी रुपये एकूण वस्तू आणि सेवा कर (जीएसटी) महसूल संकलित झाला असून त्यात केंद्रीय वस्तु आणि सेवा कर म्हणजे सीजीएसटीचा हिस्सा 25,751 कोटी रुपये आहे, राज्यांचा वस्तू आणि सेवा कर एसजीएसटीचा हिस्सा 32,807 कोटी रुपये, आयजीएसटी म्हणजे एकात्मिक वस्तू आणि सेवा कराचा हिस्सा 79,518 कोटी रुपये (वस्तूंच्या आयातीवर संकलित 41,420 कोटीं रुपयांसह) आहे आणि उपकराच्या माध्यमातून 10,920 कोटी रुपये महसूल प्राप्त झाला आहे (वस्तूंच्या आयातीवर संकलित 995 कोटी रुपयांसह). जीएसटी लागू झाल्यानंतरचा हा दुसरा सर्वाधिक महसूल आहे.
सरकारने समझोत्याच्या स्वरूपात आयजीएसटीमधून सीजीएसटीला 32,365 कोटी रुपये आणि एसजीएसटीला 26,774 कोटी रुपये चुकते केले आहेत. नियमित समझोत्यानंतर , जुलै 2022 मध्ये केंद्र आणि राज्यांचा एकूण महसूल सीजीएसटीसाठी 58,116 कोटी रुपये आणि एसजीएसटीसाठी 59,581 कोटी रुपये इतका आहे.
जुलै 2022 मधील जीएसटी महसूल मागील वर्षीच्या याच महिन्यातील 1,16,393 कोटी रुपये जीएसटी महसुलाच्या तुलनेत 28% इतका अधिक आहे. जुलै महिन्यात, वस्तूंच्या आयातीतून मिळणारा महसूल 48% जास्त होता आणि देशांतर्गत व्यवहारातून (सेवांच्या आयातीसह) प्राप्त महसूल मागील वर्षीच्या याच महिन्याच्या तुलनेत या स्रोतांमधून मिळालेल्या महसुलापेक्षा 22% जास्त आहे.
गेले सलग पाच महिने, मासिक जीएसटी महसूल संकलन 1.4 लाख कोटी रुपयांपेक्षा अधिक असून महसूल संकलन दर महिन्याला भक्कम वाढ दर्शवत आहे. जुलै 2022 पर्यंत जीएसटी महसुलात गेल्या वर्षीच्या याच कालावधीच्या तुलनेत 35% इतकी वाढ झाली असून ही वाढ मोठ्या प्रमाणात उत्साहवर्धक आहे. अधिक चांगल्या प्रकारे अनुपालन सुनिश्चित करण्यासाठी जीएसटी परिषदेने मागील काळात केलेल्या विविध उपाययोजनांचा हा स्पष्ट परिणाम आहे.जीएसएसटी संकलनाच्या उत्तम नोंदीसह अर्थव्यवस्था रुळावर येण्याचा सकारात्मक परिणाम जीएसटी महसुलावर सातत्यपूर्ण आधारावर दिसून येत आहे. जून 2022 मध्ये 7.45 कोटी ई-वे देयकांची निर्मिती झाली, जी मे 2022 मधील 7.36 कोटी देयकांच्या तुलनेत काहीशी अधिक आहे.
जुलै महिन्यात इतर राज्यांच्या तुलनेत सर्वाधिक जीएसटी संकलन महाराष्ट्रात 22,129 कोटी रुपये इतके झाले असून गेल्या वर्षीच्या जुलै महिन्याच्या तुलनेत त्यात 17% वाढ नोंदवण्यात आली.
गोवा राज्याच्या जीएसटी संकलनामध्येही गेल्या वर्षीच्या जुलै महिन्याच्या तुलनेत 43% वाढ झाली असून या जुलै महिन्यात गोव्यात 433 कोटी रुपये इतका जीएसटी संकलित करण्यात आला.
खालील तक्ता चालू वर्षातील मासिक एकूण जीएसटी महसुलातील कल दर्शवतो. जुलै 2021 च्या तुलनेत जुलै 2022 मध्ये प्रत्येक राज्यात संकलित झालेल्या जीएसटी महसुलाची राज्यनिहाय आकडेवारी तक्त्यात देण्यात आली आहे.
State-wise growth of GST Revenues during July 2022[1]
| State | Jul-21 | Jul-22 | Growth |
| Jammu and Kashmir | 432 | 431 | 0% |
| Himachal Pradesh | 667 | 746 | 12% |
| Punjab | 1,533 | 1,733 | 13% |
| Chandigarh | 169 | 176 | 4% |
| Uttarakhand | 1,106 | 1,390 | 26% |
| Haryana | 5,330 | 6,791 | 27% |
| Delhi | 3,815 | 4,327 | 13% |
| Rajasthan | 3,129 | 3,671 | 17% |
| Uttar Pradesh | 6,011 | 7,074 | 18% |
| Bihar | 1,281 | 1,264 | -1% |
| Sikkim | 197 | 249 | 26% |
| Arunachal Pradesh | 55 | 65 | 18% |
| Nagaland | 28 | 42 | 48% |
| Manipur | 37 | 45 | 20% |
| Mizoram | 21 | 27 | 27% |
| Tripura | 65 | 63 | -3% |
| Meghalaya | 121 | 138 | 14% |
| Assam | 882 | 1,040 | 18% |
| West Bengal | 3,463 | 4,441 | 28% |
| Jharkhand | 2,056 | 2,514 | 22% |
| Odisha | 3,615 | 3,652 | 1% |
| Chattisgarh | 2,432 | 2,695 | 11% |
| Madhya Pradesh | 2,657 | 2,966 | 12% |
| Gujarat | 7,629 | 9,183 | 20% |
| Daman and Diu | 0 | 0 | -66% |
| Dadra and Nagar Haveli | 227 | 313 | 38% |
| Maharashtra | 18,899 | 22,129 | 17% |
| Karnataka | 6,737 | 9,795 | 45% |
| Goa | 303 | 433 | 43% |
| Lakshadweep | 1 | 2 | 69% |
| Kerala | 1,675 | 2,161 | 29% |
| Tamil Nadu | 6,302 | 8,449 | 34% |
| Puducherry | 129 | 198 | 54% |
| Andaman and Nicobar Islands | 19 | 23 | 26% |
| Telangana | 3,610 | 4,547 | 26% |
| Andhra Pradesh | 2,730 | 3,409 | 25% |
| Ladakh | 13 | 20 | 54% |
| Other Territory | 141 | 216 | 54% |
| Center Jurisdiction | 161 | 162 | 0% |
| Grand Total | 87,678 | 1,06,580 | 22% |
