पुणे- महापालिकेतील सभागृहनेते पदी आज स्वीकृत नगरसेवक गणेश बिडकर यांची नेमणूक सत्ताधारी भाजप च्या वतीने करण्यात आली . आज भाजपचे शहराध्यक्ष जगदीश मुळीक , राजेश पांडे ,आ. मुक्ता टिळक,आ. माधुरी मिसाळ, सिद्धार्थ शिरोळे ,महापौर मुरलीधर मोहोळ ,स्थायी समितीचे अध्यक्ष हेमंत रासने , मावळते सभागृह नेते धीरज घाटे यांच्या प्रमुख उपस्थितीत महापालिकेतील सभागृहनेत्यांच्या कार्यालयात भाजपने नगरसेवकांची बैठक घेतली . यावेळी मुळीक यांनी बिडकर यांची नेमणूक केल्याचे जाहीर केले तसेच घाटे यांच्या कारकिर्दीतील कामाचा गौरव म्हणून त्यांना शहर भाजपा कार्यकारिणीवर प्रभारी म्हणून नियुक्ती केल्याचे यावेळी सांगितले .
प्रामुख्याने या निवडीने आपण महापालिका निवडणुकांची तयारी करत असल्याचे मुळीक यांनी सांगितले .
यावेळी सभागृह नेते पदाची सूत्रे हाथी घेताच बिडकर यांनी आपल्यापुढे असलेले कॉंग्रेस,राष्ट्रवादी आणि शिवसेना या तिन्ही पक्षांना चारीमुंड्या चीतपट करू असे जाहीर आव्हान दिले .