पुणे-फेमिना या महिलांसाठीच्या आघाडीच्या ब्रँडने देशातील सर्वोत्तम आणि चमकदार व्यक्तिमत्वांनी साध्य केलेले यश आणि दिलेले योगदान साजरे करण्यासाठी “फेमिना पुणेज मोस्ट पॉवरफुल २०१८-२०१९’ या सोहळ्याचे आयोजन केले होते. युएसके फाउंडेशनचे पाठबळ असलेला हा प्रतिष्ठेचा कार्यक्रम आयक्यू हयात रिजन्सी हॉटेल, पुणे येथे नुकताच पार पडला. यावेळी प्रमुख पाहुण्या श्रीमती अमृता फडणवीस यांनी एका अतिशय खास प्रकारे तयार करण्यात आलेल्या कॉफी टेबल पुस्तकाचे अनावरण केले. शहरातील ७२ नामांकित नावांचा या पुस्तकात समावेश आहे. या अनावरण सोहळ्यानंतर फेमिनातर्फे मनोरंजन, व्यवसाय, फॅशन आणि अन्य क्षेत्रांतील प्रेरणादायी व प्रभावशाली व्यक्तिमत्वांचा गौरव करण्यात आला. एकमेकांच्या क्षेत्रात प्रत्येकाने साध्य केलेले यश साजरे करण्यासाठी शहरातील एक से एक निवडक आणि नामांकित व्यक्ती एकाच छताखाली एकत्र आल्यामुळे, कार्यक्रमाची रात्र अतिशय संस्मरणीय बनली.