“अखेर मोरगाव व परिसर भागात पुरंदर उपसा सिंचन योजनेच्या पाईपलाईन कामाला सुरूवात “

.पुणे-येथील श्री क्षेत्र मोरगांव बारामतीच्या जिरायत भाग शेतकऱ्यांसाठी उपमुख्यमंत्री अजित पवार यांचे माध्यमातुन वआदर पूनावाला सिरम इन्स्टिट्यूट यांचे सहकार्यातुन पुरंधर उपसा सिंचन योजनेमध्ये जोगवडी ते खटकळ ओढा, ढोलेमळा, मोरगाव येथील शेतीला पाणी पुरवठा होणेकामी पाइपलाइन करणेसाठी 1.32 कोटी रुपयांचा निधी C.S.R फंडातून उपलब्ध करून दिला आहे. या पाईपलाईन च्या कामासाठी मोरगाव येथील तरुण शेतकरी ,कार्यकर्ते अनिल ढोले, चांगदेव ढोले, अविनाश ढोले, हनुमंत ढोले, अंकुश ढोले ,विठ्ठल ढोले, त्रिंबक खोपडे, सखाराम तावरे, नारायण तावरे, विलास तावरे महादेव ढोले ,अभिजीत ढोले तसेच मोरगाव चे विद्यमान सरपंच निलेश केदारी , माजी सरपंच पोपट तावरे व ग्रामपंचायत सदस्य यांनी विशेष कष्ट घेतले आहेत. सदर योजनेमुळे मोरगांव परिसरातील ढोलेमळा, पाटील बुवाचा मळा, चोपणवस्ती, तावरेवस्ती, हनुमाननगर सोनारशेत येथील शेतक-यांना फायदा होणार आहे

या योजनेमुळे अंदाजे 450 ते 500 हेक्टर क्षेत्र ओलिताखाली येणार आहे. तसेच अंदाजे 150 से 200 शेतकरी कुटुंबाचे जीवनमान उंचवणार आहे. या योजनेसाठी शेतकरी, ग्रामपंचायत, सिंचन विभाग, जिल्हाधिकारी कार्यालय तसेच व इतर ठिकाणी पत्रव्यवहार व पाठपुरावा इतर बाबींसाठी मोरगांवचे भूमिपुत्र असलेले पुणे महापालिकेतील उपायुक्त संदीप शंकरराव कदम यांनी समन्वय साधून योजना पूर्ण करणेसाठी विशेष योगदान व सहकार्य केले असे मोरगांवचे सरपंच निलेश केदारी व ग्रामस्थांनी सांगितले. या पाईपलाईनचे काम येत्या एक दोन दिवसांत चालू होणार असुन दिड ते दोन महिन्यात पूर्ण करण्याचे नियोजन आहे..
या योजनेमुळे मोरगाव व परिसरातील वाडीवस्ती- वरील शेतकरी यांनी समाधान व्यक्त केले आहे तसेच त्यांनी उपमुख्यमंत्री अजित पवार यांचे नुकतेच मुंबई येथे जाऊन पुष्पगुच्छ देऊन आभार व्यक्त केले आहे. तसेच सिंचन विभागातील मुख्य अभियंता गुणाले व इतर अधिकारी त्यांचेही आभार मानले आहेत.