पुणे- सर्वानी मिळून बालमजुरी या अनिष्ट प्रथेचे समुळ उच्चटन करुया, असे सांगत बालकामगारांना कामावर ठेवू नये असे आवाहन पुणे विभागाचे अपर कामगार आयुक्त श्री. शैलेद्र पोळ व पुणे जिल्हयाचे कामगार उप आयुक्त श्री. विकास पनवेलकर यांनी केले आहे.
त्यांनी म्हटले आहे कि,’12 जून हा दिवस “जागतिक बालमजूरी विरोधी दिन” म्हणून साजरा करण्याचे निर्देश शासनाने दिले आहेत. त्यास अनुसरुन 12 जून पासून बालमजूरी विरोधी सप्ताह राबविण्यात येत आहे. या सप्ताहामध्ये जिल्हाकृती दलामार्फ़त विविध ठिकाणी धाडस्त्राचे आयोजन करणे, बालकामगार प्रथा विरोधी फ़लक प्रदर्शित करणे, विविध व्यावसायिक, मालक वर्गाकडून बालकामगार कामावर ठेवणार नाही अशा स्वरुपाची हमीपत्रेभरुन घेणे, बालमजूरी विरोधी शपथ घेणे स्थानिक वर्तमान पत्रामध्ये प्रसिध्दी देणे इत्यादी स्वरुपाचे जनजागृती कार्यक्रमांचे आयोजन करण्यात येते.असे त्यांनी म्हटले आहे .