पुणे-अमेरिकेत एखादा उद्योजक आर्थिक संकटात सापडल्यावर तेथे क्राऊड फंडिंगच्या माध्यमातून त्या उद्योजकाला आर्थिक संकटातून बाहेर काढले जाते. आता माझ्यासाठी देखील डीएसके क्राऊड फंडिंग अंतर्गत पैसे गोळा केले जाणार आहेत. नागरिकांनी अधिकधिक मदत करण्याचे आवाहन बांधकाम व्यवसायीक डीएसके उर्फ दशरथ सखाराम कुलकर्णी यांनी आज पुण्यात आयोजित केलेल्या पत्रकार केले. मी कोणाचेही पैसे बुडवणार नाही, तर न्यायालयाच्या आदेशानुसार गुंतवणुकदारांच्या पैशाचे वाटप करणार असल्याचे त्यांनी सांगितले. यावेळी उद्योजक मंदार जोगळेकर हे देखील उपस्थित होते.
डीएसके म्हणाले, मी मागील वर्षभरापासून आर्थिक अडचणीमध्ये सापडलो असून हे प्रकरण न्यायप्रविष्ट आहे. त्यामुळे त्यावर मी अधिक काही बोलणार नाही. मंदार जोगळेकर यांनी नव्याने आणलेल्या प्लॅनमधून माझ्यासह भविष्यात बांधकाम क्षेत्रातील कोणत्याही व्यक्तीला आर्थिक अडचणींमधून बाहेर पडण्यास मदत होणार आहे. अमेरिकेत क्राऊड फंडिंग हा उपक्रम राबविला जातो. त्यातून अनेक अडचणीत सापडलेल्या बांधकाम व्यवासायीकांना याचा फायदा झाला आहे. त्यामुळे आता पुण्यातून अशाच उपक्रमाचे सुरुवात होणार असून या क्राऊड फंडिंगमध्ये १ हजार रुपयांपासून लाखो रुपये लोक देऊ शकतात. ती माझ्यासाठी मदत असणार आहे. मात्र, ते पैसे पुन्हा मिळणार नसल्याचे त्यांनी स्पष्ट केले आहे.
ते पुढे म्हणाले, मागील चार दिवसांपासून नागरिकांच्या अशा प्रकारच्या मदतीद्वारे आतापर्यंत ९ लाख रुपये जमा झाले असून मला नागरिक निश्चित मदत करतील. मला भीक नको, तर मदत करा असे भावनिक आवाहनही त्यांनी यावेळी केले. ते पुढे म्हणाले, मी वयाने थकलो असेल मात्र या संकटाने थोडासा देखील ढासाळलेलो नाही, यातून पुन्हा नक्कीच उभा राहील, असा विश्वास त्यांनी व्यक्त केला.
यावेळी उद्योजक मंदार जोगळेकर म्हणाले, अमेरिकेत आर्थिक अडचणीत सापडलेल्या उदयोजकासाठी क्राऊड फंडिंग असा उपक्रम राबविला जातो. यातून अनेक उद्योजक बाहेर पडल्याचे पाहावयास मिळत असून आता डीएसकेंसाठी देखील याच क्राऊड फंडिंग सेतूचा वापर केला जाईल. याला नागरिक अधिकधिक प्रतिसाद देतील असा विश्वास त्यांनी व्यक्त केला.
या उपक्रमांतर्गत प्रतिक कोळपे या विद्यार्थ्याने त्याच्या पॉकेट मनीमधून आपल्याला तब्ब्ल १८ हजार रुपये मदत करीत असल्याचे जाहीर केले. तसेच माझ्या वयाचे अनेक तरुण मदत करण्यास तयार असल्याचे त्यांने सांगितले.
डीएसके मदत करण्यासाठी अकाउंट नंबर
दीपक सखाराम कुलकर्णी (Deepak Sakharam Kulkarni)
बँकेचे नाव- ऍक्सिस बँक, पुणे मुख्य शाखा
खाते क्रमांक- 9160100809355369
ifsc – UTIBOOOO37
Head office at pune
1187/60, J . M. Road
Shivaji Nagar,Pune -5
Mumbai Office-
D.s. kulkarni Developers LTD.
DSK house,1 and 2 nd Floor
Veer Savarkar Marg,(Cadel Road)
Next to Mayors Bunglow,Shivaji Park
Mumbai-28
परदेशातून ट्रान्स्फर करणाऱ्यांसाठी
भारताबाहेरून बँक खात्यात लोकवर्गणी जमा करण्यासाठी
Bank Name- 1st CONSTITUTION Bank
Address- P.O. Box 634, Route 130,CRANBURY,NJ 08512
Account Name- DSK DEVELOPERS CORPORATION
Account Number- 9760131329
Routing number FW 021207154
Swift Code-WFBIUS6S
