सोलापूर, दि. ७ डिसेंबर – सत्ताधारी पक्षाकडून दुसरी अपेक्षाच करता येत नाही. इतर राज्यांमध्ये इम्पेरीकल डेटा केंद्र सरकारने दिला का? इम्पेरीकल डेटासंबंधी देवेंद्र फडणवीस साहेब मुख्यमंत्री असताना मागितला होता त्याचे काय उत्तर आलेय ते नाना पटोले यांनी वाचावे. सरकार ही संस्था आहे. त्यांनी त्या वेळेला उत्तर दिले आहे. मग आता उत्तर कसे बदलेल? आणि देवेंद्र फडणवीस साहेब मुख्यमंत्री असताना डेटा मिळण्यात अडचणी होत्या. आता डेटाचा बाऊ करून ओबीसी आरक्षण देण्याच्या विषयापासून दूर पळण्याचा सरकारचा हा प्रयत्न आहे, असा घणाघात विधान परिषदेचे विरोधी पक्षनेते प्रविण दरेकर यांनी महाविकास आघाडी सरकारवर केला.
प्रसारमा ध्यमाशी बोलताना दरेकर म्हणाले की, ओबीसी आरक्षणाच्या बाबतीत सरकारसोबत सर्व विरोधी पक्ष आहेत. त्यामुळे ओबीसी समाजाला आरक्षण देण्याच्या सर्व भूमिकांशी सरकार सहमत आहे. शेवटी निवडणुका हा विषय निवडणूक आयोगाच्या अखत्यारीत येतो. म्हणून निवडणुका पुढे ढकलायच्या आणि त्या किती पुढे ढकलायच्या याचा सर्वस्वी निर्णय आयोग घेईल, असे मतही दरेकर यांनी व्यक्त केले.