- भाजप पदाधिकाऱ्यांच्या प्रभागात महापालिकेचेच सर्वाधिक अन्नधान्य किट पाठविल्याचा आरोप
पुणे- शहरात कोरोनाचे संकट असताना ,कोरोना हॉटस्पॉट असलेल्या भागांत महापालिकेतर्फे अन्नधान्याचे किट वाटप करण्यात येत आहे. ज्या भागांत कोरोनाचे जास्त रुग्ण आहेत.जिथे लोकांना घराबाहेर पडण्यास मनाई आहे, आणि जे अत्यंत गरीब आहेत अशा झोपडपट्टीत च हे किट वाटप करणे ठरले असताना काही पदाधिकारी यांच्याच प्रभागात मोठ्या प्रमाणात किट वाटप झाल्याचा आरोप होऊ लागला आहे. दरम्यान ज्येष्ठ नगरसेवक आबा बागुल यांनी तर आपल्या शिवदर्शन भागात ११०० कीट वाटपाचे ठरले आणि आलेल्या २०० कीट वाटप न करता ते वाटप झाल्याची नोंद महापालिका अधिकाऱ्यांनी केल्याचा आरोप केला आहे. अजून ९०० कीट येणे बाकी असल्याचे अधिकारी सांगतात असे म्हटले आहे. तर दुसरीकडे नितीन कदम बाळासाहेब भामरे,तुषार भामरे यांनी ,’ महापालिकेने वाटलेल्या कीट मधून काही वस्तू गायब करून कीट वाटल्याचा आरोप केला आहे.
या संदर्भात राष्ट्रवादी काँग्रेस पर्वती विधानसभा मतदारसंघाचे अध्यक्ष नितीन कदम यांनी म्हटले आहे कि, काल पर्वती दर्शन भागात अन्नधान्य वाटप करताना सदर अन्नधान्य किट वाटपामध्ये मोठा भ्रष्टाचार दिसून आला आहे.प्रत्येक किट मध्ये पुणे महानगरपालिका ने दिलेल्या यादीपैकी प्रत्येक किट मध्ये प्रत्येकी १ लिटर तेल पिशवी नसल्याचे आढळून आले आहे.महानगरपालिकेने यादी जाहीर केली असताना सूद्धा किमान १ लिटर प्रत्येक व्यक्तीगणिक म्हणजे केवळ पर्वती दर्शन भागातच जवळपास ८०० ते ९०० लिटर तेलाची अफरातफर केली गेली आहेआज अडचणींच्या काळात नागरिकांच्या हक्काच्या जिवनावश्यक गोष्टींमध्ये केला गेलेला प्रकार निंदनीय आहे.आम्ही राष्ट्रवादी काँग्रेस पार्टी प्रभाग क्रं:२९ च्या वतिने सदर घटनेचा निषेध करतो.तसेच ह्या गोष्टीची महिनगरपालिकेने दखल त्वरीत घ्यावी,अशी विनंती करतो.तसेच नागरिकांना जर अन्नधान्य किट मिळत असेल तर दिलेल्या यादीप्रमाणे अगोदर तपासून घ्यावी.तसेच काही त्रुटी आढळल्यास निःसंकोचपणे आमच्याशी संपर्क साधावा .
दरम्यान महापालिकेचे आशिष महाडदळकर(सहायक आयुक्त) यांनी असे म्हटले आहे कि,ड्यूटीवरील कर्मचारी बदलल्याने त्यांच्याकडून चुकून एक लिटरच तेल कीटमध्ये टाकले गेले. हा प्रकार एकाच लॉटबाबत घडला. ही चूक लक्षात आल्यावर दोन लिटर तेल कीटमध्ये जाईल याची दक्षता घेतली गेली आहे. तसेच ज्यांना एक लिटर तेल दिले गेले आहे त्यांना आणखी एक लिटर तेल पोहचविण्यात आले आहे. यामध्ये कोणताही भ्रष्टाचार नसून वाटप सुरळीत सुरु झाले आहे.